Tualchhung :
Damlo: Pu R.Deng\huama, Lalsavunga Sec. a mi chu chuap lam \ha lo avangin Feb. ni 26, 2013 (Thawhlehni) khan New Life Hospital dahluh niin enkawl zel a ni.
Nâu nei thar: Zomuanpuia(Makuka) te nupa Kapdaia Sec. a mite chuan an fahmingkoh atan Feb. ni 24, 2013 khan UHC Hlimen ah fapa duhawm tak an nei thar.
@@ Pu MS Dawngliana leh Pi Thannguri te nupa, Saichhuma Sec. a mite chuan an fa pathumna ni turin March ni 1, 2013, khan UHC Hlimen ah fapa duhawm tak an nei thar.
Bial khawmpui nei: Isua Krista Kohhran Aizawl ‘E’ Bial khawmpui chu Hlimen IKK Biak Inah March ni 1 - 3, 2013 hian an hmang.
Hmuifang lamah: MHIP Hlimen Branch Committee member te chu Feb. ni 28, 2013 khan intuaitharna leh intihhlimna hun Hmuifang ah an hmang. Member 26 an kal thei a, hlawkthlak an ti hle niin thu kan dawng.
Inbuatsaih: Hlimen Prebyterian kohhran chuan kumin October thla a Aizawl chhim Presbytery inkhawmpui an dawn turah an inbuatsaih \ana, Sub-committee hrang hrang 9 vel siamin, Estimate pawh cheng nuai li chuang an siam niin hriat a ni. He inkhawmpuiah hian rorel palai te chawhlui an buatsaih sak \hin a ni.
JAC ten man: Hlimen JAC te chuan Hlimen High School Veng lama mi rikrap leh an inbul te haltu Melthum tlangval chu Feb. ni 27, 2013(nilaini) zan khan an man a, YMA Hall-ah hruai a ni a, hetah hian engkim an zawt fiah a. Ngaihdamna sang berin zilh hauna an pe a, chumi hnu chuan an haw tir leh ta rih a ni.
Front :
KUMPUAN HAWNG
Feb. ni 26, 2013 (Thawhlehni) khan YMA kumpuan RAM LEH HNAM HUMHALH tih chu a \um 8 na atan Vanapa Hall-ah hawnna programme hman a ni a. He programme hi Pu T.Sangkunga, President CYMA in a kaihruai a, Pu Lalthanzara Parliamentary Secretary chu khuallian niin kumpuan a hawng a ni.
Kumpuan thupui hmangin Pu R.Lalngheta CYMA leh Pu Lalbiakzuala Vice President CYMA hnen a\angin thuchah ropui leh \ha tak tak ngaihthlak a ni a, an ni hnen a\ang hian paper present kalkhawm ten an dawng bawk a ni. He kumpuan hawnna a tel tur hian Aizawl City Area YMA Branch O.B te chu tel vek tura beisei an nih angin Hlimen YMA Branch a\ang pawhin O.B te an tel ve a ni.
Hemi ni a kumpuan thuchah sawitute hian an sawi thiamin ram leh hnam hunhalh a \ulna leh a pawimawhna te fiah takin an sawi a, ram leh hnam humhalh nachang hre lo, hnam chimral leh hnam boral mekte chanchin pawh ngaihthlak a niin member kalkhawm teah a tlana hle a ni.
An sawi zel na-ah keini zofate pawh hi kan ram leh hnam hian chhak leh thlang, kiltin a\angin runtu, mi chimrala tih mang vek duhtu kan tawng mek a ni a, tunah hian ruihhlo chi hrang hrang min dawi ã \an a, kan \halaite nun an suat mek a, nunna em la chân lote pawh rualban lo leh chakna pawh nei lovin mimal leh chhungkaw tam tak an siam mek a ni. Heng ruihhlo hmanga kan hnam leh ram suat a tichhe mektute hi uipui tuilian thlir vung vung mai lovin, hnam chhan nan, ram humhalh nan ruihhlo hi do tlan a hun thute ngaihthlak a ni bawk. Hmelma - ram leh hnam chhiatna tura thawk mektu leh chhungkaw tam tak tikehchhia a, \halaite rualban lova siama, chu pawh duhtawk mai lova an nunna hial khawih pawitu RUIHHLO leh a zuar lui tlat tute hi mi pangngai chin chuan i dodal ngam ang u tiin kalkhawmte chu an ngen a ni.
He hunah hian zaipawl mawi tak takin Khatla ‘S’ YMA, Tuikual ‘S’ YMA ten an awi reng bawk a ni. Issue lehah thuchah sawitute thusawi tihchhuah tum a ni. Lo ngaichang ang che.
Page - 2
EditorialI LO CHHIAR VE THIN EM?
He chanchinbu tereuh tê ah hian mi \hahnem ngaite leh thurawn \ha tinreng min petute avangin khawtlang tana hma sawn theihna tur kawng leh chawimawi phute chawimawina te, fuih ngaite infuihna te tarchhuahna atan hman a ni \hin. Tin, kan khawtlang te a zau tawhin chhungkhat lainâte pawh lirthei nei velo tan chuan inkal pawh zung zung a harsa ta. Veng lehlam a\ang chuan veng lehlama kan chhungkhat lainâte an dam leh dam loh pawh inhriat pawh harsa khawp a ni ta reng mai.
Mahse he chanchinbu ah hian Hlimen a veng hrang hranga damlo hriat ang ang te, nâu neithar, innei, ê... sawi sen a ni lo. Lawmna lam leh lungngaihna lamte tarchhuah a ni \hin. Chu’ngte avang chuan he chanchinbu hian ngaihsak a hlawhin chhiar a hlawh phah \hin nite in hriat a ni. Tin, pawl leh mimal thil pawh khawtlang tana \ha tur leh sawtpui theih tur ang chi a nih chuan tarchhuah \hin a ni bawk. He chanchinbu chhiar \hintu pakhat chuan ‘Hlimkhawpui News hi Pathianni tuka ka hmuh loh chuan ka nun a nguiin ka khua a har ngawih ngawih \hin’ a ti a. A chhan ka zawh chuan ‘veng lehlam a mi hlawhtling leh ka chhungkhat lainate chanchin min hrilhtu a ni tlat a lawm’ tiin min chhang a ni.
He chanchinbu hian a duh ber chu khawtlanga thawhhona \ha, inpumkhatna leh lungrualna thlentu nih hi a ni. Chutiang a nih theih nan chuan Editorial Board mi tlemte; hriatna, finna, thiamna in a phak lovang tih chu a hretu in nih kha.
Chuvangin he chanchinbu hi a hlutna a pun chhoh zel theih nan khawtlang a thil thleng thar, thu lawmawm a ni emaw, lungngaihna lam emaw, infuih ngai thil a ni emaw; kan hriatte thawhkhawm zel ila, chu chuan chanchinbu hlutna a tipung anga, mipuiin kan chhawrna a sang zel mai dawn a ni. YMA Member chin ngat phei chuan uluk taka chhiarchhuah zel hi kan mawhphurhna a ni tih i hria ang u. YMA chanchinbu a neitu kan ni si a.
Ziaktute huang :
TUNGE TUH ANG?
- Puipui Pa
"Arpui sente hian buh hum a chhar a, 'Buhhum hi tunge tuh ang?' a ti a, 'Kei ka tuh lovang' an ti a," tih thu hi Pawl li kan nih ve lai chuan kan zir thin. Engkim duh ve chung si khan ransa hrang hrangte khan engmah tih reng reng chu an tum chuang lo.
He thawnthu tawite atang hian ngaihtuah leh zir ho tur kan neiin hriatna ka nei a, he thu ka ngaihtuah chhuah rual a ka rilrua zawhna lo awm chu, "Tunge ram hi hmangaih ang a, tunge rinawm taka ram tana thawk ang?" tih hi a ni. Politiciante hmangaih tur atan chauh kan dah fo thin a, sawrkar hnathawkte chauh hi rinawm taka thawk turin ka beisei fo thin niin a hriat theih a ni.
Dik taka sawi chuan, "Ram hi Lalpa ta a ni," ram mipuiten kan zir emaw kan zir lo emaw, kan phu tawk ang chiah zel ram hruaitu kan nei thin. Eiruk leh hlep ruk hi sual a nih zia chu kan hriain kan ngaimawh khawp mai. Tun ministry-a kan ministerte phei chu hlep ruk leh suahsualna kawng hrang hrang lakah an fihlim tlangin, mualphona em em pawh an nei lo niin a hriat theih a, mipuiten kan zir chuan heng tuna kan ram hruaitute ai maha tha hi kan la beisei ngam turah pawh a ngaih theih a ni.
Mi tha tam tak karah mi tha lo zawk leh a tlem zawkte hian pawi an khawih thuiin, lan pawh an langsar duh zawmah a, a fel tam zawkte hmer telin mi tha loah kan pawng chhuah vek duh thin. Kan sawrkar hnathawk lian, rinawm leh fel tak takte karah a fel lo an lo inzep ve thin avangte hian ramin a tuar thin a, a felten sawisel an hlawh ve phah fo thin.
Sawi tum tak lamah lut tawh ila, Mizote hi hnam rinawm tak anga inngaih luih hi harsa ka ti thin. Kan rilru puthmang hi a hnam pum ang hian a felhlel ta hle mai a, entirna tlem han pe ta ila: Khasi nu chuan Aieng a zuar a, a then a pawlh dal a, a then pawlh lovin a zuar a, a vaiin a thutpui a, a pawlhdal chu a man a chhiar tlem mai a, chutiang chuan huaisen takin a zuar mai. Keini pawhin aieng hi kan ngah tak viau avangin kan zuar a, kan pawlhdal a, Reiek aieng pawlhdal loh anga kan zawrh pawh pawlh a lo ni leh hram thin. Zoram lui Sangha rep an zawrhte pawhin belhchian a lo dawl lo fova, Tut chengkawlte pawh khawchhak lam chhuakte a lo ni leh daih thin. Hetiang hi kan nih avang hian kan inringhlel thum lo thei lova, dik taka sum hmang tura intiam chunga tanpuina dawngtu pawhin sawrkar ruahman sak dan ai chuan ama duhzawnga kalpui mai a hnial lo thin. A hnam pum ang hian kan rilru hi a dik tawk lova, mahni ram chereu theihna pawh ngaihtuah phal lo khawpa awlsamna thlakhlelh vangin mautam kum a vei a, mautuai chawr thar pawh kan leiin kan khawrh hnial lo fo zawng a nih hi.
Ka sawi tum ni ta bera chu, kan ram, kan khawtlang chhiat leh thata mawh phurtute hi a thuneitu, ram hruaitu leh sawrkar officer lian te, Local council memberte leh NGO hruaitute chauh hi an ni bik lova, mipuite hi a neitu dik tak kan nih angin mawh pawh kan phur thui hle a ni tih hi kan hriat a ngai ta khawp mai. Pu Zoramthanga te, Pu Lal Thanhawla te pawhin ram hi Pathian tih chungin siam that tum sateh thin mah se, a mipui ten kan zir miau loh chuan eng teh vak an thleng thei chuang lovang. Tunge buhhum hi tuh anga ching ang? Arpui ringawtin a chin a, a enkawla, chhanga a chan thlenga kan nghah ngawt mai zawngin a fel ber thei dawn lo a ni.
Page - 3
Hriattirna :
J.A.C. thuchhuak
Tunlaiin mi thil rul (thlai) lo leisak/khar chhawn sak ching kan awm a, heng mite hi JAC chuan a hre vek che u a. Tun chinah in ti leh a nih chuan in hming leh nihna chiang takin Hlimkhawpui ah rawn tarlan a ni tawh ang.
MUP Hlimen Unit
MUP Hlimen Unit chuan chhiatni a kan member thite inralna \hin Ketli ni tawh lovin Pawisa fai ` 1,000/- a inral a ni tawh dawn a. Khawn tura ruat ten March thla ral hmain Member pakhat tan ` 20/- aia tlem lova khawn tur a ni a. MUP Member tin ten tlawmngai taka khawntute hnenah lo pe turin kan ngen a che u.
Sd/-Secretary
MUP Unit Hlimen
Kangmei lakah i fimkhur zel ang u
Tunlai chu TV lamah leh chanchin thar lam ngaihsaktute tan kangmei chhuak hriat tur ava tam em.
Kangmeiin kan rohlu, in leh lo leh kan nunna hlutak te meivapa a chantir mai loh nan i fimkhur talng teh ang u. Kan fimkhur tawk loh avnagin mahni leh \henawmte kangmeiin meivapah min chantir vek thei a ni tih hi theihnghilh ngai suh.
HNARUAK
Zoram Entu Pawl(ZEP) hnuaia CBR project a thawk turin mipa leh hmeichhia mamawh a ni. Dilna hi plain paper -ah ziakin ZEP office, Tlangnuam (Mary Mount School bul) ah March ni 5, 2013 thleng theh luh theih a ni. Two wheeler khalh thiam duhsak an ni ang.
Hna hming : CBR Worker
Post awm zat : 2
Thiamna : 10+2(English thiam)
Interview hun : March ni 6, 2013
Contact nos : 9612388739, 9862308435
ADMISSION HRIATTIRNA
Kum 2013- 2014 Session atan Presbyterian English School Hlimen-ah Admission a tih theih reng e.
1. Admission Fee - ` 500/- (A thar tan)
- ` 400/-( A hlui tan)
- KG-I Free
Unau pathum(3) chinah Concession a awm ang.
2. Monthly Fee - ` 400/-
Unau pathum(3) chinah Concesion a awm ang.
Sd/-Principal
Presbyterian English School
Hlimen.
Lawrkhawm :
Hlimen Branch YMA ni leh hruaitu hmasate
-Rinngaia Colney
Kum 1946-a hruaitu hmasa te chu :-
President : L.Siama
Vice President : Rokunga
Secretary : Challiana
Asst.Secretary : Lalkhawthanga
Treasurer : Lalnghinglova
Kum 1947 ah chuan member te an lo awm ve nual tawh avangin mumal takin YLA an inthlang thei. February ni 16, 1947 (Pathianni) chawhnu inkhawm banah Sikulte ah member ten hruaitu an thlang.
President : L.Siama
Vice President : Hmingdailova (Ztu. Hminga)
Gen.Secretary : Pazawna
Asst.Secretary : Challiana
Treasurer : Upa Tawna
Hawh u, kan \henawm khuate leh thingtlang kilkhawr zawkte pawhin belhchian dawl taka thil an chhuichhuak thei a nih chuan, engahnge a din ni ni miah lo hi Hlimkhawpui YMA te hian kan lawm reng bik ang.
Two wheeler chahbi chhar
Mi fel takin Two Wheeler chahbi a chhar a, a neitu chuan Hlimkhawpui Office-ah emaw Pu Robuanga, Editor hnenah lam theih a ni e.
Chapchar kut 2013 Chapchar K<t 2013, K<t-na ropui ber, Lammuala Feb. ni 28 a\anga March ni 1-a neih chu ropui takin \iak ta.
He Chapchar Kût ah hian Mizo hnam lâm te Branch hrang hrang a\angin entir a ni.
Hlimen Branch YMA aiawha Mizo hnam lâm(Cheraw leh châwng laizawn) entirtute:
Huanthlai bo tam
Tunlai hian mi huanthlai ruk ching in awm a, manchhuah in nih chuan in chungah action in phu tawk ang taka lak a ni ang.
Kangmei lakah fimkhur rawh
Minute reilo te a nangmah leh i \henawmte, nunna hlu tak leh ro hlu tak te tihchhiat a nih loh nan kangmei lakah fimkhur rawh. I fimkhur loh khan nangmah mai bakah i \henawm te tan lungchhiatna nasa tak i thlen thei a ni.
Page - 4
Keimahni :
Hlimkhawpui Budget
Hlimkhawpui 2013 February thla Budget pe tla tawh:
1. Vawmphunga Sec. 2. Buala Sec.
3. Damvea Sec. 4. Saichhuma Sec.
Fehchhuak
Feb. ni 27, 2013 (Nilaini) khan Pu R.Lalngheta Treasurer CYMA leh Pu Vanlaltluanga CEC te chu NLF hel pawl ten mi an ruk bona lamah chinchang hre tur leh Group leh Branch YMA te thlamuan turin an fehchhuak a. Feb. ni 28 khan tluang takin an lo haw leh ta. Misual rukbote pawh hi dam taka an lo haw leh thuai beisei a ni.
Branch committee hnatlang kohna
Thlanmual-I a Anaganwadi bul kawng Feb. ni 20 a Committee member ten hnatlang a laih zauh; zawh hman tak loh chu March ni 9, 2013 (Inrinni) zingkarah Branch Committee ten hnatlang a laih chhunzawm tur a ni a. Member ten ngaihpawimawh \heuh tur a ni e.
Kan va lawm tak em
Pu R.Lalremsanga MCS (Pu Marema) kan Branch Exe. Committee Member chuan Sorkar Officer pawimawh a nihna ang ngeiin kan Branch tan nasa takin a thawk \hin a. Department hrang hrangah kumin ah pawh hian Advertisement 6 vel min hmuhsak tawh a. Kum kalta khan min hmuhsak \euh tawh bawk a, kan lawm hle mai. Tunah hian Guwahati ah Deputy Residence Commisioner (L.O) a min awmsan ta mai hi kan lawmpui rualin kan ui hle mai. A chungah lawmthu kan sawi tak meuh meuh a ni.
Member lak leh chhiatni fund chungchang
Kumin 2013 chhunga YMA Member lak leh chhiatni Fund khawn tura Section tin ten hriattirna kan dawn tawh angin Member lak hi february thlaa khawn tihfel tur a ni a, la tifel hman lo te kan awm a nih chuan a ranglama tihfel nise; tin, chhiatni fund pawh March thla chhung ngeia khawn fel nise tih a nih kha. Hei pawh hi thla tawp kher nghak lovin a ranglama khawn fel hram nise la.
Tin, chhungtinte pawhin chhiatni Fund hi kan thawh tura min beisei tlin ngei thei turin leh khawntute tana harsatna siam lova vawikhat an rawn khawnna a lo pe fel thei turin chhungtinte lo inrinlawk \heuh nisela; a khawntute tan in luhnawn fo hi thil nuam lo tak ani tih hriatpui thiam ila a lawmawm hle ang.
Chhiartute ngaihdan :
@@ Ka pu, hei neih chhun chhunin PHE Tui Connection ka la ve a, Deptt. lamin Public leh Connection neite pek nî an siam a ka lawm tehlul nen kan veng nu pamham pui pui leh zahna pawhpha lo, hmel ena mi ang fu, tuai pur si ten Connection pek huna Public Point an lo herh haw fo \hin avangin tui kan hmuh tlem phah fo mai. A tihngaihna in hria em, an hlauhawm si a, ka hau ngam bawk si lo, an nasa bulh bulh si.
-Tui Connection nei ve tu
Chawhchawrawi :
Y.M.A CAMPING CENTRE LAMAH
|awng\ai Bethel Camping Centre Chawnpui a mi chu Rilru lam leh taksa leh thlarau chhanchhuahna beiseitu ten an pan nasa thei hle a. Tunah hian Campers hi 674 ngawt an tling tawh a, an tawtin an leng tawh meuh lo a ni ber mai. Zan lama riahna tur hmun pawh an in chan kim thei tawh lo a ni. Chutihlaiin, hmun hrang hrang a\angin rilru, taksa leh thlarau chhanchhuahna beiseitu te an la luhbelh sauh sauh mai bawk si nen, an chep tawhin an khawngaihthlak hle mai.
Central YMA chuan Pathian rawngbawlna pawimawh tak a ni tih hriaiin an chenna tur In sak belh chu a ruahman ta ringawt mai a, a dung Ft. 60, avang Ft. 22 ni turin tunah hian In sak chu a bul \an mek a ni. He In sak turah hian CYMA chuan ruahmanna fel tak a siam a, City Area a YMA Branch hrang hrangte chu tlawmngai a hnatlang a inthawhchhawk turin ruahmanna a siam a. Keini Branch pawh Feb. ni 23, 2013 (Inrinni) khan hnatlanga thawh a ni a, Issue hmasa lama hnatlang tarchhuah kha hmaih leh tihdik loh a awm a, hei hi tihdikna a ni nghal e.
Hnatlanga thawkchhuakte :-
1) Pu Lalthantluanga, Trea. (2) Pu Vanlaltluanga V.Pre. (3) Pu Robuanga Fin.Secy. (4) Pu Zoramhmangaiha Comt. (5) Pu Lalremthanga Comt. (6) Pu Lalchhantluanga Comt. (7) Pu Zairemthanga Comt. (8) Pu Lalvulliana, Comt.
(9) Pu R.Zoliana, Comtt. (10) Pu Tlanghmingthanga, Mistiri
(11) Pu K.Lalchhuanawma,Mistiri (12) Pu C.Vanlalsawma Mistiri (13) Pu G.Lalzahawma, Mistiri (14) Pu Lalhmunsiama Mistiri
Heng hnatlang a thawkchhuakte hi Pu R.Lalngheta Tresurer CYMA in a ho a. He hnatlang neih hi member a nawlpui a thawh chi a nih loh avangin puanzar a ni lova, hruaitu ten an sawm leh ruatchhuahte an ni. He Insak hnatlang a thawk Branch Committee member ho mai baka Mistiri tlawmngai a thawkchhuak zawng zawngte chungah Hlimen Branch YMA hruaitute chuan lawmthu an sawi a ni.
Advertisement
Kimi : |hiannu, vawk hi in va tluang bik em em \hin ve.
Buangi : E, tluang lo thei kan ni hlei nem, vawk vulh tluang tur chuan a thlahtu lam hian a zir a ngai em a lawm.
Kimi : Tû vawk thlah nge \ha ber ang le?
Buangi : Ele, Pu Pachhunga (Pate-a) vengthlang a mi vawk pa thlah saw a \ha ber ang. Thlahtir ve teh, hei hi a phone no. 9862468080 a nia, phone la, englai pawhin a koh theih reng e.
No comments:
Post a Comment