Thitin Thla ni 31, 2013... Issue No. 35

PAGE - 1

TUALCHHUNG :

Dam lo : Tv. J.Vanlalbiakdika, Local Council Secretary leh Hlimkhawpui a kan Jt.Editor chu awmvel natna avangin Hlimkhawpui buatsaihna ah pawh min rawn ho peih lova, khawsikin a tlakbuak reng a, tunah hian In lamah enkawl mek a ni.

@@    Lalchhanchhuaha (Tete-a) S/o Lalawmpuia, Damvea Sec. a mi chu kaih avangin Shillong lamah in check-up in an thang mek a. Shillong ah hian Damdawi Inah hun engemaw chen enkawl a ni a. He thu buatsaih lai thleng hian Shillong ah hian an la châm rih a ni.
    Dam leh hrisel taka hringnun an hman chhoh zel theih nan duhsakna kan hlan e.

Nâu nei thar: Pu Vanlalchhuanga te nupa, Buala Sec. a mite chuan an fa pahnihna atan August ni 28, 2013 (Nilaini) khan Hlimen UHC ah naute mipa duhawm tak an nei thar.

@@    Pu P.B.Lalthanmawia te nupa, Kapdaia Sec. a mite chuan August  ni 19, 2013 khan an fa pahnihna atan fapa duhawm tak an nei thar.

In rawk: Pu Lalmuanawma S/o R.Deng\huama(L) Lalsavunga Sec. a mite In chu August ni 24, 2013 (Inrinni) chhun khan mi tu tih hriat lohin an kawngkapui tala kar thlain a rawk a, pawisa ` 13,000 bawr vel an la.
    Tin, August ni 27, 2013 (Thawhlehni) chawhnu lam khan Pu H.Ralkapthanga Vawmphunga Sec. a mite In chu mi tu tih hriat lohin a rawk bawk a, pawisa ` 78,000 vel an la bawk ni a hriat a ni.
    Hetianga chhunlawn a kan venga ruk rukna a thleng hi a pawiin a zahthlak hle a. A titute hi thuneitu ten manchhuak thuai se a duhawm hle. He thil thleng avang hian Police lam pawhin rinhlelh mi engemaw zat an la tawh a, a titu tak erawh hriat a la ni lo nia hriat a ni.

FRONT :

Aizawl South-III Constituency
Electoral Roll bihchianna

    Kumin kum tawp lama MLA inthlanpui kan hmachhawn turah Aizawl South - III bial a\angin Vote nei thei hmeichhia 8825 leh mipa 8807, kan vaiin mi 17632 zet kan awm a ni.  Kan Bial chhung khua/veng hrang hranga vote nei zat; vote nei tam dan indawt in hetiang hi a ni e :-

Veng Hming        Mipa    Hmeichhia    Total
1. Hlimen -I&II               -     954    1004    1958
2. Sialsuk - I&II             -     743       743    1486
3. Saikhamakawn        -    504       527    1033
4. Aibawk                      -    479       466      945
5. Samlukhai                 -    453       443      896
6. Muallungthu               -    413       401      814
7. Falkawn                     -    377       404      781
8. Melthum                     -    388       374      762
9. Melriat                        -    358       394      752
10. Phulpui                     -    375       370      745
11. Tachhip                     -    376       367      743
12. Sateek                     -    338       332       670
13. Samtlang                 -    305       295       600
14. Sailam                      -    280      292        572
15. Lungleng                   -    293      258       551
16. |hiak                           -    263      279       542
17. Sumsuih                    -    276      261       537
18. Hualngohmun            -    247      264       511
19. Kelsih                         -    235      258      493
20. Lamchhip                   -    256      236      492
21. N.Lungleng                 -    253      233      486
22. Maubuang                  -    224      222      446
23. Chawilung                  -    154      123      277
24. Hmuifang                    -      91        99      190
25. Chamring                    -     93        94      187
26. Lungsei                         -    79        84     163

    Tin, Mizoram District 8 a MLA Bial (Constituency) awmzat chu hetiang hi a ni :-
1.    Aizawl    District    -    14
2.    Lunglei    District    -    7
3.    Champhai    District    -    5
4.    Serchhip    District    -    3
5.    Kolasib    District    -    3
6.    Mamit    District    -    3
7.    Lawngtlai    District    -    3
8.    Saiha    District    -    2

PAGE - 2

EDITORIAL :

FAI HI CHANGKANNA A NI
    Faina chungchang hi sawrkar leh khawtlang hian a ngaipawimawhin sawi pawh a hlawh tam malh malh hle tawh a. Khawtlang hruaitute leh kohhran leh YMA te pawhin faina chung changah theihtawp in hma an la reng a, tunah chuan kan khawtlang pawhin fai/thianghlimna kawngah hma pawh a sawn chho zel a ni, a lawmawm hle.
    Tin, faina hian changkanna thui tak a kengtel a ni tih hi tuman kan hnial awm love. Veng/khaw changkang kan tih hote, tin, chhungkua leh mimal a changkang kan tih reng reng hote hi han chhut vang vang mah teh; mahni chenna In leh a velte, tin, an mahni ngei pawh mi invawngfai peih tak an ni zel. Chutiang bawkin veng/khaw changkang kan tihte pawh hi veng fai/ khaw fai tak an ni zel ang.
    Changkanna hi sum ngah (hausak) leh In \ha neihah a innghat ber lo, hausa In ropui tak nena khawsa pawh nise faina ngaihthah mi a nih chuan miten an en dan tur leh hmuh dan tur chu ‘ hemite chu an hausa a,  an In pawh a ropui, mahse an chenna In leh avel an enkawl dan leh an balthli leh hnawmhnawk an thehthang duh dan hi enin an \awp, an \hing, changkang lo’ tih an hlawh tho \hin. Fai chu changkanna a ni tih hi a va pawm tlak em.
    Mi changkang nihte, chhungkaw changkang nih te, veng/khaw changkang nih theihna awlsam leh \ha, hrisel bawk si chu FAI HI A NI. I balthli luantir dan leh bawlhhlawh i paih duh dan hian changkang i nih leh nih loh chu \awng lovin ring takin mite a hrilh zel tih hi hriat a \ha. FAI HI CHANGKANNA A NI SI

ZIAKTUTE HUANG :

NAUPANG KHAWMPUI KAWR HI
- 9436351800
   
    He thu hi kohhran chanchinbu lama chhuah awm tak a nih laiin chhungkaw tam tak tana phur rit chhawktu a lo nih beiseiin ka han thlasik mâu puah ve pawp mai a ni.
    Kan hma lawkah Presbyterian Kohhran Hlimen Pastor Bial te chuan naupang Sunday Sikul khawmpui an hmang dawn a. Sunday Sikul naupang khawmpui hi Pathian thu-ahte, fakna hla-ah leh thurin hriatzauna ahte a \angkaiin a hlu em em a. Intihsiakna \ha leh thianghlim a ni a, bansan phal mai chi pawh a ni lo.
    Hetih rual erawh chuan kan inbuatsaihna lamah mite tana lungngaihna leh phurrit siam theihna a ni tlat thung. Naupang nu leh pa (chhung ten) kan hriat atana pawimawh tak a awm a, chu chu naupang khawmpui kawr hi a ni. Chhungkaw neinung ten an fate khawmpui kawr an han leitharsak a, chu chuan naupangte a tiphurin a tihlim hle, khawmpui pawh an chak phah hle ang tih chu a hriat reng mai. Chutih mek laiin, chhungkaw harsa zawkte; an fate kawrthar awt ve ngawih ngawih, leisak ve thei silote tan chuan naupang khawmpui hun lo thleng hi chu lungngaihna hun a ni ringawt mai. Naupang tan lah \hian ten kawr thar an ha sup sup a, kawr thar neih ve loh chu hrehawm an lo ti ve hle \hin bawk nen, neinung chhungkua te hian kan fate kawr thar kan leisak duh a nih pawhin naupang khawmpui dawn hnaiah ni lovin khawmpui hnu-ah emaw ahma fe thla la awmahte leisak mai \hin nise. Naupang Sunday Sikul khawmpui hi chhungkaw harsa ber tan leh an fate tana hlimna hun a nih ve theih nan neinung chhungkua te hian  ngaihtuah thiam se a va Kristian nun em!!
    Hun lokal lehzel tur atan pawh Sunday Sikul zirtirtute emaw kohhran Committee emaw te hian fing taka ro relsak a va hun ta em!! Neinung deuh chhungkuate hi miharsa zawk tana phurrit siamtu an nih loh nan kalphung thar ngaihtuah chhuah a va pawimawh em.
    Kan ram kohhran ten Pathian kan biak dan leh chawimawi dante hi in enfiah pawh a hun ta hle niin a lang. Puitling pawh, naupang pawh khawmpui kan neih nikhuate leh kan hunpui neih angahte hian khawvel mi ang takin fasion show ang maiin kan Pathian biak ai mah hian kan incheina leh a behbawm te hi kan ngaipawimawh zawk ta em ni aw.. a tih theih rum rum ta mai. Thawmhnaw neih \hat loh vanga Sunday Sikul leh inkhawm dangah pawh zah avanga inkhawm \hulh phah ta te; puitling leh naupang zingah pawh an tam ta hlein a lang.
    Hetiang renga thuamhnaw leh incheinate kan uar chho reng dawn a nih chuan tun a\anga hun reilote ah chuan chhungkaw harsate leh an tu leh fate chu Pathian a mitui tak takte pawh ni sela, an thuamhnaw neih loh avangin an tawmim tual tual dawn niin a lang.

PAGE - 3

HRIATTIRNA :

Local Council hriattirna
    AMC thuchhuak angin ( Board of Councillors \hukhawm 2012)  AMC huamchhungah ranvulh khap tlat a ni a, Hlimen pawh AMC (City Area) huamchhung Ward XIX (19-na) kan nih angin khap a ni a. Chutih rualin  vengchhung area a Ar leh vawk la vulh laklawh te chu kumin chhung hun pek kan ni a, Vawk leh ar vulh tu chhungtin te chu lo in siam rem hret hret zel turin kan in ngen a. Hetiang a ran vulh khap a nihna chhan hi mipui vantlang hriselna leh thianghlimna kawnga hma kan lo sawn deuh deuh theih nan a ni.
    Tin, tuna vawk leh ar vulh laklawh te pawhin  fai leh thianghlim, \henawm khawveng tana rim chhe lo leh hnawksak lo thei ang ber a vulh \heuh turin kan in ngen tak zet a ni.
    |henawm khawveng leh mipui vantlang tana hriselna khawihchhe thei leh  ranvulhna hmun hma enkawl uluk loh lutuk vanga rimchhia te a awm a complain a awm chuan a \ul angin Local Council in hma a la ang. Complaint tu hming hi thup tlat a ni ang.

               Sd/- Lalhmingliana
                Chairman. Local Council

PPP mode committee thuchhuak
    August ni 26, 2013 (Thawh\anni) zinga PPP Mode Committee chuan bawlhhlawh paih dan fel zawk kan neih theih nan hetiang hian hriattirna a siam.
1. Sanitation Point ah chauh Motor a ding tawh dawn a, mipui lam pawhin Point ah chauh bawlhhlawh paih tur a ni.
2. Bawlhhlawh paihtu ten fimkhur takin, hmanhmawh lutuk lovin a thawkte zai ngaia paih \hin tur a ni.
3. Ek paih tel tawh loh tur a ni.
4. Nilaini bikah \helretkawn thlengin bawlhhlawh khawnkhawm a ni leh tawh dawn a. Helai bawra awm ten lo ngaihchan tur a ni.
5. Bawlhhlawh paihni - Nilaini leh Inrinni zing dar 6:00 a\angin bawlhhlawh khawnkhawm \hin a ni ang.
   
    Sd/- Secretary
    PPP Mode Committee

Thlemna hi suala tlukna chhan a tling lem lo. Kulh tha leh nghet apiang hi beih a ngai nasa zel a nia!
                -D.L.Moody

LAWRKHAWM :

Badminton ah che |ha
    Champhai Open Mizoram Badminton Ranking Tournament khelh zawh takah Hlimen a\angin player engemaw zat an tel ve a. Heng player te a\ang hian Pu Lalmuanawma, Saichhuma Sec. a mi chu Mens Single ah pahnihna niin Doubles ah a kawppui nen an Champion. Tin, Pu R.Lalbiakmawia, Damvea Sec. a mi chu mens 35+yrs ah a Champion bawk a ni. Tv. Zarzokima, Buala Sec. a mi chu Mens Single Semi-Final ah a vanduai hlauh a, Tv. Malsawmsanga, Saichhuma Sec. a mi pawh U-19 semi-final-ah a vanduai bawk. Tin, Nl. Lalhlunchhungi (Teteii) vawmphunga Sec. a mi pawh Women Doubles ah semi-final ah bawk a vanduai hlauh bawk a ni.
    Mizoram pum huapa tlayer \ha heti zat kan nei thei hi kan veng hi kan vannnei hle a ni.

Street Light siam dawn
    Tunlai Street Light chhia a tam avangin zan lama harsatna kan tawhte Local Council chuan a hrereng a, Street Light chhia kan neihte leh a thar a awm loh avangin Deptt. ah a chhiate khawmin repair a ni a. Hnathawktute indaih loh avangin hmalak chak a har hle a, mipuite hriatthiamna kan ngen a. Thawh\anni leh thawhlehni hian hotute lama phalna kan neihsa tawh angin siam tum a ni.
    Sd/- Chairman
    Local Council, Hlimen

Release thuai dawn
    Hlimen Quarry chim 1986 leh 1992 kuma chhiatna rapthlak tak lo thleng leh a hunlai a thil thleng chanchinte lawrkhawmin Pu Rinngaia Colney chuan a buin a buatsaih a, tunah release mai theih a ni tawh a.  Mipui ten tlawmte a lei theih tura buatsaih niin a release hun tur hi la in hriattir leh a ni ang.

Volleyball Tournament
      Bialtu MLA Pu K.S.Thanga chuan a bial chhung a mite tan Volleyball Tournament buatsaihin August ni 28, 2013(Nilaini) a\ang khan Mualzawlah khelh \an a ni a. September ni 2, 2013 (Thawh\anni) ah Final a ni anga, kharna hun hman tur a ni bawk ang.

HRINGNUN :

Tu tan mah hian thinrim hi thil harsa a ni lo. Nimahsela thinrim chhan tura chungah ngei thinrim a, a chhan tling dik tak avanga a hun taka thinrim a, dikna avanga thinrim dan tur dik taka thinrim erawh chu harsa tak a ni.
                -Aristotle

PAGE - 4

KEIMAHNI :
Hlimkhawpui Budget
    Hlimkhawpui 2013 August  thla Budget  pe tla tawh te:
1.    Vawmphunga Sec.    2. Kapdaia Sec.
3.    Buala Sec..        4. Damvea Sec.
    Tin. Kapdaia Sec. ten September thla an tlak fel ta bawk.  

Kapdaia Section
    August ni 26, 2013 zana Section sum tuakna tur min ngaihtuahsaktu Pu Lalrinmawia, Asst. Secretary Branch YMA chungah leh hnatlang a thawkchhuak member zawng zawngte chungah Section hruaitu ten lawmthu kan sawi tak meuh meuh a ni.
    Tin, Section in sum tuak nana T-Shirt a siam; tlawmngaia min tlansaktu zawng zawngte chung lawmthu kan sawi rualin aman lam ngaipawimawh turin kan inngen bawk.
    Tin, August ni 31, 2013 zingkar hian Fielh leh a vela thingphun chu Section YMA Committee ten samfai hnatlang neih a ni a, member hnatlangte chungah hruaitu ten lawmthu kan sawi e.
    Sd/- Secretary
    Kapdaia Sec. YMA

Gen.Conference
    YMA Gen. Conference vawi 68-na October ni 15 - 17, 2013 a Khawbunga neih turah kan Branch a\angin Member atam thei ang ber kal thei turin tun a\angin lo inbuatsaih lawk ila, kal lam leh haw lam Bus fare atan ` 100 thawh tur a ni anga. Kal tumte chuan September thla ralhmain Branch O.B. te hnenah in report tur a ni e.

CHHIARTUTE NGAIHDAN :

@@    Hlimen ah hian Pawl/Association ding a tam ve hle a, heng pawl neuh neuh te hian tum fel tak leh din chhan \ha tak an nei vek a. Chumi kawng hruai thei tura member ten an rin zawngte chu hruaitu atan an thlang \hin. Pawl/Association hi a dinchhan angte, a thil tum angte hi han belhchhian chuan khawtlang hi a \ha zawnga tidanglam thei khawp vek a ni si a. Mahse, kan khawtlang nun leh khawsa zia te han thlir hian City Area ah chuan veng \hang chaklo leh hmasawn chak lo pawl, a mawngphah kan ni reng maiin a langa. Hei hi hruaitu neih fuh loh vang nge ni ang member ten thuawihna an tlakchham vang. Kei ka lo ngaihdan chuan ‘hruaitu’ ni lovin ‘hotu’ lal ang deuha in ngai kan ngah deuhah ka lo ngai. Engnge in ngaih ve dan le..
    - Hruaitu \ha duh-a.@@    Damveng lama Ui sên buang, mei bul hi a va ninawm ve. Bawlhhlawhbawm hai a ching bawk si, a neitu ten khuahkhirh \ha se a va \ha dawn em!!
-Bartowski@@    Kan Quarry kawng hi a va chhe leh tawh ve. Kan kawng veitu te kha han che leh teh u. Kal veivah a hrehawm si a. Khawtlang hruaitute leh kan Politician te chet a hun ta, lirthei a kal leh ke a kal tan a hrehawm em mai..
- Kawng\ha duh-a

@@    Damdawi \ha - pumpui Ulcer &Cancer tan M.B. No.3 leh limbu tui sawr chawp thirfian khat chawhpawlh a in a tha khawp mai, han ti ve chhin teh.
-Marinmawia, SC

CHAWHCHAWRAWI :

Ka vei zawng
- VLTA
    Mi thil \ha tih hi kan inhmuhsak thei lo.
    Municipal Area chhunga cheng kan nih angin sorkar dan dinglai khawtlang hruaitu ten kaihhruaina an chhuah tawhte a zawmtu tur mipui ten kan ngaipawimawh lo \hin hi khua leh tui \ha nih a har ngawt ang.
    Ui khuahkhirh chung chang, parking chung chang, PPP Mode chung chang te sorkar leh vengchhung kan hruaitu ten tih tur an tih leh tih loh tur an sawi ang hian han awm ila chuan khawtlang nuam, Hlimen thar kan din chu a ni der mai e.

Hnatlang nei
    August ni 30, 2013 (Zirtawpni) zan khan Presbyterian Hlimen Kohhran \halai pawl te chuan Biak In thar August ni 31, 2013 (Inrinni) a luah chhoh an tum avangin Carpet phah, Sound system leh \uldangte chingfelin hnatlang an nei a. Hnatlanga thawkchhuak pawh an \hahnem hle. A hawnna Programme hi hun remchangah la neih leh tura ruahman a ni.

A va lawmawm |hin em!!!
    August ni 30, 2013 (Zirtawpni) zan Hlimkhawpui chanchinbu buatsaihtute ei tur arsa tuihnai tak mai Hlimen Congress Unit ten min rawn tumsak a, kan va lawm em.
    Hlimkhawpui chanchinbu buatsaih hian zan rei tak tak thlenga men a \ul thin a, pawl leh mimal tlawmngai ten ril\am hrehawm lutuk a kan awm hlauin ei turte min rawn tumsak \hin hi lawmawm kan ti takzet a. In tlawmngaihna leh \hanhnem ngaihna avangin chanchinbu buatsaihtute pawh kan tlaiin hrehawm lutuk hre lovin kan awm phah a. Tlawmngaih chhuahtu zawng zawngte chungah Editorial Board ten lawmthu kan sawi tak zet zet a ni.

Thitin thla Ni 24, 2013.. Issue No. 34

Page - 1

Tualchhung :

Damlo: Pi Âzari W/o Pu Lalrinmawia, Asst. Secy. Branch YMA chu khawsik avangin August ni 23, 2013 (Zirtawpni) zan khan damdawi In panpui a ni a. In lama enkawl chhunzawm turin hawtir leh a ni.

Nâu nei thar: Denny Lalramkinlova leh Ramngaihzuali te nupa chuan Urban Health Centre-ah fapa duhawm tak an nei thar.

Biak In luah dawn ta: Hlimen Presbyterian Kohhran Biak In thar chu August ni 31, 2013 (Inrinni) hian an luah lut dawn ta.

In sa zo ta: Hlimen MHIP te chuan Thlanmual veng kawng chhak a an In an sak \hat chu luah theihin an peihfel ta. A luahtu tur erawh an la thlang fel lo niin thu kan dawng.

Party office luah ta:  Kumin kumtawp lama  inthlanpui (Election) neih tur atana inbuatsaihna chikhat atan Hlimen MNF leh Congress Unit te chuan Office hawngin an luah thar ta.

Kawng chhûn zo ta:  |helretkawna huantlang pan chhohna chu SJSRY Scheme hnuaiah BPL Family ten RCC (Reinforcement Cement Concrete) a an chhun chu an zo fel ta. He kawng hi PCC a chhun tur a tih a ni na a, Local Council te hmalakna in RCC a chhun a ni leh ta zawk a ni.

Tanky pui enchhin: SIPMIU ten Hlimen a Tanky lian an siam chu a \hat \hat  enchhin nan tui a khata lak luh chhin a ni ta a. Reilo teah Tanky puiah hian tui dah theih beisei a ni.

Volleyball Tournament: Bialtu MLA Pu KS Thanga chuan Volleyball Tournament Aug ni 28-31, 2013 chhung hian kan vengah a rawn siam dawn a, hetah hian mipa leh hmeichhe team a tam thei ang ber tel tur a sawm kan ni. A tel tur te chuan Pu F. Laltlanmawia, Ph No : 8731966506 leh Pu Lalawmpuia Damveng Ph No: 8974801646 -ah Aug ni 25, 2013 tlai dar 4 ral hmain in report vek tur a ni.  

FRONT :

Constituency huap M.P.F.  Meeting neih a ni

    August ni 17, 2013 (Inrinni) khan Aizawl ‘S’ III Constituency Mizoram People Forum (MPF) te chuan Hlimen YMA Hall-ah Meeting an nei a South III Area a MPF Unit hrang hrang a\angin aiawh hetiang hian an lo kal a ni :-
1. Melthum    -    10    2. Hlimen    -    27
3. Saikhamakawn    -    11    4. Samtlang    -    4
5. Aibawk    -    3    6. Sateek    -    2
7. Hualngohmun    -    1    8. Muallungthu    -    1

    Tin, Head Quarter lam a\angin 4 an rawn thawkchhuak bawk a, an vaiin 63 zet an ni. He Meeting ah hian MPF a lo pianchhuah dan leh a nihphung leh a thiltum te hetiang hian sawifiah a ni.

1. A lo pianchhuah dan : Kohhran pawl hrang hrang leh tlawmngai pawl hrang hrang aiawh a kalkhawm ten June ni 21, 2006 khan an din a ni.

2. A nihphung : Mizoram a Politics boruak chhe ta lutuk te siam\hat duhtu apiangte tana he pawl hi ding a ni a. Chuvangin Political Party a nihna nei leh inhmangte tan chuan MPF hruaitu nih hi a remchang lo, \an bik nei lo (neutral) te awmna tura pawl din a ni.

3. A thil tum : Politics boruak thianghlim lo leh \hatlohna hria a, siam\hat duhtu apiangte aiawha mipui aw chhuah nan a din a ni. A thil tum lian ber pawh Inthlanna (Election) thianghlim, dik leh felfai neih theihna tura theihtawpa \an lo lak hi MPF dinchhan leh a thiltum chu a ni. Tin, inthlan buaipui chauh hi a ni ringawt lova, rorelna dik, fel (Good Governance) awm theihna tur leh hlemhletna laka zalenna turte, ram hmasawnna tur leh siam\hatna kawnga sorkar \awiawm a \anpuina pe thei tura mipui te zirtirna pek te hi MPF chuan a hna pui ber a nih thute tarlan niin, kan hma lawka ram hruaitu thar inthlanna (Election) lo awm turah te hian felfai leh thianghlim taka inthlanna kan neih theih nan MPF te hian engtinnge hma kan lak ang tih thute leh engangin nge hna kan lo thawh ang tih thute sawiho a ni.
    Tin, kohhran pawl hrang hrang leh mimalte, pawl ho ten party candidate emaw sorkar a thuneitute hnenah inthlan hun leh ni puan a nih hnu chuan pawisa leh \anpuina dil reng reng loh tur. Election Model Code of Conduct leh MPF hnathawh dan kalh a nih mai bakah inthlan zawh hnua nghawng \halo pui pui a thlen theih avangin tih loh tawp tur a nih thute an sawi bawk a ni.
    He meeting hi tlai dar 3:00 velah tawpin zanriah tuihnai tak an kilho a ni.

Page - 2

Editorial :

Harhchhuah a hun e
    Kan khawtlangah hian chhiatni leh thatni la tawk reng reng lo chhungkua kan awm kher awm love.Chhungkua in chhiatni leh \hatni kan tawh chuan \henrual \ha ten min timawiin min thlamuan \hin. A bik takin chhiatni (thihna) bikah phei chuan \henrual \ha tlawmngaite avangin mualphona nei lovin chhiat tawh a chungah lawmthu sawi thei khawpin kan awm theih phah hial \hin. A va lawmawm \hin em!!
    Chhungkua in thihna kan tawh chuan lungngaihna leh hrehawmna, \ah leh mittui tlakna in min tuam \hin. Heng nikhua te hian chhungkaw bîl chauhin tuar \hin ta ila a hrehawm dan tur ngaihtuah ngam a ni lo. Kan phut leh sawm vang pawh ni lova min lainat a min hmangaih tu ten thlan min laisak a, min \anpuina tur buhfai leh pawisa min khawnsak bawk. Chumai chu a la nilo,  kan khawhar lunglen hrehawm phal lovin YMA te leh kohhran leh \henrual\ha ten an hun hlu tak sengin min la awmpui zui lehnghal.
    Mite \hatna leh hmangaihna kan dawn tawh zawng zawngte a pawisain chantir nise, rulh leh ngei ngei ngai ni ta se, tû chhungkua mah hian kan rul seng kher awm love. Chuti khawpa mi \hatna dawng tawh chu kan khawtlangah a tam zawk chu kan ni ngei ang.
    Chutiang chu kan nih laiin chhiatni bika thlan lai \hinte, buhfai leh pawisa khawn \hinte leh khawhar In a kal \hinte hi kan va tam lo \hin em. Mite \hatna dawng tawhtu ka nih chuan tun a\ang hian HARH CHHUAH  a hun e.

Ziaktute Huang :

        NGEI NGEI TLANG                                      

  -   Jasa             

 Bible lama mi\hiam \henkhatte chuan, chhan leh vang awm lova, mi, alung alen veng veng( Khawtlang lunglen ang hi) chuan, chu chu thlarau thianghlimin pawlna tiin an sawi \hina. Chumi lai tak chuan \awng\ai ila, pawl tharna kan chang ngei ngei an ti \hin.
    Lunglenna hian nangmah mai nilo, thi tura achungthu an rel, a tuk lawka khaihlumna dawhsan achungkai tur pawh a kal kan lova, tuitla pawh hi an khua ahar hman tlat an la tih lehzel chu. A chang chuan tuiti taka tuk\huan i bar puk puk laia i chaw bar ti khaihlaka, i chhung ten, ‘Bar teh, bar teh’ an tih i ngaihphah fo na, mutthilh vang vang i duh em em lai pawha, mut theilova siamtu,nuam bawk si, hrehawm bawk si kha hei tho hi a ni lawm ni? Mak angreng tak chu, kan rila tam chuan chaw awmna kan pana kan ei mai a, tui ahal leh kan ban a, kan in a, kan in hnanfaka, duh tawk kan ngah \hin a ni a,i lunglen chuan ilunglenna hmun kha pan theih leh pan chi anih chuan pan mah teh, i lunglen ati zual zawk emaw tihtur a ni si tiraw..
    Mitin hian  thuhmunna kan neia, kan veng,kan chhehvela tlang leh mualte hian khawi hmunah pawh awm ila kan lunglenna achawk tho \hina. I zin a, nidanga eng atan maha i tih ngailoh, in kawmthlanga lamkhuang kung, tar tawh tak,a hnah tla i nin em em kha i lunglenna paw chhuaktu hmasa a ni tlat thei a. I han chhui kir thui deuhva, tet laia \hianhova in chettlatna ramhnuai leh luidungte, hmeichhe lam lahin \hiante nen hlim taka in insuk paha lui dung khawk rum ruma in nui khek vak vak lai te, khiang buk hnuaia, sahdah in in \heh lai te kha, upa lam tan lah invanglaia losul haw, a haw hmasa in in chhawl \huaite( In hunlai chuan chhass ala nilo,tawih ani em kha aw?) kha, nimin liam ta ang mai in ala thar reng a ni lawm ni?
     Engvangin nge khaw \henkhata Ngei ngei tlang kan tih hi hmun  nuam bik, mawi bik leh mual pawng langsar, mitin kal chakna hmun a nih le...Engvanga Ngei ngei tlang ti nge kan nih? Dai hnai a hmun nuam leh mawi a ni emaw khawilai tlang bawk nuam lai bik hi, he hming hi kan puttir deuh tlat zel, chhan a awm miau alawm tiraw? Chu hmun chuan kan lunglenna achawk thova, ahmun thlen phei chuan kan lunglenna leh khawharna hrikthlaka, kan kalpui, hmangaih tak nen hriat reng tur hnutchhiah kan awlsam bik a ni mai lo maw... Pu Nghet, Pu Hmuchhuak? Asawi uar deuh phei chuan min duh vaklotute pawh hruai ila a hmun kan thlenpui theih pawh chuan a tlang hming hi a daw lo leh nge nge \hin te an la ti lehzel..He mi kawngah hian Pu Buangan sawi tur a nei angem aw? Hemi chungchanga Pu Hmuchhuaka titi ngaihthlak ava chakawm ve le.
    Englekhawle, a nihna takah chuan Mizote lunglenna chawk thotu tam ber chu kan chhehvela thing leh mau, tlang leh mual, lui dung leh nungcha thawm riva hi an ni a. Mahse, chuti si heti taka kan suasam \hin hi chu aw.....I lunglen khawhar changa i chham chhuah fo \hin kha nitin a tak hmuhtur awmlovin an kiam tial tial asin. I ui lawm ni? Mak leh ta lehzel zawk chu kei pawh, nang pawh, a khawih chhetute zinga atlar hma luahtu kan ni tlat si hi a ni. Heti chung hian khianghnah chawrno mawiziate, Herhse kung mawiziate, Va\hu nupa cheziate thiam takin kan la sawi reng bawk si. Ti daih ila, kan veng hian lunglen zual chang hawi khawthawnna kan neihloh zia hi aw..Zophei te hi cheibawl chi a ni lo maw, kan khaw hmun hlui te hi (Mimal ram ani zo ta a nih pawhin neih letdan ngaihtuah a, lei pawh inhuam ta ila), tu leh fate tana hnutchhiah neih \hat hi Pa nihna diktak a ni a. Khawtlang nu leh pa te u, ka sawm che u a ni. YMA pawh hian ngaihtuahna seng ila, Duh leh ngei ngei te chu lo awm ang hmiang, hmundangah pawh, Ngei Ngei tlang kher lovah pawh, Bible in, ‘He tlangah  chauh lo ah pawh...’. a tih chang chawi niawm takin an Ngei Ngei tho tho a lawm. Tiraw, Pu Hminglian, Enge i ngaidan,Pu Rinngai?

Page - 3

Hriattirna :

Bô chhar
    Taxi ah tarmit ( upa lam ta nia lang) theihnghilh in awm a. A tibo chuan Pu Lalhmuchhuaka, Buala Sec. hnenah lam theih a ni e.

Camping neih a ni dawn
    A hmun    :    Govt. M/S-II Hlimen
    A hun    :    26th - 30th, Aug. 2013
    A lut turten hengte hi ken tur : (1) Mutbu (2) Bible leh Note bu (3)Thleng leh no (4) buhfai mahni tla tawk.
    Mobile Phone ken luh phal a nih loh avangin \ul leh mamawh thil chu chhung ten rawn ngaihven mai tur a ni.
    Tlan/chhandam kan nih chhante hi thlarau thianghlim zirtirna a zara hrefiah zel tur kan nih laiin hriatfuh tawk loh avangin kal dan a buai fo \hin. Pathian pawl tharna changa bul \an i duh em? Lo kal la, Lalpa’n mal a sawm ngei ang che.
    A \ul ang anga min pui tur kan mamawh a, inpe thei kan awm chuan a lawmawm ngawt ang.
    Aug. ni 26, 2013 (Thawh\anni) tlai chaw ei khamah luh tur a ni ang.
   
    Krista zara in rawngbawlpui
    Sd/- N.Zonunmawia

Local Council hriattirna
    AMC thuchhuak angin ( Board of Councillors \hukhawm 2012)  AMC huamchhungah ranvulh khap tlat a ni a, Hlimen pawh AMC (City Area) huamchhung Ward XIX (19-na) kan nih angin khap a ni a. Chutih rualin  vengchhung area a Ar leh vawk la vulh laklawh te chu kumin chhung hun pek kan ni a, Vawk leh ar vulh tu chhungtin te chu lo in siam rem hret hret zel turin kan in ngen a. Hetiang a ran vulh khap a nihna chhan hi mipui vantlang hriselna leh thianghlimna kawnga hma kan lo sawn deuh deuh theih nan a ni.
    Tin, tuna vawk leh ar vulh laklawh te pawhin  fai leh thianghlim, \henawm khawveng tana rim chhe lo leh hnawksak lo thei ang ber a vulh \heuh turin kan in ngen tak zet a ni.
    |henawm khawveng leh mipui vantlang tana hriselna khawihchhe thei leh  ranvulhna hmun hma enkawl uluk loh lutuk vanga rimchhia te a awm a complain a awm chuan a \ul angin Local Council in hma a la ang.

               Sd/- Lalhmingliana
                Chairman. Local Council  

Lawrkhawm :

Hnatlang
    MHIP Hlimen Branch August ni 21, 2013 (Nilaini) khan Thlanmual a an In sak chu luah theih nghal a nih theih nan hnatlangin a hmun hnawk leh thil \ulte chingfelin an hnatlang a, hnatlang te chawhmeh tur tumsaktu Pi Zonunkimi leh Pi Lalramlawmi leh hnatlanga thawkchhuak zawng zawngte chungah MHIP hruaitute hian lawmthu an sawi.

Chhiat tawh a chunga lawmthu
    Kan nu Pi Rikhumi  Kum 82 in August ni 11, 2013 a min boralsan chung changah leh a damloh chhung zawnga khawtlang mipui leh kohhran hrang hrang ten in mi khawngaihna leh lainatna lantir a \awng\aina leh in hun hlu tak in sen zozai te avangin kan lawm tak zet a.
    Tin, YMA ten In lam engkim kan chet ngai lova min chinfelsak mai bakah ama duhna ngei hmuna thlan mawi tak leh \ha taka min laihsak mai bakah kan khawhar  hlauva tun thlenga min hmangaihna leh lainatna in lantir hi mitin hnenah a mal malin lawmthu kan sawi hman lo. Hlimkhawpui hmanga kan lawmthu sawi hi mitinin in hnena sawiah min lo pawmsak turin kan ngen che u a ni e.
    In khawngaihna dawngtu,
    Lalzamliani te chhungkua
    Hlimen Venglai.

Vengchhak Football Club hriattirna
    Vengchhak Football Club Affiliated Players te ADFA III Division Tournament a khelh tum zawng zawngte chu zingkar leh tlai lamah Practice ngei ngei tawh tur a ni a, Practice Regular lo tan hmun a awm lovang. Chuvangin, player ten ngai pawimawh ang u. Tin, Fitness Camp ni 26th, Aug. 2013(Mon) a\angin Pu Lalsanga te in venglaiah neih tur a ni bawk ang.         Tin, Aug, ni 25, 2013(Pathianni) tlailam dar 2:30 -ah Tv. Lalmuanawma te in venglaiah Tournament a tel tur te chu kalkhawm vek tur a ni.

            Sd/- Secretary. VFC. Hlimen.

JAC thuchhuak
    Tunlai hian Ruihhlo leh rui \hing pui pui khawtlangah a hluar thar hle a. Zu zuar tih hmingput hlau em em chunga zu stangding leh mahni in tur ti a chhuanga hralh \hin an pung tual tual a. Tin, hmeichhe tleirawk te te zu in an pung hle tih hriat a ni a. JAC chuan zu stangding leh mahni in tur ti a chhuang \hin a, hralh \hen \hin te pawh zu zuar an ni tho a, man an tawh chuan ngaihhna thiam an nih loh tur thu leh hmeichhe tleirawl rui \hin te pawh hriat fuh an nih chuan man a, an sim theih nan hmalak zel a nih tur thu an chhuah a. Man buai ngai lo tura mitin te fimkhur turin a ngen a ni.

Page - 4

KEIMAHNI
Hlimkhawpui Budget
    Hlimkhawpui 2013 August  thla Budget  pe tla tawh te:
1.    Vawmphunga Sec.    2. Kapdaia Sec.
3.    Buala Sec..        4. Damvea Sec.
    Tin. Kapdaia Sec. ten September thla an tlak fel ta bawk.   

Kapdaia Section
    Section T-Shirt siam tur kha karleh atangin zawrhchhuah a ni dawn  tih member te kan inhriattir e.
    Tui-pump-ah hmeichhia inbual khap tlat a ni. Tin, kawngpui dungah motor/lirthei sil khap tlat a ni.

Buala Section
    Hlimen Lal, Pu Buala tupa, Pu R.L.Ngaihawma (RL-tea) Buala Section a mi chuan a \ul a hman atan Buala Sec. YMA kutah Tea Tray 10, ` 3500 man lai a rawn hlan a. Section YMA hruaitu ten a chungah lawmthu an sawi tak meuh meuh a ni.

Saichhuma Section
    Aug ni 20, 2013 (Thawhlehni) khan Saichhuma Section hruaitu te chuan an Section hmingin Pu Lalhmuchhuaka, Branch YMA President, Aizawl Hospital a awm chu an tlawh.

Faina Sub-Committee Hnatlang
    Branch YMA hnuaia Faina Sub-Committee te chuan bawlhhlawh bawm Section hrang hranga dah tur 15 an lei chu August ni 17, 2013 (Inrinni) khan a khaina vuah leh a \ul anga chei \hain hnatlang an nei a. Tin, August ni 23, 2013 (Zirtawpni) zan khan rawng hnawihin an hnatlang leh bawk a ni. Bawlhhlawh bawm hi Motor ke (tyre) a\anga siam niin pakhat hi ` 150 man zel a ni a.             Hnatlangah hian a khaina vuah bakah a kô tlang tikhawng turin thir kual an vuah a, Pu Lalramengan a thlawnin thir kual hi a kahchar sak a, a chungah Faina Sub- Committee ten lawmthu an sawi takzet a ni. Tin, bawlhhlawh bawmah hian YMA rawng (asen, a var, a dum) a hnawih tur a ni bawk.

Branch Property
    Chhiat tawk kan awm a, YMA hun, zan 3 a ral hnuah hman \angkaina awm tawh lo Branch Property te chu Chhiattawk Section ten a rang lama senghawi a, a dahna hmuna dah kir \hin tur in kan in hriattir a, hei hi Br. Exe. Committee thuchhuak a niin bungraw bo thlau thu hla a in venlawk na leh chhiattawk dang emaw Emergency thil thleng thei a tan a pawimawh a nih vang a ni a, zawm \heuh i tum ang u.

Chhiartute ngaihdan :

@@    Kan hma lawkah Presbyterian Kohhran Hlimen chuan khawmpui lian a thleng dawn a, kan khawtlang hmel lanna tur a ni a. Kan kawng leh Street light chhia mawlh mai hi siam dan awm thei se ka va han ti tak em. Kan khawtlang nu leh pa Local Council lam han \ang leh deuh  sela. Tin, a sawrkar lam fawng chelhtu Congress Unit lam hruaitute pawh an theihna lamah hma han la ve bawk sela, khawtlang \hatna turah chuan \anrual hi chakna a ni tih hria a, kan khawtlang hmel a lo mawi theih nan a hma lamin \an i la teh ang u.
- Rd Ralte
@@    Tunlaiin tlailamah ruahsur chu a tam thei hle mai. Faina kawnga kan chet fimkhur tawk loh dan a lang hle in ka hria; kan hnawmhnawk paihte chu tuihawkin kawng fai laia a vawrh chhuah hmuh tur a awm fo mai. A bikin chunglama awm te tan fimkhur a ngai zual hle ni awm in ka hria.
- kawmchhak neia.

@@    Khawchhia nen, kawt lai entu awm lo nen kawng diak nen khawtlang hmel a \hingin khawtlang hmel a \hingin a va hrehawm tak em. Zan lama Street light eng tur hi a mawi tawk tal min dahsak thei tute hi an awm lawm maw ni le?
- Englawma.

Advertisement :

Chawhmeh Readymade
    Chawhmeh changkang leh tui , hrisel bawk si; hengte hi lei theihin kan kawl ve ta e. Min rawn pan ve teh, chaw ei tui loh avanga i buaina kha a kiang ngei ang.
    1. Chicken nuggies.    2. Chicken MeatBall
    3. Chicken     4. Chicken Kabab
    5. French Fries    6. Sausage.
    7. Chicken Springroll etc.

    In \hian,
    Têkimi, Hlimen Dam veng
(2-2)    Ph No: 9862712008

Vawk thlahtirna Rate thar
    Veng hrang hrangin Vawk chi thlahtirna rate thar an hman tawh angin September thla atang chuan ` 1,500 chawi a ngai tawh dawn tih vawkpui neitute kan inhriattir a ni e.
    In \hian,
(1-1)    Pachhunga, Vengthlang

Thitin Thla ni 17, 2013... Issue No. 33

PAGE - 1

TUALCHHUNG :

Damlo: Pu Lallawmzuala H/o Biakchungnungi, Buala Sec. a mi chu khawsik reh theilo vangin UHC Hlimen ah hun engemaw chen enkawl a nih hnuin In lamah a inenkawl chhunzawm mek a ni.
@@    Pu Lalzamliana H/o Lalrinpuii, Damvea Sec. a mi chu taksa lam harsatna hrang hrang avangin hun eng emaw chen Nazareth Hospital-ah enkawl niin tunah in lamah a lo haw leh ta.

Zai: Pu Lalhmuchhuaka, President Branch YMA chu August ni 12, 2013 (Thawh\anni) khan a mît a lungte awm Aizawl Hospital-ah hlawhtling taka zai niin amah pawh a \ha a, Hospital ah hian enkawl chhunzawm mek a ni.

@@    Pi Lalbiaktluangi W/o Vankhuma, Saichhuma Sec. a mi chu August ni 13, 2013 (Thawhlehni) khan Durtlang Hospital-ah a chhul a bâwk awm zai a ni. Hospital ah hian enkawl chhunzawm mek a ni.

PHED ngenna: Public point a\anga tui la te a Fee la pe lo zawng zawngten Aug. thla ral hma ngeiin PHE site Office ah July - Dec thla Fee ` 120/- leh Card kengin pek vek tur a ni a, pe lo kan awm a nih chuan tui hi an dawh thei tawh lovang.
    Tin, Vengchhung mipuite awlsam zawk nan tui Bill hi site Office ah pek theih a ni tawh dawn a, Consumer te kan in hriattir a ni e.

Inpumkhatna atan
    Hlimen hi kan veng a zau tham ve ta hle a, Chanchin a chhia a \ha hriat sen a ni meuh ta lo. Chuvangin, mitin ten damlohna a ni emaw chhiat \hat thute kan hriat apiang chu Hlimkhawpui Editorial Board ah min han hriattir thei zel ula, a va lawmawm dawn em. A chungah EB Staff Ph No. tarlan pawh Biak pawh theih reng kan ni e.

FRONT :

Inter Branch Y.M.A. zawipawl intihsiak zawh a ni ta

    Rokunga(L) Birth Centenary denchhen a Central YMA leh Rokunga Memorial Society \angkawp te buatsaih Inter Branch YMA Zaipawl intihsiak August ni 13 - 15, 2013 chhunga Rokunga hlate hmanga buatsaih chu zawhfel a ni ta. August ni 15, 2013 zan hian Central YMA Hall, Tuikhuahtlangah result puanna hun hman a ni a, Pu R.Lalngheta, Treasurer CYMA chuan he hun hi a kaihruai a, zaithiam tak takte zai ngaihtlak a nih bakah Rokunga hlate hmanga zaia inpawlkhawmna hun hlimawm tak hman a ni.
    Zaipawl intihsiakna ah hian Branch 35 telin hetiang hi result chu a ni :-
1. Damveng Br. Y.M.A    2. Aizawl Venglai Br.YMA
3. Durtlang Br. YMA    4. Kanan Branch YMA
5. Ramthar ‘N’ Br. YMA    6. Ramhlun ‘S’ Br. YMA
7. Bungkawn Br. YMA    8. Dawrpui Vengthar Br. YMA
9. Lunglei Bazar Veng Br. YMA
10. Durtlang Leitan Br. YMA
    Zaipawl Conductor \ha bera thlan chu Lalpiangliana Damveng Br. YMA a ni a, zaipawl member tam ber chu Mission Veng ‘N’ Branch YMA niin member 83 an ni.
    Heng zaipawl a tel Branch te inbuatsaihna leh an hruaitute inpekna a nasat zia Zonet palaiin Branch hrang hrang a tlawh T.V a kan hmuh ah khan hlawhtling awm reng ni pawhin an lang.
    Keini Branch te pawh hian mi veng Branch YMA Member te thuawih dan leh hruaitute \hahnem ngaih danah entawn tur kan ngah hle. He intihsiakna hian hun lokal zel tur atan hruaitu rualte leh member te hmasawnna kawnga ke min pentirtu lo ni mawlh teh se.

PAGE - 2

EDITORIAL :

Miten tunge a ni min tih?
    He zawhna hi Lal Isuan A zirtirte hnena zawhna a pek a ni. Vawiin, tunah ngei pawh hian kan tan zawhna pawimawh tak a tling a ni. Mahni inhmuh dan leh inhriat dan ai chuan kan chenpuite min hmuhdan leh hriat dan te, \henawm ten min hmuh leh hriat dante, chu aia zau zawk deuhin, kan khawtlang leh khaw \henawm ten min hmuh leh hriat dan hi a pawimawh lai tak chu a ni.
    Khawtlangah te, mimal ah te mahni hi inhriat chian tawk a har hle. Kan khawtlang nun bik hi han thlir hmasa ila, Aizawl City Area kan nihna te, tin, zirna lam leh infiamna lama kan hming lo \hat tawhna te kan rilru a hre chungin chapo takin, inti khawpuimi taka nun kan hman mek lai hian kan khawlai leh In leh avel kan enkawl dante hi khaw \henawm leh mikhual ten rawn hmuchiang tase “khawpui nge nge” an ti ang nge, “khaw \hing leh bal” min ti ang?
    Tin, mimal leh \halai nun tam zawkte pawh hi changkang intiin In leh lo, lirthei thlengin hma sawn hle a inhriatna kan neih lai hian mikhual ten min rawn hrechiang ta se, Aizawl City Area \halai ah chuan zu rui tamna veng, rui \hing lutuk veng, inti khawpui ve em em a, changkang inti ve hle si CYMA zaipawl intihsiakna ah pawh tel ngam lo \halai nep lutuk hmuhin min hmu ang.
    Mite min hmuh dan tur hi engang tak ni ang maw? Upa in “mahni infak leh sakhi ngalah engmah a bet lo” an lo ti a. Mite min hmuh dan hi a va pawimawh em...

ZIAKTUTE HUANG :

CARTOON
- Andrew Khawlhring.
    Khawvel a lo changkangin, thiamna pawh a sang tawh hle ani. Chutihrualin, mitin te kan buai tawh a; amaherawhchu, kan fate nundan hi chu ngaihthah chi a ni lo tih pawh kan hre awm e. Inah kan awm a, inchhung sekrek kan khawih \hin. Kan fa in a awm te TV en tirin ‘Cartoon’ te kan en tir a, an tlei hle. Mahse chutihrualin, an thil en kha an tan a pawi em tih kan ngaituah a pawimawh awm e. ‘ Cartoon’  tih vanga en tir ringawt chi a ni dawm em ni? Tamtak chuan a Sexy loh avangin kan en tir mai a. Mahse, a \ha ber em?
    Khawvel pumah Thailand ramah naupang intihlim an tam ber an ti a, a chhan an zirchhiannaah chuan an ‘Cartoon’ en vang a ni an ti. A dik hle awm e. Tom & Jerry te hi a hmuhnawmin a nuihzatthlak hle a, a \hat lohna kan hrelo a ni mai thei. Mahse, naupangin an en fo chuan anmahni anga awm ve a, thi thei lo turah te an inngai a, sang tak tak a\angin an tla a, an thi chuang lova; a chang leh an kehsawm vek a, an zawm leh a; tin, bakah an in chhu lawl lawl a, khatiang ang te kha naupangin thei ve ah an inngai a,  thil\halo a thleng \hin.
    Chhota Bheem te hi kan en tir \hin awm e. hei hi a nihna takah chuan Vai pathian fakna mai a ni a, ladoo a ei a, a chak sawtin, tihtheih loh aram pawh a nei awm lo ve. Ladoo chu vai chhang thlum mum mai a ni a; ladoo ei vanga chak thu a awm lova. A film \henkhat phei chu Krishna (vai pathian) te leh vai pathian dang Ganesh te nena channa te pawh a awm. Hei hi an pathian chawisanna chikhat a ni. Kan fate kan la en tir zel dawn em ni le?
    Hindu te, Mosolman te, Sikh te leh Buddhist te hian Kristian ‘Cartoon’ serial hi siam ve ta ila an en duh angem le? An en duh kher lo mai thei. A nih leh keini ve hi engtin nge ni dawn???
    Ben-10 te pawh hi kan en \hin in  a rinawm. Ben-a kha a duh duhah a in tichang thei a, a film \henkhat te phei chu Alien Force tih te a ni a, a \ha lamah chuan a hruai hmelloh khawp mai. Oggy and the Cockroaches film te pawh hi en chian chuan nasa deuh deuhin an insawisa a, an thi chuang lo va; chutiang anga awm ve theiah chuan an inngai ang tih a hlauhawm khawp mai.
    Tin, tunlai a lar- Howl Moving Castle te leh khawchhak Cartoon-ah te hian dawi thil te, boruak a thlawh te, inthlak danglam thut thutna te  a thleng a; heng te hi ti ve thei ah an in ngaih a hlauhawm hle.
    Sawi tur chu a tam hle awm e. Roll No. 21. tih te, The Mighty Raju tih te leh Hanuman tih te pawh hi a theih chuan en loh a \ha. Thil\halo an chin phah thei.
    Cartoon a \halo tih vanga Cartoon zawng zawng en loh tur tihna  a ni lova; amaherawhchu, Cartoom thianghlim leh \ha erawh chu thlan thiam a pawimawh awm e.

ADVERTISEMENT..

Chawhmeh Readymade
    Chawhmeh changkang leh tui , hrisel bawk si; hengte hi lei theihin kan kawl ve ta e. Min rawn pan ve teh, chaw ei tui loh avanga i buaina kha a kiang ngei ang.
    1. Chicken nuggies.    2. Chicken MeatBall
    3. Chicken     4. Chicken Kabab
    5. French Fries    6. Sausage.
    7. Chicken Springroll etc.

In \hian,
Têkimi, Hlimen Dam veng
Ph No: 9862712008

PAGE - 3

HRIATTIRNA :

MHIP  in ral dawn
    MHIP Hlimen Branch te chuan an member boral ta Pi Dengrikhumi ralna hun Aug. ni 18, 2013(Pathianni) chawhnu inkhawm banah an hmang dawn a; MHIP member a tam thei ang ber tel turin hruaitu ten an ngen a ni.

Local Council hriattirna
    Gas Sem chungchangah Section YMA ten fel taka an kalpui \hin chu sorkar laipui leh Company a\anga KYC Form fill Up  tur leh  Refill Booking ti tura ruahmanna a rawn awm tak avangin buaipui ngai tawh lo turah ngaiin chhunzawm a ni ta lova;amaherawhchu, agent lam ten an show room a booking tih kher ngai lova sem paha a chawpa an kalpui avang leh \umkhatah kan indaih alo thlen nghal loh avangin Local Council chuan Distribution point dah belh tura hmala in hetian hian ruahmanna a siam a, hei hi Gas lo thlen leh hmsak ber a\anga hman \an tur a ni ang.
    A). Point No.1- Dv. Sec - Pu Duhthusama In bul - I/C - i). Pu Biakmawia ii). Pu Laltlankima iii). Pu Lalhmingliana L.C
    B). Point no. 2 -  Sc Sec. - Pu Rozika inbul I/c i) Pu LalLawmsanga ii) David Vanlalhuma iii) Pu J. Zothanpuia L.C
    C). Point no.3- Bs Sec. Mualzawlah I/c i) Pu F. Laltlanmawia ii) J.Vanlalbiakdika Secy LC
    D). Point No.4- KD Sec.- Central Workshop I/c i) Nl. Lallawmkimi ii) Pu Lalchhankima iii) Tv. Lalhmingliana LC.
    E). Point No 5. LSV & VP Sec - Pu Lalzuala inbul. I/c i) Pu Zolianchhunga ii) Tv. Lallawmzuala iii) Pu Zohmingthanga LC
    F).  Point No 6. SC & BS& VP Sec - YMA Hall bul - i) Pu Vanlalliana ii) Tv. Andy Zosangliana iii) Pu C. Lalhmingliana.
    Point no. 6 ah hian Saichhum Sec. a\angin thlanmual veng zawngin thlanmual veng zawng lak tur a ni a, Buala Sec. a\angin lamkhuang bukpui chhak zawng leh Vawmphunga Sec. a\angin hemi point hnaih zawk te tan a ni ang.

            Sd/- Lalhmingliana
            Chairman, Local Council.

BPL inhlawhna
    |helretkawn a\anga Huantlang pan chhohna kawng chu Concrete a chhun tur  niin BPL Family ten inhlawh nan hman tur a ni  a, Hetiang hian hnathawh dan tur ruahman a ni.
    Aug. ni 19, 2013(Thawh\anni) ah Vengthlang leh venglai.
    Aug ni 20, 2013(Thawhlehni) ah Damveng leh H/S veng.
    Aug. ni 21, 2013 (Nilaini) ah Quarry veng leh vengchhak te an ni ang.
    Bawngtuthlawh leh suahdur ken tur a ni a; Aikal in tirh awih a ni lo. Chaw fun a, no ken bawk tur a ni.

LAWRKHAWM :

NLUP sem
    August ni 13, 2013 (Thawhlehni) khan Hlimen YMA Hall-ah NLUP Horticulture Department hnuai a Trade - Serthlum, Iskut leh Lakhuihthei thlangtute hnenah 2nd phase 2nd installment cheque in an sem a. Pu F.Lalrawna HEO, CHO Aizawl ‘S’ Circle ni bawk leh a thawhpui ten an rawn sem a ni. Hlimen atangin mi 12, Melthum atangin mi 6, Saikhamakawn a\angin mi 3, Samtlang a\angin mi 2 leh ‘N’ Lungleng atangin mi 2 ten an dawng a, NLUP dawngtute hi sawrkar chungah an lawm hle a ni. Tin, NLUP rawn semtu Horti. Deptt. a thawktute hian Branch YMA in a thlawna Hall an hmantir avangin lawmthu an sawi bawk.
    Kan thu dawnna in a tarlan danin Serthlum Trade thlangtute hian ` 22,500 \heuh dawngin Lakhuihthei thlangtute hian ` 22,000 \heuh an dawng a, Iskut thlangtu ten ` 31,000 \heuh an dawng bawk a ni.

Lawmthu sawina
    Kan hriat \heuh angin Hlimen hi hmun remlo, kawng kan neih ang angte pawh zim te te a ni a, hemi anih avang hian Local Council chuan hmasawnna atan pawimawh tiin kawng zauh/ chei \hat/ siambelh turin sorkarah proposal te siamin leh keimahni tih ve theih ang ang te ti turin hma lak a ni a, chung zingah chuan NERCCDIP hnuaiah Pu,N.Zokunga inbul atanga Tanky inkar kawng motor kaltir turin ruahmanna kalpui mek a ni a.
    Hemi chung chang hi dt.5/8/2013 (mon) ah vengchhak paho te nen sawi hona kan neiin dt.14/8/2013(Wed) ah a hmunah Engineer te leh vengchhak paho te nen bawk en hona neih leh a ni a, a hlawhtlin ngeina tura vengchhak paho inpekna leh phurnate chhuanawm kan tiin lawmthu kan sawi mawlh mawlh a, sorkarin a hmalaknaa harsatna a tawh thin compensation kan claim vak vak  angte awm lova, vengchhung hmasawnna tur a nih phawt chuan tia an in ban thleng rawk pawh nise phal taka engmah phut let lova vengchhak pahote inphalna hi a mawiin a chhuanawm tak zet zet a a ni.
     Local Council chuan an chungah lawmthu kan sawi tak meuh meuh a ni. Vengchhung kawng (main Road) leh vengchhung  inkalpawhna kawngte siam \hat/zauh/ siam belh tura ruahmanna dang pawh a lo la chhuak leh ngei ang a, vengchhak pahote inphalna ang hi hmasawnna turin Hlimkhawpui hian a mamawh tak zet zet a ni tih kan hriat \heuh a \ha awm e.
           
                    Sd/- LALHMINGLIANA
                    Chairman. Local Council.
           
MUP hriattirna
    Aug ni 18, 2013(Pathianni) chawhnu inkhawm banah Pi Dengrikhumi ral tur a ni a, MUP Member te kim taka kal \heuh i tum ang u.
    MUP Member kum 65 chin chunglam tan ID Card xerox Copy kengin Bus-ah a man chanve in a chuan theih a, hei hian Sawrkar Bus leh Private Bus te pawh a huam vek a ni.
    Sd/- Secretary
    MUP, Hlimen Unit.

PAGE - 4

KEIMAHNI
Hlimkhawpui Budget
    Hlimkhawpui 2013 August  thla Budget  pe tla tawh te:
1.    Vawmphunga Sec.    2. Kapdaia Sec.
3.    Buala Sec..        4. Damvea Sec.  
 

Ralna hun hmang
    August ni 13, 2013 (Thawhlehni) zan khan Branch YMA chuan Pi Dengrikhumi(L) chhungte ralna hun a hmang a. Ralna thawhlawm tlingkhawm  ` 2675 leh chhungtin hnen a\anga khawn (gas bur man bak a bang zawng) ` 2630, avaiin ` 5305 chu a fate hnenah hlan a ni.
    Tin, hemi zan vek hian Pi Rikhumi tuamna puan hi a faten Branch YMA ah a \ul anga hman atan an pe bawk a ni.
    Heng puan YMA in a dawn \hinte hi Hlimen a\anga ruang chhuak leh a \ulna apianga \angkai taka hman leh \hin a ni.

I inchhungah faina meichher chhi la, kan khawtlang hi a lo thianghlim dawn nia...

    Ramin emaw vengin emaw hmasawnna  kawng a zawh a, chu hmasawnna chu lang thei a, a lo lanchhuahna chu bungraw neih \hat emaw ah ni lovin Hriselna te Fainna leh Thianghlimnaah te a ni \hin.
    Tichuan le, pawimawh ta em em chu chhungtin ten keimahni inchhungkhur ngei a bul\an a, khawtlang hmel ti êngchhuak thei turin \an lak deuh deuh hi a ni. Hei hi kan khua, kan veng Hlimen ngat a ni si a.
FAINA SUB-COMMITTEE, HLIMEN BRANCH YMA

Lawrkhawm chhunzawmna...

Volleyball tournament
    Bialtu MLA Pu KS Thanga chuan Volleyball Tournament Aug ni 28-31, 2013 chhung hian kan vengah a rawn siam dawn a, hetah hian mipa leh hmeichhe team a tam thei ang ber tel tur a sawm kan ni. A tel tur te chuan Pu F. Laltlanmawia, Ph No : 8731966506 leh Pu Lalawmpuia Damveng Ph No: 8974801646 -ah Aug ni 25, 2013 tlai dar 4 ral hmain in report vek tur a n.
    1st Prize    -    ` 7000 ( Men & Women)
    2nd Prize    -    ` 5000 ( Men & Women)
    Semi Finalist    -    ` 1000 ( Men & Women)

Camping neih a ni dawn
    A hmun    :    Govt. M/S-II Hlimen
    A hun    :    26th - 30th, Aug. 2013
    A lut turten hengte hi ken tur : (1) Mutbu (2) Bible leh Note bu (3)Thleng leh no (4) buhfai mahni tla tawk.
    Mobile Phone ken luh phal a nih loh avangin \ul leh mamawh thil chu chhung ten rawn ngaihven mai tur a ni.
    Tlan/chhandam kan nih chhante hi thlarau thianghlim zirtirna a zara hrefiah zel tur kan nih laiin hriatfuh tawk loh avangin kal dan a buai fo \hin. Pathian pawl tharna changa bul \an i duh em? Lo kal la, Lalpa’n mal a sawm ngei ang che.
    A \ul ang anga min pui tur kan mamawh a, inpe thei kan awm chuan a lawmawm ngawt ang.
   
    Krista zara in rawngbawlpui
    Sd/- N.Zonunmawia

CHHIARTUTE NGAIHDAN...

@@    Hlimen hi khawpui kan inti ve a nih chuan kan vengchhunga mi ropui leh hming\ha chawimawi nachang hria ila. Khawtlang tana thil \ha titute hi an tih ang kan ti ve theilo a nih pawhin sawisel mai lovin chawimawi nachang hriat i tum ang u.
-Lalbawihi Pa
@@    Velai a\anga vengchhak panna kawnga Ui vâr tê chi, kawnglai a ek ching \hin kha a neitu inawm a nih chuan lo ektir tawh suh u, veng mi timualpho em mai.
- Ui ninga
@@    Hmanni chu Venglaia Biakin sak mek ah ka han dak ve a, hawi khaw thawn pawh a nuam hle mai. Ka rilru a thil lo lang chu ‘In chung rawng hi venglai bawr hian han hnawih zeuh ta mai se chu aw’ tih a ni??
- Tusgnub

KAN THEN TAK
Dengrikhumi Kum 82 :

    Pi Dêngrikhumi hi Upa Liansiama(L) leh Pi Satkungi (L) te inkarah June ni 19, 1931 khan Hlimen ah a piang a, November ni 8, 1931 ah Baptisma Pastor Chhuahkhama’n a chantir a ni.
    March ni 10, 1953 khan Pu Rozika(L) S/o Vengthawma(L) nen inneiin fapa 3 leh fanu 5 an nei a, tu 40 leh tuchhuan 49 a nei a ni.
    Kohhran a mi tui tak mi a ni a, inkhawm te a taima hle a, \antu hnate pawh hun rei tak a lo chelh tawh \hin a ni. Amah hi nu kawm nuam leh \henrual pawl thiam mi niin a pasal Rozika damlai pawh a miharsate tlukluhna leh ei leh barah pawh mi chitinte chaw lo hlui \hintu a ni.
    A pasal Rozika hian June ni 4, 2008 khan a boral san a. Hemi hnu deuh a\ang hian hrilselna lamah a tlahniam deuh \an a, thisensang leh zunthlum natna ten a tlakbuak a, Doctor te rawn a theihtawp a enkawl a ni chung pawhin a natna chuan \hatlam a pan thei lova. Kum 2011 khan pawn chhuak thei lovin khumah enkawl a ngai \an a, kum 2012 kum chanve hnu phei kha chuan khumah ngawt enkawl a ni chho ta mai a. A pianpui unau chhungkua ten theihtawp an chhuah mai bakah a mônu Lalzamliani W/o Lalduhkima(L) leh afate hian a damloh chhung zawng hian theihtawpin an enkawl a. Amah Pi Rikhumi ngei pawh hian a mônu Lalzamliani hi a ngai thei em em a, a chungah hian lawmthu a sawi chamchi mai \hin a ni.
    Tichuan August 2013 thlatir a\ang khan zunthlum avangin a thak a reh thei lova, a taksate chu chau chho hret hret zelin August ni 10, 2013 zan a\ang khan nikhua a hre ta lova, a tuk August ni 11, 2013 (Pathianni) zing dar 8:30 a nih chuan a natna chu tuarchhuak zo lovin a tu leh fa, chhungkuate chu chatuan ram a pansan ta a ni.  

Thitîn Thla Ni 10, 2013.. Issue No. 32

Page - 1

TUALCHHUNG :

Damlo: Pi Rohlupuii W/o R.Lallian-tluanga(L) Kapdaia Sec. a mi chu zunkawng lam \halo leh ka nâ avangin Falkawn Hospital-ah enkawl mek a ni. @@    Nl. Miriam V.L.Hmangaihzuali D/o Chhawrthanga, Damvea Sec. a mi chu Ruhseh avangin Aizawl Civil Hospital-ah enkawl mek a ni.

@@    Pi Tluangi W/o Pu Lalhruaizela leh an fanu Melody Zoremsangi Buala Sec. amite chu pum lam \halo avangin Kulikawn Hospital-ah enkawl mek an ni.

    Dam leh hrisel taka hringnun an hman chhoh zel theih nan duhsakna kan hlan e.

Passed thar: Lalrinzuali D/o Pastor C.Sapkaia leh Remlalmuani D/o  Lalsiamliani  Saichhuma Sec. a mi ve ve te chuan Hindi B.A. tha takin an zo. An hlawhtlinna kan lawmpui tak zet zet e.

Kawng siam: Quarry kawngpui ruahsurin a tihchhiat chhe lutuk chu August ni 9, 2013 (Zirtawpni) khan Congress Unit chuan JCB hire in sum tam tak sengin an siam\ha a, an chungah motor khalhtu leh ke a kalte an lawm hle.   Hetiang tih nachang an hria hi an fakawm hle a ni.

Mît zai dawn: Branch YMA President Pu Lalhmuchhuaka chu a mît a lungte awm avangin August ni 12, zinga  Aizawl Hospital, Kawlthei Huanah lutin hemi ni tlai lamah hian zai tura ruahman nghal a ni.
    Dam leh hlawhtling taka lo haw leh thuai theih nan ‘Hlimkhawpui’ Editorial board ten duhsakna kan hlan e.

Leimin vangin: Pu R.Hrangkhuma te In chhak kawngchung Hand Railing Congress \halai ten an siam chu ruah sur nasat avangin a min hlauh mai a, thuneitu ten siam\hat leh dan arang lamin ngaihtuah thei se a va duhawm dawn em.

FRONT :

RAM LEH HNAM HUMHALH NAN FEHCHHUAK
    August ni 3, 2013 (Inrinni) khan CYMA hmalakna in YMA member 613 zet fuankhawm chuan Ram leh hnam hmelma ‘Ruihhlo’ leh dan lova Mizoram a awm Foreigner te dapchhuah beihpui thlak hnatlang neih a ni. He hnatlangah hian YMA Branch 67 zet an thawkchhuak a, Group hrang hrangah in\henin Group tinte hi CYMA Office Bearer ten an ho zel.
     Group 1-na : Phunchawngah CYMA President T.Sangkunga’n a hova.
    Group 2-na : Rangvamual-ah Gen.Secretary Pu Vanlalruata’n a ho.
    Group 3-na : Tuirial Airfield leh Tuikhurhlu ah Vice President Pu Lalbiakzuala, Treasurer Pu R.Lalngheta, Fin. Secretary Pu J.Lalsailova ten an ho a ni.
    Zû hi engemaw zat manin zu bilh lai an tichhe bawk. Tin, Rangvamual leh Phunchawng bikah hian zu bilh lai zem 122 leh Rambo Polythene 23 zet an tichhiain zu thlawrna bel 32 leh Plastic bur 35 bakah rakzu litre 50 zet an man bawk a ni.
    Tin, Tuirial Airfield leh Tuikhurhlu lama fehchhuakte hian zu bilh lai zem 116 an tihchhiatsak bakah rakzu litre 832 leh funte 45 an man a, zu siamna bel 10 an man a. Tin, Bear Can 168 leh ûm 59 zet an mansak bawk.
    Tin, Phunchawngah hian May 2013 a CYMA ten ramdang mi dan lova awmte chhuak tura an lo hrilh tawh tun thlenga la chhuak duh lo chhungkua te chu chhuak tura ngen nghal an niin chhugkaw \henkhat te chu kar 2 chhung hun pekbelh an awm bawk a ni.
    He hnatlangah hian Hlimen Branch a\ang pawhin Member 18 zet lirthei nen an feh chhuak a ni. Hlimen Branch aiawha fehchhuak te chungah Branch hruaitu ten chuan lawmthu an sawi a ni.
    CYMA hruaitute chuan nasa zawka hmalak zel a nih tur thu leh Branch hrang hrang te a inchhawk a hnatlan ala nih zel tur thu an sawi. Keini Hlimen Branch te pawh kan hnatlan hun tur a ruat a lo thlen huna atam thei ang ber hnatlang thei turin Member te i lo in ring \heuh ang u.
    Ram hmelma/ hnam hmelma ‘Ruihhlo’ heti zozai man leh tihchhiata awm te hi tihchhiat loh ni tase Mizo \halai te nunna leh chhungkaw engzatin nge chhiat phah ang aw.......
Ngaituah ngam a ni lo.
    Ram leh hnam humhalhtu ‘Young Mizo Association’ hi kan va chhuang em.....

Page - 2

EDITORIAL :

Eng kan ti ta nge aw....
    Hlimen hi veng lungrual tak leh nuam tak a ni a, Politics lamah nise Party awmna leh duhzawng inang lo te pawh nilum âi hova insawisa fiam a nui tlang dar dar thei awmna veng; veng \henawmte pawhin mak an tih hial khawpa veng lungrual (inkawmngaih) tun thlengin kan ni.
    Tin, kohhran lamah nise rinna kawngah leh kohhran kalphungahte tihdan leh \ha tihzawng inang lo tak takte pawh inhmuhsitna leh inhuatna awm lova inkawm thiam tak awmna veng tia sawi hlawh tak kan la ni zel mai. Chu chang a la nilo, vengchhung a Association leh NGO hrang hrangte inpumkhatna pawh veng malah chuan a \hatna ber veng kan  ni hial awm e. Chung avangte chuan awm ni aw... \halai ten an uar lam apiang e.g. infiamnate, zirna lamah te, Pathian thu lam thlengin Zoram dengchhuak khawpa a \ha zawnga hmingthang \hin a ni.
    Veng lungrual leh thawhhona \ha min ti em emtu CYMA hruaitu zing ami YMA kumpuan hawn programme min hmanpuitu chuan sound system K|P ta a lo inhûng rup mai leh a Operator hna K|P OB ten an lo thawk lehzel te, K|P Female voice ten hun an hmangte a’n hmuh khan Hlimen chu a fak mawlh mawlh a, chung hunlaite chu ka ngaihtuah chhuak a.
    Tunah CYMA in Inter Branch YMA Zaipawl intihsiak a buatsaih turah Committee chuan tel thei ngei tura beiseina sang tak a neih laia member ui hum lek hla zir an ni ta mai hi; Section anga intihsiakna a zaipawl a phur tak tak hote kha khawiah nge an awm tak? Member-te huikhawm \hintu Section hruaitute kha in la dam tlang maw?
    Veng lungrual taka YMA Member hote kha ENG KAN TI TA NGE????

ZIAKTUTE HUANG :

BAWLHLAWH PAIH CHUNG CHANG
- J.Zothanpuia
Secretary PPP Mode Comtt.

    Faina leh Thianghlimna lamah khawpui hrang hrangte an in elin, \an an la nasa hle mai. Hnam/Ram hmasawn zawk/mekte  kalphungah hian Faina leh Thianghlimna hi ngaihpawimawh/buaipui nasat a ni zel awm e.
    Aizawl khawpui pawh hian faina lamah hma a sawnin sorkar pawhin bawlhlawh leh thli thenfai lamah \an a la nasa hle a, sum tamtak a sengin ruahmanna changkang zawkte a kalpuiin mipuiah zirtirnate  a pe mek a, NGO atang pawhin nasa taka \anlak mek bawk a ni. Aizawl city area chhunga veng hrang hrangte pawh kan intlansiak mek a ni a,keini veng pawhin nasa taka \an laka,mitin mawhphurhna a ni tih kan chian a pawimawh hle awm e.
    Engvangin nge ram changkang zawkte leh kan sorkar ngei pawh hian a ngaihpawimwh kan tih chuan; ram nuam leh hrisel, hlimna leh inrintawkna, nun nuam min neihtir theitu a nih tlat vang a ni ngei ang. Chuvangin, keini khawtlang pawhin bawlhlawh thehthang danah tan kan lak deuh deuh a \ul hle a,duhna hmun hmun a bawlhlawh paih kan la awm hi a pawi a, inbul kawr remchang changa kan paih \hin te hi hnam/khawtlang mualphona a tling tak meuh meuh a ni.
    Kan bawlhlawh tling khawm tuihawkin kawngpuiah a rawn chhawp chhuak hnur mai te,a luanna drain kan hnawh khah avanga kawngpui a tuihawk a luang dul dul mai te hi mahni mawng hlimna dik tak a ni tih kan hriat a, bawlhlawh paihna tur hmun sorkarin a buatsaih Tuirial Dumping Ground a paih thei turin karkhatah vawihnih; nilaini leh inrinni ah te bawlhlawh motor hmanga khawn khawmah hian kan bawlhlawhte i paih theuh ang u.
    Awle, tunah hian July & August, 2013 bawlhlawh paihna atan mipui lamin kan tum ve tur User Charge lakkhawm a lo hun leh ta, a hmun leh hun taka bawlhlawh i paih avang hian i hriselna a \hat phah a,nun nuam leh hlimawm tak i nei theiin, he khawtlang hi mawi takin i lantir thei a ni tihhriain lungawi takin User Charge i pe \heuh ang u.
    Hetiang hi May&June 2013 a sum hmuh leh hman dan a ni e :
    1.May & June 2013 User Charge hmuh zat     :` 14,010/-
    (Hei hi chhungkua/dawr  256 atanga hmuh a ni a, tunah hian chhungkua 605(a thar ber) kan ni a,chhungkaw tam tak pelo kan awm a, ngai pawimawh turin kan in ngen a, sorkar pawhin chhungtin pe \heuh turin min phut a ni tih kan hriat a, User Charge kan pekna Receipt pawh sorkarin thil chi hrang hrangah a phut mek a ni tih kan hriat tel a \ha awm e.) 

Phek 4-na ah chhunzawm a ni....
 

Page - 3

HRIATTIRNA :

Pawisa chhar
    Aug. ni 5, 2013 (Thawh\anni) khan mi rinawm leh fel takin pawisa a chhar a, pawisa tibo chuan a tihbo zat leh hun te sawiin Hlimkhawpui Editor hnenah tunkar- Aug. ni 17, 2013 (inrinni) ral hmain ngaihven theih a ni. Hun tiam chhunga ngaihven a nih loh chuan a hnuah engmah sawisel in awmzia a nei lovang.

JAC thuchhuak
    Tunlai hian khawtlangah Zû leh ruihhlo a tam leh ta hle a, mahni in tur ti a zû sâ \hin te pawh in an hralhchhuak \hin a ni tih hriat a ni a, zû zuar an tam hle a ni tih chu hai rual a ni lo. Heng mai pawh nilo, \halai zû stangding \hin te, a senchi zuar \hin te pawh an awm thu hriat a ni tawh a, anmahni pawh kut man nilo mahse hriat rukna a awm tawh a, hetiang ti \hin ten in sim lo a, man in tawk a nih chuan ngaihdam dilin awmzia a nei thui dawn lo a ni.
    Tin, mahni in tur tia thlawr \hin te pawh zû zuar anga ngaihin ni tawh in ngaih hnathiamna (Hriatthiamna) a awm dawn lo a ni. JAC te chuan zû leh ruihhlo avanga tumah man buai ngaia awm lo turin a duh a ni.
    Tin, kan hma lawk Oct. thla a neih tur Aizawl chhim Presbytery khawmpui Hlimen Persbyterian Kohhran in a thleng dawn a, veng ti mualpho thei zawng a rui mawilo taka khawsa te pawh JAC chuan a dim dawn lo a ni.

Mistiri rate thar
    Hlimen Thing Mistiri Association chuan Mizoram Thing Mistiri Association thuchhuak angin tun a\ang chuan nikhat hlawhbi atan ` 700/- ni tawh se tih a ni a. Mipuite kan han in hriattir a ni e.
   
    Sd/- Secretary
    Hlimen Thing Mistiri Association

Hlimen missionary society
    Hlimen Missionary Society chuan Rev. Samuel L.Zalawta, kumin October thla chhunga Burma ram Jebet Tanin a rawng a bawl lehna turah remchan anga thawhlawm thawh ve a tum a. Heta tana thawhlawm thawh ve duh kan awm chuan heng mite hnenah hian pek theih a ni.
1.    Pu Lalmuanpuia,
    Venglai. Ph. 9612837789
2.     Pu Hrangchhuana,
    Vengthlang. Ph. 9862537840
   
    Sd/- Ro\huama, Chairman

LAWRKHAWM :

Champion leh ta
    Aizawl Open Badminton Championship, Govt. Hgh School Hall a khelh zawh takah Pu Lalmuanawma, Saichhuma Sec. a mi chu Mens Single leh Doubles ah a Champion leh ta.
    A hlawhtlinna ropui tak avangin Hlimkhawpui Editorial Board ten kan lawmpuiin khawtlang tihming\hatu a ni hi kan chhuang tak zet zet a ni.

Joint Meeting nei
    August ni 6, 2013 (Thawhlehni) zan khan Hlimen Local Council leh Hlimen Branch YMA Office Bearer te chuan Local Council Office-ah Joint Meeting an nei a. Chuta an thurel mipuite tana hriat leh zawm atana \ul te kan han tarlang a ni e.

1.     In luah tur neite chuan an luahtir hmain Local Council-ah hriattir hmasak zel tur a ni. Hei hi khua leh tui \halo laka inven nan fimkhur a \ul avanga tih a ni. Zawm hram i tum ang u.
2.     In hmun lo ram hralh tur ten Mizoram mi leh sa diktak, I.D. Card fel tak nei hnenah chauh hralh tur a ni. Hei hi ram leh hnam humhalhna atana thil \ul tak a nih avangin zawm hram hram turin mitinte kan inngen e.
3.     Khawtlang hriselna leh thianghlimna lama hma kan sawn theihna turin Ek In khurneilo chhungkua engemaw zat la awmte chu September 2013 ralhma a nei thei ngei turin ngen nise an ti.

Class tan hun
    Chalkunga Memorial Taekwondo Club zirlaite chuan thlathar (September) ni 2 hian Class \an leh tawh tur a ni a, zirlaite \hahnem ngai taka zir thei tura lo inbuatsaih turin hriattir in ni e.
    Chalkunga Memorial Taekwondo Club te hian Medal tam tak rawn hawn tawhin vawi duailo veng an tihming\ha tawh a. He Club te hian an zirlaite ruihtheih thilah leh kawng hrang hrangah an control \ha hle a, hun reilotê ah Hlimen khawtlang hmel tidanglamtu an la nih ngei an beiseiawm hle a ni.

Foootball Tournament
    August ni 24, 2013 (Inrinni) hian Vengchhak F.C. chuan Local Tournament a buatsaih leh dawn.
    Entry Fee    :    ` 500/-
    A hmun    :    Hlimen Field

    Tin, tun thla (August) tawp lam hian ADFA chuan Tournament a siam dawn a, ADFA hnuaia in affiliat zawng zawng tel tur kan nih angin Club Player-te \hahnemngai lehzuala practice tur a ni a. Club palyer leh member te August ni 11, 2013 (Pathianni)  chawhnu inkhawm ban hian Tv. Lalmuanawma te In Venglai-ah kalkhawm vek tur a ni.
    Sd/- Secretary
    Vengchhak F.C. Hlimen

Page - 4

KEIMAHNI
Hlimkhawpui Budget
    Hlimkhawpui 2013 August  thla Budget  pe tla tawh te:
1.    Vawmphunga Sec.    2. Kapdaia Sec.
3.    Buala Sec..   

Sound system lei ta
    YMA Hlimen Branch chuan Aug. ni 6, 2013(Thawhlehni) khan Sound System \hatak a lei thar ta. Sound Box lian 2, Amplifier 1, Mixer 1, Mouth piece 1, Sound Box Stand 2 leh Accesories dang te an ni. A vai hian ` 1,30,000/- vel sen ral a ni. A hman dan chungchang leh \ul dangte chu Branch Committee in a la rel dawn a ni.

A va lawmawm em
    August ni 7, 2013 zana YMA  hla zirte eitur chhang tuihnai tak Pu Lalchhankima, Kapdaia Sec. a mi chuan a rawn tum a. Tin, August ni 9, 2013 zana Hlimkhawpui buatsaihtute ei tur Arsa tuihnai tak Pu Lalrinmawia, Asst.Secretary chuan min rawn tumsak bawk a, a va lawmawm \hin em.

Bawlhhlawh bawm lei ta
    Kan khawlaite a lo thianghlim zawk theih nan khawlai a ke a kalte leh motor a kal ten an bawlhhlawhte awlsam taka an paih theih nan YMA Faina Sub-Committee chuan bawlhhlawh bawm hmun remchang lai hmun engemaw zatah a dahbelh dawn a, bawlhhlawh bawm dah tur pawh a lei fel tawh a. Rawngte hnawih a, a khainate leh \ul dangte tihfel veleh hmun pawimawh lai laiah an dah dawn a ni. Khawtlang thianghlim nan mipui ten chhawr \angkai turin kan inngen a ni.

Kumin chu khawbung lamah aw...
    YMA Gen. Conference vawi 68-na October ni 15 - 17, 2013 a Khawbunga neih turah kan Branch a\angin Member atam thei ang ber kal thei turin tun a\angin lo inbuatsaih lawk ila, kal lam leh haw lam Bus fare atan ` 100 thawh tur a ni anga. Kal tumte chuan September thla ralhmain Branch O.B. te hnenah in report tur a ni e. Kan Branch a\ang pawhin Special Item (Solo) nei turin Committee chuan Nl. Lalruatdiki, Buala Sec. a mi chu Programme Committee ah thehluh a ni tawh.

CHHIARTUTE NGAIHDAN...

@@    Tunlai chu NLUP an sem leh ta chur chur mai,  mi veng leh khua a dawng; kan vengte dawn ang zat tho dawnga eizawnna nghet insiam a chhawr \an thawm hriat tur tam tak a awm laia kan veng a\anga dawng chhungkaw 200 chuang zet te hian hlawhtlinpui emaw la hlawhtlinpui mai tur thawm hriat tur a va vang ve.
- Khawtlangvei-a

@@    Khawchhia nen, rûl tam nen, zana street light êng awm mumal lo nen a hrehawmin rûl a va hlauhawm em!!! Street light hi êng thei tura siamtu kan va mamawh em.
- LM

Ziaktute Huang chhunzawmna ...

2.May & June 2013  User Charge hman dan:
Bawlhlawh paih zat    :    vawi 19
a) Pick Up hire na    :    Vawi   9@500    :    `  4,500/-
b) Labour pakhatna    :    Vawi 19@250    :     `  4,750/-
c) Labour pahnihna    :    Vawi   9@150    :    `  1,350/-
d) Collector hlawh    :    -    :    `   1,600/-
e) Glove,Signboard,
Receipt etc.        -    :    `  1,550/-   
Total            :    `  13,750/-
3.Balanced      : ` 14,010 - ` 13,750   =       `  260/-

    (User Charge kan pek \hat loh avangin sum balanced a tlem thei hle a, PPP Mode Comt. kaltlanga faina leh thianghlimna lama nasa zawka hmalak a nih theih nan chhungtinin User charge i pe \heuh ang u.)

Lawrkhawm chhunzawmna....

Local council hriattirna
    1. Local Council Office chu karkhatah vawithum ; thawh\anni, nilaini leh inrinni zingkarah te hawn a ni tawh dawn tih veng mipui te kan in hriattir e.
    2. Tunlaiin motor lian \henkhat kawngpui dung leh a dahna tur nilo hmunah hmuh tur a awm leh \an  a. Motor khalhtu/neitu te chu Parking Area - Central Workshop hmuna Parking place-ah dah vek turin kan in hriattir nawn leh a, hei hi mipui vantlang /khawtlang tan a ni tih hria a, thupek zawm hram hram turin kan in hriattir e.

                Sd/- Lalhmingliana.
                   Chairman, Local Council.

Hringnun....

Vawiina tih tur chu naktukah tihah khek suh tih hi thu lar tak a ni nain a \hen hi chu khek atana \ha zawk a awm ve fo mai. |ha zawk ni mai lovin khek atana \ha ber te pawh an ni ang, a bik takin thinrim laia tih nghal mai kan chak ngat phei hi chu khek ngei ngei a \ha ber zawk a ni.