Tomir Thla ni 25, 2013, Issue No. 21

Page - 1

Tualchhûng :

Damlo: Zomuanpuii Ralte D/o Lal\hakima Lalsavunga Sec. a mi chu khawsik sang leh zun leh ek lam harsatna avangin May ni 22, 2013(Nilaini) khan Aizawl Hospital, Kawlthei huanah dah luh a ni a, \hatlam a pan zel niin thu kan dawng.

Khiangawi: Laltleipuii D/o Lalvuana(L) Vawmphunga section ami chuan May ni 23, 2013(Ningani) khan Lal\anpuia Sihphir, Arpu veng a mi tawna  khiang min awihsan ta.

An va fakawm \hin em: Kumin chu kan vengin thlipui leh ruahpui kan dawng ta viau mai a, hemi avang hian kan veng chawmtu Transformer leh tualchhung Electric line a chhe fo mai a, Vengchhung Duty ten ruahsur leh thlitleh pawh sawi lova veng mipui ten êng kan neih loh hlauva theih tawp chhuaha hna an thawk \hin hi an va fakawm em. Mipui lam te pawhin kan theihna zawn \heuhah lo puibawm \hin ila a \ha awm e.

YMA Day atana inbuatsaihna kal mek: June ni 15, 2013 a YMA Day a Section tinte inelna tur hla chu tunlai hian Section hrang hrang ten an zir chho mek zel a; tin, Volleyball inelna lo awm tur atana inbuatsaihna pawh kalpui mek zel niin YMA member Volleyball Practice pawh an tam chho \an hle.

Damdawi sem: May ni 25, 2013(Inrinni) hian Hlimen MUP Unit te chuan YMA Hall-ah an member a mamawh apiang te tan damdawi a thlawnin an sem.

Step siam\ha: Saichhuma Section huamchhunga thlanmual Transformer panthlakna kawng(Step) chu tunlai hian rem\hat leh Chequered tile phah mek a ni a, he hna hi Congress unit ten an thawk niin kan thudawnna chuan asawi. Vengchhung hmellanna anih avangin athawktute pawhin a \ha thei ang ber a thawk tur leh vengchhung mipuite pawhin dimdawi thiam a, kan ta a ni tih i hre thar zel ang u.

Front :

THISEN PEK RUNPUI NEIH A NI
   
    Young Mizo Association Hlimen Branch  dincham vawi 67-na pualin thisen pek runpui May ni 18, 2013(Inrinni)  khan YMA Hall-ah neih a ni a,  Civil Hospital a a mamawh apiang ten an hman atan pek niin Blood Bank a thawk te an lo kal a ni. Mite tana malsawmna ni tur a thisen pek tum te hi mi 73 lai an ni a; mahse, taksa lam chak tawk lo te an awm avangin mi 53(Mipa 49, hmeichia 4) in thisen hi an pe thei ta a ni.
    Heng mite thisen petu te chu an ni:-

Buala Section
    1.  Lalengliana      2. Lalnunsiama
    3. R. Lalrindika     4.  Hosan MS. Tluanga
    5. Vanlalhruaia      6. Zoramsanga
    7. Vanlalnghaka    8. F. Laltlanhlua
    9. Zonunpara       10. J. Vanlalbiakdika
    11. Lalruatdika

Damvea Section
    1.  R. Lalremruata                2. F. Zosangzuala
    3. R. Lalbiakmawia             4.  PC Vanlaruata
    5. John Lalhunhlua               6.  Amos Lal\hazuala
    7. V.L. Pektluanga               8. Lallawmawma
    9. Zothanpuia                      10. Lalnunmawia
    11. Johan Lalthankhuma    12. R. Lalhmunsiama
    13. Lalchhanhima                14. R. Lalchhuanawma
    15. Lalmuanpuii

Kapdaia  Section
    1.  Lalrinchhana     2. Lalzopuia
    3. Zairemmawii     4.  John Lalawmpuia
    5. Vanlalthlana       6. Lalrinmawia
    7. Lalnunmawii      8. C. Lalnunsangzuala
    9. Lalthlamuana

Lalsavunga  Section
    1.  Lalremmawia    2. Samson Lalrinfela

Saichhuma  Section
    1.  Lalthlengliana              2. Zosangliana
    3. Zoliansanga                  4.  Lalthianghlima
    5. Samuel MS Tluanga    6. Lalrinngheta
    7. Vanlalhuma                   8. Rosangzuala
    9. Zothanzami

Vawmphunga  Section
    1.  Lalthantluanga    2. C. Lalremruata
    3. Lalruatfela            4.  Zomuanpuia
    5. Zothanpuia           6. Zonunmawia
    7. Rosangliana

Page - 2

Editorial :

Hmasawnna turin neitu rilru put ngai
    Khawtlang leh nuam neih hi duhlo fa chu kan awmin ka ringlo, thilchakawm leh awhawm tur te zing a mi pawh a ni reng a, changkanna chuan zahawmna a keng tel bawk a ni. Mimal a ni emaw veng/khua a ni emaw, changkang tia kan lam \hin te chu(Kan chung en) tlukloh ni a kan hriat te an ni \hin.
    Changkang tehna kawng hrang hrang a awm thei ang. tun\umah hian mimal leh mipui mimir nun lam chu dah \hain khawtlangin hma asawn dan leh engtinnge hma kan sawn zel ang tihlam hawiin ngaihtuahna seng tlang turin kan in ngen tlang dawn a ni.
    1. Tui chungchang :   Kan naupan lai chuan han ti ve khang lang ila tui kan harsa thei khawp a, tuikang inchuh hian \hal lai a nih chuan zan rei tak tak ah te , zing khaw en tirhah te |in pui kawtin khurpui lamah kan tlan suau suau mai \hin.  Nikhatah vawikhat bak chawi hmanloh chang a tam hle thin. Vawiinah chuan PHE ten khawlaiah khawl hmangin an sem dur dur ta mai chu a ni a, chumai nilovin chhungkaw tam tak te chuan connection te la in mahni compound ah kan herh haw ta zur zur mai te hi changkanna chu ava ni teh lul em.
    2. Kawng chungchang : Kan naupan deuh lai chuan veng chhung inlen pawhna kalkawng te a chhe thei hle mai a, veng lu lama awm te leh veng mawnga awm te pawh hi chhungkhat nilo chu kan in pawh lo hle \hin avangin kan inhre lo hle \hin  a, a veng khat ve ve pawh kan in mikhual pelh ngawk ngawk mai \hin. tunah chuan sawrkar leh hnathawktute zarah vengchhung inkal pawhna te chu \hapui pui mai  a thlur ta sung mai a, veng chhung ni leh sa pawh kan inhre pawh \hain vengkhat nih ho pawh a nuamin changkanna pawh a sang chho ve zel a, veng mawng tih te, vengkilkhawr tihte chu a bovin, veng chhung inkal pawhna \ha chuan min tipumkhat hle a ni. Khawchangkang leh veng nuam kan nih theihna tur chuan veng veng mipui ten veng hmangaihna tak tak rilru puin khawtlang \hatna tur chuan ka Compuond tia harsatna siamtu nilova veng tan chun ti chunga kan inphal zel hi khawtlang changkanna leh veng nuam nei tur chuan kan in hriat a pawimawh hle a ni.

Ziaktute Huang :

‘MALSAWMNA NGE ANCHHIA’ KHA..
By R. Hranga.

    I chanchinbu zahawm tak, Hlimkhawpui chanchinbu, Date 27, April 2013 a chhuak zialtute huanga a chunga thupui tarlan ‘Malsawmna a ni meuh em?’ tih rawn chhuahtu khan, tar damrei deuh te bakah nu leh pa upa lamdeuh te,(Kum 60-70 vel a sawinaah ngai ila). |hangthar ten kan endan ka thlir hian damreina hi Malsawmna tih harsa ka ti deuh, tiin a sawi a.
    Tin, |hasiama thihchhan, \hangthar te nun ningin a thi tih a sawi hnuah Pu |hasiama tiin a sawi leh a, |hasiama hi kum engzat chiah nge a dam tih sawina a awm lova, a thih a sawi leh si a, a duh aia dam rei a nih hmel tiin a sawi a; he thu chhuah in a duh dan chuan Dam rei hi malsawmna a a ngaihloh avangin khupbih a dam te mai bakah nu leh pa upa lam deuh thlengin, \halaite tan an hnawksak tawh a. Thi mai se a \ha zawk ang tihna ang deuhin a ngaih theih awm e.
    Mitin hian damrei hi malsawmna ah kan la ngai theih zawkin, kan nu leh pa leh pi leh pu te natna an tawh chang pawhin an dam leh theih na turin damdawi lam thiamte rawnin an ngeih zawng tur damdawite kan leisak \hin a, khawsa thei deuh te phei chuan Damdawi In \ha zawk te panpuiin sum tamtak senral pawh inhuamin ram pawn lam hla tak tak te an pan \awng \awng \hin zawk niin ka hria. Hnam fing apiangin upa te hi an ngai hlu a. Kan nu leh pa, kum upa tak tak tawh pawh nise In an lo nghak a, tap mei an lo nun ve ringawt pawh hian thla an ti muang a, an awm tawh loh hnuah te chuan khawharthlak ngawih ngawihin kan hre \hin zawk a ni lawm ni?
Pu Editor, enge i ngaih ve dan?

YMA HI
By F. Laltlanhlua(Hlute-a).

    Thuziakmi ka ni lo tih ka inhria a; mahse, ziak a\ul tlat a. He thil hi ka rilruah a riak reng a, ka’n tarlang ve duh a ni.YMA hi Sap Missionary-te din a nih vang nge ni Pathian hian kan ramah hian kohhran aia hnuaiah chiah hian a dah niin ka hria a, kohhran ten a an tihtheihloh pawh hi YMA hian an ti thei mai zel a, ruihhlo sual bawiha tang mek te pawh hi kan boral lohna turin \an te an la nasa a, an fakawm thawt e.
    Ka sawi duh ber chu hei hi a ni. YMA hian kan thlarau, rilru, taksa boral mai tur chhandamna an thawk \hin hi a ropui a ni. Kei pawh hi ruihhlo bawihah ka lo tang ve tawh a, nun beidawng leh khawhara belh tur pawh hre lova sualin a tihboral a, hremhmun hmabak ka ni a; mahse, Lalpan a hun takah kum 2003, fur lai khan kan veng YMA buatsaih, chhandamna Camping M/S-I a neihah Pathian chhandamna ka lo chang ve ta a, tunthleng hian Lalpa leh a kohhran tan ka hun, ka nun te chaklo chungin ka la hmang ve hram hram a ni.
    Chuvangin, YMA hi Lalpa duhzawngin kal zel rawh se. Tin, member-te pawh hian kan hruaitute tihnual zawng nilova, tichak zawng tur a \anlak a, thlawp a, Pathian duhzawng a ram leh khawtlang an hruai zel theih nan an tha tichak turin i tawng\ai pui zel ang u.
    Tin, kan hruaitute hi mifamkim lo ve bawk an ni a, hemi avang taka \awng\ai pui ngai an ni.Tin, kan hruaitute hi mahni kohhranah pawh rawngbawltute leh mi\angkai an ni deuh fur te hi a thlamuanthlak hle a ni. Pathian hian misual chhandamna hnathawk tur hian YMA hi min la duh reng a ni.
    He Hlimkhawpui Chanchinbu kaltlang hian Pathian leh YMA - sual laka mi chanchhuaktu hnenah a tharin lawmthu ka sawi duh a ni.
YMA midang tana malsawmna ni turin vul zel rawh se.

Page - 3

Hriattirna :

Lo ti tawh suh u
    Tuikhur lui kama kan huana thal laia kan vaimin tuh, harsa tak chunga tuia kan chawm chhoh chu a keh a lo hun \an a, mi tuten emaw min lo kehsak \hin a. kan chhungkaw in hralh sum atana theihtawp a kan thawhchhuah ve a ni a, tunhnuah chuan tumahin min lo khawih sak tawh lo hram turin ka ngen a che u. Tunhnuah chuan a titu man in ni emaw a khawihtu hriat chhuah in nih chuan inchungah engpawh thleng se  in cho chhuah a ni ang.
   
    R. Hrangkhuma,Buala Section.


Local Council hriattirna
    1. Mizoram Sorkar Trade & Commerce Deptt. chuan Aizawl City Local Council Association nen a rem tih tlanna angin Aizawl khawpui chhungah sa chi hrang hrang man(rate) a siam thar a. He sa rate hi Aizawl khawpui chhungah thu leh awm hma chuan hman nghal tur a ni ang.
    i).    Vawksa              `    200     per Kg
    ii).    Arsa                   `    220     per Kg
        Bawngsa(A ti)       `    250     per Kg
        Bawngsa(Aruh)    `    200     per Kg
        Bawngsa(A thin)   `    300     per Kg
    iii).    Ui sa                 `    300     per Kg
    iv).    Kel sa              `    300     per Kg            

A chunga sa man (rate) bituk anga zuarlo/hralhlo te chu sorkarin an chungah action a la ang.
      
2. AAY leh BPL Card thar lo chhuak la la chhuak lo kan la awm nual a, Local Council Office hawn chhungin lakchhuak theih reng a ni a, a ranglama lam chhuah nise a tha ange. Tin, Card lachhuak tur ten ` 10/- inrinsa vek tur a ni e.

      Sd/- Secretary, Local Council Hlimen.

Information mike hman chungchang
    CYMA a\anga lehkha hmuh a\ang leh Branch YMA in thuchhuah a siam angin Aurinna hmanga mipui te tana hriat tur puan darh chungchangah hetiang hi ruahmanna a siam \henkhat te chu an ni:
    1. Section thil bik reng reng Information mike hmanga puan tawh loh nise. Portable mike hmanga puan erawh a huam lo.
    2. Mi mal thil bik, thil bo, mimal sumdawnna etc. lam hawi reng reng puan loh nise.
    3. Kohhran inkhawm lai chuan au loh nise.
    4. Kohhran inkhawm a puan hmanloh  thil \ul bik tih loh chu Kohhran thil puan loh nise.
    5. Mitthi an awm in an thihchhan ang natna vei mek te tan hrehawmna a thlen theih avangin an thihchhan puan loh nise.
    Tin, a \ul angin adang te pawh tarlan \hin a ni ang.

Lawrkhawm :

Kumpuan hmalakna
    May ni, 18, 2013 (Inrinni) khan CYMA chuan City Branch OB te kokhawmin Phunchawng leh Rangvamual a Foreignner danlova Mizoram a awmte leh zu leh ruihhlo dang zuara awm te chu CEC ten May ni 15, 2013 ral hma a Phunchawng leh Rangvamual chhuahsan tura an ngen tawh chu en fiah turin hnatlang a kova, he hnatlang ah hian City Branch OB te an thawkchhuak \ha hle a, Member 300 chuang zet thawkchhuakin tuna Phunchawng leh RV a la awmte chu Survey nghal a ni a, in tinah lutin chhungkaw pa ber hming te, EPIC leh chhungkaw zat te, House No.  te bakah an eizawn dan te; tin, Ration Card No. te zawtin, chhinchhiah (Record) thlap a ni a, he hnatlangah hian Hlimen Branch a\angin Pu Robuanga Fin. Secy te, Pu Lalrinmawia Asst. Secy leh Pu Vanlaltluanga Vice Pre.(CEC Member ni bawk) te an kal a ni. OB 3 dang te erawh chu Branch Day vawi 67-na puala Civil Hospital a dah tur thisen pek Ni a nih vangin an kal ve hman ta lo a ni.

Lawmthu sawina
    Kan khawtlangin hma a lo sawn theih nan kan khawtlang nu leh pa, Local Council ten khawtlang hmasawnna tur leh hmellanna turin Work a thunin mimal leh kohhran te biak a ngaihna laiah nu leh pa chanchang takin min biaksak a, Kan Local Council te chungah lawmthu kan sawi a. Tin, UPC kohhran ten an ram khawtlang hmasawnna tur a ni tih hria a, ui hauhlova an pek avangin lawmthu kan sawi tak meuh meuh a ni. Tin, Congress Unit hruaituten he hna kan thawh theih nana bialtu MLA hnena tha leh zung seng a theihtawp chhuah a hma min laksak avangin lawmthu kan sawi bawk. Pawl ang leh mimal angin lawmthu kan sawi seng lova, he chanchinbu kaltlanga  kan lawmthu sawina hi min lo pawmsak turin kan ngen che u a ni.

Khawtlang tana in thawhpui,
         Sd/-                                 Sd/-
           Secretary,                                Secretary,
 Hlimen Congress \halai         Hlimen Congress Driver Cell

Thisen pek runpui Branch YMA in a buatsaihah Mipa 49 leh hmeichhia 4 ten thisen an pe. Tlawmngai a thisen pete leh pek tum, engemaw avanga pe leh thei ta lo zawng zawngte chungah Branch hruaitu ten lawmthu an sawi.

Page - 4

Keimahni :

Hlimkhawpui Budget
    Hlimkhawpui 2013 May  thla Budget  pe tla tawh:
1.    Kapdaia Sec.    2. Buala Sec.
3.    Vawmphunga Sec.
    Buala Sec. leh Vawmphunga Sec. te chuan June thla Budget an tlak fel ta bawk.

    Buala Section
    May ni 21, 2013( Thawhlehni) zan khan Pu Ngurbiakvela te leivung paihin sumtuak hnatlang an nei a, member \hahnem tawk tak thawk chhuakin hnatlanga thawkchhuak zawng zawng te chungah leh inhlawhna siamsaktu Pu Ngurbiakvela te chhungkaw chhungah Section hruaitu ten lawmthu an sawi a. Tin, leivung paih nana a thlawna phal taka motor hmantirtu Pu Lianhmingthanga te chhungkaw chungah pawh lawmthu an sawi bawk.
    Tin, YMA Day a item, a bikin Volleyball player zawng zawng te chu a tam thei ang ber practice \hin turin hruaitu ten an ngen bawk.
    Tin, Branch Budget ` 3000/- an tlak fel ta bawk.
 

Kapdaia Section
    May ni 24, 2013( Zirtawpni) khan Pu Rokamlova kawtlai laiin sumtuak hnatlang an nei a, hnatlanga thawhchhuak member zawng zawng te chungah leh inhlawhna siamsaktu Pu Rokamlova te chhungkua hnenah Section hruaitu ten lawmthu an sawi tak meuh meuh a ni.

Vawmphunga section
    May ni 28, 2013(Thawhlehni) zan dar 7:00 hian Tv. Lalrinliana te inah YMA Day lo awm tura intihsiakna tur hla zir tur a ni a, member a tam thei ang ber hla zir tur hian kan inngen in kan in hriattir a ni e.

                Sd/-Secretary.

Branch Hriattirna
    Laipuitlang leichim tuartu te tana Branch YMA in vehbur a khawn chu May ni 26, 2013(Pathianni) hian Branch achhun luh hun tawp a nih tawh kha Section tin ten hria ila.
     Tin, YMA Day puala member 1 tan ` 10/- khawn pawh kha hun tep ter taka khawn mai lovin tun a\anga khawn ni thei se, a ranglama thehluh tum ila. Inbuatsaih lawk thiam pawha awlsam phah zawk bawk awm e.
    YMA Day lo awm tur atana Section tinte Item hrang hrang tel turte tana entry fee leh a List pek hun kha tunthlachhung a ni tih kha hre nawn leh ila, convener \heuhte hnenah thehluh tur a nih kha i hre thar leh ang u.
                Sd/- Secretary

Chhiartute ngaihdan :

@   Hlimen mipui hi Kristian lo chu kan awm ka hre meuh lova, Kristian hla phuahtu pakhat chuan thlipui ruahpui a kan phen tur Isua a nih thu a phuah a, tui em em in kan sa \hin a, kan tuipui dan han ngaihtuah chuan tun Cyclone lo tleh tur thawmah te khan hlau phili turah ka lo ngai lova. Mahse Upa zing a\angte leh rawngbawltu \ha nia ka lo thlir \hinte phili dan em em kha chu.... Isua hi thlipui leh ruahpui laka phen tlakah an ngai lo em ni aw... te ka lo ti ve mai mai a.
- Mahasen-a

Chawhchawrawi :

Thisen pek runpui leh a behbawm
(    Thisen petu 53 zinga petu upa ber te : Pu Lalengliana(46) leh Pu Vanlalhruaia( 46) Buala Sec. ve ve.
(    Thisen pe naupang ber te : Amos Lal\hazuala(18) DV, Lalruatfela(18) VP, Vanlalthlana(18) KD leh Rosangzuala (18) SC te an ni.
(    Tun\um Thisen zinga thisen pe hnem tawh ber : Pu Lalthantluanga (VP) Vawi 13.

Hmala tan
    Hlimen Branch YMA hnuaia Faina Sub-Committee, Clean Hlimen te chuan May ni 19, 2013 khan Faina kawng an hmalakna hmasa ber atan fehchhuakin, heng hmun te hi hmalakna hmasa atana chhawpchhuah te an ni :
    1. Venglai a\anga Khurpui panthlakna kawng.
    2. Pu Thangseia huan kawr thla(bawlhhlawh paihna atana hman)
    3. Pu R. Hrangkhuma In bul kawr, bawlhhlawh paihna atana hman.
    4. Venglai huamchhunga kawrpui, bawlhhlawh paihna atana hman.
    5. PWD Quarry hlui thlang, leivung leh bawlhhlawh paihna atana hman te an ni.
    Heng hmunah te hian bawlhhlawh paih tawh lo turin mitin te ngen kan ni a; tin, heng hmunte bakah hmundang pawh enfiah leh zel a ni dawn a, hmalak zel dan tur pawh arang lama siam a ni anga, mipuite pawhin faina lama hma kan sawn zel theih nan \an ila deuh deuh ang u.

Advertisement :

THLARAU THIANGHLIM CAMPING
Lawrence Ministries in Camping
a buatsaih dawn

Pathian in A  thlarau thianghlim nasa taka a rawn leih \hinna a ni.
    A hmun    :    Art & Culture Building,                     Beraw Tlang
    A hun    :    May ni 27th - 1st June
    Speaker    :    Lawrence Rothangpuia
    Ken turte    :    Mutbu, Bible, Buhfai no 8
    Kal turte chu May ni 27 (Thawh\anni) chawhnu dar 3:00 ah Vanapa Hall a\anga Bus a chhuah tur a ni.

    Contact :     Patea - 8974121157
(2-2)             Rina  - 9862167040

Hringnun :

I thian chu mi hriat lohvah zilh la, mi kiangah chuan fak thin ang che.
            -Leonardo da Vinci

Tomir Thla ni 18, 2013...Issue No. 20

Page - 1

Tualchhung :

Hmalakna tur enfiah: Branch YMA hnuaia Faina sub-Committee te chuan an Committee thurel bawhzuiin May, ni 19, 2013 khan veng chhunga faina lama hmalak \ulzual laite enfelin an thawk chhuak a, Faina sub-Committe hian vengchhung a lo thianghlim theih nan chak takin hmalak an tum a ni.

Kawng zauh: |helretkawn hnuai, UPC Biak IN a\anga Pu R. Hrangkhuma in bul thleng kawng laihzauh hna thawh mek ani a, kawng laih zauh hna hi Congress \halai ten an thawk niin kan thudawnna chuan a sawi. Tin, Retainning wall chu Congress Driver Cell ten an thawk dawn bawk niin thu dawn a ni.

Flag tar hnatlang: May ni 18, 2013(Inrinni) khan  Phunchawng leh Rangvamual dinhmun enchiang turin CEC leh City Branch OB te chu YMA Flag tar hnatlang neiin an kal.

Thisen pek runpui nei: Hlimen Branch YMA Raising Day denchhenin Civil Hospital a a mamawh a piangte hman turin May ni 18, 2013(Inrinni) hian YMA Hall-ah thisen pek runpui neih a ni a, he thu buatsaih lai hian Report kimchang hriat hman a ni lo. Issue leh ah a kimchang tarlan tum a ni e.

Tleirawlte Nî: May ni 18, 2013(Inrinni) hi hmeichhe tleirawl te Nî a ni a. Hlimen-ah pawh Anganwadi hruaitute bultumin hi nî hi Middle School II ah buatsaih lai hian an hun hmandan kimchang hriat hman a ni lo.

Telephone line hnawk siamfel : Damvea Section te chuan May ni, 15, 2013(Nilaini) zingkar khan an Section chhunga telephone hruipui inzam hnawk tak chu siamfelin hnatlang an nei. Hnatlanga thawkchhuak te chungah hruaitute an lawm hle.
    Tin, YMA Day a zaipawl intihsiakna tur May ni 21, 2013(Thawhlehni) zan dar 7:00 hian Pu Thansanga te in hlui

Front :

Y.M.A. Day hman dan tur kimchang
   
    May ni 11, 2013 (Inrinni) zan khan Hlimen Branch O.B. te chuan Meeting neiin kumin YMA Day hman dan tur Executive Committee in a rel bak relchhunzawm a ni a, hetiangin :-

1. Thingphun chungchang : YMA Day zing karah Thlanmual-II leh Samtlang Road ah Branch pum huapa thingphun tur a ni.

2. Infiamna : Zing dar 10:00 ah Mualzawl ah \an tur a ni anga, hruaitu atan Pu Vanlaltluanga Vice President ruat a ni. Volleyball Final leh Insuknawr Semi Final te hemi ni hian tih a ni ang. Round dang bakah Arm Wrestling te chu a hma lama lo tih vek tur a ni.

3. Refreshment mawhphurtu ruat : Heng mite hi Refreshment a mawh lo phur turin ruat an ni :-
1) Pu Zolianchhunga(VP)    2) Pu H.Ralkapthanga(VP)
3) Pu Pachhunga(BS)    4) Pu Zosangliana(SC)
5) Tv. Lalawmpuia (DV)    6) Tv. R.Lalrindika  i/c

4. Lawmman chung chang: Infiamna hrang hrangah hetiang hian lawmman siam a ni :-
1) Volleyball :- Mipa & Hmeichhia
1st Prize    -`        1,000/-    2nd Prize    -    `    700/-
2) Inkawibah :
1st Prize    -    `    1,000/-    2nd Prize    -    `    700/-
3rd Prize    -    `    500/-
3) Insuknawr :
1st Prize    -    `    300/-    2nd Prize    -    `    200/-
3rd Prize    -    `    100/-
4) Arm Wrestling :
1st Prize    -    `    300/-    2nd Prize    -    `    200/-
3rd Prize    -    `    100/-
5) Lungden :
1st Prize    -    `    300/-    2nd Prize    -    `    200/-
3rd Prize    -    `    100/-
6) Sanghar ngul lawn :
1st Prize    -    `    150/-    2nd Prize    -    `    100/-
3rd Prize    -    `    50/-
7) Zaipawl :
1st Prize    -    `    1,000/-    2nd Prize    -    `    700/-
3rd Prize    -    `    500/-
- Phek  4 na-ah chhunzawm a ni..

Page - 2

Editorial :

Hlimen leh faina
    Faina hi kan uar chho zel a, hmasawnna rahbi pawimawh hmasa ber pawl ni pawhin a lang. LPS,Zonet kan thlir chuan singapore leh Phillipines etc.ram a zopa pakhat kalin an khawthler leh hmunhma te a fang lai leh an changkan zia te a sawi pah zel a, keini a thlir tute pawhin hmuhnawm tiin rual awhna kan ti \hin hle a nih hiii maw.. An fai zia te chu mahni tapchhak zawl ah kan sawi a, an in leh lo enkawl dan leh ei leh in thleng a fimkhur zia te, dan an zawm \hatzia chu kan hmu a, an ni ‘chu chuti khati’ kan ti a, rualawh na kan ti \hin. A dik chiah mai.
    Kan veng/khua hi engemaw ti taka vannei tak akn ni, veng dang thli kan dawng lova, veng\henawm hnai ber nen pawh ramri feltak neiin a in \hen thlap mai. Tichuan le, Faina kawng bik lo thlir ta ila;  Khawi lam veng thli mah kan dawng lova, keimahni bawlhhlawh pai uluk loh vang leh kan inthlahdah \hin avangin ngaimawhawm khawp hnawmhnawk kan nei ta viau mai.  Mimal tin ten kan rilruah Faina hian tun ai hian hmuh luah thuk se, hmasawnna ava ni lehzual dawn em....
    Fai hi a pawimawhna em em chu taksa mai bakah rilru thleng in a tithianghlim ve fo \hin. Chu chuan thathona leh khawtlang ang pawh a in lungrualna a thlen ve fo. Chutih rualin \henawm khawvengah pawh a \ha zawng a inelna thianghlim a siam a, faina hmuna naupang awm \hang te pawh zirna a thianthei pawl niin hawihawm pawh an hawihhawm bik niin a hriat \hin.
    Awle, sawi kim vek a har a, a\ul ber pawh a ni lo ange.  Engpawhnise, Hlimen khawtlang hian FAINA hi kan theihna kawng hrang hrangah uar deuh deuh ila, kan veng/khua tia kan ngaih em em Hlimen hi i vawng fai ang u.  

Ziaktute Huang :

‘HLIMEN I SIAM NUAM ANG U’
By J.Zothanpuia, Member Local Council
   
    He thupui hmang hian Local council hmalakna \henkhat tarlanna nipah fawmin  ka thiam ang tawkin Khawtlang mipuite sawmna thu ka han thai ve e.
    Kan khawtlang hi chak takin hmasawn thei lo mahse muang changin kan \hang chho ve zel a,zirna lamah te,infiamna lamah te, faina leh thianghlimna lamah te,development hrang hrang ah kan \hang chho ve mek a, tunah hian awmze nei, hlawk zawk leh nuam zawka kan nun ho theihna turin khawtlang hruaitute pawhin ruahmanna kawng hrang hrangin an nei a, a \henchu tihhlawhtlin leh la  kalpui mek te , la tar chhuah remchang lo,phurpuiawm tak tak te pawh a awm nawk a ni. Heng kawng hrang hranga sorkar leh khawtlang hruaituten hmasawnna tura  programme a siamah tihlawhtling turin mipui lam hian mawhphurhna nasa tak kan nei a ni tih hriain, tun atan leh hun lo la kal zel tur a tan Hlimen  hi i siam nuam ang u.
    Awle, tunah hian bawlhlawh sawngbawlna(waste management)  lamah pawh tun a\anga reilo teah  ruahmanna thar,khawpui hmasawn zawkte kal dan ang; bawlhlawh thliar a (segregate),bawlhlawh tia kan peih bo tam tak, eng emaw siamna atana la hman(recycle) theihte   dah hran a,suma chan tir emaw kan mamawh thil dang nena thleng te, tawih thei chi dahran a,bawlhlawh tihtlem a(Waste Reduction),recycled theih tawh loh chauh paih bo tura ruahman niin a paihna tur bawlhlawh bawm pawh chi hnih zel inkawp a hring leh a pawl rawn chawp tura kalpui mek a ni a, hemi kawng ah pawh hian tihlawhtling turin mipui lamten bawlhlawh thliar a,bawlhlawh a bawmah chauh paih te, bawlhlawh paihna tura kan thawh ve tur(user charge) chhungtinin thlakhata Rs. 30/-   kan pek that a pawi mawh em em a ni.Heti hian nghaihtuah ila ‘nitin Re. 1/-(cheng khat)hmangin kan chenna khawtlang Hlimkhawpui  hi ka vawng thianghlim/vawng fai thei a ni’ tiin.Kan khawtlang hi bawlhlawh bawmah siam lovin duat takin  enkawl ila chenna tlakah i siam ang u.
    Kan insak danah pawh \henawmte leh vantlang nek leh midang tana hnawksak lo a, nghet leh tha kan neih theih nan Municipal Council chuan Building Regulations a hmang mek a ni a, hemi kawngah pawh hian Municipal chhunga awm kan nih angin dan kan zawm hram hram a pawimawh a,insa tur ten Local Council te sawmin Municipal duhdanin sa thei ila, thenawmte pawhin complaint kan neihte Local council ah thlen bawk ila,awmze neiin kan khawtlang hi a theihna chinchinah i siam nuam ang u.
    Tunah hian dan mumal awm lo a, kan duhna hmun leh remchang changa  sumdawnna hmun kan neih \hin avanga kan khawpui chep, tawp leh hrisello tih tawp nan te, a ram leilung fate tan chauh a sumdawnna hmun buatsaih a nih theih nan te AMC chuan Licensing Regulations  hman turin a tichhuak leh ta a, sumdawnna lian leh te, tuna inbun tawh leh la bun leh turte pawhin License  dil vek a ngai a ni.Hemi kawngah hian Local Council te hi thuneihna sang tak pek a ni a, keini Hlimen Local Council te pawh hian awmze neia kalpui kan tum a,kan tu leh fate  leh chhuan lola awm zel turte thleng a khaw nuam, a chengte tana awmze nei leh mumal zawk, hriselna tha zawk leh  nun nuam zawk a sumdawnna kan kalpui theih nana Local Council ten duhdan a neih te sawisel mai lovin  an ruahmanna pawmpui turin sumdawng zawng zawngte kan in sawmin kan inhriattir nghal a ni. Hlimen i siam nuam ang u.

Phek 3 na-ah chhunzawm a ni...  

Page - 3

Hriattirna :

Remti lo
    YMA Hall a inthiarna hi vantlang inthiarna emaw ti a aduh duhin a hman hi phal a ni lova, YMA thltih leh Hall a thiltih a awma hman tur a ni a, tunhnuah chuan pawn lam a\anga hman hi YMA chuan a rem ti tawh lo a ni.

Gas refill booking
    Gas Refill Booking vawi 1 ti tawh tan tihnawn a ngai tawh lova, Gas an rawn sem pahin anmahni lamin an rawn ti mai tawh dawn a ni. Tin, vawi khat mah Booking la tilo tan chuan Vanbuangi Gas Showroom ah va tih a ngai tawh dawn a ni.
    Sd/- Zohmingthanga
    Treasurer.Local Council, Hlimen

Faina Sub-Committee
    Kan khawtlang kan lo hrisel zawk nan mitin leh chhungtin ten \anlak a hun ta hle mai. Mi vengah te kan kalin kuhva eina leh sahdah hmuamna te kan paih mai ngam loh laiin, kan vengchhungah a neitu zawk in kan paih mai zel te hi sim a hun ta. Chinai te tuibur te remchang leh awmna hmun apinaga kan tat a, kan chhak / pik te hi sim a hun ta hle mai. Tin, kan in leh avel te \henawm tana hnawksak khawp a bal/\awp a kan dah sak a nih chuan tihfai hi a finthlak khawp mai,mitin kan chenna leh avel leh kan khawtlang vawng fai turin \an i la thar \heuh ang u.

    Sd/- Chairman, Faina Sub-Committee

Ziaktute huang chhunzawmna ...

    Nikum 2012 khan department hrang hrang ah Work proposal 33 siama theh luh a ni a,heta tang hian hna 15 vel lo chhuak tawhin a then chu thawh zawh tawh leh thawh mek a ni a, tin MP fund ;Lok leh Rajya Sabha atangin Local Council hming hian hmun rukah Rs.21,90,000/- man lai thawh a ni tawh bawk ,IWMP scheme (EPA)atang in Lamkhuang hnuai thawh a ni bawk a, tin SIPMIU atangin RCC Zonal Tank siam mek a ni bawk a ni(Heng bak pawh LC te hriat loh a awm ang)Heng hna hrang hrang zingah hian Local Council hian MP fund zinga pakhat leh Lamkhuang hnuai chiah a siam ve a,Local Council chuan work agency nih kher hi a tum lova, a duh chu ‘Hlimenah hian development awmse,tha leh rintlakin a thawktuten thawk se’ tih hi a ni, tupawh hi hnathawktu nise induhsak tawn ila, a thawktute pawhin he rilru’Hei hi Hlimen a ni, Hlimen ka ni’tih rilru puin mah ni ta ang tak takin thawk ila , Hlimen hi i siam nuam ang u.
    A tawp bera ka sawi duh chu, Local Council member te hi party worker kan ni lova; Social worker, Social Activist kan ni.He rilru pu hian khawtlang pawh kal pui mek a ni a, chuvangin Local Council hmalaknate sawisel / do mai lovin, kan zavai a  thawk hoin, ‘inlungrualna leh inpumkhatna hi dinchhuahna a ni’ tih hre rengin Hlimen hi i siam nuam  ang u.

Lawrkhawm :

Chhiat tawh chung changa lawmthusawina
    Kan fapa Laltlanmawia’n May ni 2, 2013 (Ningani) a min boralsan chung changah khawtlang nu leh pa, YMA nula leh tlangvalte leh kohhran ho ten min tuarpuina leh kawng engkim maiah min buaipuina chung changah kan thinlung takin lawmthu kan sawi a. Pathianin vengin malsawm che u rawh se.
Pakunga te chhung
Hlimen Vengchhak

Êng nei leh ta
    Power & Electric 11 KV line May ni  15, 2013 (Nilaini) tlai a a chah avangin khawtlang chuan Power Supply kan hmu thei lova, hnathawktu, Deptt a thawkte chuan \hahnem ngai takin ruah leh thli karah khaw en chhung zawng an thawk a, khuain a thim hnan avangin veng pumpui chu tihen hman a ni ta lova, Central Workshop leh Quarry Sub-Station in a chawm chin zawng zawngte chu siam\hat hman a ni ta lova, zan khat chu êng pek theih an nih loh avangin pawi an ti hle. He Sub-Station in a chawm chin mipui te chungah hna thawktute chuan thupha an chawi tak meuh a ni.
    Tin, May ni 16, 2013 (Ningani) khan Office lama thawktute JE hovin 11 KV line chat siam\hat hna chu ruah leh thli karah ngawrh takin zing a\angin siam\hat hna an thawk leh a, tlai lam dar 6:30 Pm pelh hret khan line siam chu zovin Tlangnuam Control room chu êng rawn pe turin an han dil a, mahse pek theih lovin Melthum tlangah thli leh ruah avanga thing tlu chuan 11 KV line a lo vaw chhia a ni tih zan dar 8:00 vel khan an hmuchhuaka. He thing line vawtu hi a len mai bakah a zar buk atam avangin zana tihfel mai theih a ni lova, a tuk May ni 17 (Zirtawpni) zingkar khan line tichhetu thing hi thenfai niin êng \ha tak kan lo nei leh thei ta a ni.

Vehbur khawn mek
    Laipuitlang leh Ramhlun venglai leimin tuarte \anpui nan CYMA in Branch tinah vehbur khawn nise a tih chu Hlimen Branch YMA hnuaia Section hrang hrangah khawn mek a ni. Chhungtinte pawisa phal ang tawk lo inring turin Branch hruaituten an ngen.

Advertisement :

THLARAU THIANGHLIM CAMPING
Lawrence Ministries in Camping
a buatsaih dawn

Pathian in A  thlarau thianghlim nasa taka a rawn leih \hinna a ni.
    A hmun    :    Art & Culture Building,                     Beraw Tlang
    A hun    :    May ni 27th - 1st June
    Speaker    :    Lawrence Rothangpuia
    Ken turte    :    Mutbu, Bible, Buhfai no 8
    Kal turte chu May ni 27 (Thawh\anni) chawhnu dar 3:00 ah Vanapa Hall a\anga Bus a chhuah tur a ni.

    Contact :     Patea - 8974121157
(2-1)             Rina  - 9862167040

Page - 4

Keimahni :

Hlimkhawpui Budget
    Hlimkhawpui 2013 April  thla Budget  pe tla tawh:
1.    Vawmphunga Sec.    2. Kapdaia Sec.
3.    Buala Sec.    4. Damvea Sec.
5.     Saichhuma Sec.    6. Lalsavunga Sec.
    Kapdaia Sec. chuan May thla Budget an tlak fel ta bawk.
   

 Emergency Meeting nei
    May ni 13, 2013 (Thawh\anni) zan khan Branch Y.M.A. O.B. leh Section O.B. te chuan YMA Hall ah Emergency Meeting pawimawh tak an nei a. May ni 11, 2013 a leimin avanga  chhiat tawk, Laipuitlang leh Ramhlun Venglai a mite \anpui nan Section tinah vehbur khawnsak nise a ti a. May ni 26, 2013 (Pathianni) ralhma hian Section tin ten khawn khawm ve nise, May ni 27 (Thawh\anni) hian Leimin tuar/chhiat tawk Laipuitlangah \anpuina hi pek hman ngei nise tih a ni.
    |anpuina hi pawisa a khawn tur a ni a, Committee rilru leh ngaihtuahna ah chuan 1992 a Hlimen khawtlang chhiat kan tawh/quarry chim avanga ram tin a\anga mite khawngaihna leh lainatna lo dawngtu kan nih tawh avangin tuna Laipuitlang leimin tuartute puala vehbur khawn turah hian chhungtinte an lo inhuam hle turah a ngai a, zahpuiawm lo tak kan pek/hlan ve ngei theih pawh Committee chuan a beisei hle a ni.

Saichhuma Section
    Fin. Secy Tv. Benjamin Lalruatliana chuan \ulna avanga a awmbosan avangin aiah Nl. Rosie  Lalawmpuii D/o Vanlalliana chu an ruat thar. Tin, Property Secretary atan Nl. Lalmuansangi D/o R. Lalliantuluanga chu an ruat thar bawk.

Buala Section    YMA Day lo awm tur intihsiakna pakhat mipa volleyball-a team ‘C’ a tel duhte chu Pu F. Laltlanmawia Fin. secy hnenah inreport tur ani a; tin, volleyball veka hmeichhe team ‘B’ a tel duhte chu Pu H. Lallawmsanga Treasurer hnenah in hriattir tur a ni bawk.
    Tin, May ni 21, 2013(Thawhlehni) zan hian Pu Ngurbiakvela te leivung paih a sumtuak hnatlang neih tur a ni a, memberte atam thei ang ber thawkchhuak turin ngen leh hriattir kan ni e.

    Sd/- Secretary

Kapdaia Section
    Tuikhura hmeichhe inbual leh leh kawngpui dunga lirthei sil khap a ni. Volleyball court siama hnatlanga thawkchhuak chungah leh intihsiakna atana hla zir zawng zawng te chungah Hruaitu ten lawmthu an sawi tak meuh meuh a ni.

Chhiartute ngaihdan :

@@    Tunlai hian venglai leh Pu N. Zokunga te in inkarah ui 3 vel chuan nitin an ek kawnglaiah an cheh \hin a, kutpalh an tawrh in phal a neih loh chuan lo khuahkhirh ve tawh te u. Uisa ei chak tak tak kan tam a nia.
- Sa Free duh-a

Keimahni chhunzawmna..........
Damvea Section
    YMA Day lo a zaipawlintihsiakna tur May ni 21, 2013(Thawhlehni) zan dar 7:00 hian pu Thansanga te in hlui zawkah zir \an tur a ni a, memberte a tam thei ang ber hla zir turin an in sawm a ni

Lawrkhawm chhunzawmna..

HNA THAWK THA TURA NGENNA
    Sorkar Department a\anga development hna lokal  a copy kan dawn te chu Hlimkhawpui ah  kan tarlang \hin a, tunah pawh Urban Development & Poverty Alleviation Department hnuai a\angin Local Council te Work proposal siam a\angin heng a hnuaia kan han tarlan ang hian development a lo thleng leh ta a, a lawmawm hle a, contructor ten \ha taka thawk turin Local Council chuan kan ngen tak meuh meuh a ni, mawhphurhna completion report pe tura Department-in min pek  angin pek tlaka thawk ngei tur leh pek tlak loh chu completion report  pek sak an ni dawn lo tih kan in hriattir nghal bawk a ni.
1.Name of Work:Construction of SM/R/Wall from Mualzawl to Thelret kawn.(Approach road to Cemetery) at Hlimen
Sanction Amount: Rs.1,22,000/-
Contructor:Pu,Tlanghmingthanga (Congress Driver Union in an thawkdawn niin  kan hria)
2.Name of Work: Widening of road from Mualzawl to Thelret Kawn(Approach road to Cemetery) at Hlimen.
Sanction Amount: Rs.1,39,700/-
Contructor:Pu,R.Laltanpuia (Congress Thalai in an thawk dawn niin kan hria)
3.Name of Work: Construction of S/M step with one side Hand Railing and Chequered tile from Pu,Lalchungnunga’s house to cemetery road at Hlimen Vengthlang.
Sanction Amount: 1,60,100/-
Contructor:Pu R.Lalneihtluanga (Congress Unit in an thawk dawn niin kan hria)
Heng hna rawn chhuak te hi a thawktute tupawh ni ila \hatakin, rintlakin,Hlimen hmangaihna rilru nen i thawk ang u.   
Sd/-
(LALHMINGLIANA)
Chairman/Local Council.

Tomir thla ni 11, 2013... Issue No. 19

Page - 1

Tualchhûng :

Damlo: Pi Biak\huami W/o Pu Duhthusama Damvea Sec. a mi chu kut/ban nerve \halo avangin May ni 8, 2013(Nilaini) khan Greenwood Hospital ah zai a ni a, atuk May ni 9. 2013(Ningani) khan inlama inenkawl turin a lo chhuak leh ta.

@@    Nl. Lalruatfeli D/o R. Dingliana Kapdaia Sec. a mi chu Aizawl Hospital (Kawlthei huan)-ah a kal a lungte awm chu May ni 8, 2013( Nilaini) khan an zai a. He thu buatsaih lai hian damdawi-in lamah enkawl mek a la ni.

Kaisang: Pu Vanlalsiama Damvea Sec. PHED Chhimphei i/c Sectional Officer chu a hnathawhna ah JE(Junior Engineer)-ah kaisangin Khawzawl-Division-ah a awm dawn nia hriat a ni.

Thalai Meet hmang dawn: May ni 11-12, 2013 hmang hian Aizawl Chhim Presbytery |halai Meet chu Mission veng Kohhran Biak In ah neih a ni dawn.

Nâu nei thar: Pu Zothanpuia te nupa, Damvea Sec. a mite chuan an fahmingkoh atan May ni 4, 2013 khan Urban Health Centre, Hlimen ah naute mipa duhawm tak an nei thar.

Bi-Centenary senso: Hlimen Bi-Centenary hman zawh taka sum dinhmun chu hetiang a ni : Sum hmuh zawng zawng ` 1,34,350/-. Hmanral zawng zawng ` 130980/-. A bang(Balance) ` 3370/- a ni.

PHED Office sawn : PHED Chhimphei Section  Site-Office chu remchan zawkna avangin Pu Vanlaltluanga in, Buala Section huamchhungah an insuanlut fel ta.

Khiangawi: Nl. Lalenkawli D/o Pu K. Pakunga Vawmphunga Sec. Fin. Secy  chu May ni 10, 2013(zirtawpni) khan Tanhril lamah khiang min awihsan ta.

Tual Upa thlang dawn: Hlimen Presbyterian Kohhran chuan tun Pathianni lo awm tur hian Tual upa pali an thlang dawn.

Front :

Hlimen Branch YMA Committee thurel tlangpui
   
    May ni 7, 2013(thawhlehni) zan khan YMA Hall-ah Hlimen Branch YMA Committee vawi 4-na chu neih a ni a, chuta thurel tlangpuite chu heng a hnuai mite hi a ni.
    1. YMA Day chungchang : Kumin YMA Day chu chhunlam leh zanlamah Section tinte Item hrang hrang hmanga intihsiakna  Programme siam a ni a, hetiangin:
    a) Volleyball : Mipa leh hmeichhe team duh zat zat tel thei a ni. Incharge  atan heng mite hi ruat an ni:- (1) Pu R. Lal\anpuia, Convener. (2) Pu Lalchhankima. (3) Pu Lalhmunsiama. (4) Pu Lalrinmawia. (5) Pu Samson Zorammuana. (6) Pu R. Lalbiakmawia. (7) Tv. R. Lalawmpuia.
    Entry Fee hi team khat tan ` 100/- zel a ni anga, Section jtin a\anga tel tur team ten May thla ral hmain Secretary hnenah Entry Fee  pek vek tur a ni.
    b) Insuknawr : Mipa tan a ni a, Weight Category hnihah \henin kg 65 chin hnuai lam leh Kg 65 chin chunglam ah \hen a ni ang. Section tin a\angin mi 3 aia tam tel thei a ni a, mi 1 tan entry Fee ` 20/- a ni ang.  Incharge :- (1) Pu Lalthantluanga, Convener. (2) Pu Zoramhmangaiha (3) Pu Lalvulliana (4) Pu V. Thanchhinga
    Entry fee leh tel tur list hi May thla ralhmain Pu Lalthantluanga, Convener hnenah theh luh tur a ni.
    c) Insanghar ngul lawn siak : Kum 14 hnuailam tan buatsaih tur ani a, Section tin a\angin mi 5 aia tamlo tel theih a ni ang. Incharge:- (1) Pu Vanlaltluanga, Convener. (2) Pu Zairemthanga (3) Pu Lalremthanga.
    Section tin a\anga tel tur hming hi May thla ral hmain pu Vanlaltluanga, Convener hnenah theh lut tur a ni.
    d) Inkawibah : Hmeichhe tan a ni a, Section tin a\angin Team hnih aia tamlo tel theih a ni. Team khatah Member 8 zel awmin Team tinin kawi in tum vek tur a ni. Incharge :- (1) Pu Lalrinmawia, Convener (2) Nl. Lalroliani (3) Nl. Zochuanpuii (4) Nl. Lallawmkimi (5) Nl. Zairemmawii.
    Team khat tan entry fee ` 50 zel ani ang, May thla ralhmain entry fee leh team list hi Pu Lalrinmawia, Convener hnenah theh luh tur a ni.
    e) Arm Wrestling : Mipa tan a ni a, Section tin a\angin mi 3 aia tam lo itel tur a ni ang. Incharge :- (1) Pu Lalhmunsiama, Convener. (2) Pu Lalthantluanga (3) Pu Lal\anzuala (4) Tv. R. Lalrindika.
    Entry Fee hi mipakhat tan ` 20/- zel ani ang. May thla ral hmain Pu Lalhmunsiama Covener hnenah entry fee leh tel tur list theh luh vek tur a ni.
Phek 4 na ah chhunzawm a ni..

Page 2-na

Editorial

Nu |ha kan mamawh ve a ni
    Mizo te hian kan hmeichhia te kan thlirdan chu pi/pu te hunlai a\ang daih khan a lo sang lo hle a ni ang. ‘Hmeichhe finin tuikhur ral a kai lo’ tih te, ‘Hmeichhe thu thu ni suh; Chakai sa sa ni suh’ tih te hmeichhia leh chakai-in sakhua an nei lo ti tein \awngkam an lo hmang \hin.  Hmeichhia te chu an lo dah hniam hle niin a lang. Mahse, an lo hniam bik lo a ni ang. French emperor Nepoleon-a chuan French in atlakchham ber chu NU |HA hi a ni a lo ti a; tin, DL Moody, Pathian thuhriltu ropui tak pawhin ‘ Khawvel nu zawng zawng hi ka nu ang ni vek sela, tanin(Jail) hi a awm angai lovang a lo ti hial a ni. Chu mai a la ni hleinem, Grorge Herbert pawhin  ‘Nu \ha pakhat chauh pawh hi zirtirtu za(100) tluk zet a ni’ a lo ti bawk a ni.
    Kan ram, kan khawtlang te hian nu \ha kan mamawh a ni ve ta mai em?  Kan ram leh khawtlang hmelma Corruption leh ruihhlo te hi sawrkar leh Kohhran tin leh YMA te chuan hun rei tak a\ang tawha dovin, tha leh sum tamtak sengin, vawin thlengin bang lovin kan la do char char a ni. Mahse, chutichung pawhin, hma kan sawn chaklo hle; Vai velh an sawi ang maiin a pung tual tual em ni aw tih mai tur a ni si. Kan ram/ khawtlang nun siam\ha tur hian NU |HA kan mamawh ve ta em ni?
    Corruption avangin mi liante,ruihhlo avanga mi awm thei tak anga lang te hian Corruption leh ruihhlo kan duh lo takzet a ni tih an hriat a an inlamlet theih nan Kohhran hote pawh hian an Pathian ram thawhte hnawl ngama, Kohhran a nihna pawimawh te chelh loh tir ngam \hak \hak nise; tin, kan hmeichhia te pawh hian heng mite hi endawng thiamin, kawppui a tan leh \hian atan pawh hnar ngam ta se, diklo taka sum an lakluh te chuan hlimna a thlen lohzia an hriain an in lamlet thei mahna.
    A tawp berah chuan Nepoleon-a te, DL Moody -a te leh George Herbert ten an sawi ‘NU |HA’ hi ramin a mamawh   a, khawtlangin a mamawh a ni lawm ni tiin Editor dawhkan a\ang chuan ka lo ti ve a ni. 

Chhiartute ngaihdan :

@@    Tunlai hian Rangvamual leh Phunchawngah Foreigner (Burma mi) Check runpui  neiin an inluah neitute kokhawmin hnawhchhuah dan an dap mek a, a lawmawm hle in ka hria; chutihrualin zu in mite kan fimkhur a ngai hle in ka hre bawk. Engmah tihhreh neilo hnamdang anni tih kan hriat a pawimawh. ‘Min um chhuak dawn tho ‘an ti anga, an zu siamah taksa tana pawi thei an telh hreh miahlo ang tih hriat a \ha. Chuvangin, tunlai boruakah Rangvamual leh Phunchawng zu in lo tur leh fimkhur turin ka ngen tak meuh meuh che u a ni. Mizo \halai atam thei ang ber suat an hreh dawn lo tih hriat a \ha.
- RD Ralte

@@    Venglaia Pu Lalzahawma te inbul kawng sira bawlhhlawh paihtu kha in chhutchiang la,i thiltih kha vantlang zahlohna leh mimawl ber thawmhnaw a  ni tih lo hria ang che.
- Chhantea pu.

Chawhchawrawi :

Hlimkhawpui man pe |ha
    Kumtir lama tarlan tawh angin Section tinte Hlimkhawpui man/Budget pek hma dan a zira Point pek chhoh a ni tawh a, hetiang hian Point pek \hin a ni : Pe hmasa ber 30pts, Pahnihna 20pts, Pathumna 15pts, Palina 10pts, Panga 5pts leh Pathumna 3 Pts.
    Tichuan, April thla thlenga Section tin ten Point kan hmuhdan chu hetiang hi a ni.
    1. Vawmphunga Sec.    -    Point     100
    2. Buala Sec.                  -    Point       70
    2. Damvea Sec.             -    Point       70
    3. Kapdaia Sec.             -    Point       45
    4. Lalsavunga Sec.        -    Point       26
    5. Saichhuma Sec.        -    Point       21
    June thla thlenga Point hmu sang ber/ Budget pe \ha ber Section chu YMA day-ah lawmman hlan a ni ang.

City Branch YMA Emergency Meeting nei
    May ni 10, 2013(Zirtawp) zan dar 7:30 khan CYMA Hall Tuikhuahtlangah Central YMA chuan City Branch YMA OB te kokhawmin Emergency Meeting a kova, thurel \an hmain a sawihawnna nei turin Pu R. Lalngheta Treasurer CYMA a sawm a, Sawihawnna neih a nih hnu hian thurel tan a ni. Chuta thurel tlangpui te chu :-
    1. Rangvamual leh Phunchawng a Foreigner ruihhlo zuarte chu ‘Ram leh hnam’ tana thil\halo chingtu an nih avang leh dan lova awmte an nih avangin CEC Meeting chuan  May ni 15, 2013 ralhmaa chhuak turin ngenna an pe tawh a, an chhuah ngei leh ngei loh enfiah a, May ni 15 hnua  an la chhuak lo fo a nih chaun an chhuah ngei theihna turin CEC in ruahhmanna lo siam se tih a ni.
    2. HPC ten Sakawrdaia May ni 14-16, 2013 a Convention a koh chu chibing inlakhran tuma hmalakna ni a hriat a nih avangin he Convention hi neilo tura ngenna CEC chuan a lo nei tawh a, Convention hi neih tlang an tum anih chuan an neih loh theihna turin CEC ten ruahmanna fel tak siamin City Branch YMA te chu an hmalak dan tur hriattir leh mai se tih a ni.

Page - 3

Hriattirna :

Remti lo
    YMA Hall a inthiarn hi vantlang inthiarna emaw tia a a duih duh in a hman hi phal a ni lova, YMA thltih leh Hall a thiltih a awma hman tur a ni a, tunhnuah chuan pawn lam a\anga hman hi YMA chuan a rem ti tawh lo a ni.

Lo khawih tawh suh u
    Kan thlai hmun siamna Pu Thansanga leilet hmuna tuikhuahah a neitute fehloh ni changin naupang cheng \hin leh thlai leh thlam a thil dah te khawih ching in awm a, manchhuah innih chuan nataka hremin ni ang. Tin, nu leh pa te pawhin kan fate hetiang lakah hian veng \ha ang u.
                        Thlai hmunsiamtute aiawh,
                       Vankhuma, Hlimen Venglai

Local council hriattirna
    1.Hlimen a BPL leh AAY chhungkua zawng zawng ten mahni BPL/AAY Card \heuh te a rang lama Local Council Office ah theh luh \heuh tur a ni e.
    2. Tin, Aizawl City Local Council Association thuchhuah angin Local Council Area ah mimal leh pawl reng rengin Local Council phalna lo chuan Donation/ Vehbur khawn phal a ni tih kan inhriattir a ni e.
            Sd/-Secretary,
            Hlimen Local Council

Bo chhar
    Silai mu(Ulhbun mu) engemawzat chhar a ni a, a tibo/neitu chuan a zat chiang taka sawiin  Pu Lalthantluanga Branch YMA Treasurer hnenah a lam theih e. 

Advertisement :

ZAWNGTAH  TIAK
    Kum 3 Zawng\ah \iak 1 (pakhat) ` 30,  2 (pahnih) ` 50 in englai pawhin lei tur ka nei reng e.

    In \hian,
    Lalropuii,
     Saichhuma Sec.

Free....Free....Free....Free
Computer repairingtur nei tan May ni 13-17 chhunghian a free in kn repair sak dawn a, aduh apiang tan pan theih kan ni e. Computer software & Hardware course hrang hrang ah Admission a tih theih reng bawk a, Mobile repairing zir duh tan a zir theih nghal bawk e.

Contact :     City computer Centre
Mission Veng Bazar, Near Taxi Stand.
        Ph : 9089527410

Lawrkhawm :

Thli leh ruah vangin
    March ni 9, 2013 chhun a thli leh ruah lo thawk chiam khan Pu Vanlalhruaia Buala Sec. a mite in piaha vang kung a zâr a tihlu a Electric LT line vaw chatin line sorth a siam a, a ban te a inpawt awn nasa hle bawk. Duty hriattir nghal a niin theihtawp chhuah nghal a ni chung pawhin duhthusamin siam\hat zawh hman a ni lova, Pu Thangngura Buala Sec. a mite In a\anga Mauhakkawn kawnghnuai lam phei zawngin eng an nei hman ve ta lova, an hriatthiamna Duty ten an ngen a ni.  Tin, Duty hi pakhat chauh a nih avangin tlawmngai a puitute chungah lawmthu a sawi bawk.

Chhiattawh achunga lawmthu sawina
    Kan pa duhtak V.L.Vuana’n May ni 3, 2013 (Zirtawpni) a min boralsan chung changah khawtlang mipui leh YMA ten min hmangaihna leh khawngaihna tinrengah lawmthu kan sawi a, a damloh a\anga a boral thleng a \anpuina leh thilpek min pek te, a damloh laia lainata min kantu thilpek leh min thlamuanna te zawng zawngah a mal mal in lawmthu kan sawi seng lova, he chanchinbu kaltalnga  kan lawmthu sawina hi kan lawmzia lantir na a min ngaihsak  hram turin mi tinte kan ngen a, Lalpan a let tamtakin rul cheu rawh se tih hi kan \awng\aina nise. Khawtlang leh Kohhran hrang hrang ten min \awng\aipui fo avang pawhin kan lawm tak meuh meuh a ni.
In khawngaihna dawngtu,
Rochhingi leh a fate, Vawmphunga Section


HSLC Result
    HSLC result tarlan tawh bak hriat belhte :
1. Zosangpuii D/o Hmingthantluanga(SC)    - III Div.
2. Zothanpuii D/o Lalniliana(VP)        - III Div.

Bi-Centenary lawmna kal zel
    May ni 4, 2013 khan Bi-Centenary lawmna Programme  a kharna ni bawk chu hman a ni. Hemi ni hian Volleyball mipa leh hmeichhe final a ni a, mipa Final ah Lalthanmawia Memorial Team leh Felfeli Memorial Team te an Final a Lalthanmawia Memorial Team te an Champion a ni. Hmeichhe Final ah TPI Team leh Zonunsiama Memorial Team te intumin TPI Team te hi an Champion bawk a ni.

Mipui te hnena lawmthu sawina
    Nikum lam a\anga kan lo ruahman tawh Hlimen Kum 200 tlin lawmna chu rokhawlhna avanga \um 2/3 a hun sawn a nih hnuin May ni 4, 2013 khan kharna hun Mualzawlah hlimtaka hman a ni a, khawtlanga ruai nen ropui taka lawm kan duh laiin sum lam harsatna avanga kan lawm theilo erawh pawi kan ti hle a ni. He hun kan hman chung zawnga kan Programme tiphuisui tura kan mi sawm ten min tihhlawhtlinsak theih zel avangin kan lawm hle mai. A bik takin Sport lama lawmman tur sum min tumsaktu zawng zawngte chungah lawmthu kan sawi tak meuh meuh a ni. Kha hun kan hman liam tak khan Hlimen khawtlang nunah kawng hrang hrang ah thawhhona \ha leh inlungrualna min thlen ngei se kan va ti em ! HEI HI HLIMEN A NI.
    Sd/- Vanlalhruaia
    Chairman, Bi-Centenary Celebration Committee 

Page - 4

Keimahni :

Hlimkhawpui Budget
    Hlimkhawpui 2013 April  thla Budget  pe tla tawh:
1.    Vawmphunga Sec.    2. Kapdaia Sec.
3.    Buala Sec.    4. Damvea Sec.
5.     Saichhuma Sec.    6. Lalsavunga Sec.
    Kapdaia Sec. chuan May thla Budget an tlak fel ta bawk.
    

Kapdaia section
    1. Section OB ten a YMA Day puala infiamna (Practice) na hmun atana kan dil Central Workshop chu hotu lam ten min phalsak avangin Central Workshop Manager te leh Staff te chungah Section YMA chuan lawmthu a sawi tak meuh meuh a ni. Remchang hmasa berah a hmun hma te tihfai a ngaih dawn avangin Section member te inring lawk turin kan in ngen e.
    2. Tin, Section sumtuakna atana sangha zawrh kha a man khawn a ni dawn a, chhung tinte lo inringlawk turin kan inngen e.
                Sd/- Secretary

Ava lawmawm em
    May ni 8. 2013(Nilaini) zingkar khan Branch OB ten Pu F. Zosangzuala’n Branch sumtuakna atana Social Welfare hnuaia kawngsiam/chhun hna min hmuhsak chu a hmunah an va enfiaha. Hetianga Branch YMA-in sumtuakna \hatak mai ahmuh avang hian Branch OB te chuan hna hmuhsaktu Pu F. Zosangzuala chungah leh Social Welfare Deptt.  chungah lawmthu an sawi tak meuh meuh a ni.

Puan pe
    Pu Laltlanmawia leh Pu Vanlalvuana te tuamna puan chu an chhungte Branch YMA-ah a \ul anga hman turin an pe.

Thisen pek hun
    Hlimen Branch YMA Rising Day pual a thisen pek runpui neih hun tur chu May ni 18, 2013 (Inrinni) a ni a, a hmun atan YMA Hall a ni ang. Member atam thei ang ber ni hemi ni hian thisen pe turin kan in ngen e.

Front page chhunzawmna...

   
    e) Lungden : Mipa tan ani a, Section tin a\angin Member 3 aia tamlo tel theih a ni. Incharge :- (1) Pu Robuanga, Convener. (2) Pu R. Zoliana (3) Tv. J. Vanlalbiakdika (4) Pu Lalrinchhana.
    Mi 1 tan entry fee ` 20/- zel ani anga, tel tur hming list nen May thla ralhmain Pu Robuanga, Convener hnenah theh luh tur a ni.
    Infiamna hrang hrangah hian lawmman siam a ni anga, a\ul dan angin OB ten an bawhzui ang.
    g) Zaipawl intihsiak :  Zanlam Programme atan Zaipawl intihsiakna neih a ni anga, heng hla hmang te hian intihsiak tur a ni ang :
1) ‘Ka pianna Zoram nuam’ - YMA hlabu No 21 na.
2) ‘ Aw, Lei mawina thinlai tihlimtu’ - YMA hlabu No. 66-na.
    Heng hla a\ang hian pakhat pawtin, Hla pawh hmang hian inthsiak tur a ni anga, endiktu tur leh endik dan tur hi OB te kutah dah a ni.
    2. CYMA zaipawl intihsiak chungchang : CYMA in Aug. ni 13-15, 2013 chhunga Pu Rokunga (L) hla hmanga zaipawl intihsiak a buatsaih turah tel ve ngei  tum a ni a, mawhphur turin heng mite hi ruat an ni. (1) Pu Lalhmuchhuaka, Convener (2) Pu Vanlaltluanga (3) Pu Lalrinmawia (4) Pu Samson Zorammuana (5) Pu Lalremthanga (6) Pu Zoramhmangaiha (7) Tv. R. Lalawmpuia.
    3. Faina kawnga hmalak dan tur : CYMA  a\anga lehkha hmuh faina kawnga hmalak dan tur hrang hrang Branch tih tur a rawn ruahman chu a theih ang ang a tihhlawhtlin nise tih niin, hetiang hian Sub- Committee siam a ni.
    Chairman    :    Pu Lalrinmawia
    Secretary    :    Tv. J. Vanlalbiakdika
    Members    :    1.Pu Robuanga
 2. Pu Lalrinchhana    3. Pu K. Lalremruata
 4. Pu Laltlankima        5. Pu K. Lalchhuanawma
 6. Tv. R. Lalrindika        7. Pu Lalremthanga  
 8. Tv. David Vanlalhuma.
    4. Kawngsiam chungchang : Sumtuakna atana Social welfare Deptt. a\anga kawng siam tur ` 1,87,000/- man Pu F. Zosangzuala Comtt. member hmalakna avang hmuh chu Committee chuan lawmawm a ti hle a, OB ten lo enfel se, May ni 11, 2013(Inrinni) hian Branch Committee koh phawt a ni anga, hna awmdan azirin ruahmanna siam chho zel tum a ni ang.
    5. Local Council a\anga lehkha hmuh : Local Council a\anga lehkha hmuh - vengchhunga Anganwadi Centre tina YMA aiawh mi 1 in ruat tura tih angin heng mite hi ruat an ni:
Centre No 1. (Quarry) - Pu Lalchhankima
Centre No. 2(Vengchhak) - Pu Lal\anzuala
Centre No. 3 (Damveng) - Pu R. Lalbiakmawia
Centre No 4. (vengthlang) - Pu Robuanga
Centre No. 5( Vengthar) - Tv. Lalthlengliana
    6. Inthiarna chungchang : YMA Hall-a inthiarna hi pawnlam mi thlengin an hmang \hin tih report dawn a ni a, midang tana hman hi Committee chuan remchang tawh lovah kan ngai a, kalh fel mai nise tih ani. 

Tomir thla ni 4, 2013.. Issue No. 18

Page - 1

Tualchhung :

Boral: Pu Laltlanmawia H/o Vanlal-lungawipuii, Saichhuma Sec. a mi chu Lungnâ avangin May ni 2, 2013 (Ningani) zing dar 7:30 khan a boral. A ruang hi a pa (Pu Pakunga)te In Vawmphunga Sec. ah dah niin hemi ni vek hian vuiliam a ni

@    Pu Vanlalvuana(77) Vawmphunga Sec. a mi chu May ni 3, 2013(Zirtawpni) zing dar 6:10 khan zunthlum leh thawhah natna avangin a boral a, hemi ni vek hian thlanmual I-ah vuiliam a ni. 

Nau nei thar: Pu Lalremthanga leh Pi Lalzamliani te nupa Vawmphunga Sec. a mi te chuan an fa pahnihna atan fanu duhawm tak Urban Health Centre, Hlimen-ah an nei thar.

JAC che: May ni 3, 2013(zirtawpni) zan dar 10 vel khan JAC Duty te chuan Report an dawn bawhzuiin Tv. Lalhmangaihsanga S/o Lalzamliani Saichhuma Sec. a mi rakzu fun ruk an man sak a, he thu buatsaih lai hian action lakdan hriat a la ni lo.

Street light siam: Local Council te hmalak na leh Veng chhunga Electric duty te hmalakna in vengchhung kawngpui dung leh hmun pawimawh zual laiah Street light dah belh leh a chhe lai te siam\hat a ni a, hun neih dana zirin chhunzawm zel tum a ni.

Bi-Centenary thunawi: Bi-Centenary  Dinner Match a Hlimen Branch YMA OB   te Jersey hak eng mawi tak kha Pu Lalrinmawia, Asst. Secretary in a tumsak a ni a; tin, Local Council te pawhin Jersey var mawi tak an ha ve bawk.
    Tin, LC Chairman Pu Lalhmingliana    chuan May ni 3, 2013(Zirtawpni) khan  Branch OB leh Local Council te tuk\huan a buatsaih sak.
    Bi-Centenary lawmnan a YMA OB te leh Local Council ten dinner in chawia volleyball match an khelh tlaia zanriah tuihnai tak Local council ten an tum sak avangin an hlimtlang hle.

Vawiina tih tur chu naktukah tihah khek suh tih hi thu lar tak a ni nain a \hen hi chu khek atana \ha zawk a awm ve fo mai. |ha zawk ni mai lovin khek atana \ha ber te pawh an ni ang, a bik takin thinrim laia tih nghal mai kan chak ngat phei hi chu khek ngei ngei a \ha ber zawk a ni.

Front :

HLIMEN KUM 200 TLIN LAWM A NI
   
    May ni 3, 2013(Zirtawpni) khan hun rei tak a\anga Hlimen kum 200 tlim lawm ngei a nih theihna tura kawng hrang hrang a inbuatsaihna kal tawh chu harsatna eng eng emawte lo awm \hin mah se \hahnem ngai tute thawhrimna  Pathianin mal a sawma, hlimtakin May ni 3, 2013 (Zirtawpni) khan  Hlimen kum 200 tlin chu hetiang hian lawmna hun neih a ni.
    Zingkar dar 7-ah Hlimen kum 200 tlin lawmna a nih ang ngeiin ‘LAL IN KAWT’ ah Bi-Centenary dar chu vawi 200 vuak a ni a, hemi hnu hian Sovenior tlangzarhna hun 7:30am ah YMA hall-ah neih chhunzawm a ni a, Pu Lalhmingliana Chairman LC in a kaihruaia, hunserh   hi Tirh. PC Zahliran a hmanga, Celebration Sub-commt Secy. pu J.Zothanpuian Report tawi a pe a, Upa Rinngaian Sovenior sawifiahna neiin Pu Ro\huama a tlangzarh zui nghal a ni. Pu Lalrengpuia te nupa(Lalsavunga tuchhuan) leh Pi Lalramhluni(Kapdaia tunu) leh a fapa te an lo tel thei bawk a ni. Pu Lalrengpuia hian ‘Siallam dar’ a rawn keng a ni.
    Chhunlam erawh chu khawtlangah  chhiat tawk an awm avangin programme neih a ni lova, tlailam 2:30-ah programme hi neih chhunzawm a ni a, Programme hawn nan CMTC ten Aerobic dance show an nei a, Cheraw kan in chhunzawmin vengchhung zaithiam Pu Ralngamthanga (Hranghlui zaithiam-All India Radio Artist)(VP) te, Nl. Lalruatdiki d/o C. Hmingthansiama (L)(BS) leh Nl. Jenny Zomuankimi d/o Lalramthanga (SC)  ten zaiin kalkhawmte an awi a ni.
    Mipuiin an nghahhleh em em leh hmulo leh hrelo bik nih an hreh em em chu Local Council ho te YMA OB ten Volleyball zirtirna pek pah a, an han ching vel tur mawlh kha a ni a, mipui te beisei ang ngei a YMA OB ten Local Council laka hnehna changa zirtirna an han pe chu mipui hlim authawm avangin Hlimen a nghing dur dur mai a ni.
    Hemi ni hian khawtlang mipui chu duhthusamin kimlo mah ila a kal chhun te erawh chu kan hlim tlangin a kal lo te kan hlep hle a ni.

Page - 2

Editorial :

200yrs HLIMEN KHUA KUM 200 (1812-2012)  
    Mithiam zawk leh thilchik mite chhutdan leh hraitdanin Hlimen khua chuan kum 200 hmel a lo hmu reng ta mai. Hetiang thleng thei a Pathian hruaina kan chan avangin a lawmna hun neih ngei a, theih ang tawk a ropuia lawm ngei chu a phu hliah hliah a hriain; \hahnem ngai tute chuan a lawmdan turte relin hun rei tawh tak a\ang khan an lo buaipui tawh a, \hahnemngaitute thawhrimna avangin Hlimen kum 200 tlin chu lawm a lo ni ta.
    Hemi chungchangah hian chhut dan leh hriat dan a ni an loh deuh avangin \hahnemngai ngaitute phurdan erawh a inchen lo angreng hle. Kum 200 a la tlinglo ni a chhuttu leh hretu te pawhin khawtlang hmangaihna avangin thildiklo (A tlinglo) lawmna hun siam chu mualpho hlauhna in an lo khat ve mek bawk a.
    Chutiang ngaihdan leh hriatdan inchenlo karah chuan harsatna neuh neuh te chu a lo piang chhuak ve bawk a; chutiang boruakte avang chuan he hun lawm tur hian ropui thei ang ber a ran lu kima lawm ngei duhtute tan pawh thiltih chu a awlailo hle a ni ang. Kan phak tawk chu a ropui em em hle lo. Mahse, a hlimawm em em thung chu a nih si hi.
    Awle, hetiang boruak te hi lo awm in hriatdan leh ngaihdan inchenlo pawh nise, lawm ngei tuma programme a kal tawh si chuan Programme tihlawhtling tur leh Hlimen hming\hat nan theihtawp lo chhuah ve mai nise chuan he hunhmang tura hmundang a\anga lokal te tan pawh  khawtlang min hmuhdan tur leh min hriatdan tur chu ava ropui dawn em ti tein ka ngaihtuah mai mai a. |hahnem ngaihna ve ve a inpelhsawlh hlauh mai hian khawtlanghmel lan dan a tidanglam thei ang em aw ti tein ka lo chhut ve \hin a. Chuta ka thil ngaihtuahchhuah tak, min tihlim em emtu chu; Hlimen khawtlangah hian mithiam leh fing, fel tak tak, khawtlang hmangaih a, a hming chhiat hlau a ngaihtuahna leh hun leh tha tam tak sen hreh hauh lo; thil chhui peih engemaw zat Hlimen in a lo nei reng a ni tih ka hmuchhuak a, chu chuan min tihlim hle a ni.

Ziaktute Huang :

HNU UM?
- Rev. Vanlalvena 
   
    Kan pi leh pu te thu inchah pawimawh tak chu “ Mi hnu um reng reng a an fate an awm hi an hlauh em avangin theihtawp chhuah a taima turin an infuih \hin a ni. Lo neia eizawng \hin an nih avangin - Lovah te, buhtuh leh hlo thawh- hna reng reng a ti hmasaa \anlak a \hatzia hi an inhrilh \hin a ni. “Khek” hi mi hnu umna bul a ni a, mi tihzawh tawh a tih te hi a hahthlak bakah a phurawm lova a nuam lova, a hlimawm lo.
    Tunah chuan kan eizawn dan te, kan khawsak dan te a inang lo ta hle. Mahse, khaw hrang hrang, veng hrang hrang erawh chuan mamawh kan neih erawh a inang tlang a ni.   Hengah te hian mi hnu um lova, \an kan lak a ngai a ni. Miin an tihhnu a thar thawhve chauh lovin \anlak a \ul hle mai. Miin kan ngaihtheihloh pakhat chu mitih entawn ni a lan hi kan duhlo khawp mai. Chu chuan hmasawnna a dal a ni.  A ruka entawn erawh kan hrehlo. Mahse, entawn anga lan erawh kan duh lo.
    |hiante emaw a huhova thiltih reng reng a a tlai bik nih chu a hahthlak a, thlantla phunga \anlak a \ul \hin. Chuvangin, mitin hian mi hnu um lova \anlak \heuh a pawimawh. Hruaitu tin ten \an la sela, mipuiin thu awih bawk ila, tihtur awm chu taima takin ti \heuh ila, chu chuan HMASAWNNA min thlensak ngei ang.

KAN THEN TAK
Vanlalvuana Kum 77 :- Pu Lalvuana hi Pu Ngurnghenga leh Pi Nuzawni te inkarah kum 1936 June thlaah a lo pianga, an unau hi mipa hlir 6 niin a upa lam a\anga 3-na a ni.
    Nov. ni 6. 1969-ah Pi Rochhingi, sihphir khua nen hian Kohhran dan thianghlimin an in nei a, fa mipa 5 leh hmeichhia 3 an nei a ni.Tin, tû 3 a nei bawk.
    July ni 18, 1984 a\angin Police(MPRO) ah IV Grade hna rinawm takin a thawk a, kum 2001 June ni 30-ah pension in a chhuak ta a ni. Hlimen Branch YMA ah kum 1965 leh 1974 inkar khan Treasurer leh Fin. Secy hna te a lo chelh tawh a ni. Tin, MUP ah Patron Member niin Hlimen MUP Unit ah pawh OB hna a lo chelh tawh bawk a ni.
    Pu Lalvuana hi tlerawl sual pawh nei lovin Kohhran rawngbawlna lamah a in hmanga, Kohhran Biak In dâr pû ah hun engemaw chen a lo \ang tawh a ni. Tin, naupang sunday school zirtirtuah kum rei tak a \anga, K|P ah Branch Commt. Member leh OB ah hun engemaw chen a lo \ang tawh bawk. Puitling zirtirtu leh Asst. Secy hna a lo chelh tawh bawk a ni.
    Kum 2005 a\angin a insawisel \ana, doctor te rawnin thisen sang leh zunthlum a lo nei a, Asthma a lo nei tel bawk a, \hatlam aiin zual lam a pan zel a, engmah hre thei lo leh biak theih lohvin a lo awm ta zel a, May ni 3, 2013(Zirtawpni) zing dar 6:10 khan chatuan ram min lo pansan ta a ni.

Page -3

Hriattirna :

Local council hriattirna
    Fur khua a lo hnai leh ta a, ruahtuite pawh a tla \an a, Tuiluan kawr (Side Drain) hnawhin tumahin bungrua engmah dah loh tur a ni. Lo dah palh kan awm anih pawhin arang lama dahsawn turin vengchhung mipuite kan in ngenin kan inhraittir a ni e.
    Sd/- Chairman. Hlimen Local Council

Sana bô
    Sana (casio) a chain thir silver rawng chu Pathianni hmasa(April ni 28, 2013) khan Damveng bawr velah tihbo a ni a, lo chhar palh in awm chuan khawngaih takin he Phone number - 9436380042/9862712501-ah hian min hriattir ula kan lawm ngawt ang.

RSBY Health Care
    RSBY Health Care Smart Card nei te tana hriat tur pawimawh te:
    1. Smart Card kan neih te hi damdawiin chhuah hnua Bill siamna tur nilovin damdawiin kan luh a\angin kan chhuah leh thleng a a thlawna awm na tur a ni.
    2. Smart Card nei ten damdawiin kan kalin ken tel nghal tur ani a, Admit kan nih chuan Card hmang khan kan in Admit na damdawiin ah khan RSVY Registration tih nghal tur a ni. Kan awm chhung zawngin damdawi leh Hospital charge reng reng a thlawn vek a ni ang.
    3. APL Health Care chauh hi a hnulama Bill na tur a ni.
    4. Aizawl Hospital(Kawlthei huan) Mission veng ah leh New Life Hospital (Chanmari)   te hian Health Care an zawm ve loh avangin engmah Bill theih a ni lo.
    5. Hriatchian loh neih chuan thawktute zawh fiah theih an ni e.
                 -From Health Clinic

Chhiartute ngaihdan hriattirna
    Chhiartute ngaihdan thawh chungchang hi kan sawi zing tawh hle a, ngaihdan rawn thawhtu ten hminglem an duh anih pawhin an hming tak (Signature) nen chiang taka an hman loh chuan chhuah sak theih an nilo.
    Tunhnuah chhiartute ngaihdan thawh duh chuan hminglem kan duh anih pawhin nangmahni kan hriat theih nan che u hming dik tak leh signature chiang takin rawn ziak ula, kan lo chuah zel dawn nia.
-Editor, Hlimkhawpui

Lawrkhawm :

Lawmthu sawina
    April ni 27, 2013 (Inrinni) a kan In thliin min tihchhiatsak chung changah khawtlang mipui te a hre hmasa apiang ten min buaipui a, a \ul ang ang, thil engkim min tihfelsak zung zung maite kha zahthlak ka tiin ka lawm bawk si. Mimal tinte hnenah ka lawmthu ka sawi seng lo, he chanchinbu hminga ka sawi hi mimal tin ten min lo pawmsak mai teh u.
    In khawngaihna dawngtu,
    Lalngaihzuala, Hlimen, Vengthlang

Lawmthu sawina
    April ni 27, 2013 (Inrinni) a thliin Electric Line a tihchhiat a siam\ha tura Duty awmchhun ka indaih lohna min buaipui avang leh khawtlang \hatna tur a ni tih hria a tlawmngaih chhuaha min puitu zawng zawngte chungah lawmthu ka sawi mawlh mawlh e.
                                  Sd/- Robuanga,    Electric Hlimen Duty

HSSLC result
    MBSE chuan HSSLC (Cl XII) result a tichhuak ta a, kan veng mi pass kan hriat theih chin te chu heng mite hian ni.
1. Malsawmtluanga s/o F. Ro\huama(DV)    - I Div.
2. Vanlaruati d/o Lalhmingthanga (BS)    - II Div.
3. Lalkhawngaihi d/o Lal\hazuala(BS)    - II Div.
4. Lalzamlova s/o Lalzamliana(DV)        - II Div.
5. Lalliantluangi d/o Lalzamliana(BS)        - III Div
6. Zotluangkimi d/o Zirthansangi (BS)    - III Div.
7. Amos Lal\hazuala s/o Lalnunhlimpuia(DV)- III Div.
8. Vanlalhruaii d/o Lalthianghlima(BS)    - III Div.
    Heng bakah hian hriat hmaih pawh an la awm thei a, chung hria te chuan an hming leh pa/nu leh an pass na division Editorial Board te chiangkuang taka min hriattir leh turin kan in ngen a ni. Zirlai hlawhtling te kan lawm pui e.
    Tin, HSLC (Matric) passed thar rawn tarlan tawh bakah heng mite hian an passed :-
1. Lalpekhlua S/o R.Lalngheta(SC)    -    II Div.
2. Lalbiakmawia S/o R.Lalhmangaiaha(SC)    -    III Div.

IWMP hruaitu thar
    Hlimen IWMP Watershed Committee te chu April ni 29, 2013 (Thawh\anni) khan tlangnuam BDO Pinky Zosangliani hovin kum 2013 hruaitu tur inthlanna neih a ni a, May ni 1, 2013(Nilaini) khan Nl. Lalfakawmi WDT hovin chanvo (Portfolio) hetian hian siam ani.
    Chairman    :    Pu Pu Lalhmingliana Chairman LC
    Vice Chairman    :    Rev. Vanlalvena
    Secretary    :    Pu J. Zothanpuia Member LC
    Asst. Secretary    :    Pi Lalzawni
    Treasurer    :    Pu C. Lalhmingliana Member LC
    Fin Secretary    :    Pi Lalengmawii
        Sd/- Secretary, Watershed Commtt.

BPL hruaitu thlang
    April ni 30, 2013(thawhlehni) khan Hlimen BPL te chuan kum 2013-2014 hruaitu thar an thlang.
    Chairman    :    Pu Ramdingngheta
    Vice Chairman    :    Pu C. Zoramchhana
    Secretary    :    Pu C. Lal\hazuala
    Asst. Secretary    :    Pu Laldawngliana
    Treasurer    :    Pu Lalhmingmawia
    Fin Secretary    :    Pu K. Lalchhuanawma

Page - 4

Keimahni :

Hlimkhawpui Budget
    Hlimkhawpui 2013 April  thla Budget  pe tla tawh:
1.    Vawmphunga Sec.    2. Kapdaia Sec.
3.    Buala Sec.    4. Damve Sec.
    gas thuk donate
    Pu Lalrinmawia Branch YMA Asst. Secretary chuan chhiatni a hman turin Gas thuk \ha tak mai a Donate a, a chungah Branch hruaitute an lawm hle.

Branch committee
    May ni 7. 2013(Thawhlehni) zan dar 7 hian Branch executive  Committee YMA Hall-ah koh a ni a, kohna hmu lo palh kan awm a nih pawhin hei hi kohna a ngaih tur a ni e.
                    Sd/- Secretary

Chhiartute ngaihdan :

@    Hlimen chuan kum 200 a tlinna chu kan lawm ta reng mai chu a ni a, kum 200 meuh tling veng/khua kan ni a, puitlinga ngaih loh theih kan ni ta lo. Chuvangin, zu tamna veng nihte, khawlai bal \awp lutuk nihte, khawlai a zu rui pai \uang \uang hmuh tur tam lutuk awmna veng nih chu veng puitling ve tawh tan a zahthlak a ni tih hriain Hlimen hmangaihtu intite leh mipuite hian Hlimen hi rualbanlo upa tak nisi a nih phal lovin a taka puitling nihna hi lantir a hun ta a ni lawm ni?? Veng naupangchhia anga lantirtu ruihhlo leh khawlai bal \awp tak hmuh tura awm hi phal lovin \an  tlan hun a ni hle tawh lo maw? Chhiartu duhtak, nang engnge i ngaihdan?
- A taka puitlinduhtu-a

Chawhchawrawi :

Thlichhia vangin
    April ni 27, 2013 (Inrinni) a thli vir vel nasa tak rawn thawk khan Hlimen khawtlang min tibuaiin kan tuar hle a. Mihring chenna In pawh engemaw zat a tihchhiatsak a, ran In leh thlâmte leh MHIP In te pawh a suasam hle bawk a ni. Hriat theih chinah mihring chenna In 6 leh ran In (ar In) 6 zet bakah tuizem lian 3 a suasam sak niin hriat a ni. Tin, Presbyterian Kohhran Hlimen Pastor Bial khawmpui Vengthar kohhran a rorel ho pawh a tibuai hle bawk. Tin, Electric LT Line leh Cable T.V line te pawh a tichatin a chhe nasa hle a. Mi tlawmngaite leh Electric Deptt. Duty te inpekna avangin Electric Line chu siamnghal niin zan lamah erawh kan eng \ha leh thei hram a ni.

KAN THEN TAK

Laltlanmawia Kum 34 :- Pu Laltlanmawia hi Pu Pakunga leh Pi Lalrinawmi te inkarah January ni 1, 1979  khan a lo piang a. An unau hi hmeichhia 4 leh mipa 1 niin an fapa neihchhun a ni.
    Naupang \hangduang tak niin Mary Mount leh St.Pauls School ah kalte chhovin Matric (HSLC) hi Hlimen High School a\angin Second Division ah a zo a ni. Kum 1997 ah Shillong a St. Dominic School ah a kal a, kum 1998 ah HSSLC \ha takin a zo leh a ni.
    Kum 2000 ah B.A. \ha takin a passed a, kum 2010 January ni 15 ah SSA hnuaia zirtirtu hna Melthum Middle School ah thawkin he hna hi a thihni thleng hian a thawk a ni.
    December ni 16, 1999 ah Mary Vanlallungawipuii nen inneiin fa pahnih - Lalrinnungi (k-12) leh Lalhriatrenga (k-8) te an nei.
    April ni 15, 2013 vel a\angin a insawisel \an a, a natna hi dingchung nat ang chi hi a ni a, a pum lam pawh Ulcer a lo nei bawk a, a taksa te a vung bawk a ni. May ni 1, 2013 (Nilaini) zan khan a thaw a rawn hah a, hemi zan hian a chhung ten an tlaivarpui a. May ni 2, 2013 (Ningani) zingah damdawi In lam panpui tum a ni a, zing dar 6:30 velah a rawn zual thut a, tichuan dar 7:30 ah min lo peihlohsan ta a ni.

Bi-Centenary lawmna dâr vuak a ni a, dar vaw zinga upa ber Pu Nikhuma

 Bi-Centenary Souvenir Pu Ro\huama’n
a tlangzarh