Tâu thla ni 27, 2013.. Issue No. 17

Page - 1

Tualchhung :

Accident: April ni 2, 2013(Pathianni) tlailam khan Zohmingthanga S/o Pu Zosangzuala , Saichhuma Sec. a mi chu Pu Lalparmawia Saichhuma Sec. a mi inrel chunga Electric 11 Kv line in a man palh a, a lu ah a man a ni. A ke hmawr lamah a pawp tlang a, Civil Hospital panpui nghal a ni a, tunah hian Hospital-ah enkawl mek a niin \hatlam a pan zel niin thu kan dawng.
    Tin, April 23, 2013(Thawh\anni) khan Pu Mapara in rel lai chungah bawk hian a in satu (Vai) mistiri, kum 27 mi vel Karimganj a cheng inti chu Electric 11 Kv line bawk hian a man leh a, Civil Hospital panpui thuai a ni nachungin Doctor ten a nunna chu an chhan thei ta lo a, a ruang hi Postmortem a nih hnuin ama chennna an ram Karimganj lamah kalpui nghal a ni.
   
Khiangawi: April ni 24, 2013(Nilaini) khan R. Lalawmpuii D/o R. Thangmawia, Lalsavunga Sec. a mi chuan C. Lalrosanga, Haulawng ami tawnah damchhung atan khiang min awihsan ta.
   
SIPMIU hotute lokal: April ni 22, 2013 (Thawh\anni) khan SIPMIU Lam hotute an lokal a, Hlimen Local Council te nen Tanky siam mek thlir hovin thil\ul dangte pawh an sawiho a ni.
   
MHIP Assembly hmang: April ni 25 & 26 2013 hian MHIP Gen. Assembly chu Vanapa Hall-ah hman a ni a, Hlimen Branch MHIP hruaitu engemawzat in he hun hi an va hmang a ni.

Zirtirtu thar nei: Govt. Hlimen High School chuan zirtirtu atan Lalrintluanga, Lungdai chu an nei thar a, a hma hian Pi Zodinpuii chu lo chhuak tawh a ni. 

Hlimkhawpui Hriattirna
    Chhiartute ngaihdan thawh chungchang hi kan sawi zing tawh hle a,ngaihdan rawn thawhtu ten hminglem an duh anih pawhin an hming tak (Signature) nen chiang taka an hman loh chuan chhuah sak theih an nilova, \umkhat issue a(Hlimen Pa) venglai(Tlangval) inti pawh hi hriatchian i nih loh avangin kan rawn chhuak sak thei lo che a ni.
    Tunhnuah chhiartute ngaihdan thawh duh chuan hminglem kan duh anih pawhin nangmahni kan hriat theih nan che u hming dik tak leh signature chiang takin rawn ziak ula, kan lo chuah zel dawn nia.
-Editor, Hlimkhawpui
  

Front :

Bi-Centenary sport neih mek a ni
   
    Hlimen khuain kum 200 a tlin lawmna chu kalpui mek zel niin hemi pual hian Bi- Centenary Sport pawh buatsaih a ni a. Volleyball (Mipa leh Hmeichhia) inelna te, Chess leh  Draft Board (Mipa tan bik) inelna te chu siam  niin khelh chho mek zel a ni a.  Chess leh Draft Board bik hi April ni 25, 2013 zan khan khelh zawh a ni ta a, Hlimen vengchhunga Chess  leh Draft  Board khel thiam tamtak zingah heng mite hi a lawmman la phak a thiam fal te chu an ni:
Chess-ah :
    1. Lalduhawma S/o Lalhmingliana Saichhuma Sec.
    2. Lalchhanchhuaha S/o Vanlalhruaia Buala Sec.
    3. Lalawmpuia S/o Lalthanpuia Buala Sec.
Draft  Board ah :
     1. Tv. R. Lalawmpuia C/o Laldailova Saichhuma Sec.
    2. Pu Vanlaltluanga H/o Sangzuali Vawmphunga Sec.
    3. Pu H. Lalzuiliana H/o Zoramchhani Damvea Sec.
    Volleyball bik hi mipa leh hmeichhe tan buatsaih a niin  team khat ah hian veng aiawh a khel \hin Player  3 aia tam tel awih a ni lova; hei hian inkhel boruak a ti danglamin a tihlimthlak zual emaw tih tur a ni. April ni 24, 2013 a\angin khelh \ana ni a, Mipa team 10 leh hmeichhe Team 4 an chhuak a, Hmeichhe Team te hian khel vek tawhin Zonunsiama Memorial Team leh LTP ‘A’ Team March ni thumah Final Match an khel dawn a ni.
    Mipa lam erawh chu an la khelh chhoh mek avangin He thu buatsaih lai hian an dinhmun chiangkuang tak  hriat theih a la ni lo.
    Hlimkhawpui Editorial Board te pawhin chhuah ve ngei tumin an inbuatsaih hle a; mahse, tlawmngaih chhuahin midangte an kian ta zawk  a ni. 

Page - 2

Editorial :

RIN THIAM A HAR
    Hlimen kum 200(Bi- Centenary) lawmna chikhat atan infiamna chi hrang hrang buatsaih a ni a, chung zingah chuan Volleyball pawh telh a niin tun a\anga reiloteah hian Final hmuhnawm tak hmuh tur a awm dawn a, chumi en tur chuan mipui rilru pawh a in kau hle ta mai.
    Final ni hian Local Council, Hlimen leh Branch YMA O.B te chuan ‘Dinner’ an in chawi dawn bawk a ni. He team pahnih te hi cho chikimin an inchova, an incho thawm pawh a na hle. Chak zawk tur pawh rin thiam har tak a ni.  An \awng hman dan pawh a bawn tawp. Heng hi an thusawi dan chu a ni.
    1. Local Council Chairman leh Vice Chairman te chuan ‘chak zawk leh thiamzawk chu mipuiin mit ngeiin - ‘live’ in min hmu dawn a lawm’ tiin an mahni an in kawk a ni.
    2. YMA lam a\angin Asst. Secretary a rawn \awng chhuak  ve leh a, ‘Local Council in min cho mai hi ka awilo lutuk a- ka mumang emaw ka ti a. ka nuih a za lutuk , ka kawng a nat phah rum rum a lawm le’ a ti.
    Chutah LC a\angin Pu C. Hminga a rawn \awng leh ta. ‘ Sipai bang ka ni a, a dan pawh YMA aiin ka hre tam a, min hneh dawn lo hrim hrim.’ a ti a ni.
    YMA lam a\angin President a lo ding chhuak hluaia ‘ Volley net hi enganga sang pawh nise, ka ding mar at anga, chunglam a\angin ka vaw pawp anga, dimna tellovin a lian lian ka vuak per chau mai ang’ a ti a ni. LC  Chairman leh Vice Chairman chu lungngaiin an \hu kun reng mai a, YMA Vice Pre. chuan ‘lungngai suh u, YMA takin dimtakin kan khel dawn che u a, insil lutuk lovang’ a ti a (an harh huai mai). Pu Pate a chuan ‘ Pu Buanga leh Pu Lalthantluanga hlir kan pass anga, Point a kal zawt zawt mai ang.’’ a ti .  Pu Valpuia chuan ‘line-ah kan ding tlat ang, an rawn service ve leh kan kal sawn anga, a out anga, point kan hmu zung zung mai ang.’  Pu Zohminga chuan ‘Tv. Hmingthanga nen bengchheng kan siam anga, YMA chu an buai anga, kan chak mai dawn lawm’ a ti bawk. An  incho dan a\ang ringawt chuan chak  zawk tur hriat har tak a ni.

Ziaktute Huang :

MALSAWMNA A NI MEUH EM?
- Robuanga 
   
    Pi leh pu hun a\anga \awngkam \ha leh induhsakna \awngkama hman fo \hin, Pathian malsawmna in tar khup bih thlengin dam ang che tih a ni fo \hin. Tar khup bih thleng a dam hi Pathian malsawmna a ni meuh em? Bible chuan damreina chu thawhrimna leh lungngaihna leh a nih thu min hrilh a, kei ka lo ngaihtuahnaah chuan vawiin a pitar/putar khup bih pawh la nilo; nu leh pa upa lam deuh te dinhmun \hangthar ten kan endan ka thlir hian damreina hi malsawmna tih harsa deuhin ka hre \hin.
    Pitar/ Putar ang em a kan la ngaih loh; mahse upa lam ni tawh te leh tar tak tak thusawi ka hriat fo chu kan vanglai an ngaihthu leh an tu leh fate laka inthlahrunthute, khawvel an tan a hrehawm thute an sawi ka hre fo mai. Chuvangin, damrei hi malsawmna a ni meuh emaw ka ti \hin. Keini ngei pawh hi nitin, thlatin, kumtin hian kan upa salh salh chu a ni si a, khawtlang leh chhungkaw tan  \angkaina kan nei tlemin tihtheih a tlem tial tial si a, kan tu leh faten an zir loh phei chuan bawlhhlawh ang tluk lek  kan la ni awm si a ti te in ka ngaihtuahnaah a awm \hin. |hasiama chu \hangthar nun ningin a thi a ni tih thawnt hu te min ngaihtuah \ir a, Pu |hasiama pawh hi a duh aiin a dam rei anih hmel.
    Kan hnam te hi a la naupan vang nge kan changkan loh(Mawl) vang, tarchhia, tar mawl tiin upa te kamchhe tleuh nan hmang kan awm fova, chutiang dinhmun han thlen chu lungngaihthlak hle in ka hria a; Chuvangin damrei hi malsawmna ah chuan angaih thei meuh em tih hi zawhna lian tak tlingin ka hre \hin. Tu leh faten an zir hle a, tar/upa zah thiam an nih chuan upa an lalna/tar an lalna hun a thleng a ni mai a, malsawmna chu a tihtheih ve tho. Mahse, tunhun \hangthar nunah hian tar leh upa te hian zah an phurin kan chawimawi tawk em tih hi ka’n thlirin - ‘Tar hi malsawmna a ni meuh em ka lo ti \hin.’

Advertisement :

Lawrence Ministries Thlarau Thianghlim camping
Lawrence Ministries in Camping a buatsaih dawn
Pathian in a Thlarau Thianghlim nasa taka a rawn leih \hinna a ni.
    A hmun    :    Reformation & Camping Center, Lawipû
    A hun    :    May ni 6 - 11, 2013
    Speaker    :    Lawrence Rothangpuia
    Ken turte    :    Mutbu, Bible, Buhfai no 8
    Kal turte chu May ni 6, Thawh\anni chawhnu dar 2 ah Vanapa Hall a\anga bus a chhuah tur.

Contact : Rina 8974123711        Patea 8974121157

Thir chhia lei duh reng
Hlimen YMA Dawr No. 1-ah engtiklai pawhin Thir chhia kan lei duh reng a; tin, Dâr lam chi leh Allumnium thlengin kan lei duh reng e. Vai hnena hralh mai lovin min rawn pan ve teh.
    In |hian,
    Lamtea. Mb No :8974243437

Page - 3

Hriattirna :

Tarmit chhar
    Tarmit la \ha tak mai Damvea Sec. ah chhar a ni a. A neitu diktak chuan a rang lamin Pi Ngurchhingi, Damvea Sec. hnenah lam theih a ni e.

Refreshment committee
    April ni 29, 2013(Thawh\an) zan dar 7:00 hian YMA Hall-ah Bi-Centenary Refreshment  Sub -Committee Meeting pawimawh koh a ni a, Member zawng zawngte kal vek turin kan in ngenin kan inhriattir a ni. Kohna dang siam anih loh avangin hei hi kohna a ngaih tur a ni.
   Sd/- Chairman. Refreshment Sub-Committee.

Hlimen local council organization structure siamthar a ni
    The municipalities Rules (Ward & Local Council) 2012 siam\hatna chu Mizoram sawrkarin a rawn ti chhuak ta a, Local Council Organization Structure hman mek ; Chairman, Member Secretary, Member chu tihdanglam a ni ta a. Amendment of Rules 16(1) & (2) ; Chairman, Vice Chairman, Secretary(Elected nilo), Treasurer, Member, Tlangau(Local Crier) angin Hlimen Local Council Organization Structure pawh hetiang hian siamthar a ni e.
    Chairman    : Pu Lalhmingliana
    V.Chairman    : Pu Vanlalhruaia
    Secretary    : Tv. J. Vanlalbiakdika S/o Lalchhanhima, Vengthlang.
    Treasurer    : Pu Zohmingthanga
    Member    : Pu J. Zothanpuia
          Pu C. Lalhmingliana
          Pu Pachhunga
          Tv. C. Lalhmingthanga
    Tlangau    : Tv. Pachhunga
    Ward Commt    : Pu Vanlalhruaia
          Tv. C. Lalhmingthanga
            Sd/- Chairman, Hlimen Local Council.

Iwmp tranning leh watershed committee inthlan tharna nei dawn
    April ni 29, 2013(Thawh\anni) chhun dar 10 hian YMA Hall-ah IWMP Tranning neih tur a ni a, hemi zawh hian Watershed Committee inthlantharna neih nghal tur a ni. Heng mite hi tel ngei tur a beisei kan ni:
    1. Watershed Committee dinglai member te
    2. NGO zawng zawng te
    3. IWMP Beneficiary zawng zawng te
    4. IWMP zau aram nei tute
Sd/- Secretary, Watershed Committee. Hlimen

Bi-Centenary Sport closing function
    May ni 3, 2013 dar 11am hian Mualzawlah Bi- Centenary Sport Closing function neih a ni dawn a, Khuallianah Pi M. Zohmingthangi CEO AMC sawm a ni a, Cheraw bakah Teakwondo Aerobic Dance hmuh tur a awm bawk dawn a, Volleyball Final khelh a ni bawk ang. Vengchhung mipui zawng zawngte thei ang ber kal tur sawm kan ni.

Lawrkhawm :

IKK mamit lamah
    April ni 25-28, 2013 chhung hian Isua Krista Kohhran chuan |halai Gen. Conference Mamit ah an nei a, Hlimen lam a\ang pawhin palai engemawzat chu Bus in an liam thla a ni.

JAC che|ha Zel
    April ni 21, 2013(Pathianni) khan JAC Duty te chuan MS Dawngliana S/o Pi Lalengmawii leh Lalruatpuia S/o Pu V. Than\huama Saichhuma Sec. ve ve te zu an mansak. Hemi ni vek hian Action pawh lak nghal a ni.
    Tin, April ni 22, 2013(Thawh\an) zan khan Pu Zomawithanga(Vala) Kapdaia Sec. a mi chu a zu Litre 10 chuang zet an mansak leh a ni a, ani pawh hi aa \ul anga Action lak nghal a ni. Tin, JAC Duty te hian \halai zingah zu Standing an tam hle a ni tih an hria a, heng mite pawh man an nih hunah chuan nataka Action lak ngei an tum a, ngaihdam dilin awmzia a nei lovang tih thu kan dawng.

Pastor Bial khawpui
    Hlimen Pastor Bial inkhawmpui vawi 47-an chu Hlimen Vengthar Kohhranah neih mek a ni a, zirtawpni khan Committee hrang hrang Sunde sikul, Standing leh Nomination Committee neih a a ni a, vawiin ah nilengin palai rorel neih a ni anga, Pathianni chawhnuah thlarau lam thupui sawi a ni anga, chawhnu lamah Lalpa zanriah Sacrament  kilho a ni ang. Zan lamah Valeodictory Sermon ngaih thlak a ni ang.
    Kuminah hian Bial Chairman-ah Upa Khawlchunga Melthum, Secretary ah Upa Lalremsanga leh Upa Lalzuiliana te an ni.

Zonal Sports hmang
    Middle School, Hlimen Zone Sport chu April ni 25 leh 26 khan Lungleng-I khelmual ah neih a ni a. He sports ah hian Hlimen Zone huamchhunga Middle School 6 ten sports item hrang hrang hmangin intihsiakna hi an nei a ni.

Motor chesual
    April ni 20, 2013(Inrinni) zan khan Pu Lalbiak\huama, Armed Veng South a mi motor Lungleng lam a\anga rawn haw chho chu Quarry veng a Pu Rinchhana in leh Pi Chawngmawii te in inkarah a chesual palh a, mi pahnih chuangin vanneihthlak takin ngaihtuahawm an awmlo. Motor hi a tuk Pathianni khan hnuhchhuah nghal a ni bawk.

HLIMEN KUM 200(1812-2012) Bi-Centenary
    Hlimen khua kum 200(1812-2012) Bi-Centenary chu nikum 2012 khan Local Council leh YMA,MHIP,MUP Joint Meeting ( tum li) tichuan lawm ngei nise tia a ruahman na chu kal chhohpui zel a ni a,a tira ruahman ang diak diakin kal thei lo mahse nikum khan Bi-Centenary Lung (Monument)chu dt.14.12.2012 khan pangngai taka phunna/ hawnna neih a ni  tawh a,kuminah Bi-Centenary denchhen hian Free Clinic hlawhtling tak chu dt.5/1/2012 khan huaihawt a ni leh a;tin, chubakah hmun hlui Lalsavunga Raldan kawn leh Lal, Thawmpawnga hmun te tifai leh tlawhchhuahna  te neih a ni tawh a, tunah hian a lawmna tak  chu dt.3.5.2013 (Friday) hian hmang tura ruahman a ni a, hetah hian vengchhung mipuite  he hun hlu tak leh chhinchhiah ni reng tawh tur hi hmang /tel ve turin Bi-Centenary Celebration Committee chuan a sawm tak meuh meuh che u a ni.
    Sd/- Secretary, Bi-Centenary Celebration Commt.

Page - 4

Keimahni :

Hlimkhawpui Budget
    Hlimkhawpui 2013 March  thla Budget  pe tla tawh:
1.    Buala Sec.    2. Vawmphunga Sec.
3.    Damvea Sec.    4. Kapdaia Sec.
5.    Lalsavunga Sec.    6. Saichhuma Sec.
   
     Vawmphunga Sec. leh Kapdaia Sec  ten April thla an tlak ta bawk.

vawmphunga section
    Vawmphunga Section Fin. Secretary Nl. K. Lalenkawli D/o K. Pakunga chuan a chanvo a chelh chhunzawm theih dawn loh avangin Fin. Secretary thar atan Nl. Rebecca Lalmuanpuii D/o Thanzuali chu an ruat thar.

Chawhchawrawi :

HLIMEN KUM 200(1812-2012) Bi-Centenary Dar vuak
    Bi-Centenary Programme Sub- Committee Bi Centenary pual a Dar vuak programme leh a vaw turte a ruat a, mimal a lehkha semchhuah a ni lova, Hlimkhawpui chanchinbu kal talnga kan tarlan hi Bi Centenary Programme leh a vaw tur a chanvo nei te kan in hriattirna a ni a, heta chanvo nei ten ngai pawimawh a, tihlawhtling ngei turin kan in ngen e.
Programme
    A hun    :    May ni 3, 2013(Zirtawp)dar 7:00am         A hmun    :    Lal In kawt.
    Hruaitu    :    Tv. C. Lalhmingthanga, Member                 Hlimen  Local Council
    Dar vaw turin heng mite ruat an ni:-
    1.    Hlimen Local Council Members    -    8
    2.    YMA Executive Comtt. Members    -    36
    3.    M.H.I.P Office Bearers    -    6
    4.    M.U.P Office Bearers    -    6
    5.    Celebration Commtt. Members    -    5
    6.    Ex-VCP (Tuna la dam te)    -    7
    7.    Hlimen Lal lo ni tawh aiawh    -    4
    8.    YMA President lo ni tawh, Hlimen a awm                -6
    9.    Kum 80 chunglam aiawh
        a) Pu Nikhuma  b) Pu Vungdailova
        c) Pu Zakamlova  d) Pu Vanrothanga
        e) Pu Lalbela    -     5
    10.    Hlimen Kohhran hrang hrang a\anga Bial             nei a,Hlimen \huthmuna nei te :
        a) Pastor C. Sapkaia.                     b)TirhkohLalramthara
        c) Pastor Lallungmuana AG.     -    3
    11.      Games & Sport aiawh (Lalnunhlimpuia)    -1        12. North East Games 2012 Hlimen a\anga
        Gold Medalist te    -    7
    13. All India PYKKA Sports Medalist    -    1
    14.    Hlimen School tin zirtirtu aiawh 1 \heuh    -7
          Sd/- Secretary, Bi-Centenary Celebration Commt.

Lawmthu sawina
    April ni 20, 2013 (Inrinni) dar 9:00 Pm bawr vela vanduaithlak taka in Veng (Hlimen) a Accident kan tawh chung changah Hlimen mipui, YMA leh khawtlang ten tlawmngai taka min buaipuina zawng zawngah thinlung takin lawmthu kan sawi a, kan chetsual thawm hriain rang takin min rawn bawihsawm tura stretcher leh First  Aid Kit te nena in rawn thawkchhuak thawm kha kan thinlungah hian a la cham reng a ni.
    Tin, hemi mai bakah Pathianni pawh sawi hleithei lo a kan motor lakchhuahna a inbuai ziate kan hriain kan zak em em a, mahse kan lawm takzet si a ni. Kan tana in hun, tha leh zung in sen zozaite hi kan rul seng dawn lo che u a. Mimal tin hnenah a hranpa in lawmthu kan sawi seng lova, hei hi kan lawmthu sawina ah chhungtin leh mimal tin ten khawngaih taka min lo pawmsak turin kan ngen a che u.
    In rawngbawlna zel turah keini chhungkua chuan duhsakna sang ber kan hlan a che u.
    Ram leh khawtlang tana i thawhpui,
    Sd/- Lalbiakthuama
    Member, Local Council
    Armed Veng South, Aizawl
    Mb. No. -9862369968

Emergency meeting nei
Branch YMA chuan April ni 22, 2013 (Thawh\anni) zan khan Emergency Meeting ILP Check tur leh \ul dang thilah YMA hall-ah an nei.
    Tin, April ni 23, 2013(Thawhlehni) zan khan Hlimen-a hnathawka eizawng- vai/hnamdang za lai YMA Hall-ah kokhawmin ILP check runpui neih ani.

Chhiartute ngaihdan :

@    Bi-Centenary Celebration Programme kar kalta Hlimkhawpui -a tarlan tawh, chawimawina hlan tur Celebration Committee in aruahman tak kha a huamchin ka lo duh khawp lo deuh a. Infiammi te leh YMA lam a\anga Pu R. Lalngheta te an thlang chhuak hi lawm pawh an lawmawmpuiin a phu pawh an phu a ni. Amaherawhchu, midang tuna la dam, kan veng a la cheng leh veng danga khawsa ta, kan khawchhuak nisi, veng lo ti hming\ha em em tawh, ram tan pawh a michhuanawm tak tak kan nei ngang lo em ni? Kun 200 meuh kan tlin lawm tur kan ni si a !! Pu Editor, nang enge i ngaih ve dan?
                              -N. Zonunmawia

@    Hlimen Bi-Centenary lawm tur thu hi entiziange a khaw mihlun tamtak te hian ngaihhlut nachang an hriat loh  le..Veng tamtakin tlinglo chung pawh titling chawpin eng Jubili ber emaw lawm tur an chuh a, an phur \hin a ni si. Keini veng hi a mak hle mai. Politics zawng ten kan tithul. Tu party ham\hatna tur emaw te kan ti emawni. Bi-Centenary Jubili a ni a, Hlimen khawtlang tan aropui tak meuh meuh a ni. Khaw inlungrual leh inpumkhat leh hmasawn tur zia a ni lo. Party -ah kan rui lu deuh . Jubili thilah lehzel lo Politician chi a ni lo. Hlim takin i lawm tawp ami ang u.
- C. Lalhmingliana. Member LC.

 

Tâu thla ni 20, 2013... Issue No. 16

Page - 1

Tualchhung :

Boral: Pi Lamthangi kum 81, KT Sena nu Kapdaia Sec. a mi chu April ni 18, 2013 (Ningani) zing dar 12:58 khan a boral. Hemi ni vek hian vuiliam a ni.

Damlo: Malsawmkima S/o Lalmuanawma, Saichhuma Sec. chu April ni 18, 2013(Ningani) khan an TV in a delh palh a, a luruh a delh nat deuh avangin Civil Hospital panpui a ni a, zankhat riahpui a nih hnuin inlamah Bed rest turin hawtir leh a ni.

Nakruh bô hmu: Lalbiakmawia Kapdaia Sec. a mi chuan engemaw chen a lo zawn tawh a nakruh bô Sêni Nursery veng a mi chu hmuchhuakin, April ni 17, 2013 khan an insawi rem ta. Nupa hlim tak an nih zel theih nan E.B. ten chuan duhsakna kan hlan e.

Khiangawi: Lallawmchhungi D/o Lalchamliana, Damvea Sec. a mi chuan  April ni 16, 2013 (Thawhlehni) khan Lalrinfela Sakawrtuichhun a mi tawnah khiang a awi ta.

Nâu nei thar: Pu Zoliantluanga leh Laldingliani te nupa Saichhuma Sec. a mite chuan an fahmingkoh atan April ni 16, 2013 (Thawhlehni) khan fanu duhawm tak Grace Nursing Home ah an nei thar.

Step siam: Buala Section huamchhunga Helper tuikhur panna kawng pu Lalramchuana inbul chu step \hatak a rem a ni leh ta a; tin, thlanmual I pu Chunga inbul leh a thlang \helret  kung thleng step rem a ni tawh bawk a, chumai pawh nilovin thlanmual I thlan awmna thlang ber lam a step pawh tunah hian chhunzawm zel niin veng timawitu leh tichangkang tu a ni zel a. A chhawrtu mipui lam ten dim takin i enkawl ang u.

Lawmthu : Kan Branch YMA Asst. Secretary kalchhuak ta Pu Lalchhankima (Kapdaia Sec.) chuan Hlimkhawpui E.B. te tlai leh puar taka kan awm theih nan Âr pum min rawn hlui a, kan puarin kan va lawm em!!!

Front :

C.C.C. MEETING VAWI 71 NA

   
    April ni 10, 2013 khan Central YMA Hall, Tuikhuahtlangah CCC Meeting neih a ni a. He Meeting hi Pu T.Sangkunga President in a kaihruai a, Pu Vanlalzuiliana CEC in Meeting Pathian hnena a hlan hnuin CADS te ruihhlo man ` 1,58,62,358/- halralna hun hman nghal a ni. CYMA Treasurer & CADS Convener ni bawk Pu R.Lalngheta’n report a pe a, Pu JH Ro\huama, Hon’ble Minister in thu tlem a sawi hnuin CADS \anpui nan `  1,00,000/- President hnenah a hlan nghal.
    Chief Minister Pu Lalthanhawla’n thu a sawi a, CADS thil man ruihhlo halral a ni a, ` 50,000 CYMA a pe bawk. Secretary Report in a zui nghal a ni.
    April ni 9, 2013 a Zawlpui khua a In 10 kang te hnenah `  2,000/- \heuha \anpui tur a ni a, hmalakna tur hrang hrang rel nghal a ni.
1. Mizo mipuite inpumkhatna tichhe thei zawng leh Mizoram \hendarh zawnga chibing hmalakna reng reng tihtawp a nih theih nan YMA in hma lak ni rawh se.
2. YMA Seal lem siam chung changah hian Police hnenah FIR thehluh nise.
3. Rampum huap faina beihpui thlak turin CYMA in hma la rawh se.
4. Sorkar a\anga Development work veng/khua atana lokal \hin hi, \ha leh rotling zawka thawh a nih theih nan YMA in hma la rawh se.
5. Mizoram a piang nilo, foreigner te Birth Certificate pek an nih loh nan hmalak ni rawh se.
6. Human Trafficking dona kawnga kan chak zawk theih nan YMA in hma la rawh se.
7. Electoral Roll dik leh felfai tak kan neih theih nan YMA in dik leh uar zawka hmalak ni rawh se.
8. Mizoram chhunga Quarry awmte hi mihring tan a hlauhawm loh nan YMA in a \ul angin hma la rawh se.
9. Aizawl khawpui laili, Assam Rifles chhuahsan tur ram hi mimal hnena pe lo tur leh pek tawh sa pawh cancel tur leh \angkai taka hman a nih theih nana humhalh turin Sorkar ngen ni rawh se.
10. Branch YMA tinin mahni Area a Motor kawngpui kamah uar zawka thing phun nise, kawngpui kam mimalin an neih \hin hi Sorkar dan dinglai anga reserve a nih zel theih nan sorkar ah thlen ni rawh se.
11. Tribal Certificate pek chung changah YMA te hriatpuina a tel theih nan sorkar ah thlen ni rawh se.

Page - 2

Editorial :

HMA KAN VA SAWN EM!!

    Duhthawh thilah leh \hahnem ngaih luat lutuk avangin khawtlang te, \halai nunte leh chhiatni a kan chetchhuah danahte a famkim lo lai leh mawilo laite zawngin indemna awka ang dawn dawnte in kan insawi bawrh bawrh mai \hin zawng a nih kha. Ngaithlatute tan pawh a ninawmin a sawitu pawh ngeiawmah a kal thei mai dawn a lawm le!!
    Hlimen khawtlang hian kum kalta mai leh  kumin 2013 kum chanve em pawh la tling lova chhiat (thihna) kan tawn zin ziate hi i chhut ngai em? Kan chhiat tawh (thihna) lo thleng tam zawk chu lumen (tlaivarpui) ngai an ni lehnghal. Tlaivar zanah te, thlanlaih leh mitthi puala buhfai/pawisa khawnsak \hin chung changah te, khawhar In YMA in lenkhawm a kaihhruaina hunchhungah te hian Hlimen khawtlang \halai nula/tlangval nih hi a zahthlak loh mai ni lovin an chhuanawm a ni ang; khualkhua a\anga lokalte leh khawtual mi hmun hrana awm tate \awngkam/thusawi ka hriat tam em em chu hei hi a ni, “Hlimen hi thihnachhiat tawhna hmun atan ka duh ber” titu ka hre tam hle.
    Tin, chumai a la ni hlei nem, kan In leh lote hi han thlir ve teh veng tin maiah Cement Concrete In a khir en un tawh mai zawng a nih hi le. Helam chu tawk teh se.
    Infiamna lamah tlem laiin kan tlahniama mahse tunah zet chuan Medal a hawn leh ta tihte leh a Champion lehta tihte chu kan chanchinbu ah a lang ta reng mai zawng a nih hi. Kan khawtlang chu \halai ten  Zoram pum hmelhriat turin a \ha lamin an phochhuak leh ta.
    Mi awm\haduhlo, mawl zual tlemte avangin hmingchhe ve deuh \hin mah se, Hlimen khawtlang hi chuan Infiamna leh hnam rohlu tlawmngaihna vawnhimna kawngah te hma a va sawn em tih loh rual a ni lo.

HLIMEN KUM 200(1812-2012) Bi-Centenary Dar vuak
    Bi-Centenary Programme Sub- Committee Bi Centenary pual a Dar vuak programme leh a vaw turte a ruat a, mimal a lehkha semchhuah a ni lova, Hlimkhawpui chanchinbu kal talnga kan tarlan hi Bi Centenary Programme leh a vaw tur a chanvo nei te kan in hriattirna a ni a, heta chanvo nei ten ngai pawimawh a, tihlawhtling ngei turin kan in ngen e.
Programme
    A hun    :    May ni 3, 2013(Zirtawp) dar 7:00 am.
    A hmun    :    Lal In kawt.
    Hruaitu    :    Tv. C. Lalhmingthanga, Member Hlimen                 Local Council
    Dar vaw turin heng mite ruat an ni:-
    1.    Hlimen Local Council Members    -    8
    2.    YMA Executive Comtt. Members    -    36
    3.    M.H.I.P Office Bearers    -    6
    4.    M.U.P Office Bearers    -    6
    5.    Celebration Commtt. Members    -    5
    6.    Ex-VCP (Tuna la dam te)    -    7
    7.    Hlimen Lal lo ni tawh aiawh    -    4
    8.    YMA President lo ni tawh, Hlimen a awm    -    6
    9.    Kum 80 chunglam aiawh
        a) Pu Nikhuma  b) Pu Vungdailova
        c) Pu Zakamlova  d) Pu Vanrothanga
        e) Pu Lalbela    -     5
    10.    Hlimen Kohhran hrang hrang a\anga Bial nei a,
        Hlimen \huthmuna nei te :
        a) Pastor C. Sapkaia. b) Tirhkoh Lalramthara
        c) Pastor Lallungmuana AG.     -    3
    11.      Games & Sport aiawh (Lalnunhlimpuia)    -    1
    12. North East Games 2012 Hlimen a\anga
        Gold Medalist te    -    7
    13. All India PYKKA Sports Medalist    -    1
    14.    Hlimen School tin zirtirtu aiawh 1 \heuh    -    7

Hlimen Bi-Centenary lawmna inkhawm vawi -1na Programme
    A hun    :    May ni 3, 2013(Zirtawp) dar 2:00 pm.
    A hmun    :    YMA Hall
    Hruaitu    :    Pu . Lalhmuchhuaka, Pre. Br. YMA
    Hunserh     :    Pastor C. Sapkaia
    Report    :     Secretary, Celebration Comtt.
    Thusawi    :     Pu R. Lalhmingliana, Hlimen.
            Pu C. Lalhmingliana. Member LC.
    solo    :     1) Pu Ralngamthanga
            2)    Pi Lalfakmawii   
            3) Tv. Zodailova
            4) Jenny Zomuankimi
        Chawimawina hlan   
        :    1) NE Games 2012 Medalist
            2) National PYKKA Gold Medallist
            3) Pu R. Lalngheta
Thingpui leh chhang tuihnai tak buatsaih a ni ang.

Hlimen Bi-Centenary lawmna inkhawm vawi -2na Programme
    A hun    :    May ni 3, 2013(Zirtawp) dar 7:00 pm.
    A hmun    :    YMA Hall
    Chairman    :    Pu Vanlalhruaia,Chairman,Celeb.Comtt.
    Hunserh    :    Rev. Lalvena
    Thusawi    :    Pu R. Lalngheta, Tre CYMA
    Solo    :    i) Tv. Laltleipuia ii) Nl. Lalruatdiki
            iii) Nl. Gospel Lalruatengi
    Lawmman sem    :    Bi-Centenary sports a ti\hate
    Lawmthu sawina    :    Pu J. Zothanpuia, Member Secy. LC.
    Thingpui leh chhang tuihnai tak buatsaih a ni ang.

Page - 3

Hriattirna :

Free Clinic nei dawn
    Hmeichhia kum 18-21 inkar fa nei tawh te tan Free Clinic neih tur a ni a, inentir duh chuan Pu Lalhmuchhuaka, Branch YMA President hnenah April ni 21(Pathianni) ral hmain in report tur a ni. A hun tur chu in report an awm hunah la inhriattir leh tur a ni. Hmeichhe lama specialist te an lokal dawn a ni.

HLIMEN KUM 200(1812-2012) Bi-Centenary
    Hlimen khua kum 200(1812-2012) Bi-Centenary chu nikum 2012 khan Local Council leh YMA,MHIP,MUP Joint Meeting ( tum li) lchuan lawm ngei nise tia a ruahman na chu kal chhohpui zel a ni a,a tira ruahman ang diak diakin kal thei lo mahse nikum khan Bi-Centenary Lung (Monument)chu dt.14.12.2012 khan pangngai taka phunna/ hawnna neih a ni  tawh a,kuminah Bi-Centenary denchhen hian Free Clinic hlawhtling tak chu dt.5/1/2012 khan huaihawt a ni leh a,tin chubakah hmun hlui Lalsavunga Raldan kawn leh Lal, Thawmpawnga hmun te tifai leh tlawhchhuahna  te neih a ni tawh a, tunah hian a lawmna tak  chu dt.3.5.2013 (Friday) hian hmang tura ruahman a ni a, hetah hian vengchhung mipuite  he hun hlu tak leh chhinchhiah ni reng tawh tur hi hmang /tel  ve turin Bi-Centenary Celebration Committee chuan a sawm tak meuh meuh che u a ni.

M.H.I.P Assembly
    April ni 25 & 26, 2013 hin MHIP Gen. Assembly vawi-19na Vanapa Hall-ah hman tur a ni a, Hlimen MHIP Branch Member atam thei ang ber kal turin hruaitu ten an ngen a, kalman hi MHIP Branch in a tum dawn a ni.

Hlimen local forum inthlang
   
    April ni 18, 2013( Ningani) khan Hlimen Local forum te an inthlanga, hruaitu thlan thar te:-   
    President    :    Pastor C. Sapkaia
    Vice President    :    Rev. Lalvena
    Secretary    :    T.Upa JK Lalengzauva
    Asst. Secretary    :    Upa Lalengliana
    Treasurer    :    Upa Lalsanga
    Fin. Secretary    :    Pu Lalthantluanga
    Ex-officio    :     Pu R. Lalrinawma, Gen.Secy. Aizawl S- III Constituency Forum

Lawrkhawm :

PPP Mode
    1.    Jan-Feb, 2013 atana bawlhhlawh paihna Public Contribution hmuh zat - ` 13,350/-
    2.    Jan - Feb 2013 bawlhhlawh paihna atana public contribution hmandan :
   i)     Bawlhhlawh paih zat     -     vawi 17.  
  ii)    407 Hirena tum ve - vawi 17 @ ` 180 = ` 3060/-
 iii)    Pick up Hire na - vawi 8        @  `500 = ` 4000/-
 iv)    Labour 1st vawi 17                @ ` 250 = ` 4250/-
  v)    Labour 2nd vawi 8           @  ` 150 = ` 1200/-
                                         
                          Total = `12510/-
    3.    Balance ` 13350 - ` 12510 = ` 840/-
    Hetiang hi kan sumhmuh dan leh hmandan a ni a, heng bakah hian reciept siamna te, hand Glove leh thildang mamawh neuh neuh te a awm bawk \hin si a, tuna March - April 2013 khawn mek pawh \hataka pe tur leh khawnlaia pa hman lo/ remchanglo te pawhin Local Council Office ah pe hram turin kan inngen leh e.
            Sd/- Secretary, PPP Mode. Hlimen

H.S.L.C. Result
    MBSE chuan HSLC result a tichhuak ta a, kan veng atanga passed, kan hriat theih chinte chu hengte hi an ni :-

Govt. Hlimen High School :
1.    C.Vanlalpeki D/o Laltinkhuma    III Div.
2.    C.Zonunpari D/o Parliana    III Div.
3.    Lalbiakdiki D/o Lalengliana    III Div.
4.    Lalrinhlui D/o P.C.Zosangliana    III Div.
5.    V.Lalchhanchhuahi C/o R.Lalengzauva    II Div.
6.    H.Lalsangliana S/o H.Ralkapthanga    III Div.
7.    Michael Lalduhsaka S/o H.Lalzuiliana    II Div.
8.    Vanlalduha S/o Dengkhuma    III Div.
9.    Vanlalhnema (Melthum)    II Div.        L in Mz
    Veng pawn School atanga passed te :-
1.     Malsawmzuali D/o Vanlalzawna    Distinction
        L in SS, Mz
2.    Malsawmtluangi D/o Vanlalzawna    I Div.
        L in SS, Mz
3.    Lallawmkimi Do R.Lal\anpuia    I Div.
        L in Mz
4.    Lalramsanga C/o Lalhuliana    II Div.
5.    Zorinsangi D/o Zonuntluanga    II Div.
6.    Lalchhanchhuaha S/o Vanlalhruaia    II Div.
7.    Laltleipuii C/o Chalbuanga    III Div.
8.    Hmingchhuanawma S/o R.Lalrinawma    III Div.
9.    Rosangpuii D/o F.Zosangzuala    III Div.

J.A.C. in man
    April ni 14, 2013 (Pathianni) khan Pu Zomawithanga (Vala) Kapdaia Sec. a mi  rakzû litre 15 JAC Duty ten an mansak a, hemi ni vek hian Action pawh lak nghal a ni.
    Tin, JAC Duty te hian khawlaia zû standing chingte leh ualâu taka zû in chingte an pung zel niin an hria a. Heng mite hi man ngei tumin \an an la zual sauh sauh a, man ngei an tum a nih tih thu kan dawng.

Page - 4

Keimahni :

Hlimkhawpui Budget
    Hlimkhawpui 2013 March  thla Budget  pe tla tawh:
1.    Buala Sec.    2. Vawmphunga Sec.
3.    Damvea Sec.    4. Kapdaia Sec.
5.    Lalsavunga Sec.    6. Saichhuma Sec.
   
     Vawmphunga Sec. leh Kapdaia Sec  ten April thla an tlak ta bawk.


Branch O.B. Meeting nei
    April ni 16, 2013 (Thawhlehni) zan khanYMA Hall ah O.B. Meeting neih a ni a, YMA Hall hnuai dawr luah diltute a\angin luahtu tur thlan fel a ni. Hetiangin :-
Dawr No.    Hming    Section
    1.    Pu Lalhminghlûa    Kapdaia
    2.    Tv. Zosangzuala    Buala
    3.    Pi Kaptluangi    Kapdaia
    4.    Pi Zoliani    Buala
    5.    Pi Lalengmawii    Buala
    Dawr luah hi kum 1 atan zel a ni a, April, 2013 to March 2014 chhung atana luah tur a ni.

Chhiartute ngaihdan :

@@    Patling, chhungkaw pa ber kan nupui fanau bulah zu rimnam chunga inthlahrung miah lova kan khawsak hian kan hmabak tur a thim tih kan chhut ngai em...
    - L.R

@@    Lalkhuang bukpui hnuai vel a zu standing \hin kha JAC ah report i ni tawh a, man i nih chuan a na thei ang ber a hrem i ni ang.
- J.A.C-a

@@    Mizoten hnam rohlu tia kan chhuan em em chhiat tawh(thihna) khawtlanga a lo thlen a, thil \ul ang ang kan inbuaipuia, kan in tawrhpuina kan lantir \hin hi a hlut tehlul nen mizo II nilo vai ni bawk silo. Mizo i ni ve lo ti ila haw leh hle tur si, heng tiang hun leh hmuna chetchhuahna chang hrelo, a kal \hin te pawh nuihsawh awm taka lan zak miah lo, mawl tak tak te hi Pu, editor hnam phatsantute an ni thei mai lo maw?
    - Mizo nuamti a
( E an chhungkua in an tawn hunah aharh ve mai ang, lo hrethiam hram hram teh.)

Chawhchawrawi :

Cook la thar
    Hlimen a School hrang hranga Cook turin heng mite hi lak an ni :-
    Hlimen P/S I
a) Remtluangpui D/o Zonunkhuma (BS)
b) Lalromawii W/o Pachhunga (BS)
    Hlimen P/S II
a) Lalsangzuali W/o Lal\anzuala (LSV)
b) Lalhmangaihzuali W/o A. Lalhmangaiha(DV)
    Hlimen P/S III
a) Rodingpuii W/o Lianzama (L) (KD)
b) Zairemmawii W/o Sangzarliana (KD)
    Hlimen M/S I
a) Zohmingthangi W/o Ngurchhuana (DV)
b) Vanlalsiami W/o Lalchhuana (DV)
    Hlimen M/S II
a) Lalawmpuii D/o Lalvulliana (BS)
b) Lalbiakdiki D/o Lal\hakima (SC)

Thisen pek hun
    Hlimen YMA Branch Day puala mamawhtute tana thisen pek kha ahun tur ruahman fel a ni ta a. May ni 18, 2013 (Inrinni) ah YMA Hall-ah pek tur a ni ang.

Final hun
    Bi- Centenary lawmna pual a Volleyball Tournament final match khelh hun tur atan May ni 3, 2013 ruahman a ni a, Final Match khelh hma hian opening match LC team leh Branch YMA OB ten an khel ang. Tin, CMTC ten an thiamthil te pholangin, hnamlam (Cheraw) entir a ni bawk ang. 

KAN THEN TAK

Pi Lamthangi (Kum 81)
    Lamthangi Hmar hi kum 1932-ah Thanghrima (L) leh Dengkili (L) inkarah Thenzawl-ah a lo piang a. Thenzawl atangin Kawlhawk-ah an pem a. Kawlhawk a\angin Dengsur-ah an pem leh a ni. Kum 1953-ah Chalngenga nen inneiin fapa 4 leh fanu 5 an nei.
    Kum 1963-ah Dengsur atangin Darlung-ah sawikhawm an ni a. Darlung-a an awm lai hian a pasal Thanghrima hian a boralsan a ni. Kum 1974-ah Dengsur-ah an kir leh a ni. Kum 1990-ah Hlimen-ah an lo pem leh a ni.
    Lamthangi hi Pathian tih mi leh Pathiana rinna nghat tlat mi a ni a. Dengsur-a an awm lai hian BKHP-ah Chairman-te a lo ni tawh thin a, rawngbawlna ngaipawimawh mi, thawhpui nuam tak, rawngbawlnaa in pe zo tak a ni. Tin, Kohhran-ah thuhril hna rawngbawlna pawimawh tak pawh alo chelh tawh \hin. Hlimen-a a lo chhoh hnu hian Presbyterian Kohhran-ah awmin Hlimen Vengthar Kohhran-ah thuhril rawngbawl hna a lo chelh tawh bawk.
    Kum 2008 atangin thawhah (Asthma) natna a nei tan a. Dortor-te rawnin In lamah theih tawpa enkawl a ni a. April ni 1, 2013 atang khan a natna hian zual lam a pan zel a. April ni 18, 2013 dar 12:58 AM hian a rawng a lo bawl thin a Lalpa hnenah min lo chawlhsan ta a ni.

Tâu thla ni 13, 2013... Issue No. 15

Page - 1

Tualchhung :

Damlo: Pi Zomuanpuii W/o F.Laltlanmawia, Buala Sec. a mi chu April ni 13, 2013 khan  Alpha Hospital, Kulikawnah a Tonsil nâ zai a ni.

@@    Pu Lalkunga H/o Lalhmunpuii, Saichhuma Sec. a mi chu a taksa lam chak lohna avangin Aizawl Hospital-ah April ni 11, 2013 khan admit a ni.

@@    Pu Rokamlova, Kapdaia Sec. a mi chu hun engemaw chen  Durtlang Hospital a enkawl anih hnuin April ni 9, 2013 khan damtakin a lo chhuak leh ta.

Nau nei thar: Pu Lalngaihzuala leh Pi Zodinthari te nupa chuan April ni 8, 2013 ( Thawh\an) khan Hlimen UHC-ah an fa pathumna atan fapa duhawm tak an nei thar.

@@    Pu Lalramnghaka te nupa, Damvea Sec. a mite chuan an fa pathumna atan Durtlang Hospital-ah fapa duhawm tak an nei thar bawk.

Kumpuan hawng: April ni 12, 2013(Zirtawpni) zan dar 7:00 khan YMA Hall-ah kumpuan ‘Ram leh Hnam’ tih chu Pu R. Lalngheta Treasurer, CYMA in a hawng.

Branch Conference hmang : April ni 13, 2013(Inrinni) nileng hian Hlimen Presbyterian K|P te chuan Branch Conference hun hlimawm leh hlawkthlak tak an hmang .

Missionary chhuak : Tv. Ramengmawia s/o C. Lalengzauva Damvea Section a mi chu Synod hnuaiah Tuipuibari a Missionary hna thawk turin lak a ni a, April ni 11, 2013 (Ningani) khan a awmna tur hmun pan hian a liam ta.

Front :

YMA KUMPUAN ‘RAM LEH HNAM HUMHALH’ HAWN A NI.
   
    April ni 12, 2013(Zirtawpni) zan dar 7:00  khan YMA Hall-ah kum puan hawn Programme hlimawm taka hman a ni a, he inkhawm hi Pu Lalhmuchhuaka Br. President in a kaihruai a, Hunserh hi Pu Lalrinchhana Comtt. Member in a hmang a ni.
    Kumpuan ‘Ram leh Hnam humhalh’ tih chu Pu R. Lalngheta Treasure, CYMA in a hawnga, a hnen a\ang hian Ram leh Hnam humhalh a pawimawh dan leh humhalh nachang hriat loh a pawi thui theihzia thiam takin kalkhawmte min hrilh a, ngaithla tu ten hlawkthlak hle in an hria. A sawi zel naah chuan kangmei kan chhuah fo hian ram a tihchhiat dan leh tuihna a tih kang dan te sawiin ,  kangmei lakah kan fimkhur loh chuan tui a harsa anga, tui inchuh avangin kan la intihbuai lovang tih asawi theih loh a ni tiin mithiam ten an chhut thu a sawi. Tin, chhiatni(Thihna) a awma tlangval thlanlai ve ngailo te zahna chang hriat a \ha; tin, nula leh tlangval thlan laih te, buhfai/pawisa khawn ve ngailo leh tlaivar ve ngai lo nih te, khawhar in a kal ve ngailo nih te hi zah nachang hriat a pawimawh  tih thu a sawi bawk.
     Tin, hemi zan hian kalkhawm te chu Nl. Gospel Lalruatengi leh Nl. Lalruatdiki ten thiam takin an awi reng bawk a, Chumai la ni lovin, fiamthu thiam Ramtea(Sipai te chi) leh Lalhmangaihzuala (Maste-a) ten mipui an chawk hlim hle bawk.
    Hemi zan hian Section kal tam ber chu Kapdaia Section niin Member 36 an kal a ni. Tin, Mizo inchei a inchei Zo ber hmeichhia-ah Nl. Lalhriatpuii, Saichhuma Sec. thlan a niin mipa ah Tv. John Lalhunhlua Damvea Section chu thlan a ni bawk.  Kumpuan hawn programme siam tu ten an siam thiam bawk a, member ten kham lo takin he hun hi an hmang a, an thawm a \ha in an thawm chu mitdel te hriat khawpin tih ang mai a ni.

Page - 2

Editorial :

NUN LINGLET
    Hmanlai chu tih leh tunlai chuan tiin \awngkam  kan hmang mai dawn a ni ang chu....
    Hmanlai chuan tlawmngaihna an in zirtir nasa a. Hnathawh nikhua leh chhiatni ah te tlawmngai thei nih inchuhin, \halai te an thawkchhuak \ha thei hle \hin a, \hahnemngai zualte chu thlang chhuakin mipui hriat turin chawimawina an hlan \hin.
    Tunlai chuan hnatlan nikhua leh chhiatni ah te tlawmngai thei nih inchuh thawm ai chuan  hnatlang \hin te, mi chhiat tawh a tlaivara thlan lai te, buhfai leh pawisa te khawnsak \hin a, khawhar ina hun tam zawk hmang \hin te chu chawimawina hlan ai chuan nuihzat ru tlat tu nih tum an tam tlat.
    Hmanlai chuan aia upate an zah thiam avangin an tirh pawh an hnial ngai lo. Chumai nilovin chaw eikhawm nikhua te pawhin an bar khalh ngai lova, an mithmuh phakah an chemawi lo ngam ngai lo. Chu chuan upa te zahawmna a lantir a , Mizo hnam nun a chawimawi a, nun ho a ti nuam a ni.
    Tunlai chuanaia upa chu sawiloh hringtu nu leh pa pawh zahna chang hre lo, hmuhsit ching zawk tlat te; tin, aia upa ten an tirh dawn a hlawh phut tlat chingte, chhuah khawm leh eikhawmna hmunah pawh bar hmasa ei hmasa lo nih hlauva phi ruai ruai \hin te leh upa te thu ngai chuanglova rorel phet tum \halai zingah an pung hle. Hengte avang hian upa nih a hrehawm a, nu leh pa nih a hahthlak a, khawtlang nun leh chhungkaw nun in a tuar phah nasa hle a ni. Mizo hnam chu kan tunlaina leh changkang in tihna tamtak te avangin hnam hmuhsitawm  leh mualphona khuaah kan lut \ep ta ni tein ka lo hre ve \hin. Hman leh tuna nun chu a ling let zo ta em ni le !!

Ziaktute Huang :

CHHIATNI FUND AWMZIA LEH A HMAN DAN TLANGPUI
    -President Br. YMA
   
    Hlimen Branch YMA in chhiat tawhte a lo hautak tak avangin khawtlang mipuite tana thil \angkai tak a nih beiseiin kum 1983 kumtir lam khan Chhiatni Fund hi a losiam \an tawh a, kum 30 na a lo tling ta hial a ni. He Chhiatni Fund hi kan khawtlang tan a lo \angkai hle reng a, hetih hun lai hian \henawm khua/Branch te leh Zoram hmun tam zawkah pawh an lo la siam ve thei lo a ni. A \hat zia leh \angkai ziate hriain vawiin ni-ah chuan keini Branch aia uar zawk leh duhthawh zawk an ni deuh vek tawh a ni.
    He Chhiatni Fund, chhungtin tena kan thawhkhawm hi YMA pawisa a ni lova, YMA Account ah pawh lut lovin President apiang ten an enkawl \hin a ni. Kan khawtlangah thihna tawkte an lo awmin hetia kan thawhkhawm a\ang hian a \ul apiang tumsak \hin a ni a, kuang man ringawt te hi a hautak hle a, tlaivar zana tlaivarte ei leh in leh Gas mante thlengin a tum \hin a ni. |umkhat thihna lo thlengah hian ` 4,000 - 5,000 pawhin min Complete thei tawh lo hial a ni. Chhiat tawkte tan a hahdamthlak a, engmah ngaihtuah ngai lovin YMA in he fund a\ang hian a \ul zualpui te chu a tuamhlawm \hin a ni. Kumin 2013 a\ang phei hi chuan thihni a chhungtina ` 10 kan khawn \hin pawh hi Gas bur khat man bak adang zawng chu chhiat tawkte hnena hlan tur a ni tawh nghe nghe a, thlanlaite senso leh tlaivar zana senso chu chhiatni fund a\ang vek hian tum tur a ni tawh a ni.
    Hlimen YMA Committee chuan kum tinin a khawn ngai lem lova, kumin a\ang hi chuan kumtin khawn tawh nise a ti nghe nghe a ni. He chhiatni Fund pe ve duhlote chu he fund a\anga chhawmdawlna ah hian an tel ve thei ngai lova, chhiat tawk thei vek kan nih avangin mitinin ngaihpawimawh a \ha hle. Chhungtinin thihna/chhiatna kan tawh vek loh avangin tlem te te a kan thawh tlingkhawm hian chhiat tawkte a tuamhlawm thei a ni tih hriat reng a \ha hle. Kumin ah pawh khawn leh mek a ni a, hetiang hi Section tin a\anga kan hmuh dan chu a ni :-
1. Buala     -    `    30,150           2. Damvea     -    `    29,900
3. Kapdaia     -    `    26,700      4. Lalsavunga    -    `    10,800
5. Saichhuma    -    `    30,150    6. Vawmphunga    -    `    17,450
    Tin, vengchhunga thihna mai bakah ‘ruang’ kan veng a\anga chhuakte pawh kuang tumsak \hin an ni a, tin, chhiatna dang - hmun danga thite, chhiatna thil dang thleng thutah te pawh he fund a\anga a \ul anga chhawmdawl \hin an ni. Thlanmual bungruate,  chhiatni a kan mamawh dang dang leh kuang khuhna tlengin he fund a\ang hian neih/kawl reng a ni. Kuang khuhna phei hi chu mitthi chhungte apiangin hmang thei ila, nalh leh mawi taka siam, mitin ina kan duh dan taka kan siamtir \hin anga siam a ni. Hman nachang hre zel ila, senso a tihlem ang. Chhiattawh bawk, hautak bawk si hi a ti nep deuh dawn a ni.

   Kan khawtlangah chhungtinte khawsakna a in an  loh avangin kan phu tawk ang zela kan thawh dan tur intuk \hin a ni a, , veng \henkhatah chuan rethei leh hausa pawh heng thilah kher hi chuan an hrut rual vek zawk a ni. Chuvangin, chhiatni fund hi a hlu a, kan mamawh \heuh a, pe thei vek zel ila, he fund a\anga chhawmdawlna kan dawng lo a nih chuan thil lawmawm leh vanneihthlak tak a ni thung a ni. I ngaihlu deuh deuh ang u.

Page - 3

Hriattirna :-

Cook dil theih
    Hlimen VEC huam chhunga Primary leh Middle Sikul hrang hranga chawchhum tur Cook pahnih \heuh lak a ni dawn a, dil duh chuan VEC Secretary hnenah April ni 16 ai tlai lovah dilna thehluh theih a ni. Diltu chuan heng hi ziah lan tur a ni :-
1. Hming. 2. Pa/Pasal hming 3. Contact No.
4. Thawh duhna Sikul hming.

        Sd/- Duhthusama,
Secretary. Village Education Committee, Hlimen

Bi-centenary sport
    Hlimen Bi-Centenary lawm nan Volleyball (Men’s & Women’s), Chess leh Draft Board Competition buatsaih tum a ni a, a tel duh te chuan April ni 17, 2013(nilaini) ralhmain Pu R. Lal\anpuia hnenah hming pek theih a ni. Hetiangin:
    Volleyball : (Mipa leh hmeichhia)- Team khatah 8 aia tlam lo. Hlimen mi leh sa diktak an ni tur a ni. Entry Fee ` 100/- per team. Hlimen Volleyball player pangai chu team khatah 3 bak tel awih ani lo. Section YMA wise a tihtur a ni lova, team hi insiam chawp mai tur a ni. Lawmman 1-na a\anga 3-na \ha tawk siam a ni ang.
    Chhess &  Draft Board : A duh apiang tan ani anga, mipakhat tan entry fee ` 20/- zel a ni ang. Tin, Lawmman 1-na a\anga 3-na \ha tawk siam a ni bawk ang.
    |an hun : Volleyball - April ni 24, 2013. 2:00pm a\angin Mualzawlah
    Chess & Draft : April ni 22, 2103 7:00pm a\angin YMA hall-ah.
    Tie Draw : April ni 20. 2013 zanah YMA Hall-ah neih a ni ang.

YMA dawr luah  duh tan
    YMA Dawr hi a luah duh tan April ni 15, 2013 (Thawh\anni) thleng ziakin Branch Secretary hnenah dil theih a ni anga, diltute a\angin luah tur chu Branch O.B ten an thlang leh dawn a ni.

Anganwadi Mother Comtt. thuchhuak
    Vengthlang Anganwadi kawngah phunphiah siam tur me vaw \hin in awm a, naupang tualchaina ber a nih avangin naupangin me an kai a hlauhawm a, tun hnu-ah ti tawh lo tura ngen leh hriattir in ni e.

Inter-VillageFootballTournament
    Inter - Village Football Tournament May thla tirah neih a ni leh dawn a, Hlimen a\anga chhuah ve leh tum a  ni a, Player hote chu kar leh \hawh\anni a\anga Practice neih \an leh tawh tur a ni a, Practice na a kal \ha leh taima te hi khel tur duhsak bik an ni ang.
                Sd/- GS
            Games & Sport, Hlimen.

Lawrkhawm :

Medal hawn leh ta
    April ni 8 - 11, 2013 a North East Games Manipur a neih zawh takah Mizoram aiawh a kal Hlimen mi 3 ten Medal an rawn hawn, hetiangin :-
            Taekwondo :
1. Zoramsanga S/o Zoramhmangaiha (BS)    Bronze Medal
2. Lianthangpuii D/o Lalhmangaiha (KD)  
                    Gold & Bronze Medal
            Weightlifting :
1. Lalchhandami D/o Lalhmingthanga (BS)     Silver Medal

Ralna hun hmang
    Hlimkhawpui Editorial Board ten an thawhpui Lal\hakima a pain a boralsan avangin April ni 7, 2013 (Pathianni) chawhnu khan ralna hun an hmang a, citation frame sa mawi takin an ral a ni.

Zo ber mai
    April ni 12, 2013(Zirtawpni) zana kumpuan ‘Ram leh Hnam humhalh’ hawnna  Programme ropui taka hman zawh takah hemi zana Mizo incheia inthuam mipa zingah Tv. John Lalhunhlua Damvea Sec. chu inchei zo ber atana thlan a ni a, hmeichhiaah Nl. Lalhriatpuii, Saichhuma Sec. chu thlan ani bawk. Tv. John Lalhunhlua hian thangchhuah kawr ha in pawndum a veng a, iptepui akin chemtum a pai bawk. Nl. Lalhriatpuii hian Siapsuap inbel (a suit) in, paikawng a phur a, tuium a phur tel bawk. Anni pahnih hi kelawng/ke hlap ngatin an kal a ni.

Step rem mek
    Tunlai hian thlanmual I a Pu Lalchungnunga( Pu Chunga) inbul PHE Public Point a\anga a thlang \helret kung lian thleng turin Step rem mek a ni a, heng lungrem te hi khawtlang hmasawnna leh cheina a nih avangin hnathawk tute leh mipui ten i hlut thiamin i dim thiam ang u.

fimkhur atha
    Tunlaiin vengchhunga motor chak tak tak a tlan \hin kan awm a, hei hi mipui tan a him lovin intihpalh a hlauhawm a, pawi thui a thlen hma a vengchhungah tal chuanmotor khalhtu te tlan muang tur leh fimkhur turin kan in ngen a; tin, mipui pawhin lirthei laka kan in ven fimkhur a \ha.

Tan i la zel ang u
    Tunlaiin khua a ro hle mai a, kangmei chhuak pawh sawi tur leh hriat tur  a awm reng mai. Kangmei in kan ram leh ro te zankhat thilthu ah a tichhiain kan nunna hlu tak pawh a la thei a ni tih hriain, in lam leh ram lamah i fimkhur zual zel turin chhungtin ten \an i la zel ang u.

In eng a tha em?
    Electric connection nei ten kan hriat tur pawimawh, kan electric connection te hi \henawm te en lai akan eng ve lo a nih chuan Complain Office ah thehluh \hin tur a ni.
    Hetiangin - Ban lama \halo/Ban lawn ngai chi a nih chuan Revenue Section Thakthing Office ah thehluh/hriattir tur a ni. Hei hi Phone No. 03892300399 a ni. Tin, line a\anga  Power supply/ phase kimlo a nih chuan Ph No. 03892327631 ah hriattir tur a ni. Tin, Ban lawn ngai a nih a Private achhawr i neih chuan ban lawn man hi ` 400/- chawi a ngai, a bak chu inbiakrem dan a ni e.  

Hringnun : 

@@ Tlan siakna kawng dik takah awm mah la, i thut miau chuan an tlan pel thovang che.

@@ Thiltih avangin hlimna a thleng fo lo mai thei, nimahsela thiltih tel lo chuan hlimna hi ban phak rual a ni lo.
                -Benjamin Disraeli

Page - 4

Keimahni :

Hlimkhawpui Budget
    Hlimkhawpui 2013 March  thla Budget  pe tla tawh:
1.    Buala Sec.            2. Vawmphunga Sec.
3.    Damvea Sec.        4. Kapdaia Sec.
5.    Lalsavunga Sec.    6. Saichhuma Sec.
   
     Vawmphunga Sec. leh Kapdaia Sec  ten April thla an tlak ta bawk.


Kapdaia Section
    April ni 10, 2013 a section sumtuak nana sangha kan zawrh tlawmngaia min leisaktu zawng zawng te leh hnatlanga thawkchhuak zawng zawng chungah Section hruaitu ten lawmthu an sawi tak meuh meuh a ni.
    Tin, April ni 13, 2013 zingkar a Section chhung thianfaia Member/ YMA chang hnatlang zawng zawng te chungah lawmthu Section Hruaitu ten lawmthu an sawi tak meu bawk a ni.
    Tin, Section chhung(Area) ah tumahin  bawlhhlawh/ Leivung paih tawh lo turin kan in hriattir a; tin, Section Kudam a bungraw hawh chhuaktu ten tun chinah felfai takin dah luh leh \hin tur a ni.

Saichhuma Section
    April ni 12, 2013(Zirtawpni) khan Section \hutthleng siam\hat ngaite siam\ha in nileng hnatlang an nei a, hnatlang a thawkchhuak zawng zawngte chungah Section hruatu ten lawmthu an sawi.

Chhiartute ngaihdan :

@@    Kumpuan hawnna boruak chu a nuamin a hlawkthlak  hle mai, YMA Day pawh ti kha chuan a nghahhlehawm riau. Kan branch hruaitu te hian ngaihtuahna han seng leh se. Hun hlimawm thianghlim tak si hman leh a chakawm. Veng inpumkhat na atan leh Mizo rilru/zia tih harhthar zelna atan ava \ha awm em ka lo ti rilru a, enge in ngaihdan ve le?
- Mr. J.

Advertisement :

BUHBAN (KAWNGLAWNG)
     Mizo Buhban (Kawnglawng), Buhpui pawl loh, engtik lai pawhin lei tur kan nei reng e. Kg 1 ` 50/- chauh a ni e. Min han dawr ve teh.
                In \hian,
        Lianthangpuii, Hlimen Venglai
            Ph. 8974243253
    
        K.C. FACE PACK
    KC Face Pack lei theih ka nei ve ta e. Vun nalh, hmai ngo leh hmel\hat i duh chuan min han dawr ve teh. Quarry veng kan dawrah leh kan In venglai-ah kan kawl reng e.
Lalthannguri(Nutei)
Saichhuma Sec.
Ph: 9862818420 & 9862334684

             April ni 13, 2013 zana YMA kumpuan hawnna a kalkhawmte duh angin kan \hahnem lo hle. Member 1600 chinah chuan khat tlat tura ngaih laiin mawhphurhna hrelo member engemaw zat kan la awm hi inenfiah kan la ngai hle.

 Pu R.Lalngheta, Treasurer CYMA chuan kumpuan hawnna thuchah tha tak a sawi.

Tâu Thla Ni 6, 2013.. Issue No. 14

Page - 1

Tualchhung :

Damlo: Pu R.Lalhmachhuana Vawm-phunga Sec. a mi chu a mitah lungte a awm avangin investigation te tiin a inenkawl mek a ni.

Accident: Pu R. Lallianbuka Damvea Sec. a mi chu Pu Lianfala, Saichhuma Sec. a mi nen Bike-a Ramthar venga an kal tur chu Bazar Bungkawn ah Car nen an ninsu palh a, Pu B<ka hi a ngal ruh a tliaka, Doctor te panpui niin a \ul ang tih zawh a nih hnuah inah in enkawl zui tur a haw tir leh a ni.

Hrileng vangin: Tunlai hian hrileng vangin Vawksa a hnawng angreng hle. He hrileng hi mithiam te Swine fever a ni tih an hmuchhuak a, vanneihthlak takin mihring tan a hlauhawmlo tih Dr. LB. Sailo chuan a sawi.

Nau nei thar: Pu Thangtea leh Pi Hmingthanmawii te nupa, Saichhuma Sec. a mi te chuan an fa pahnihna atan March ni 29, 2013 khan fanu duhawm tak an nei thar.

@@    Pu K. Lalremruata, Leader Kapdaia sec. YMA te nupa chuan an fa pahnihna atan fapa duhawm tak April ni 3. 2013 khan Civil Hospital-ah an nei thar a,  tunah hian naute hi enkawl zui deuh a ngaih avangin Civil Hospital, ICU-ah enkawl mek a ni.

Tuakthar: Lalawmawma S/o Zaliana (L) Damvea Sec. leh C.N Siami Melthum te chuan April 4, 2013 (Ningani) khan Hlimen Damveng Presby. Biakinah damchhunga nupa ni turin ‘tiam tlat e’ an  ti.

E. B ten râl dawn
    Hlimkhawpui Editorial Board ten an thawh pui Pu Lal\hakima chu Pa, Pu R. Deng\huama in a boralsan avangin April ni 7, 2013 (Pathianni) chawhnu tlai lam dar 3:30 hian râlna hun an nei dawn a, râlna thuziak mawi tak  hlan an tum a ni.

Front :

KUMPUAN ‘RAM LEH HNANM HUMHALH’ HAWNG DAWN

    Ram pum huapa YMA- in Kumpuan atana hman tura a tih ‘Ram leh Hnam Humhalh’ tih chu April ni 12, 2013(Zirtawp) zan hian YMA Hall-ah hawnna hun pawimawh tak Branch chuan a buatsaih dawn.
    He kumpuan hi Pu R. Lalngheta Treasurer CYMA in a hawng ang. He hun hmang tur hian YMA member te atam thei ang ber kal tur a beisei kan ni. Tin, Section kal tam ber hnenah lawmman pawisa fai hlan a ni bawk ang. Member kal te hi Mizo thei ang ber a inthuam tura beisei kan ni a, Boruak zangkhai tak leh hlimawm taka hman a nih theih nan Fiamthu a min chawk hlim tur leh zaithiam tak tak zai ngaihthlak tur a awm dawn bawk a ni.
    Tin, he hun hi YMA pual a nih ang taka member ten kan hlut thiam a \ul takzet a ni. Branch Committee leh Section OB mai bakah Section Committee chin ngat phei chu dam lohna emaw rokhawlhna lian tak emaw kan tawk anih loh chuan \hulh thianglo a ni ringawt mai. Chhan leh vang \ha awm silova \hulh a nih chuan mahni nihna pawh hre lo( finna ward a dah tlak chauh i ni mai dawn a ni.), Branch Committee ka nih chhan te Section a hruaitu leh Committee member ka  nih chhan leh thlan ka nih chhan chu YMA thiltihna tihlawhtlingtu tura ruat leh thlan kan ni tih hriat a \ha.
    Tin, kum puan Ram leh Hnam Humhalh tih hi a pawimawhna leh a \ulna hriatthiama ngaih pawimawh na chang hre pha chin tura ngaih i ni a, he hun hi ngaihthah mai thiang lo i ni hrim hrim.  “ Engvangin nge  Ram leh Hnam humhalh a ngaih?”. tih te, Engtinnge kan humhalh ang?  tih te hre turin leh Ram leh hnam te hi humhalh nachang hre lo ila engang takin nge a pawi theih tih te hre turin Committee chin leh Section a mawhphurtu zawng zawng te mai bakah member zawng zawng te chu hemi zan hian kim taka kal turin kan in ngen a ni.
    Kan veng hi YMA member 1600 chuang kan ni a, chung zingah chuan YMA Function pawimawh a tel na chang hre lo khawp a .............. nih chu i tum lo hram ang u.

Page - 2

Editorial :

NIHNA INHRIAT LOH VANG
    Khawtlang \awp chhan te, YMA leh NGO hrang hrang te leh Kohhran ho ang te, a chak lo kan tih a, kan khawtlang te a \awp ti a, kan in sawisel sup sup nachhan leh kan khawtlang leh kohhran leh pawl te a tawpa a chak lohna chhan chu KAN NIHNA HRIAT LOH VANG.
    Khawtlang \awpna chhan chu a chhunga cheng mihringte hian kan nihna kan hriat loh vang a ni ber mai. A chenna a ni a, i ta a ni bawk a, a \awp hle chuan nang pawh i \awp hle tihna a ni mai. A tifai a tithianghlim tu tur chu a nei tu nangmahkha i ni leh tih i in hriatloh vangin khawtlang a \awp a lo ni ta mai a lawm.
    YMA/NGO etc. te pawh kan chaklo tia kan phun sup sup nachhan chu a member leh OB leh committee member ten kan nihna kan hre lo a ni ber mai. I chenna khawtlang chu \awp tak a nih a, YMA a ni emaw NGO dang a ni emaw i awmna pawl te chu a chaklo hle nia i hriat pawhin hruaitu leh midangte chu puh buai harsa duh suh. YMA thiltih tur leh a tih \hin te chu i hriat kha; tin, Committee in tihtur a a tih te, tihloh tur a tih te pawh hinangmah tal kha chuan zawm \ha duh ni ta la, YMA chu a chak hle ang le. Chutiang bawkin NGO dangah pawh a ni tho mai. Member te, OB te leh Committe te hian kan pawl tih tur leh tih loh tur te hi kan zawm \hat duh loh avangin Pawl a chaklova, pawlin a tuar a, khawtlang leh mimal nunin a lo chhiat phah hial thei \hin.
    Khawtlang thianghlim leh felfai tak, YMA leh NGO dang chak tak leh phur  tak neih i duh chuan tun a\ang mai pawh khan  i siam\ha thei nghal asin;  i awmna pawl thiltum kha a hlawhtlin  tir tu lo nih tawh la, harsatna thlen tu leh tichaklo tu te i hmuh leh hriat te chu kawng dik kawhhmuh a hruaitu tur chu midang nilovin khaw\henawm te pawh nilovin, nangmah kha i ni tih hi pawm tlal la; I NIHNA IN HRIA LA..A TAWK HLE.

Ziaktute huang :

2013 YMA KUMPUAN 'RAM LEH HNAM HUMHALH' KAIHHRUAINA
BRANCH TIHTUR
    1. Inchimralna hrang hrang laka kan inven nan leh leilung faten kan chanvo diktak kan chan theih nana hmalak.
    i.) Foreigner, dan lova lo lutte kan rama an tlangnel loh nan khua leh tui dik tak te chauh inluah tir tur a ni a, ramdang mi leh hnamdang mi dan lova sumdawng leh Mizorama awm te mahni branch huamchhunga an awm loh nan khauh leh chak taka hmalak tur a ni.
    ii.)  Electoral roll siam\hatna hrang hrangah ramdang leh hnamdang mi, dan lova Mizoram a chengte thun an nih loh nan leh Danin a phal bak Electoral roll-a thun an nih loh nan te, Dan lova ramdang miawm te dap chhuah kawngah huaisen leh tihtakzet a hmalak tur a ni.
    iii.) Khua leh tui diktak te chhinchhiahna lehkhabu branch tinin vawn \heuh tur ani a,  a kawm pawl (Blue Cover) ah khua leh tui dik tak te ziak lutin, a kawm sen(Red Cover) ah rinhlelh leh khua leh tui diktak ni lo te chhinchhiah fel vek tur a ni a, danin a phal anga pem lut leh pem chhuak te fel taka chhinchhiahin englai pawhin siam\hat(Update) tur a ni.
    iv.) CYMA a\anga pem lehkha kan neih hi khua leh tui diktak te hnenah chauh pek tur a ni a, an pem chhan pawh chiang taka ziah \hin tur a ni.  Pem lut leh chhuak chhinchhiahna Register fel tak avawn bawk tur a ni.
    v.) Hnamdang, a bikin vai lo lutte hi Inner Line Pass(ILP) nei ngei an nih a, an ILP pawh a nihna ang taka hman anih theih nan hmalak tur a ni a, hnamdang Sponsor tuin ILP Guide lines a zawm theih nan hmalak nise,  mahni branch huamchhung a ILP hmanga lo lutte chhinchhiah a, Update reng nise.
    vi.) Lehkha pawimawh  YMA hming a siamah fimkhur taka pek chhuah a nih theih nan hriat chian hmasak phawt \hin nise, kan hriat chian loh chu lehkha ziah sak loh nise. Kumpuan hmalakna ti\huanawm thei tur leh branch YMA dangte hmalakna ti phur lo thei zawng in mi thlavang hauhna leh insawipuina lehkha in siamsak loh nise.
    vii.) Mizoram chhunga in leh lo, ram te hia ram mite hnenah chauh hralh chhawn a nih theih nan khauh taka hmalak nise.
    viii.) Birth Certificate diklo leh lem a awm loh nan hmalak nise.
    ix.) Hnam tlem te, chimral mai thei kan nih avangin mahni chawm zawh ngei chinah chuan awmze neia pun zel dan inzirtir nise.
    x.) Chibing inla hrang zawnga thiltih hian ram leh hnam inpumkhatna a tihchhiat theih avang leh in\hendarhna a thlen theih avangin chibing in la hrang zawnga hmalak loh nise.
    xi.) Hnamdang nupui pasal a neih hi hnam ralna anih avangin a \hat loh zia uar taka in zirtir tur a ni.
    xii.) Hnamdang dan lova sumdawng an awm loh nana hmalak nise, sumdawnna leh eizawnna hrang hrangah  hnam dang mite thurualpui  loh tur a ni a, mahni Mizo pui sumdawng te dawr hram hram \hin tur a ni.
    xiii.) Sawrkar phalna nei lo, a remchanna hmun a pianga khua/ bâwk din a awm loh nana hmalak nise.
    xiv.) Khaw lian/ tam nih duh vang leh Kohhran member tam nih duh vanga dan lova lo lut thleng thlenga lo dawnsawn/pawm te hian harsatna a thlen \hin avangin bansan tura in zirtir nise.

Page - 3

Hriattirna :

Chhiatni Fund chungchang
    Chhiatni fund khawn thawhkhatna chu  March thla khan zawh fel a ni ta a, la pe remchang thei lo te tan April thla hunchhung hawn leh a ni a,  Section hruaitute hnenah pek theih a ni,  hemi huna pe lo chu sawi tawh angin Chhiatni Fund in a huam chin anga chet ngaihnaah an tel duh lo anga ngaih an ni ang.

Kumpuan hawn Programme
Kumpuan thupui - “Ram leh hnam humhalh”
A hun    :    April 12, 2013                     (Zirtawpni) 7:00 pm
A hmun    :    YMA Hall
Hruaitu    :    Pu Lalhmuchhuaka,                 Branch President
Hunserh    :    Pu Lalrinchhana,
        Br. Comtt. Member
Kumpuan hawn
leh thusawi     :    Pu R.Lalngheta,
        Treasurer, CYMA
Solo    :    1) Guest Artist
        2) Nl.Gospel Lalruatengi
        3) Nl.Lalruatdiki
Fiamthu    :    Maste-a, Durtlang

Sa ser thu a sorkar thuchhuah
    Pu Ro\huama, Sub- Divisional Magistrate Aizawl sadar sub- Division, Aizawl chuan Section 144(4) of GPC (Act11 of 1973) in thuneihna a pek angin hetiang hian thupek a chhuah:
    1. Sa zuar/ Sa sêr tur leh vawk vulh tur ten vawk damlo sa an s>r tur ani lo.
    2. Vawk talh a zuar/ ser tur apiangin Local Council/ Village Council leh Vety Doctor te hriatpuina an nei vek tur a ni a, a hrisel ngei a ni tih Certificate an nei ngei tur a ni.
    3. Vawk vulhtu ten vawk damlo/ thi an neih in a ranglam thei ang berin Local Council/ Village Council te hriatpuina in an phum tur a ni.
    4. A chunga dan zawm lo te chu dan anga hrem an ni ang.

Local Council thuchhuah
    Ran hrisel leh \ha mipui ten kan ei ngei theihna tura sawrkarin thupek a chhuah angin  Hlimen khaw chhunga vawk sa zuar/ ser tur a piangin Local Council te hriatpuina leh Vety Doctor te hriatpuina lehkha an nei ngei tur a ni a, he lehkha hi an sa zawrhna bulah an tar ngei tur a ni. Lehkha neilo te chuan Hlimen khaw chhungah sa an zuar thei lovang.
    Tin, tunlaiin ran/vawk natna hri a leng a, vawk tamtakin an thih phah tawh a, mipui ten ran hrisel ngei kan ei theih nan sorkar thuchhuah zawm ngei turin sa ser tute kan inhriattir in mipui lam pawhin hetiang lehkha / Certificate nei lo sa lei lo/ ei lo turin kan in hriattir bawk e.
Sd/- Chairman, Local council. Hlimen

Lawrkhawm :

Bike rutu manchhuak
    April ni 2, 2013 (Thawhlehni) zana Pu Chhuanawma, Kapdaia Sec. a mite kawt zawla dah, Zonunmawia (Mawitea) S/o Lalhmangaiha, Kapdaia Sec a mi Bike chu rukbo a ni a. He thu hi Hlimen JAC chuan a hriat veleh chhuizui hna thawh nghal a ni a, April ni 5, 2013 (Zirtawpni) khan a rutu hi Ramhlun ‘S’ ah an va manchhuak a, hemi ni vek hian Police kutah pek nghal a ni.
    He Bike rutu hi Lal\anpuia kum 18 S/o Laldawngliana Ratu khua a ni a, Ramhlun ‘S’ ah a pamite hnena khawsa \hin  niin Mickey Zoremruatpuia, Damvea Sec a mi Handleman thawk lai a ni. Bike rutu Lal\anpuia hian Bike hi Rangvamual lamah tlanpuiin a accident pui a, Bike pawh a chhe hle a ni. Tin, a lo haw chhoh lam hian Rangvamual kawngsir ami bike a rawn ru chho leh a, chu pawh chu Mel 5 kawngpui thlangah a nam liam lehnghal bawk.
    Misual kut man pawh nilo Hlimen JAC ten an manchhuah mai theih dan hi a ril raih mai, sawichhuah thiam  mai chi pawh a ni lo. JAC ah hnuchhui thiam leh CID hna thiam turu lutuk mai an lo awm hi khawtlang mipui tan a va thlamuanpuiawm em!! An tha tichak turin mipui lam te pawhin kan theih ang tawkin i phungbawm zel ang u.

JAC chunga lawmthu sawina
    April ni 2, 2013( Thawhlehni) zana Pu Chhuanawma kawt zawl a ka Bike dahh chu misualin min rukbo sakdaih mai a, tihngaihna hre lova mangang taka ka awm laiin JAC Hlimen ten tlawmngaih chhuah a sum leh tha tamtak senga min buaipui sak chungchangah leh a ru tu leh Bike min hmuhchhuah sak chungchangah lawmthu ka sawi mawlh mawlh a ni.
    Keimah avang a in tha leh sum sen te, in mi khawngaihna ka dawn zawng zawng te hi keini chhungkua  chuan kan rul seng dawn lo che u a, Pathian in a let tamtaka mal a sawm nan che u a \awng\aipui hi ka theih tawk a ni si. JAC chungah ka lawm em em  a ni.
        In khawngaihna dawngtu,
        Zonunmawia(Mawitea)
        Kapdaia Section.

Bi-centenary sport
    Hlimen Bi-Centenary lawm nan Volleyball (Men’s & Women’s), Chess leh Draft Board Competition buatsaih tum a ni a, a tel duh te chuan April ni 17, 2013(nilaini) ralhmain Pu R. Lal\anpuia hnenah hming pek theih a ni. Hetiangin:
    Volleyball : (Mipa leh hmeichhia)- Team khatah 8 aia tlam lo. Hlimen mi leh sa diktak an ni tur a ni. Entry Fee ` 100/- per team. Hlimen Volleyball player pangai chu team khatah 3 bak tel awih ani lo. Section YMA wise a tihtur a ni lova, team hi insiam chawp mai tur a ni. Lawmman 1-na a\anga 3-na \ha tawk siam a ni ang.
    Chhess &  Draft Board : A duh apiang tan ani anga, mipakhat tan entry fee ` 20/- zel a ni ang. Tin, Lawmman 1-na a\anga 3-na \ha tawk siam a ni bawk ang.
    |an hun : Volleyball - April ni 24, 2013. 2:00pm a\angin Mualzawlah
    Chess & Draft : April ni 22, 2103 7:00pm a\angin YMA hall-ah.
    Tie Draw : April ni 20. 2013 zanah YMA Hall-ah neih a ni ang.

Page - 4

Keimahni :

Hlimkhawpui Budget
    Hlimkhawpui 2013 March  thla Budget  pe tla tawh:
1.    Buala Sec.    2. Vawmphunga Sec.
3.    Damvea Sec.    4. Kapdaia Sec.
5.    Lalsavunga Sec.    6. Saichhuma Sec.
   
     Vawmphunga Sec. ten April thla an tlak ta bawk.


Branch in bill dawng
    Branch YMA chuan Advertisement RTI leh Sports Deptt. a\angin Bill ` 14,500/- March ni 4, 2013 khan a dawng. He sum min petu Deptt. leh Advertisement min hmuhsaktu Pu Marema, Branch Commtt Member chungah Branch YMA chuan thinlung takin lawmthu a sawi a ni.

buala section
    Kumpuan ‘Ram leh hnam humhalh’ hawnna programme April ni 12, 2013(Zirtawp) zan dar 7:00 a YMA Hall-a neih tur ah Section chhunga YMA member tinte kal vek turin hruaituten an ngen a. Section Executive Committee member chinte phei chu kal ngei tur beisei tlat kan ni.
    Tin, Section Property zinga pakhat, Tea Urn chu hawh theih a ni a, Pakhat hawh man hi nikhat zel atan ` 50/- a ni. Hei hian Section chhung bik leh Chhiatni a huam lo.
    |helretkawna insakna hmanrua, lung etc. te kan dah \hin a, a dahtu ten aranglama senghawi nghal  zel turin leh fai taka thian nghal \hin turin in bungraw dahtu te kan in ngeni kan in hriattir e.

Damvea Section
    April ni 5, 2013(Zirtawpni) zan khan Damvea Section YMA te chu Section chhunga bawlhhlawh bawm khai tur siamin Committee member ten hnatlang an nei. Bawlhhlawh bawm hi Plastic Net hmangin an siam a ni. Hnatlanga thawkchhuak  zawng zawng te chungah hruaitu ten lawmthu an sawi takzet a ni.

Suangpuilawn lamah
    HPC(D) ten a YMA Branch an \hiah tawhte dinthar leh turin Suangpuilawn ah Pu R. Lalngheta Treasure CYMA leh Pu Vanlaltluanga CEC te chu April ni 6, 2013(Inrinni) hian an kal a, hemi Area chhunga Branch-te hi Suangpuilawn-ah an kokhawm dawn a ni.

Chhiartute ngaihdan :

@@    Bawlhhlawh paihna hmun hrang hrangah bawlhhlawh paih khap a ni tawh hlawmin ka lo hria a, bawlhhlawh paih Motor pawh kar khatah vawi hnih a tlan bawk a, he tih mek lai hian mi tana rimchhia leh hnawksak tur a mi inbula bawlhhlawh kan paih \hin hi chu in enfiah a va \ha em !!!
    A paihtute inbulah an tana rimchhia leh hnawksak tur hian paih \hin ni ve tase, engtin tak ngai ang maw?????
- Bartowski.

@@    Khawtlang thianghlim nan Rankhuahkhirh tur tih kha a ni si a, kha dan kha hlih a ni leh tawh em ni? Venglai, venglun laiah ui vak hmuh tur a va tam leh ta em.... Tin, veng kilkhawr lamah pawh Ar an chhuah zalen hle a, \henawm khawveng tan a ninawm khawp mai. Pu Editor, engtin nge ka tih dawn? Ui hi Sa them ka pe anga, ar hi mut theihna chaw ka pe mai dawn em ni?
- Ranchhuak ning em em a.
    ( Dan bawhchhiat chu tawrhna a ni a, Ui leh ar thlahthlam ho te pawh hian an tawrh hun a thlen hmain a neitu te lo hrilh nawn leh phawt ta che. - Editor)

Chawhchawrawi :

YMA dawr luah  duh tan
    YMA Dawr hi a luah duh tan April ni 15, 2013 (Thawh\anni) thleng ziakin Branch Secretary hnenah dil theih a ni anga, diltute a\angin luah tur chu Branch O.B ten an thlang leh dawn a ni.

Chhiatni thilkhawn chungchang
    Mitthi an awm a, chhungtin hnena ` 10 kan khawn tlingkhawm a\ang hian Gas bur khat man hi tum a ni anga, abak la bang zawng hi YMA zan thumna a ralna hlan pahin mitthi chhungte hnenah hlan tel \hin tawh tur a ni. Tlaivar zana ei leh in man hi Chhiatni Fund a\anga tum tawh tur a ni a, hei hi mitthi awm leh hmasak ber a\anga hman \an tur a ni.Tin, Chhiatni Fund hi kumtin khawn tawh tura tih a ni.