Sahmulphah thla Ni 30, 2013.. Issue No. 48

PAGE - 1

TUALCHHUNG :

Damlo: Pi Lalremliani W/o Zohmangaiha Saichhuma sec. a mi chu Nov. ni 28, 2013 (Ningani) khan a nghawng a \halbe(Thyroid)  awm chu an zai.

@@    Pi Rohlupuii W/o Lalliantluanga (L) Kapdaia Sec a mi chu khawsik avangin Referral Hospital, Falkawnah enkawl mek a ni. 

@@    Tv. Lalrinngheta C/o Pi Rualchhingi, Kapdaia a mi pawh kal a lungte  avangin Kulikawn damdawi inah enkawl mek a ni bawk.

@@    Dingpuii W/o Hmuaktea Kapdaia Sec. a mi chu taksa lam harsatna avangin Falkawn Referral Hospital ah enkawl mek a ni.
    Damlo zawng zawng ten dam leh hrisel taka hringnun an hman chhoh zel theih nan duhsakna kan hlan e

Top 5-ah tling: LPS Junior Comedian Search neih mekah Lalnunpuia (kum-7) S/o Lalthanpuia Buala sec. chu Top 5(Final round)-ah a in hlang kai ta. He chanchinbu buatsaih lai hian result kimchang hriat hman a ni lo. A kal zelna turah  Hlimkhawpui Editorial Board ten duhsakna kan hlan e.

Hnatlang: Nov. ni 28, 2013 (Ningani) khan Hlimen Presbyterian kohhran ho chuan krismas thinglak hnatlang an nei a, hnatlanga thawk te chungah leh thinglak tur pe tu Pu Zomawithanga, Kapdaia sec. a mi leh Pu Lalrinmawia Saichhuma Sec. a mi te chungah hruaitu ten lawmthu an sawi.
     Tin, thing laksa phurh nana motor thawhtu  leh phal taka hmanrua rawn thawhchhuah pui te chungah pawh nasa takin lawmthu an sawi e

FRONT :

Hlimen Branch YMA Executive
Committee vawi-10 neih a ni

    Nov. ni 29, 2013(Zirtawpni) zan dar 6 khan Hlimen YMA Hall ah Branch YMA Exe. Committee , kum 2013 chhung a, a vawi-10 chu neih a ni a, chutan thurel tlangpui te chu :

    1. Kum 2013 Krismas denchhena miharsa \anpui chungchang : Kum 2013 krismas denchhen hian vengchhung a miharsa \anpui nise tih a ni a, Section hrang hrang ten section huamchhunga \anpui ngai awm an tihte lo thlang se, Dec. ni 10, 2013 (Thawhlehni) ral hmain Branch Secretary hnenah theh luh vek nise tih a ni.
    Tin, Chawnpui Camping Centre chu \anpuina thilpek hlan nise tih a ni bawk.

    2. 2014 Hruaitu thlan chungchang : Kum 2014 hruaitu thlan chu  Dec. ni 18, 2013 (Nilaini) zan dar 7 leh a chanve(Inkhawm ban) hian YMA Hall-ah neih nise tih a ni a, heng mi te hi Nominate nise tih a ni.
    1.     David Rualtinkhuma    2.    F. Laltlanmawia
    3.    F. Zosangzuala    4.    J. Vanlalbiakdika
    5.    K. Lalremruata    6.    Lalchhankima
    7.    Lalchhantluanga    8.     Lalhmuchhuaka
    9.     Lalhmunsiama    10.    Lallawmkimi
    11.    Lalremthanga    12.    Lalrinchhana
    13.    Lalrinmawia    14.    Lalroliani
    15.    Lalthantluang    16.    Lalthlengliana
    17.     Lal\anzuala    18.    Lalvulliana
    19.    R. Lalawmpuia    20.    R. Lalbiakmawia
    21.    R. Lalrindika    22.    R. Lal\anpuia
    23.    R. Lalzoliana    24.    Robuanga
    25.    Samson Lalrinfela    26.    Samson Zorammuana
    27.    V. Thanchinga    28.    Vanlalliana
    29.    Vanlaltluanga    30.    Zairemthanga
    31.    Zochuanpuii    32.    Zolianchhunga
    33.    Zoramhmangaiha
    Tin, he inthlan ah hian mi 6 thlan chhuah a, chung thlan chhuah a\ang te chuan Post in siam rem a mi tur ani ang. Inthlan pui tu atan heng mite hi ruat an ni:
    RO :  Pu R. Lalngheta,
    PO : i)Pu Duhthusama, ii)Pu Pakunga, iii)Local Council Member te. iv) MHIP aiawh pakhat.
    Inthlan zan leh a \ul dang chu OB te kutah dah a ni.

3. Venglai kawn chei chungchang : Kumin Krismas denchhen in venglai kawn chei nise, a cheina tur UD &PA Deptt. leh AMC ah dil nise tih a ni. Hemi kawn chei tura mawh lo phur bik turin mi 10 ruat an ni bawk.
Phek 4-na ah chhunzawm a ni....

PAGE - 2

EDITORIAL :

INENFIAH KAN VA NGAI EM!!!!
    Mizoram Kristian za a za inchhal ngam tawh leh Centenary meuh pawh lawm thei tawh kan ni. Chutih mek laia kan ram hruaitu leh roreltu tur inthlan (Election) kan hmachhawn duh dan leh mipui tam takte chet dante kha Kristian te chet dan tur a niin Pathian malsawm tlak a ni ang em? tihte inchhut a inenfiah kan va ngai em!!
    Kan khawtlang Hlimen \halaite leh mipui tam takin Election kan hmachhawn dan kha a va Kristian lo tehlul em. Kan ram hruaitu leh roreltu tur mi\ha, rorel thiam kan neih theih nana Pathian rawn chunga vote thlak vek a pawimawh tehlul nen; vote lei leh hralh thawm hriat tur tam tak awmte, ruihhlo (zû) leisak a kan miduhte votepui tura insawm thawmte, vote hralhna tur hriat loh avanga vote thlak duh lote leh rui chhur chunga vote thlak ta mai thawm te kha hriatin a va Kristian lo tehlul em!!
    Kha mi ni a vote hralh tute leh vote lei tute, rui chunga vote thlak tute zingah khan kohhran a rawngbawltu pawimawh engemaw zat pawh an bang bik lo niin sawi leh hriat a ni lehnghal. Kan ram leh kan khawtlang hian Pathian malsawmna dawnga hmasawn zel kan duh a nih chuan  malsawmna neitu Pathian \ih leh zah chung zelin ti \hin ila. Rawngbawltu kan nihna te, Kristian kan nihna te hi kohhran Programme ah chauh ni lovin khawtlang ah leh ramchhungah lantir \hin ila. Chutiang huna lantir nachang hre lo leh thei lo ka nih chuan INENFIAH kan ngai hle tihna a ni

ZIAKTUTE HUANG :

Aizawl south - III vote tlak dan

    MLA inthlanpui kan neih zawh takah kan bial (Aizawl South-III) ah vote a tla \ha thawkhat hle a, Constituency 40 zinga Vote tlak \hatna ber bial a niin votter 17620 zet zingah mi 15776 ten vote kan thlak a, vote tla percentage hi 89.53 zet a ni.
    Aizawl South-III huamchhung ah hian Chawilung khua ten Percent a chhutin Vote an thlak \ha ber a, votter 277 a\angin mi 266 ten vote an thlak a, vote tla percent hi 96.03 zet a ni.
    Tin, Chief Electoral Officer, Aizawl Mizoram Official Website - http://ceomizoram.nic.in/  a\anga a landanin hetiang hi Aizawl South-III Constituency huangchhunga veng/khua hrang hrangte votter zat leh vote thlak dan chu a ni e.

PAGE - 3

HRIATTIRNA :

Local Council hriattirna leh lawmthu
    Christmas kan lo hnaih leh ta a, hunpui lo thleng tur vuakvetah hian vengchhung mipui te kan him tlan nan lirthei khalhtu mi tupawh fimkhur zual turin kan in ngen a, chak lutuk emaw midang himna tiderthawng thei zawng a lirthei khalh khap tlat a ni. Tin, Two Wheeler bik-ah Proton vuah a bengchheng tak a tlan emaw zanrei tawh lama  mipui vantlang te tan harsatna siam a lo turin kan in hriattir e.
    Tin, Tun  MLA Election neih zawh takah kan veng mipui za a 86.75 laiin vote kan thlak thei a, Vote thlak \hat hi khua leh tui \ha tehna a ni a, hetianga veng mipui ten kan chanvo ngai pawimawh a vote kan thlak a hmuh hian Hlimen Local Council chuan lawmawm a tiin veng mipui,  Vote thlaktu zawng zawngte chungah lawmthu a sawi tak zet a ni. Lungrual/\anrualna nen Hlimen hi hmalam i pan pui zel ang u.

            Sd/- Lalhmingliana,
        Chairman, Local Council Hlimen.

Mi in phal te tan
    Kumin 2013 Krismas leh kumthar vuat vet denchhenin Venglai kawn hi Hlimen Branch YMA  a chei dawn a, hemi atan hian sum sen te angaih dawn avangin vengchhunga mi \hahnem ngai te leh chhungtin te thawhlawm thawh \heuh turin kan ngen a che u. Tin, a kohhran zawng te , a pawl nihna ang chi te, Memorial (Hriatrengna)  ang zawng te pawhin thawhlawm hi a thawh theih reng a ni. Hetiang a vengchhung chei hi changkanna pakhat, veng timawitu a ni tih hriaiin he mi pual adonation khawn hi \hahnem ngai tak a pe turin kan in ngen e.
    Hemi pual a thilpek pe duh tan Pu Lalrinmawia, Asst. Secy hnenah pek theih reng a ni e.

Report zel ila
    Krismas vuakvet laiin buaina leh harsat bikna nei te reng rengin JAC ah kan thlen lo a nih pawhin Kulikawn Police Station ah report zel ila,  Kulikawn Police Station Ph No : 0389-2322379 ah report zel mai tur a ni.
    Krismas leh kumthar vuakvetah  midangte tan harsatna thlentu nilova malsawmna thlentu nih i tum ang u.

Cycle bô
    Ka fapa  Cycle verandah a kan dah chu Nov. ni 28, 2013 zan khan a bo daih mai a, a awmna chin hria chuan min hrilh thei ula kan lawm hle ang. A sen niin a lian chi a ni bawk.

                  In \hian,
        Sângkima, Hlimen Vengthlang
            Ph : 8974417800

LAWRKHAWM :

Hlimen a vote tlak dan
    Nov. ni 25, 2013(Thawh\anni) khan  Mizoram MLA Election chu zawh a ni ta a, inthlan hun hi ruahmanna ang chuan zing dar 7 a\anga tlailiam dar 4 thleng hun hawn a ni.
    Kan veng bika vote tlak dan chu hetiang hi a ni:
    Booth No. 1 (Hlimen P/S-I) ah  hian vote 1135 awmin, vote hi 999 a tla a, hei hi za zel a 88.01 a ni.
    Booth No. 2 (YMA Hall) ah hian vote 821 awmin, mi 698 in vote hi an thlak a, za zel a 85.01 a tla a ni.
    Tichuan, kan venga vote awm zawng zawng 1956 a\angin vote 1697 tla in, hei hi za zela 86.75  a ni.

Speaker la thar leh tawh
    Mizoram Synod chuan Revival Speaker 2014-2015 chhunga rawih tur mi 70 zet a la thar leh ta. Heng zingah hian Speaker ni lai engemawzat chawlhtir an ni thung.

Venglai kawn chei  dawn
    Krismas pual a Aizawl veng tam zawk ten an tih fo leh veng timawi em em tu, hmundang a\ang pawh a thlir tur a an kal fo na chhan Veng lunlai an chei \hin angin Hlimen Branch YMA pawhin Aizawl City Area kan nih ang ngeiin kan venga hmun lunlai ber- venglai kawn chu a chei ve dawn a, sum tamtak sen a ngaih dawn avangin mi inphal te hnenah pawh vehbur a khawn dawn a, veng mawina leh ti nuamtu a nihna hrereng chung a \hahnemngai taka lo pe turin YMA chuan chhungtin te a ngen.
    Hetiang a Krismas vuakvet a vengchhung chei hi changkanna pakhat niin khawhawi tinuam a, nun a tihlim in kan uar chho deuh deuh dawn ni pawhin a lang a, mitin pawhin kan in leh a chhehvel te pawh kan theih ang tawkin chei \heuh ila, veng mawina a lo ni zel mai dawn a ni.

Sipai lak runpui  neih a ni dawn
    Jan. ni 15-20, 2014 inkar hian Rajiv Gandhi Stadium, Mualpui, Aizawl-ah Sipai- mipa tan bik (Technical, Nursing Assistant, Clerk) lak a ni dawn a, hetiang lam a tui mi tan tun a\anga lo inbuatsaih lawk chi a ni ang.
    A ngaihven duh tan Vanlalmuana. Mb No. 9436195736, Chairman Trainning & Youth Affairs Sub- Committee, CYMA hnenah leh Hlimkhawpui Office ah chanchinbu buatsaih lai - Ningani zan leh zirtawp zan apiangin zawh fiah theih a ni.

VFC League zo ta
    Vengchhak Football Club tenFootball League an buatsaih chu an zo fel ta a, Club hrang hrang te an inkhelh kual hnuah hetiang hi an dinhmun a ni.
    1st    -    VFC ‘B’ Team
    2nd    -    Saikhamakawn FC
    3rd    -    Quarry veng FC
    He Football League a hlawhtlinna atana Sponsor tute TP Stone Work, Chalkunga Memorial Taekwondo Club, Pu Thangrehlova leh Pu Liansngpuia te chungah VFC hruaitu ten lawmthu an sawi takzet a ni
    Hetianga vengchhung a infiamna lam nungtaka kalpuitu VFC te hian fak an phu hle a, League siam hi sum leh pai a hautakin tha pawh a heh hle a, heti chunga League mumal tak an kalpui thei hi an fakawm takzet a ni.

PAGE - 4

KEIMAHNI
Hlimkhawpui Budget
    Hlimkhawpui  2013 November  thla Budget  pe tla tawh te:
1.    Buala Sec.    2. Damvea Sec.
3.    Kapdaia Sec.    4. Vawmphunga Sec.
    Tin, Kapdaia Sec. ,Damvea Sec., Buala Sec.leh Vawmphunga Sec. ten December thla Budget an tlak tawh bawk a ni.
 

Sound man tlak fel
    Hlimen Branch YMA in Sound tih changtlun nana Sound System a ba thlauva a lak chu pek tlak fel a ni ta. Tin, He Sound System tihchangtlun nana Branch YMA in Lucky ticket a siam leisaktu zawng zawng te chungah Hlimen Branch YMA chuan lawmthu a sawi takzet a ni.
    Tin, Nov. ni 25, 2013 khan Lucky Ticket hi vawr a ni a, a hnuai a mite hi a man tute chu an ni.
    1st Prize - Malsawmtluangi, Lalsavunga Sec.
    2nd Prize - Pu N. Zonunmawia. Saichhuma Sec.
    3rd Prize - Laldingpuii, Vawmphunga Sec.

YMA ah hlan
    Lunglen hla bu (khawhar lengkhawm hla bu) Pu Lalremmawia Lalsavunga Sec. a mi chuan amah kal tlanga a \hianpa Siama’n YMA a pek chu a hlan a, hemi rual hian amah Pu Mamawia hian ama chan ai tura a \hianpa in a pek chu YMA ah a hlan nghal bawk. An chungah YMA hruaitu te an lawm tak zel a ni.

Kapdaia Section
    Nov. ni 30, 2013 (inrinni) hian Section Property in (Kudam) siam leh Property enfel hnatlang an nei a, hnatlang a thawhchhuak zawng zawng te chungah hruaitu ten lawmthu an sawi tak zet a ni.

Branch YMA ngenna
    Sawrkar dan dinglai angin Krismas leh kumthar vuakvet-ah puakthei lam thil leh naupang silai lem, a mu kahchhuah theih chu khap tlat a ni a, vengchhunga dawr nei mi tupawhin hetiang lam thil engmah zuar lo turin Branch YMA chuan a ngen takzet a, tilui/zuar lui kan awm a nih chuan a \ul angin YMA chuan hma a la ang.
    Tin, heng hunpui lo thlen dawn lai hian mipui lamte kan phurin kan zauthau \hin a, lirthei lakah kan fimkhur tawk thiam loh \hin avangin vanduaina (Accident) a thleng duh hle mai a, mitin te lirthei laka fimkhur turin kan in ngen a; tin, lirthei khalhtu (Driver) te pawhin mipui te tana harsatna a thlen loh nan leh thlamuang zawk a an awm theih nan kan lirthei khalh te fimkhur ila; tin, a bik  takin Two Wheeler khalhtu te pawhin damlo leh tarchaklo zawk te tana ninawm leh hriselna khawih pawi thei khawp a thawm bengchheng lutuk (Proton vuah) leh chak lutuk a tlan lo turin kan in hriattir e. 

CHHIARTUTE NGAIHDAN...

@@    Pu Editor, hei kan vengchhung a mi ngei Bike bengchheng chi (Proton) vuah a chhun zan sawi lova, a bengchheng thei ang ber a inthlahrung miah lova tlan \hin hi Pu Editor, tlan tawh lo turin kan duh tak meuh meuh a. Tin, damlo, tar chaklo ten an kham tawh hle mai tih kan hre zel bawk a. Hetiang mi hi tunlaiah amah chauh a ni tawh a, sim tawh sela kan duh vek a, kan khawtlang tan hmasawnna rahbi pakhat a lo ni ngei ang, Pu Editor?
- LBG
    (Hetianga vangtlang tana hnawksak taka khawsa leh bengchheng siamtu te hi an tih tawhlohna turin Branch YMA chuan hma a la mek zel e.)

@@    Inthlan chu kan zo fel ta. A thawven thlak ta hle mai ti nge kan tam ang a, nuam mup mup ti aw, tih te ka ngaihtuah a, kan veng zawng in kan kham loh hmel hle in ka hria; kan inthlan lai boruak en khan.
     Vote hralhna tur zawng huai huai hmel te, vote lei tur zawng huai huai hmel te leh ruih chunga vote thlak duh mai tawk leh ruih vanga vote thlak hman ta lo kan awm ta nuk mai nia sawi thawm awm te  khan inthlan a ti  ropui dangdai  kan ti dawn nge in thlan kan veng hian kan zei zia a tilang kan ti dawn, Pu, Editor enge i ngaihdan le?
-Vote-a
(Khawtlang nun ala hniam zia tarlanna ni ber in ka hria)

CHAWHCHAWRAWI...
Khawpui mi tan
    Hlimen hi Aizawl Municipal Ward 19-na niin Aizawl chhim tawp a awm kan ni a, khawpui (City Area) kan ni. Hetih rual hian hmabak tamtak kan nei, a bikin faina kawngah tun aia chhungtin te kan \an tlan a pawimawh. Krismas leh kumthar pawh kan hma lawkah a lo awm leh ta. Heng hunah te hian mitin ten vengdang te min hmuh dan tur hrerengin faina kawng ah hma i la deuh deuh teh ang u. Faina leh Hlimen hi a in hmeh a ni.

(Phek hma chhunzawmna..............................)        

4.Halpuah & Silai lem chungchang: Vengchhunga dawrkai leh chhungtinte hnenah naupang silai a mu kahchhuah theih leh halpuah te zuar lo tur leh nu leh pa ten leisak lo tur a ngen na Hlimkhawpui chanchinbuah leh Information mike a\anga puanchhuah nise tih a ni.

5. Vengchhunga himna leh ruihhlo chungchang : Kumin Krismas denchhen hian veng chhunga himna leh ruihhlo chungchangah chak thei ang ber a hma la turin JAC ah ngenna thlen nise tih a ni a. Tin, vengchhunga buaina leh harsatna bik tak a lo awm anih chuan Police-ah thlen vat tura in zirtir nise tih a ni.
    

6. Lirthei khalh chungchang : Vengchhunga mipui te kan him zawk nan lirthei khalhtu te fimkhur taka khalh tura ngen nise tih a ni. Tin, Two Wheeler neitu ten Proton an vuah a, bengchheng taka vengchhung a an tlan \hin hi Committee chuan \ha a ti lova , a theih ang ang a hmalak nise tih a ni.

Sahmulphah thla Ni 23, 2013.. Issue No. 47

PAGE - 1

TUALCHHUNG :

Damlo: Pi Lalsawmliani W/o Pu Rokima (L) Saichhuma sec. a mi chu Pumpui lam \hatlohna avangin Nov. ni 17, 2013 (Pathianni) a\ang khan Referal Hospital, Falkawnah enkawl mek a ni.

Nau nei: Pu Lalliankima leh Pi Lalruatsangi te nupa Kapdaia Sec. a mi te chuan an fa pahnihna turin fapa duhawm tak Nov. ni 18, 2013 (Thawh\anni) khan Civil Hospital ah an nei thar.

@@    Pu Lalrinawma Kawlni leh Pi Lallawmsangin te nupa Buala Sec. a mi te chuan an fa pahnihna atan Urban Health Centre, Hlimen-ah fanu duhawm tak Nov. ni18, 2013 khan an nei thar.

Joint  Adv. Krismas hmang dawn: Hlimen a kohhran hrang hrang \halai pawl te chuan December ni 17, 2013 zan hian Hlimen Presbytrian Kohhran Hall-ah Joint Advance Krismas an hmang dawn.

Ruai hmun khatah: Hlimen Presbyterian kohhran chuan kumin Krismas leh kumthar ruai chu veng \hen hrang hrangah hmang tawh lovin hmun khatah an hmang dawn. Hlimen ah hian kum 50 ? chuang zet chu Krismas leh kumthar ruai hi hmun khatah \heh ho a lo ni tawh lo a ni.

Campaign hun tawp ta: Section 126 of the Representation f people’s Act, 1951 in a sawi angin vote thlak hun khar, november ni 25, 2013 tlai dar 4 a\anga chhiar let a darkar 48 chhungin inthlan campaign chawlhsan tur a ni tih sawrkar thuchhuah chuan a sawi. Tichuan, inthlan campaign hun tawp ni chu Nov. ni 23,2013 (Inrinni) tlai dar 4 -ah chiah a tawp ta a ni.  

FRONT :

Central Y.M.A. thuchuak

1.    MLA inthlanpui 2013 neih turah \ha tak leh tluang taka inbuatsaihna kalpui mek a nih laia ni 20.11.2013 tlaia rawlrala che pawl ten Pu B.Zahunga, Khawlian, Chalfilh Constituency chu thisen chhuak a kut an thlak (silai kah) a ni hi Central YMA chuan a dem takzet a ni. Hetianga rawlrala rawva taka che pawl thawhpuitu Political Party chu Mizo mipuiin thlauhthla a, vote lo turin Central YMA chuan a ngen a ni.
2.    Mizoram mipui ten zalen leh thlamuang taka MLA thlanna vote an thlak ngei theih nan sorkar hian a tih tur dik tak venhimna khauh lehzual a kengkawh turin Central YMA chuan a beisei a ni.
3.    Mizoram \hendarh zawnga inla hrang chibing pawlte hmalakna ang chi reng reng chu Central YMA chuan a dodal zel dawn a, Mizoram inpumkhatna atan Central YMA chuan a\ul angin hma a la zel dawn a ni.
4.    Mizoram hmun hrang hranga Politics thil avanga Mizo mipuite vaubeha thlabara awmte thlamuan leh hnem turin Central YMA chuan CEC Member te fehchhuak turin ruahmanna a siam a ni.
    Sd/- Vanlalruata
    General Secretary
    Central Y.M.A.
Tlawmngai pawl thuchhuak
    Nov. ni 22, 2013 a Central YMA Office ah tlawmngai pawl hrang hrang - MUP, MHIP, MZP, MSU leh Central YMA hruaitu kalkhawm chuan ahnuai a mi ang hian lungrual takin thuchhuah an siam :-
1.    Ni. 25.11.2013 a kan ram roreltu tur MLA inthlanna felfai leh thianghlim nei tura inpuahchahna hrang hrang tluang leh \ha taka a kal mek laia Pu B.Zahunga, Khawlian kutthlak (Silaia kah) a ni hi kan dem takzet a, hetiang pawl rawlral a che te thawhpuitu Political Party hi hnawl a, tumahin vote lo turin kan ngen a ni.
2.    Mizoram a sorkar \ha din a nih theih nana inthlanna dik leh felfai a awm theih nan mi zawng zawngin zalen taka an duhzawng mi (Candidate) an thlan (Vote) ngei hi kan duhdan a ni.
3.    Mizoram chhungah Politics thil avanga kut inthlak, invaubeh leh thil diklo hmante hi thleng tawh lo se kan ti.
    He an thu chhuak hi NGO aiawh ten hming an sign hnan vek bawk a ni.

PAGE - 2

EDITORIAL :

Tunge pawimawh zawk
    Ram leh hnam, khawtlang hmasawn nan leh changkan nan hruaitu nge pawimawh zawk anga mipuite hi? Ram hmasawn nihte, khawtlang hmasawn nihte hi a duh lo fa chu kan awm kherin a rinawm loh.
    Kan hriat angin ram roreltu leh hruaitu turte mipuiin kan mi rinzawng leh duhzawngte chu kan thlangchhuak \hin. Chutiang bawkin kan khawtlang a roreltu leh hruaitu tur pawh khawtlang mipui tenkan duh ber, \ha ber tura kan ngaihte kan thlangchhuak \hin a, chung mite hruaina leh rorelna hnuaiah chuan ramte, khawtlang te chu vawiin thleng hian a awm a. Tuna kan dinhmun mekah hian kan lungawi tawk em? Kan lungawi lo a nih chuan engnge a chhan, tunge kan puhmawh tak ber ang?
    Ram roreltu leh hruaitu te chuan theih tawpin ram leh khawtlang hmasawnna turin sum leh pâi tam tak sengin Develop hna an thawk a. Chumai ni lovin mipuite tih tur leh tih loh tur (thupek) hriattirna te an chhuah chamchi \hin. Ram leh khawtlang hmasawnna tura Develop na sum hmanga hnathawktu mipui te hian rinawmna leh taimakna kan tlakchham vangte, thupek - tih tur leh tih loh tur kan pawisak tawk loh vang nge ni ang; khawtlangin hma a sawn thei lova, ramin hma a sawn theih loh aw....
    Hruaitu/roreltu \ha tak tak neiin fing tak leh taima takin rorel \hin mah se, a rorelsak mipui ten kan ngaihpawimawh lova, an thupekte chu kan zawm duh si loh chuan hme\ha tak kutke bul ang maiin hruaitu/roreltu chu kan chhuah mai lo maw?
    Tunah pawh kan ram roreltu tur kan thlang leh dawn. Mipuiin a kan duh ber chuan ram hruai hna leh rorel hna an thawk leh anga, hmasawnna tak tak thleng turin hruaitu nge mipui pawimawh zawk ang le tiin ngaihtuahna ka lo seng ve mai mai a.

ZIAKTUTE HUANG :

CHAWHCHAWRAWI- Andrew Khawlhring
   
    Hlimen hi veng lian tak kan ni a, amaherawhchu inenfiah ngaihna lai chu a tam hle awm e. Chutihrualin, mahni vengte kan in mualphona ni lo se, \hahnem ngaih thuah kan sawi duh chu, veng hmasawn ngai, veng inenfiah ngai tak, intifing tak veng kan niin ka hria. Miin thil han sawi se, hriat nei tlem hle siin hre ber niawmin kan lo \awnga,  a zahthlak hle. Hman zan khawhar in a kan thu ngaihthlakte khan hmai a tibalin a va zahthlak tak em!! A hunlai chuan kan nui pawh a ni mai thei, mahse nuih chi a ni lova, a zahthlak a ni. Kan hma lawkah election kan hmachhawn leh dawn a, kan veng la changkan loh zia alang leh dawn a ni. Tu’n kan \awng lo haw lo se, kei, kan veng chanchinbu te han chhiar a “lo la tawh suh u” “rawn dah vat rawh u” tih velte chhiar tur a tam chhung hi chuan Village Council (VC) ai pawh hian kan hniamin ka hria, Municipal Area a awm nih te hi a zahthlak lek lek \hin.
    Tin, kan sawi leh duh chu, “kan tih dan a ni lo” tih hi a ni. “Kan tih dan a ni lo” tih hian hmasawnna pakhat mah a awm lova, kan hnufum zawk \hin. Tunhma a kan tihdan leh tunlai tihdan te chawhpawlh thiam hi thil pawimawh tak a ni. Mahni hlawkna ber a nih phawt chuan \henawm pa in tuar mah se tih rilru te hi kan la pu lovin ka hria a, put loh hram i tum ang u. Hmasawn tum lo mihring nih hi thil zahthlak tak niin ka hria. A neih ka ei lo em mai tih tih hian kan zahawm loh zia a tilang in ka hria. Kar khat daih ni lovin kum tam tak daih turin i thawk ang u. Hmasawnna hi chhar nawlh nawlh chi a ni lova, hlawhchhuah chi zawk a ni.
    Hlimen Quarry a kan hmakhua kan dah rikngawt chuan mimawl ber kan ni tihna a ni mai. Pathian hian kan vengah hian leilung hausakna tam tak a dah hi haichhuah i tum ang u. Amaherawhchu petrol, diesel, rangkachak  ka sawina lam ni lovin;  fû, kurtai, serthlum, an\am, maian etc. lam pang ka sawina a ni. Leilung hausakna a va ni love pawh in ti mai thei, mahse a ni a, leilungin a hausakna chikhat lei\ha a\anga leilung hausakna kan hmuh a ni.
    Infiamna lamah te hian Zoram hriat hlawh leh i tum ang u. Ruihtheihthil a hriat hlawh nih ai chuan a duhawm zawk lo maw??
    A tawp berah chuan veng hmangaihna rilru puin Hlimen i kalpui ang u. Kar khat daih ni lovin kum tam daihin i enkawl ang u. I kâ chiah i hmangaih chhung chuan mahni inbum mai i lo ni ang.
    |anrual chu chakna a ni a, nang leh kei hi \angrual turin kan pawimawh. I hrawk chiah nge i chhungkua, ram leh hnam hrawk i hmangaih dawn??? 

PAGE - 3

HRIATTIRNA :

Râl dawn
    Hlimen MHIP leh MUP ten an member pui boral ta, Pi Lalthanzami ralna hun Nov. ni 24, 2013 (Pathianni) chawhnu inkhawm ban hian hman tur a ni a, member atam thei ang ber kal turin hruaitu ten an ngen a ni.

Hlimen TAXI Welfare ngenna
    TAXI a chuang passenger zingah Motor Seat a kuhva etc.. eina paih mai chingte, chinai tah mai chingte an awm \hin a, chhuah leh luh paha a kawngkhar dim lo taka khar \hin an awm a. Tun hnu-ah chuan Taxi te hi min vawn thianghlimpui tur leh min dim sak turin passenger te kan ngen che u a ni.
    Tin, Taxi Stand thlenga min vawn thianghlimpui turin kan ngen tak zet zet bawk che u a ni e.
    Sd/- Secretary
    Hlimen to Kulikawn Taxi Welfare

Tlan dawn lo
    Hlimen to Kulikawn Taxi Welfare te chuan Dec. ni 2, 2013 (Thawh\anni) hian hruaitu thlanna hun an hman dawn avangin hemi nî hian an Service thei dawn lova, mipuite hriatthiamna an ngen a ni.

Min lo venpui teh u
    Ka fa duatlai Râla, ka Vahâi chuan puitlin lam panin lenchhuahvah nuam a ti ve a. Hmun hla tak taka te a leng \hin a, in lo hriat theih nan a ke-ah ngûn kual ka buntir a. Khawngaiha min lo sái sak palh lo turin leh duat taka min lo enkawlsak ve turin ka ngen a che u.

    In \hian,
    Tete-a, Venglai

Branch YMA hriattirna
    Branch YMA in Sound System senso atana Lucky Ticket a siam chu a zuar tu ten kan chanvo te hralh zo ngei turin hma la \heuh ila, tin Nov. ni 25, 2013 hian vawr tur a nih avangin thehlut kim vek tur a ni e.
    Tin, Ticket vawr ni hian Branch Committee member te Ticket zuar leh a \ul ang buaipui turin venglaiah chhuahkhawm vek tur a ni e.

    Sd/- Secretary
    Hlimen Br.YMA

Vawmphunga Section hriattirna
    Ran - ui leh ar neitu ten kan enkawl danah fimkhur lehzual turin Section hruaitu ten kan ngen che u a; tin, vengchhung kawng dung siam mek a ni a, hnathawktu te a theih ang ang a \awiawm a \hin turin kan in ngen a ni. In leh a vel felfai taka enkawl zui zel turin kan in ngen bawk a ni.

            Sd/- Secretary
        Vawmphunga Section YMA.

LAWRKHAWM :

Chhiattawh a chunga lawmthu
    Kan nu Lalthanzami’n Nov. ni 16, 2013 (Inrinni) a chatuan ram min pansan chung changah leh a dam loh chhunga YMA leh khawtlang nu leh pa leh kohhran hote kan chhungkaw chunga in\hatna zawng zawngte kan hmuh hian kan lawm takzet a. Mimal tin hnenah kan sawi seng si lova, he chanchinbu kaltlanga kan lawmthu sawi hi mimal tin ten in hnena sawiah min lo pawmsak turin kan ngen che u a ni.
    Tin, kan khawhar hrehawm phal lova vawiin thlenga in\hatna kan dawn zawng zawngte hi Lalpa’n a let tam taka A rulh leh ngei che u hi kan \awng\aina a ni e.

    In khawngaihna dawngtu,
    Ngurbiakvela leh a fate,
    Hlimen Vengthlang

Inthlan chung chang
    Mizoram State Assembly Election vawi 7-na November ni 25, 2013 a neih turah kan hriat tawh angin keini veng hi Polling Booth pahnih ah vote a thlak theih dawn a. Booth No. I Primary School -I ah kawngpui thlang lama awm ten vote thlak tur a ni anga. Booth No.-II YMA Hall ah kawngpui chhak lam a awm ten vote thlak tur a ni ang. Zing dar 7:00 a\anga tlai dar 4:00 chhungin vote hi a thlak theih dawn a ni.
    Tin,  Votter Slip an rawn sem tawh kha vote thlakna ah ken ngei tur a ni a, a tibo palh ten Polling Booth-ah Booth No. I Station Officer Pu Duhthusama leh Booth No.-II Station Officer Pu Lallawmzuala hnenah vote thlak dawnah lam leh theih a ni ang.

Tanky siam mek
    Tunlai hian vengchhak a Zonal tanky chu hman theih mai tur asiam mek a ni a, kar leh lam chuan a thawktu ten peih fel hman an in ring tih kan thu dawnna chuan a sawi. 

Inthlan thuchah
    Kan hriat \heuh angin Mizoram General Election chu  Nov. ni 25, 2013(Thawh\anni) hian neih a ni leh dawn a, hei hi State kan nih hnua inthlanpui a vawi sarih kan hmachhawnna tur a ni a. Keini Constituency pawhin candidate \ha tak tak 3 (Pathum) a\angin kan MLA tur kan thlang leh dawn a ni a; kan ram leh khawtlang tana \ha tur, hma kan sawn ngei theihna tur a theihna/chakna nei/nei tur ni a kan hriat ngei te, mahni decision(thutlukna) siam ngei hmanga rilru fim taka vote thlak tur leh vote nei zawng zawng te vote thlak vek turin ka ngen a che u.
    Heng ni ah hian mawi taka che/ khawsa turin khawtlang mipuite ka ngen a che u. Pawisa indil, ruih ni atan hman a, zik hut hut te; Party worker ten sum leh ruihtheih thil leh therhlo eng eng emaw hmanga vote tura mi sawm te, candidate emaw party worker hnena pawisa dil leh engemaw tihsak tura phut tlat ang chi te ti lovin, Hlimen hi veng dangte hmuhah  mawi takin i lanchhuahtir ang u. Heng ni te hi kan nihna mite hmuh a kan pholannna a ni tih hriaiin mawi taka awm turin mipui lam leh candidate-te tana thawhsaktu zawng zawng te kan ngen a che u.
Hei hi Hlimen a ni, mawi takin lang chhuak rawh se !

                Sd/- (Lalhmingliana)
            Chairman, Local Council. Hlimen

PAGE - 4

KEIMAHNI
Hlimkhawpui Budget
    Hlimkhawpui  2013 November  thla Budget  pe tla tawh te:
1.    Buala Sec.    2. Damvea Sec.
3.    Kapdaia Sec.
    Tin, Kapdaia Sec. ,Damvea Sec. leh Buala Sec. ten December thla Budget an tlak tawh bawk a ni.

Branch YMA in ral
    Nov. ni 19, 2013 (thawhlehni) zan khan Pi Lalthanzami ralna hun YMA in a hmang a, ralna sum ` 5700 chu a chhungte hnenah hlan a ni. Tin, hemi zan vek hian Pi Lalthanzami tuamna puan chu a \ulna a pianga hman atan a faten YMA ah an hlan bawk.

O.B. Meeting nei
    Nov. ni 16, 2013 (Inrinni) zan khan Hlimen  Branch YMA OB ten YMA Hall-ah Meeting an nei a; chuta thurel tlangpui te chu :
1. Thlanmual II lama thingphun te tihfai hnatlang Branch Committee ten Dec. ni 7, 2013 (Inrinni) ah neih tur.
2. Sound System leina ba rulh tlakfel nise, Secretary kutah dah a ni.
3. MPF Local Forum ten thawhhona atana an ngenna ` 2000 chu pek tlak nghal nise. Treasurer kutah dah a ni.
4. Micro Phone Cable sei deuh zawk lei nise. Tin, DVD Player \ha ve tawk tak lei ni bawk se tih a ni. Secretary in lo bawhzui se tih a ni.
5. Computer Part \ha lo (A fan vir thei lo), chu siamtir nise. Hlimkhawpui Editorial Board ten hma lo la mai se tih a ni bawk.

Branch Committee hnatlang
     Dec. ni 7, 2013 (Inrinni) khianThlanmual II lama thingphun te tihfai hnatlang Branch Committee ten) ah neih tur a ni a, Committee member ten ngaihpawimawh \heuh tur a ni.

Lucky ticket zuar mek zel
    Branch YMA Sound System tihchangtluna atana sumtuakna chikhat Lucky Ticket chu zawrh chhuah mek zel a ni a, vengchhung mipui ten tlawm ngaiin lo lei hram hram turin kan in ngen e.
    Tin, tlawmngaia he ticket lo leitu zawng zawngte hnenah Branch YMA chuan lawmthu a sawi bawk a ni.
    Lucky Ticket hi Nov. ni 25, 2013 (Thawh\anni) tlailamah vawr tur a ni ang.

Faina Sub-Committee hnatlang
    YMA Hall chu MLA inthlanna Polling Booth atan hman a nih dawn avangin Branch YMA Faina Sub-Committee te chu Nov. ni 23, 2013 (Inrinni) zingkar hian  a \ul angte tifaiin an hnatlang.

CHHIARTUTE NGAIHDAN :

@@    Kan ram (Mizoram) mai bakah State dangte pawhin an buaipui - chi (Salt) avanga veng mipuite chiai nasa; veng\henkhat hruaitu ten hma la a, an Information Centre a\anga thil awmzia an tlangaupui kha an entawn tlak hle mai. Kan vengah pawh tih ve a \ha ka ti hle. Kha tiang boruak a lo thleng leh a nih pawhin.
- Anonymous.

@@    Kan ti nek nek a, kan inthlang leh dawn chu a lo ni leh ta reng mai!! Pathian in hei lo hi ‘Ram’ ram dang min pe dawn tawh lova, a chhunga cheng turin ‘Mizo’ ngat a ni A lo ruat ni. A chhiat leh a \hat chu kan ko-ah a innghat tlat! Chuvangin Pathian hian he khawvelah hian engti turin nge min dah a, engnge a duhzawng chu ni? tih ngaihtuah chungin fel tak leh thianghlim takin ‘Roreltu’ turte i thlang ang u.
-N.Zonunmawia

KAN THEN TAK

  Pi Lalthanzami Kum 80 :
    Pi Lalthanzami hi September ni 14, 1933 khan Pu Lalnghinglova (L) leh Pi Sawiziki (L)-te inkarah Hlimen-ah a lo piang a, an unau hi panga (5) an ni a, Pi Lalthanzami hian tu leh tu chhuan 38 a nei a ni. Kum 1957 khan Pu Ngurbiakvela nen inneiin fa paruk (6) an nei a ni.
    Pi Lalthanzami hi \henrual kawm thiam tak, mi thilphal tak a ni a, mi khawngaihna ngah tak a nih avangin rualbanlote pawhin an ngaina thei em em a, an inah pawh rei tak tak an chenpui thin a. Nu taima tak a ni a, inchhung khurah pawh che lova awm thiam lo a ni. A hriatna hi a \ha-in thil chhinchhiah a peih em em a, pi leh pu thlahtu leh chhungkhatte pawh a hre thei hle a ni. Lehkha chhiar a peihin a thiam hle bawk a, a bible chhiarte hi ngaihthlak a nuam em em a ni.
    Primary hi Hlimen Primary School-ah zir zovin 1st Division-ah a pass nghe nghe a. Middle School chu Pi Te-i School-ah pawl 6 thleng zirin a pi leh pute enkawl a ngaih avangin a zir chhunzawm thei ta lo a ni.
    Kohhran-ah hian a phak ang tawk tawkin rawng a bawl ve thin a, Kohhran inkhawm leh tawngtai inkhawm a ngai pawimawh em em a, a dam that phawt chuan a \hulh ngai lo. Kohhran Hmeichhia-ahte pawh Chairman-te a lo ni ve tawh thin a, Sunday School Exam hi a ngai pawimawh hle bawk a, a exam ve ziah thin a, 1st Division-ah a tling ziah thin. Kum 2012 thleng khan Sunday School \antuah pawh an hmang a ni.
    MHIP-ah hun rei tak chhung Committee Member niin MUP-ah pawh Committee Member hlun a ni.
    Kum 2006 khan Lung nâ avangin Aizawl Hospital panpui a ni a, rei pawh awm lovin tha takin a lo chhuak leh mai a. Kum 2012 June ni 4 khan Aizawl Hospital-ah bawk lut lehin June ni 8 khan dam tak bawkin a lo chhuak leh a. Kohhran inkhawm leh tawngtai inkhawmte pawh a rawn kal chhunzawm leh thei a. November ni 9, 2013 khan hnungzang nâ leh thaw-hah avangin Aizawl Hospital bawk panpui leh a ni a, a hnungzang leh a nâk dinglam nâ a ti em em a, a nâ a chhuah chuan thil a ei thei lova, a luak nghal zel a, a muhil thei lo bawk. Doctor leh Nurse te’n theih tawp chhuahin an enkawl a, tha taka rawn chhuak leh mai tura kan beisei laiin November ni 16, 2013 (Inrinni) dar 10:00 AM khan chatuan ram min lo pansan ta a ni.

Sahmulphah thla Ni 16, 2013.. Issue No. 46

PAGE - 1

TUALCHHUNG :

Boral: Pi Lalthanzami W/o Ngurbiakvela Buala Sec. a mi chu Nov. ni 16, 2013 (Inrinni) khan Aizawl Hospital-ah Asthma avangin a boral. A ruang hi tlaivarpui tur a ni anga, Nov. ni 17, 2013 (Pathianni) ah vuiliam a ni ang.

Damlo: Pi Lalbiaktluangi W/o Pu Vanlaltluanga, Kapdaia Sec. a mi chu thluak a thisenzam chat avangin Nov. ni 11, 2013 (Thawh\anni) khan Aizawl Civil Hospital ah Admit a niin enkawl mek a ni.

@@    Pi Malsawmi C/o Lungtiawii, Damvea Sec. chu hun engemaw chen Cancer natna avangin Aizawl Civil Hospital ah enkawl a ni a, tunah Pi Awiteii In lamah enkawl chhunzawm mek a ni.

@@    Lallawmawmi D/o Lalremthanga, Vawmphunga Sec. a mi chu âwmnâ/thawhah avangin Durtlang Hospital-ah enkawl mek a ni.

@@    Pi Lalthlamuani W/o Pu J.Zothansanga chu zunkawng lam fello avangin Alpha Hospital-ah hun engemaw chen enkawl a nih hnuin Nov. ni 12, 2013 khan a lo chhuak leh ta. 

@@    Pu Lalhmangaiha( Tete-a) H/o Malsawmdawngkimi Saichhuma Sec. chu hun engemaw chen taksa lam harsatna hrang hrang avanga CivilHospital a enkawl a nih hnuin dam takin a lo chhuak leh ta.

@@    Pu Vanlalchhuana H/o Vanlalsiami Damvea Sec.a mi chu Nov. ni 15. 2013(Zirtawpni) khan Civil Hospitalah a rilphir zai/ paih a ni.He thu buatsaih lai thleng hian Hospital-ah enkawl mek a ni.
    Tin, Pi  Lalzamliani W/o Duhkima (L) Saichhuma Sec. a mi pawh Nov. ni 15, 2013 vek khan New Life Hospitalah a rilphir paih a ni bawk.

Nâu nei thar: Malsawmdawngliani D/o Lalthlengliana, Kapdaia Sec. a mi chuan Nov. ni 11, 2013 (Thawh\anni) khan Falkawn Hospital ah fapa duhawm tak a nei thar.

FRONT :

AIZAWL SOUTH - III  CONSTITUENCY

 CANDIDATE TE CHANCHIN TLANGPUI
    Mizoram Legislative Assembly inthlan Nov. ni 25, 2013 a  neih turah Aizawl South -III Constituency a Candidate te chanchin   Hlimkhawpui ten zawhna inang kan siam a\angin hetiang hi a ni (Alphabetical Order in dah a ni) :

1. K.S.Thanga (INC) : 

Pu K.S.Thanga hi June ni 22, 1960 khan Pu Bualtuma leh Pi Dar\hiangi te fa paruk zinga fahmingkoh ni turin Tachhip khua ah a lo piang a. Zirna lamah Pre-University (PUC) a passed a. Kum 1985 khan Pi Vanlalsawmi(L) nen inneiin fa 4 an nei. Tunah hian Venghlui Aizawl ah In leh lo neia in beng belin kohhran ah hian Salvation Army, Temple Corps ah lawi mekin Corps Council Member a ni mek bawk.
    Congress Party hi kum 1994 khan zawmin kum 2008 - 2013 chhunga Aizawl South-III MLA atan thlantlin a lo ni tawh a ni.
Hlimen khawtlang tana hmalak a tum dan langzar zual te :
1.    Hlimen Field neihchhun hi tun aia changtlung taka siam.
2.    Hlimen khawtlang in a la neih loh Community Hall lian tham sak.
3.    Indoor Stadium tihchangtlun.
4.    Veng chhung inkalpawhna \ha taka siam.
5.    Tui Connection la thleng ve lote pek vek.

2. R.Vanlaltluanga (ZNP) : 

Pu R.Vanlaltluanga hi April ni 21, 1972 khan Pu Chaltluanga(L) leh Lamchhingi(L) te inkarah an unau 9 zinga a naupangber dawttu ni turin Thenzawl khua-ah a lo piang a. Zirna lamah B.A.(Pol.Sc.) a passed a, kum 2003 khan Pi Lalzawmliani nen inneiin fa 3 an nei. Tunah Bethlehem vengah In leh lo neia in beng belin kohhran ah hian Presbyterian Kohhran ah lawiin Finance Commtt. Member leh Senior Deptt. zirtirtu nihna a chelh mek bawk. Tin, sumdawng mi niin kum 1999 khan ZNP a zawm a, tunah hian Gen.Secretary ni lai mek a ni a, kum 2010 AMC inthlan ah Ward No. 16 na ZNP Candidate niin vanduaithlak takin a tling zo ta lo a ni.

Hlimen khawtlang tana hmalak a tum dan langzar zual te :
1.    Mualzawl Volleyball Court \ha taka siam tum a ni.
2.    Agriculture link road/economic road hi ngaihpawimawh hmasak tum a ni a, Phunchawngzawl, Tuilutmual leh Serlui hnara nghavawk lui chhuah thlenga Agriculture Link road \ha tak siam tum a ni.
3.    Hlimen Quarry hi \angkai taka hman tura siam, Motor parking emaw, Tourist te tlawh tlaka nalha siam tum a ni.
4.    MLA Fund hi mipui chhawr theih tura \ha taka hman tum a ni.
5.    Melthum a\anga Hlimen panna kawngpui hi siam\hat thuai tum a ni.
6. Zirna lam hmasawn nan School awmsa tihhmasawn a, zirna sang zawk siam tum a ni.
(Phek 4 na ah chhunzawm a ni...)

PAGE - 2

EDITORIAL :

A VA THLAMUANTHLAK EM
    Kan hma mai Nov. ni 25, 2013 khian kan ram leh khawtlang hmangaiha, siam\hat ngaite siam\ha a, hmasawnna kawnga min hruaitu leh roreltu tur kan thlang dawn a. A bik takin kan khawtlang hmasawnna tura an hnathawh turte pawh Aizawl South-III Candidate ten an sawi chu kan hriat hian a thlamuanthlakin a va nghahhlelhawm em.
    He inthlan hi Vote nei thei mi zawng zawng hlutna leh pawimawhna intluktlanna awmchhun a nih bakah vote kan thlak ve hian kan ram, kan khawtlang tan nasa takin hna kan thawk a ni tihna a lo ni reng a. Milian leh mi tê te, hausa leh rethei, lehkha thiam leh A AW B thiam lote kan intluktlanna a ni tih hriain in hlutna kha ram leh hnam, khawtlang tan hmangin vote thlak ngei hi kan tihmakmawh a ni.
    Tin, vote i thlak dawnin uluk takin, rilru fim tak nen tu hi nge kan ram/kan khawtlang tan hna thawk thei ber anga, hma min sawntir thei ber ang ti chungin i duh ber chu vote i pe mai tur a ni. Vote lei leh hralh hi mihring inngaihnepna leh mahni engmah lova insiamchawpna mai a ni tih hriat reng tur a ni. Kan bial Candidate ten an tlina, an hnathawh tura an sawite khi hrerengin ram leh hnam, khawtlang hmasawn nan vote i thlak \heuh ang u.

ADVERTISEMENT...

ADMISSION OPEN
    Candid English School, Saikhamakawn chuan 2014 session atan KG-I a\anga Class VIII admission a hawng a. Day Scholar leh Hosteller ten duhtawka sap\awng an zirna hmun leh Decipline khauh taka kenkawhna School ah hian i tu leh fate rawn tir rawh le.
Admission fee :
     KG-I & KG-II    `     900
    Class-I to Class VIII    `     1,200
Hrechiang duh tan :
    Ph.    8731066925 & 9089444074

ZIAKTUTE HUANG :

KOHHRAN LEH POLITICS
- Lalrinawma Colney

 
    Kohhran leh Politics chungchang hian sawi a hlawh ta hle mai. Kan sawi zel pawh a \ul dawn a ni. Politics chu ram inrelbawlna a ni ber mai a, ram chhung mipuite awmdan ngaihtuahna a ni. Chutah chuan Kohhran hi a inrawlh ve tur a ni em tih zawhna lian tak a ni a, ‘aw’ tih leh ‘aih’ ti \hahnem fe an awm ve ve ngei ang.
    Kohhran hi Politics ah a inrawlh tur a ni lo titu te \an fung chu - Kohhran hi sakhuana a mawhphurtu a ni a, thlarau lam thil a ngaihtuah tur a ni a, chuvangin Politics-ah a inrawlh tur a ni lo. Lal Isua pawhin Politics a ngaihsak lova, a zirtirna pawh Politics thila hman theih a ni lo. Politics hi a thianghlim lova, kohhran inrawlhna tlak a ni lo. Politics tih thianghlim aiin kohhranin a hmel hem phah zawk a ni tiin an sawi \hin a, a dikna chen pawh a awm thei e.
    Bible kan en chuan thuthlung hluia an Politics ah khan Pathian hnuhma kan hmu a, Pathian kha a inrawlh mai ni lovin a ki pui ber a ni. An sakhua leh Politics pawh kha thliar hran har khawpin a in zawm a ni. Pathian chu lei leh van leh a chhunga thil awm zawng zawng neitu leh enkawltu a ni a, rorelna pawh a kut a awm a ni. Chu Pathian chu kan nunkawng engkimah a Lal ber tur a ni a, a thu kan awih tur a ni a, a thu kan awih tak tak dawn a nih chuan kawng engkim a Pathian Lalna tungding tura beih chu kohhran ho hna a nilo thei lo. Kohhran ho chu khawval lalna leh thuneihna um a phe phe tur chu kan ni lo. Mahse, chung zawng zawngah chuan Pathian duhzawng anga tih a nih theih nan beih chu a tih ngei ngei tur a ni thung.
    Thlarau nun kan ti emaw, thihhnu nun kan tih pawh hi vawiina kan nun nen inzawm lo a ni hauh lo. Chanchin\ha hian nakin nun kan nghah tur chu tuna kan nun nen a inzawm tur niin min zirtir a ni. Chuvangin, “ I ram lo thleng rawh se” tia \awng\ai a, Pathian duhzawnga rorelna awm theih nana engmah ti leh si lo chu Pathian pawisawina lian tak a ni ang. Lal Isua kha Lalna leh thuneihna chan tumin Politics ah a inrawlh lem lo, chutiang chu hnial hial zawk a ni. Mahse, roreltu diklo te chu nasa takin a sawisel a; a zirtirna ah hian engkim a Pathian thuneihna, Pathian ram din chu a lai pui a ni. Chu Pathian ram chu Pathian duhzawng tihna hmunah a thleng \hin a, chuvangin, rorelna huangah pawh hian chu ram chu a thleng tur a ni. Lal Isua zui tute chuan chumi atan chuan an thawk tur a ni.
    Politics hi kohhran tel vena tlak loh hial a a bawlhhlawh tawh a nih ngat phei chuan a thianghlimna tura thawh chu a \ul ngawih ngawih tawh zawk tihna a ni. Kohhran hian Politics thil a inrawlhna chhan tur pawimawh tak tak a nei. Kohhran rawngbawl hna chu Pathian ram din a ni. Pathian ram kan tih chu thih hnu piah ram chauh nilovin, he khawvel thil tinreng hi a huap a ni. Lei leh van leh a chhunga thil awm zawng zawng neitu chu Pathian a nih avangin engkimah Lalber nihna a hauhva, chutianga kawng engkim a Pathian Lalna chu Pathian ram chu a ni. A famkima kan chan hun tur chu nakin lamah a ni thei e. Mahse, chu Pathian ram chu tunah leh hetah hian a thleng tur a ni a, chu chu kohhran ho hna a ni.
Lal Isua chhandamna hi chhandamna famkim a ni a,nun peng tinreng a huap a ni. Hremhmun leh vanram thu mai nilovin, Pathian nen inzawnna leh engkim van a mi leh lei a mi pawh amaha fawkkhawm tir a ni (Eph 1:10) Krista chu lalna leh thuneihna zawng zawng lu a ni si a (Kol 2:10). Engkim siamtharna ni a, chu chuan Politics dik lo siamthar pawh a huam ngei tur a ni.  

 (Phek lina ah chhunzawm a ni.............)

PAGE - 3

HRIATTIRNA :

Branch YMA hriattirna
    Branch YMA Committee chuan Thlanmual -I leh II ah hian chhungte thlan chhinchhiahna awm lo hi November thla chhungin an chhung ten an hming(mitthi hming) ngeia an thlan hmunah chhinchhiahna siam nise a ti a, chhinchhiahna engmah awm lo chu hmun ruak anga ngaih a ni ang tiin a rel a.
    Thlan in laih hnan leh mumal zawk a thlanmual enkawl a, thlan neitu te hming leh hmun fel tak ziaka  dah a, record mumal zawk a tih a nih theih nan a ni a, Branch YMA thuchhuah hi ngai pawimawh \heuh turin kan in ngen e.

Hna ruak dil theih
    Zoram Entu Pawl (ZEP) hnuai a Community Based Rehabilitation For Persons With Disablities (CBR) Project a thawk turin Field  Worker mamawh a ni a. Dil duh chuan Plain Paper ah ziakin Office hunchhungin ZEP Office Tlangnuamah thehluh theih a ni.
    Post awm zat    :    2
    Ednl. Qualitification    :    Class XII
    Dil theih hunchhung    :    20th, Nov. 2013
    Interview hun    :    22nd, Nov, 2013.
 Hrechiang duh tan Contact No : 9612388739
(Sap \awng thiam leh Two Wheeler nei leh khalh thiam duhsak an ni ang.)

Farming Society
    Hlimen Farming Co-operativeSociety chuan member a la thar dawn a. A tel duh chuan Pu K.Vanlalsanga Secretary hnenah Share ` 100 leh Annual Fee ` 10 pe in inhriattir tur a ni. Hrechiang duh chuan zawhfiah theih a ni e.
Sd/- K.Vanlalsanga, Secretary

Mipuite hnena ngenna
    India ram dan IPC 171 B a tarlan angin inthlan laia mipui hnena vote zawn nana pawisa leh therhlo chi hrang hrang sem hi dan kalh a ni a, hetiangthamna petu leh a dawngtu te hi dan bawhchhia an ni a, kumkhat chhung lungin tan emaw pawisa chawitir emaw a pahnih hmangin hrem theih an ni. Tin, IPC 171 C in a sawi angin Candidate emaw vote thlak tu leh mi tupawh tharum hmanga rikrap leh hliam te pawh kum khat chhung lungin tan emaw pawisa chawi tir emaw, a pahnih hmangin emaw hrem theih an ni.
    A chunga kan sawi thil diklo titute a \ul anga thubuai (case) siamsak turin inthlan neihna tur Constituency bial tinah Flying Squad din a ni. Hetiang thamna leh thil diklo laka inthiarfihlim turin mi zawng zawng ngen an ni a, mi tupawh thamna pe leh dawng te, invau leh inrikrap thawm hria te chuan Complaint Monitoring Cell/ Contorl room & Call Centre, Aizawl District Telelphone No. 0389-2317440 ah eng hunah pawh hriattir tura ngen an ni.
Issued by District Election Officer/ District Magistrate
Aizawl District. Aizawl
 

LAWRKHAWM :

Lehkhabu tlangzarh
    Nl. Lalrinkimi D/o R.Deng\huama(L), Lalsavunga Sec. a mi lehkhabu ziah (Drama) 'ZONUNMAWIA' tih chu vawiin Nov. ni 14, 2013 chawhnu dar 1:00 khan Aizawl Press Club ah Pu C.Lalrambuatsaiha, President MJA chuan a tlangzarh.
    Mizo Academy of Letters (MAL) in Drama Centenary puala Competition a buatsaihah kan veng nula ngei mai hian he a Drama ziah 'ZONUNMAWIA' hi PAKHATNA lo nihpui tawhin, Mizoram Publication Board chuan Published tlak lehkhabu \ha ah a thlang bawk a ni. He lehkha bu hi phek 157 a chhah niin Rs. 80 in a lei theih a, vengchhung mipui a tam thei ang berin leisak ngei i tum ang u.
    He lehkhabu ziaktu Nl. Âkimi hi M.A.(Mizo) niin tunah hian Hnahthial College ah Lecturer hna a thawk mek a. Zoram pum huapa ziaktu chhuanawm kan vengin kan nei hi a lawmawm tak zet zet a ni.

MPF office hawng
    Nov. ni 14, 2013 ( ningani) zingkar kar khan MPF Hlimen Local Forum chuan Pi Lallianmawii in chunga Office hmun tur a ruahman chu a hawnna hun an hmang. Tin, hemi ni hian Party hrang hrang te Banner leh Poster tarin nileng hnatlang an nei nghal a, mi tam zawkin mahni in bang vel a Banner tar an remtih loh lai a, phal tak tar tir tu te chungah MPF te an lawm hle.

Voter Slip hmang dawn
    Election Commision of India thuchhuak angin tun\um MLA inthlanah hian Voter Slip hman a ni dawn a, Voter Slip hi BLO ten vote nei zawng zawng hnenah an pe vek anga, vote thlak tur ten ken \heuh tur a ni ang. He Slip ah hian Serial number, vote thlakna hun leh hmun te, vote neitu thlalak te a chunga a ni.

VFC lawmthu
    Vengchhak Football Club ten Football League kan neih mekah TP Stone work chuan ` 3000 te meuh mai min rawn pe a, tin, top Scorer leh Best Player lawmman tur Pu Thangrehlova leh Pu Liansangpuia ten min rawn pe bawk a; an chungah hian VFC te chuan lawmthu kan sawi tak meuh meuh a ni.
    VFC Football League khelh mek ah hian Champion team te ` 4000 hlan an ni anga, pahnihna ` 2000 leh pathumna ` 1000 pek an ni dawn a ni.
                  Sd/- Zoramsiama Chhangte.
                    Secretary, VFC

Lawmthu
    Nov. ni 6, 2013 a khelh \an Inter- Village Volleyball Tournament MVA buatsaih Tuikual Indoor Stadium a neih zawh taka Hlimen aiawha khel tute, mipa leh hmeichhe team te chungah leh ei leh in utur mi tum sak tu Hlimen Local Council te leh Pu Jeffrey VL. Rema te chungah Hlimen Games & Sport hruaitu te chuan lawmthu kan sawi tak zet zet a ni.
                     Sd/- Secretary, G&SA, Hlimen

Lucky Ticket
    Branch YMA Sound System man tuak nan Lucky Ticket siam chu Section tinah zawrh mek a ni a. Tlawmngaih chhuaha lo lei \heuh turin hruaitu ten min ngen e. Nov. ni 25, 2013 (MLA inthlan ni) tlai lamah vawr tur a ni ang.

PAGE - 4

KEIMAHNI
Hlimkhawpui Budget
    Hlimkhawpui  2013 November  thla Budget  pe tla tawh te:
1.    Buala Sec.    2. Damvea Sec.
3.    Kapdaia Sec.
    Tin, Kapdaia Sec. leh Damvea Sec. ten December thla Budget an tlak tawh bawk a ni.

Miharsa in thuam|hat a ni
    Nov. ni 16, 2013 (inrinni) khan Hlimen Branch YMA Committee member te leh Kapdaia Section Committee member ten Pi Laldawli, Kapdaia Sec. a mi  choka, luah tlak tawh lo khawpa rawpchhe tawh chu thawmthat/ sak \hat hnatlang an nei a, he thu buatsaih lai hian chanchin kim chang hriat hman a ni lo.

Saichhuma Section
    Nov. ni 19, 2013 (Thawhlehni) hian Oasis Picnic Spot ah Member te intuaitharna hun hman tur a ni a. Zing dar 9:00 ah Venglai kawn a\anga chhuah tur a ni e.

Training chhuak zel
    Central YMA leh Labour & Employment te buatsaih Cement Mistiri Training ah kan veng a\angin  Training chhuak an awm zel a. Engineer te hnuai a uluk taka Training chhuakte hi an chhawrtlak hle ang tih a hriat theih a ni. Heng mite hi an ni e :
1. Tv. R.Lalrindika S/o Lalzika (BS)
2. Pu Lalhmunsiama S/o Vanlaluapa (VP)
3. Tv. Lalrinliana S/o Lalvuana (L) (VP)
4. Pu Lallawmawma S/o Laibata (VP)
5. Tv. Siamthangpuia S/o Lalrehlova (BS)

CHHIARTUTE NGAIHDAN :

@@    Pu Editor, tunlaiin kan infiam mite, a bikin Volleyball lamah an phurin hma an sawn hle mai. Chutih rualin hmeichhe lamah kawhmawh bawl deuh an awm niin an sawi a, mahni veng tana khel duhlo, pem lehkha hial la chhuak a, veng dang tana khel an awm a ni awm a. Hei hi Game zahlohna mai nilovin Hlimen khawtlang leh mipui zahlohna a ni in ka hria. An pem dawn a, an chhuak tawh a nih chuan a awmlo lem lo. Hlimen a la awm duh tho si a, mahni veng ngaihnep hi a pawi a; tunhmain, hockey pawh kan lo khel ve \hin a, kan infiammi dangten veng tan theihtawp an chhuak lai a, veng phatsanna rilru pu an awm hi a pawi hle mai. Kan khawtlang hruaitu tan hmalak a \ha hle mai.
- Common-a

@@    Power cable kán chhiat avangin Power supply kan nei lo. Tin, êng kan neih theih nan hmalatute, hruaitute leh mimal takin Pu Buanga leh Pu Zothana te, motor thawhtu pu Mahminga (LC chairman) leh Pu Marinmawia te an va fakawm em.!!!
- Anonymous

Front page chhunzawmna .....

3. Tâwnluia (MDA) :

 Pu Tawnluia hi June ni 6, 1943 khan Pu Hrangkhupa leh Thantluangi te inkarah  unau 9 zinga a upa lam a\anga 4 na ni turin Zaingen (Khawzawl) khua-ah a lo piang a. Zirna lamah P.U. (Science.) a passed a, kum 1966 khan Pi Lalhmingmawii nen inneiin fa 1 an nei. Tunah Kanan (Chawnpui) vengah In leh lo neia in beng belin kohhran ah hian Presbyterian Kohhran ah lawiin Sunday School zirtirtu, thuhriltu leh Ramthar Committee nihna a chelh mek bawk. Tin, kum 1963 khan MNF Party a zawm a, hun rei tak Minister a lo ni tawh a ni.

Hlimen khawtlang tana hmalak a tum dan langzar zual te :
1.    Lunglei Road (Highway) pawh tura Samtlang to Hualngohmun kawngpui siam (New Construct).
2.    Melthum to Hlimen huamchhung PWD Road Widening and Resurfacing.
3.    Indoor Stadium hmun ngaia athar a sak leh khawtlang mipui tana remchan anga bazar, Health Clinic hmun kawptel theiin.
4.    Field neih sa siam puitlin.
5.    |halai te sorkar hna hrang hranga atam thei ang ber dahluh.
6. Vengchhung mipui zawng zawng tui thianghlim hnianghnar a an hmuh vek na tura hmalak nghal
7.    Kut hnathawktute an eizawnna kawng hrang hrang hmalakpui.
8.    Vengchhung Streetlight (Sodium light) a thlak.   

Ziaktute huang chhunzawmna.....

    Sakhuana dik chuan Pathian a\anga chhuak Politics dik a tung ding tur a ni. Diklo taka in palzutna leh in hnuaichhiahna te a awmin; chu mi do chu kohhran ho tih tur a ni. Ram rorelna diklo avang hian sakhuana in a tuar nasa thei hle tih khawvel sawrkar tamtak kan thlirin kan hmu thei. Sakhuana humhim tur leh Pathian biakna dik a awm theih nan hian Politics khalh dik hi a \ul em em bawk a ni. Chumi atan chuan kohhran hian a mite hi Politics chungchang in zirtirna(Political Education) a pek a \ul em em a, chubakah a \ul dan ang zel a chet lak a ngaih hun pawh a awm \hin a ni.
    Samuel Escober-an, “ Thlarau lam thil chauh ngaihtuahna, nitin eibar zawnna leh kohhran nun a Isua zuina tel lo chu Sakhuana mai a ni, Kristianna a ni lo,” a ti a. Chuti a nih si chuan vantlang nun pumpui hi kohhran hote hna thawhna tur huang (Mission Field ) vek mai a ni.
     French Socialist (Khawtlang nun zirtu) ropui  tak mai  Alexen -De- Tacqueville a chuan khuti taka America hausakna khu engvang nge ni ang tiin a chhui a, a thil chhui chuan chu ti hian a ziak a, “ America ram ropuina leh finna chu a ram leilung hausakna leh ram \hatna ka zawng a, tah chuan a awm lova, man lova lehkha an zir theihna leh an zirna hmunah te ka zawnga, tah chuan a awm lova, an aram dan \ha leh mipui rorelna \ha ah ka zawnga, tah chuan a awm lo. America rama kohhran  te ah ka zawn hma loh chuan America ropuina leh finna chhan hi ka hra thiam thei lo a ni,” a ti a. Kohhranah ram hausakna bulpui chu a awmin a hria  a ni. 

Sahmulphah thla, Ni 9, 2013.. Issue No. 45

PAGE - 1

TUALCHHUNG :

Damlo: Pi Zahmingi, Damvea Sec ami chu Pneumonia natna avangin Hlimen Urban Health Centre ah enkawl mek a ni.

@@    Malsawmdawngkima S/o Lal-dawngliana Buala Sec. a mi chu Oct. ni 5, 2013 a atluk palhna lamah a bân ruh hmun hnih ah a titliak a. A chetsual hian a ban ruh tliak hi an hre mai lova, School a kalna lamah an zirtirtu (Hlimen M/S-I) te chuan ngaih\ha loin damdawi in lam an panpui a, an Xray na-ah a bân ruh hi hmun 2 a atliak tih an hre ta chauh a ni. Damdawi in ah hian thil \ul angte an lo tihsak hnuin in lamah enkawl zui tura hawtir leh a ni.
    Dam leh hrisel taka hringnun an hman chhoh zel theih nan Editorial Board ten duhsakna kan hlan e.

Khiangawi: Lalchhûngi D/o Lalthiang-hlima, Buala Sec. a mi chuan Laltharmawia Luangmual ‘W’ a mi tawnah Nov. ni 8, 2013 (Zirtawpni) khan khiang min awih san ta.

PPP Mode fee khawn mek: Public Private Partnership Mode fee Sept. - Oct. thla chu khawn mek a ni a, mitin ten kan khawtlang faina lam atana pawimawh a ni tih hria a, \hahnemngai taka pe turin khawtlang hruaitu ten an ngen.

Bible chhiar chhuah: Hlimen Presbyterian Pastor Bial  Kohhran Hmeichhia te chuan tunlai hian an mahni BIakin \heuhvah Bible chhiar chhuah beihpui an thlak a, Nov. ni 12, 2013 (Thawhlehni) a chhiar zawh hman tura ruahman a ni.
    He Bible chhiar chhuah Programme hi kumin inthlanpui lo awm tur Party in beihna boruak chhia leh \ha lo zawk a awm loh nan leh boruak \ha tak hnuai a inthlanna thianghlim leh felfai kan neih theih na tur a boruak \ha siamna tur a ruahman a ni in thu kan dawng.

 

I Fa avanga i tah hun a thlen hmain naupang chu tunah vel mai rawh.  

FRONT :

POLITICAL PARTY-TE LEH MPF THAWHHONA  THUTHLUNG

    Kum 2013-a Mizoram Legislative Assembly General Election lo awm tûrah pawh hian inthlan thianghlim, dik leh felfai tak a awm ngei theihna tûr leh sawrkâr tha, thlei bîk nei lo, mipui huapzo din a nih ngei theihna tûrin Mizoram People Forum General Headquarters hruaitute leh Political Party hrang hrang hotute chuan tan lâk ho dân tûr kan ngaihtuah a. A hnuaia inkaihhruaina tlângpui târ lante hi zawm theuh tha kan ti. Hei hian MLA General Election 2013 inthlan hun puan atanga inthlan zawh fel thlêng a huam ang.
1.     Inthlan chungchâng :
(1)    Inthlan thianghlim, dik leh felfai tak a awm ngei theihna tûrin mi tinin theihtâwp chhuah theuh ni se.
(2)    Inthlanah hian khua leh tui dik tak, vote neite chuan vote thlâk theuh ni se.
(3)    Vote thlâk tûr khawpui atanga anmahni khaw lama an hawna tûr ngaihtuahsak emaw, hmun dang atanga anmahni vote awmna lama an kalna tûr ngaihtuah a, insengsova buaipui emaw hi tu mahin tih loh ni se.
2.    Inthlan senso chungchâng :
(1)    Inthlan hautak lutuk leh sênso sâng lutuk titlêm tûrin theihtâwp chhuah theuh ni se. MPF-ten candidate-te leh Party te hnênah pawisa dîl emaw, dawn emaw khap tlat a ni.
(2)    House to house campaign hi thil dik lo tam tak inphum rûk theihna leh senso titamtu a nih theih avângin tih loh hi a tha ber a; amaherawhchu, mipuiten
candidate-te an hmuh duh thin avâng leh candidate-te pawhin an bial mipuite tlawh an duh thin avângin inthlan hma ni 10 thleng chuan house to house
campaign programme siam theih a ni ang a; chumi hnu lamah erawh chuan tu mahin tih loh ni se.
(3)    Sum leh therhlo dang hmanga vote lei leh hralh hi tih loh ni se. Mipui, Pâwl hrang hrang leh Kohhrante pawhin Party leh candidate-te hnênah thil phût neih tûr a ni lo. Chutih rualin thil chi hrang hrang sem, (enîr nan- silpouline, jersey, football, mobile handset, sawrkar development kal lai leh NLUP leh thil dangte) hi tih loh ni bawk se.
(4)    Kawng zawh hi inthlan hma ni 10 hnu lamah chuan tih loh ni se, ruaitheh leh picnic hi tih loh ni bawk se. Ruaitheh tih hian mikhual chaw eipui te, block leh unit hruaituten tûl bîk thila chaw an ei khâwm thin angte hi a huam lo vang. Candidate-te rulh tûra anmahni hriat lohva dâwr leh hmun dang atanga thil lo lâk leh pekte hi tih loh tûr a ni.
(5)    Candidate-te tana inthlan tihautaktu, hêng - banner, flag leh poster-te hi vêng tina târ zât tûr hetiang hian bithliah a ni -
*    VC / LC member pasarih nei chinah
Banner - 3,    Flag - 30 leh    Poster - 20 thleng
*    VC / LC member panga nei chinah
Banner - 3,    Flag - 20 leh    Poster - 15 thleng
*    VC / LC member pathum nei chinah
Banner - 3,    Flag - 10 leh    Poster - 10 thleng

Phek 2 na-ah chhunzawm a ni.......

PAGE - 2

EDITORIAL :

ULUK TAKIN AW
    Inthlang ram kan nih angin keini Mizoram pawhin kum nga dan zelah ram leh hnam hruai a, enkawltu tur thlan \hin a ni a, tuna sawrkarna chelh lai mek te term chu tawpin, kum nga dang lo awm leh tur chhunga Mizoram roreltu leh hruaitu tur thlan a lo hun leh dawn ta reng mai. Hemi atan hian Party hrang hrang te chuan sawrkarna siam a, ram hruaina hna leh rorelna(Siam) chan tumin \an an la sauh sauh mai.
    Ram leh hnam siam\hat duh a, hmasawnna lam kawng a chak taka Zoram hruai duhtu ram hmangaih tute an phe suau suau mai le!!! Ram tana thawk duhtu leh hmangaihtute hmel han hmuh chu a thlamuanthlak  thei hle mai. A thlangtu tur mipui lam tan pawh tunge \ha anga; tunge kan ram hi siam\ha a, hmasawn tir thei ber ang tih pawh hriat thiam har khawpin -mi \ha  an tam si.
    Awle, kan ram leh hnam dinhmun a chhia a \ha lamin thui tak chu thlangtu mipuiin mawh kan phur a ni tih hriat a \ha. Kan thlan fuh leh fuh lohin kan ram dinhmun chu a hril ngei ngei dawn a ni tih hriat \heuh a pawimawh. Chuvangin, thlangtu tur ten Party (Atchilh) ruihchilh bur lova, thluak fim tak nen a Vote kan thlak ngei a pawimawh. Vote hralh leh lei chungchangah pawh hei hi hriat a \ha, ‘ vote hralhtu chu ram hmelma a nihna leh mahni engmah lova in siamna a ni ringawt’ tih hi. Tin, a leitu pawhin a mihringpui te a ngaih nep zia a ti lang a, nutling patling tawh pawh ran ang tluk lekin a ngai a ni thei bawk. I ram leh hnam siam nan rilru fim takin, uluk takin Vote i thlak \heuh ang u.

Phekhma chhunzawmna....

*    Banner hi ft. 18 x 4  aia lian lo ni se.
Poster hi ft. 4 x 3  aia lian lo ni se.
*    Party symbol chûang lukhum, badge leh sticker te hi campaign na hmanruaah hman loh ni se.
*    Flag, bannar leh poster bituk aia tam tar an awm chuan MPF in la thla turin hrilh se.
3.    Zalên taka inthlan leh vênhimna chungchâng :
(1) Invau leh inrîkrâp awm lo tûrin theihtâwp chhuah theuh ni se.
(2)    Helte hmanruaa hman leh râlthuam chelekna awm thei te huai taka dodâl theuh ni se.
(3)    Border leh sensitive area-ah te a tûl leh mamawh anga vênhimna a awm theih nân hmalâk ni se.
4.    Policy implementation :
(1)    A tak ram thleng thei tûr leh tihhlawhtlin theih tûr chauh - manifesto, policy leh programme duan ni se.
(2)    Mimal chungchâng leh tualchhûng thil chauh ni lovin, Party policy leh programme hi campaign-na leh inzawrhna atân hman ni se. Dâwt leh thu belhchian dâwl lo leh finfiah nghâl mai theih loh hmanga inbeih hi tuman tih loh ni se.
5.    Candidate chungchâng :
Political Party tinin candidate an siam laiin hetiang mi hi candidate atân ruat tûra beisei an ni.
(1)    Mi hmingtha, mize nghet leh rilru puitling.
(2)    Mi taima leh rinawm.
(3)    Dik lo leh kut tling lova sum leh thil dang hmuh tum lo mi.
(4)    Zû leh ruihtheih thil dang laka fihlim
(5)    Mipat hmeichhiatna kawnga sawisêl kai lo.
(6)   Ram leh hnam Dân pawisa mi leh dikna ngaisâng mi.
(7)   Khawtlâng leh mahni mihring puite thatna tûr duha, chumi atâna inhmang peih mi.
(8)   Mahni sakhua, kohhran leh pâwla mi hmingtha leh rinawm.
6.    Thawhhona chungchâng :
(1)    Constituency huam chhûng khaw lian deuh deuhvah MPF leh candidate-te remruatna angin, MPF Constituency Forum kaihhruaina hnuaiah Joint Platform buatsaih theih a ni ang a, chhung tinten candidate an lo hmelhriat theih nân leh an thu leh hla an lo dawnsawn theuh theih nân, a theih leh remchân dân angin, he programme hi Local TV leh Media-ah te pêk chhuah ni se. Joint Platform hi pâwl dang leh mi dangin buatsaih loh ni se.
(2)    Party malin a hranpaa public meeting neih an duh a nih pawhin MPF kaihhruaina hnuaiah ni thei se. MPF awm lohnaah chuan Party malin a remchân dân anga kalpui mai ni se.
(3)    Vantlâng tâna thingpui lum loh ni se; polling booth area bul hnaia electoral roll en leh number pêk chhuah hi Political Party-ten a mala buaipui lovin, MPF kaihhruainain, fîmkhur taka buaipui ni se.
7.    Tlângkawmna :
(1)    A chunga ‘Thawhhona Thuthlung’ târ lan piah lamah hian MPF District Forum, Constituency Forum leh Local Forum ten ruahmanna hran siam loh ni se.
(2)    Heng ‘Thawhhona Thuthlung’ hi bawhchhia an lo awma, finfiah ngei a nih chuan, MPF-in a theih leh remchân dân angin an bawhchhiatna constituency huam chhûngah a puangzâr ang.
(3)    He ‘Thawhhona Thuthlung’ hi MPF leh Political Party tinin a zau thei ang berin theh darh ni se.
    Thawhhona Thuthlung siam hian Party hruaitute leh MPF hotuten vawi thum meeting an nei a. Thuthlung siam fel ni Dt. 22.8.2012-a Party aiawh tel te chu heng mite hi an ni.

PAGE - 3

HRIATTIRNA :

Local Council hriattirna
    Khua a lo tuihul chho leh ta a, lui lama kal pawh kan awm \an chho leh  ta. Hetih rual hian kan lui dunga a nungcha (Sangha, etc.) te mi tumahin tûr lam chi reng reng a hrai loh tur a ni a, hetiang aluidung sawisa man chhuah reng reng te chu an chungah Action lak a ni ang. Tin, kan ta, kan luiung a nih ang ngeiin veng dang miin an lo hrai a nih pawhin a hria apiangin emaw  lui a kal \hin ngeite zawk pawhin  khawtlang hruaitu te hnenah thlen zel \hin turin kan in ngen e.
    Tin, tunlaiin Gas a harsa a, Gas sem hnuhnung bera la tu ten a thlen leh hunah chuan a rualkhai zawk theih nan a la la ve lote kian turin kan inhriattir a ni e.
               Sd/- Lalhmingliana,
              Chairman. Local Council Hlimen

Branch YMA hriattirna
    Branch YMA Committee chuan Thlanmual -I leh II ah hian chhungte thlan chhinchhiahna awm lo hi November thla chhungin an chhung ten an hming(mitthi hming) ngeia an thlan hmunah chhinchhiahna siam nise a ti a, chhinchhiahna engmah awm lo chu hmun ruak anga ngaih a ni ang tiin a rel a.
    Thlan in laih hnan leh mumal zawk a thlanmual enkawl a, thlan neitu te hming leh hmun fel tak ziaka  dah a, record mumal zawk a tih a nih theih nan a ni a, Branch YMA thuchhuah hi ngai pawimawh \heuh turin kan in ngen e.

YMA bungrua
    YMA Dekchi lian ber dawttu hi a awmna chin hriat a ni lova, Section/mimal lo kawl \ha kan awm chuan Proterty Secretary hnenah a rang lama hriattir nise a lawmawm hle ang.

Buala section
    Branch YMA Sound tihchangtlunna atan Lucky Ticket siam chu Section chhungah zawrh a ni dawn a, Section chhung mipui ten tlawmngaia min lo lei sak vek turin kan ngen a che u.
                Sd/- Secretary 

Advertisement.....

Blessed Physiotherapy Clinic
    Tha na, Nerve \ha lo, Ruhchuktuahna, Sciatica, Pangkhing zeng, Hmai sawi, Nghawng na avanga lu na......etc. kan enkawl thei e.
    October thla chhungin 50% Discount a ni a, Monday - Saturday 9:00AM - 5:00 PM chhungin National Institute a\anga zir chhuak ten uluk takin an lo enkawl ang che.

                Contact No. 08974732041
                Chanamri, Ramhlun Road
(2-2)                        Aizawl, Mizoram

ADMISSION OPEN
    Candid English School, Saikhamakawn chuan 2014 session atan KG-I a\anga Class VIII admission a hawng a. Day Scholar leh Hosteller ten duhtawka sap\awng an zirna hmun leh Decipline khauh taka kenkawhna School ah hian i tu leh fate rawn tir rawh le.
   
Admission fee :
     KG-I & KG-II    `     900
    Class-I to Class VIII    `     1,200
   
Hrechiang duh tan :
    Ph.    8731066925 & 9089444074

RATE TISANG
    Gas, tel leh sa man te a to chhoh tak zel avangin keini Venglai thingpui dawr nghaktute chuan Rice leh Chow man plate khat ` 20 ni \hin kha Nov. ni 11, 2013(Thawh\anni) a\ang chuan Plate khat ` 30 nise kan ti a. Mipui min dawr \hin tute hriatthiamna kan ngen e.
    Venglai thingpui dawr nghaktute

LAWRKHAWM :

Miharsa in thuam|hat  hnatlang nei  dawn
    Pi Laldawli, Kapdaia Section a mi choka chu luah tlak lova a awngrawp tak em avangin Branch YMA chuan  thuam\hat sak nise a tih chu Nov. ni 16, 2013 (Inrinni) khian Branch Committee leh Kapdaia Section Committee te nen thuam\hat hnatlang neih tur a ni a, Branch pum huap hnatlang a nih dawn loh avangin Branch Committee te leh Kapdaia Section Exe. Committee ten ngaipawimawh \heuh ang u.
    Tin, hnatlanga thawkchhuak tur te hian chaw fun tur a ni a, a hmeh chu Branch YMA in a ngaihtuah ang. Hnatlanga thawkchhuak tur ten thirtiang leh Mistiri bungrua mahni neih ang ang thawhchhuah pui tur a ni tih kan in hriattir lawk e.

MPF in thawk mek
    Nov. ni 25, 2013 a Mizoram MLA General Election lo awm tura Hlimen a Party tin ten Poster leh Banner tar tura an ruahman chu MPF Hlimen Local Forum chuan angkhat leh rualkhai thei ang bera a kal theih nan tar/ zar hna chu an thawk mek a ni.

Party Office nei kim ta
    Inthlanpui lo awm tur atana Party tinte in buatsaihna pawimawh tak Party Office chu  an nei kim ta, hetiangin:
    1. Indian National Congress(INC) :
Pu Vanrothanga In(Venglai kawn), Saichhuma Sec.
    2. Mizoram Democratic Alliance (MNF&MPC) :
Pi Lallianmawii In,( Venglai), Saichhuma Section.
    3. Zoram Nationalist Party (ZNP) :
Pu Lalfakzuala Inchung, (Vengthlang), Buala Section.
    Tin, Mizoram People Forum (MPF) Hlimen LOcal Forum te chuan Pi Lallianmawii inchung zawl Saichhuma Section, venglai a mi chu Office ah an hmang mek bawk.
    Tin, Aizawl South III Constituency atana Party Candidate te chu heng mite hi an ni:
    1. INC      - Pu K.S Thanga
    2. MDA     - Pu Tawnluia
    3. ZNP      - R. Vanlaltluanga
    Party tin Candidate te Bio- data hi kar leh Issue ah tarlan theih beisei a ni.

PAGE - 4

KEIMAHNI
Hlimkhawpui Budget
    Hlimkhawpui  2013 November  thla Budget  pe tla tawh te:
1.    Buala Sec.    2. Damvea Sec.
3.    Kapdaia Sec.
    Tin, Kapdaia Sec. leh Damvea Sec. ten December thla Budget an tlak tawh bawk a ni.

BRANCH SPECIAL MEETING NEI
    Nov. ni 5, 2013 (Thawhlehni) zan khan Branch YMA Special Meeting neih a ni a. Thurel tlangpui chu a hnuaia tarlan hi a ni e :-
1.     Pi Laldawli, Kapdaia Sec. a mi chu an In Choka a tlakbal tawh avangin sak\hat sak nise tih a ni a. Branch pumpui a thawh tham a nih loh avangin  Nov. ni 16, 2013 (Inrinni) khian Branch Committee leh Kapdaia Sec. Committee ten hnatlanga sak\hat nise tih a ni.
2.    Sound System man Branch in a la tlak kim lohte tuak nan Lucky Ticket siam nise tih a ni a, a vawr hun atan Nov. ni 25, 2013 (Vote thlak ni) nise tih a ni a. Ticket hi pakhat ` 10 man zel a ni ang a, a Prize tur pawh hetiang hian siam a ni.
    1st Prize    :    Vawksa 3 Kg
    2nd Prize    :    Vawksa 2 Kg
    3rd Prize    :    Vawksa 1 Kg
3. CYMA in Committee peng hrang hrang a awm tur mi 3 ruat tura Branch min hriattir chu heng mite hi Committee chuan a ruat.
Pu Lalthantluanga, Treasurer Br. YMA
Pu Lalrinmawia, Asst.Secretary Br. YMA
Pu Lalhmunsiama, Commt. Member Br. YMA

Ralna hun hmang
    Tv. Zochhuanawma (Maawma) ralna hun Nov. ni 3, 2013 (Pathianni) zan khan Branch YMA chuan a hmang a. Hemi zana Member te ralna tlingkhawm ` 3,020 leh chhungtinte a\anga khawn tlingkhawm ` 2,240 a vaiin ` 5,260 a chhungte hnenah hlan a ni.
    Tin, Maawma tuamna puan hi a \ul anga hman atan a chhung ten YMA ah an hlan nghal bawk a ni. An chungah Branch YMA hruaitute an lawm hle.

Sound System pualin hnatlang
    Sound System man Branch in a la tlak kim lohte tuak nan Branch Special Committee in Lucky Ticket siam nise a tih chu Nov. ni 7& 8 2013  zan khan YMA Hall-ah siam hnatlang neih a ni. Member thawkchhuak te chungah hruaitute an lawm hle
    Section tinah Section hruaitu ten an la rawn zuar dawn a, chhungrin ten atam thei ang lo leisak \heuh turin Branch hruaitu ten min ngen tak zet zet a ni.

CHHIARTUTE NGAIHDAN...

@@    Pû te u, ran khuahkhirh tur in ti a, thu awihin kan ui pawh nghawng kawlh rawt khawpin ka thlung tawh a, \henkhatin an ui te zalen takin an chhuah leh tho si a, veng laili a an tlan sup sup te hmuh tur a awm reng mai si hi an va thikawm ve. Ka chhuah ve tawh mai dawn nge, khawlai a ui chhuak sup sup hi an vahchhuah tawh loh nan hma ka lo la ang. Min chhan ngam dawn em?
    Tin, âr pawh kan chhuah zalen leh ta hle hlawm a, in bul huan thlai siam duh tan pawh a hnawk leh ta khawp mai. Kan rante avanga \henawm khawveng inhuatna a thlen loh nan mahni ran \heuhte khuahkhirh ngun lehzual a va \ha em!!
-Ran khuahkhirh loh ning em em tu

Keimahni chhunzawmna..... 

Bill la fel ta
    Social Welfare Deptt. a\anga hmuh Damveng Pres. Biak In chhak a\anga Vengchhak panna kawng siam hna YMA in a thawh chu Bill lak fel a ni ta. Bill lak theihna tura theihtawp chhuah a lo buaipuitu Pu F.Zosangzuala, Committee Member YMA hruaitu ten lawmthu an sawi.

Hlimkhawpui Advertisement
    Hlimkhawpui a Advertisement chhuah man hi vawi 1 ` 50 zel a ni a. Tin, mimal hriattirna chhuah ang chi ah pawh ` 30 zel lak tur a ni e. Hrechiang lo kan awm takin kan han tarlang nawn leh a ni e.

Faina Sub-Committee hnatlang
    Nov.ni 9, 2013 (Inrinni) hian Faina Sub- Committee te chuan YMA Hall tih fai te, Melthum nen a kan inrina bula Bawlhhlawh bawm tar leh Faina lam hawi Hoarding tar hnatlang an nei.
    Branch YMA hnuaia Faina Sub-Committee hi CYMA in rampum huapa Faina lama Mizo mipuite kan \han harh deuh deuh nana Branch YMA tina din tur a tih a nih angin Hlimen Branch hnuaiah pawh kumin May thla khan din a ni. Tunah hian Member 10 an awm.
    Tin, faina chungchanga YMA te hmalakna leh ngenna mipui ten kan zawm \ha angreng viau va, khawtlang pawhin a mawi phahin a nawm phah hle tawh a, duhthusam erawh a la ni lo. Hmalakna tur tamtak kan la nei a ni tih mipui ten i hria ang u.