Vâu Thla ni 30, 2013...Issue No. 13

Page - 1

Tualchhung :

Damlo: Pu Vanlalhmuaka s/o Ram-fangzauva Buala sec. a mi chu pumna avangin Kulikawn Hospital engemaw chen enkawl anih hnuin dam takin a lo chhuak leh ta.
 

@@    Pu N. Zokunga Vawmphunga Sec. chu March ni 18, 2013 a Shillong lama  in Check-up a kal chu damtakin an rawn haw chho mek niin thu kan dawng.

Nâu nei thar: Pu Hmingthansanga(Mapuia) S/o Hrangkhuma te nupa Buala Sec. a mite chuan March ni 28, 2013 (Ningani) khan Civil Hospital-ah an fa pakhatna atan fanu duhawm tak an nei thar.

Step siam dawn: Thlanmual I kawng Pu Chunga Inbul PHE Public Point a\anga chhuk thlakna kawng chu |helret kung lian bul thleng a step rem a ni dawn.

Tui-Pump chhia siam: Local Council hmalakna in March ni 28, 2013 (Ningani) khan Damveng Tui-pump pahnih - Pu F.Lalrawna In bul leh Pu H.Liansanga In bul a mite chu Deptt. lam mi ten an rawn siam\ha leh ta. A lawmawm hle a ni.

Chhiatni Fund khawn mek: Chhiatni Fund tun thlachhunga khawn zawh vek tura tih chu Section \henkhat ten in la rawn pelut kim lova, tunthla ral hma ngei a rawn thehlut turin ngen in ni a. Tin, mipui lamte pawhin khawntute an lo kal huna lo pe thei ngei tura inbuatsaih turin kan inngen a ni.
    Chhiatni Fund pelote chu Chhiatni Fund Member an nih ve theih loh avangin Chhiatni Fund a\anga kan inpuihna \hin ah hian an tel ve thei lo a ni tih hriat \ha aw e. Chuvangin, Chhiatni Fund hi kim taka pe \heuh turin mipuite kan inngen a ni e.

Front :

HLIMEN BRANCH Y.M.A COMMITTEE VAWI 3-NA THUREL TLANGPUI

    March ni 26, 2013 (Thawhkehni) zan khan Hlimen Branch YMA Exe. Committee chu YMA Hall-ah neih a ni a. Hemi huna thurel mipui hriat atana pawimawh zual deuh te chu a hnuai a tarlan hi a ni e :-

    1. Dawr luah chung chang : YMA Dawr hi a luah duh tan Apriul ni 15, 2013 (Thawh\anni) thleng ziakin Branch Secretary hnenah dil theih a ni anga, diltute a\angin luah tur chu Branch O.B ten an thlang leh dawn a ni.

    2. Kumpuan hawn chung chang : Kumpuan “Ram leh Hnam hunhalh” tih chu a hawnna hun April ni 12, 2013 (Zirtawpni) zan hian neih tur a ni a. Hawngtu atan Pu R.Lalngheta Treasurer, CYMA a ni ang.  Hemi zan hian Member kalte Mizo thei ang bera inthuam tur a ni. Programme kimchang chu O.B. te kutah dah a ni.
    Tin, kuminah hian vengchhunga zirna In hrang hranga zirlai naupangtei YMA Hall-ah kohkhawm a, kumpuan chung changah hian zirtirna pek tum a ni bawk.

    3. Thisen pek hun chung chang : Branch Day puala thisen pek hun atana lo ruahman tawh April ni 27, 2013 (Inrinni) chu Hlimen Presbyterian Pastor Bial khawmpui lai a nih avangin hun remchangah sawn nise tih a ni a. Hma lo la turin Pu Lalthantluanga Treasurer ruat a ni.

    4. YMA Day chung chang : Kumin YMA Day chu chhun lamah infiamna neih a, zan lamah Programme siam tel tur a ni a, zan lam Programme ah hian Section hrang hrangte zaipawl intihsiakna neih tur a ni. Chhun lamah thingpui ruai tuihnai tak buatsaih a ni anga, heta tel tur zat hi hriat a nih theih nan Member pakhatah ` 10/- zel khawn tur a ni a, hei hi Sec. hruaitu ten mahni Sec. ah \heuh khawn tur a ni. Programme leh \ul dang chu Committee leh a rel tur a ni. Infiamna Item turte :-
1. Volleyball (Mipa & Hmeichhia)
2. Insuknawr (mipa)
3. Arm Wrestling (mipa)
4. Lungden (mipa)
5. Inkawibah (hmeichhia)
6. Sanghar ngul lawn (naupang pual)

5. Mitthi awma thil khawn : Mitthi an awm a, chhungtin hnena ` 10 kan khawn tlingkhawm a\ang hian Gas bur khat man hi tum a ni anga, abak la bang zawng hi YMA zan thumna a ralna hlan pahin mitthi chhungte hnenah hlan tel \hin tawh tur a ni. Tlaivar zana ei leh in man hi Chhiatni Fund a\anga tum tawh tur a ni a, hei hi mitthi awm leh hmasak ber a\anga hman \an tur a ni.Tin, Chhiatni Fund hi kumtin khawn tawh tura tih a ni.
 

6. Kuang chung chang : Thingphek hmanga kuang siam \hin hi Matply chhah chi a siam tawh nise tih chu a senso zat turte zirchiang phawt nise tih a ni.

Page - 2

Editorial :

MAHNI INSIAMCHAWP HMELMA
    Mitin hian huat zawng leh ngeihzawng kan nei fo \hin, chu chu khawi atanga lo chhuak nge? I ngaihtuah ngai em? a tam ber hi chu mahni insiamchawp hmelma zuk ni tlat a..
    |henawm khawveng ten min ngeih loh nachhan te hi mahni insiamchawp a ni fo mai nia. Mi chanchin emaw, an thiltih emaw a \ha lo zawng hlir a phuah chawp a sawi \hin mi ka nih chuan ka sawina ten an hrilh hun hun chu hmelma ka nih hun chu a ni mai. Chutiang  a lo nih chuan ka hmelma chu kan \awng tam lutuk leh dawt sawi tamin a rahchhuah a lo ni reng mai. Mahni insiamchawp hmelma tih chu hnial thei ka lo ni lo.
    Tin, \awngka ni kherlo pawhin hmelma hi a lo insiamchawp theih tho mai. Tunlai kan khawtlangin malsawmna a dawngin sum leh pai pawh a luanglut zel a, In \ha pui pui pawh a lo ding ta khup mai, a va ropui em!! Engemaw zatin In an sa \an mek bawk. Hengah te hian vantlang leh \henawm khawveng te ram emaw nek leh hnawhchep zawnga In kan din a nih chuan \awng miah lovin, thil tihin vantlang leh \henawm khawvengte chu hmelma ah kan siamchawp a lo ni reng mai a ni. Mahni insiamchawp hmelma tih chu a dik a ni lawm ni?
    Tin, vantlang hmelma a insiamna dang leh chu khawtlang/vantlangin a duh loh leh a remtih loh zawng a ni tih hrereng chung si a pawisakna nei hauh lova khawtlang duh loh leh remtih loh zawnga che lui tlat \hin ka nih chuan khawtlang/vantlang chu hmelma ah ka siam chawp tihna a lo ni reng mai.
    MAHNI INSIAMCHAWP HMELMA han tih ngawt chu dik theiin i hre lo a ni mai thei. Hmelma- i ngei leh i huat zawngte kha han chhut  vang vang teh, nangma zir loh vang atam ve hle lo maw?
    Mihring hmelma chu mihring a ni a, mahni hmelma pawh mahni bawk a nih thu an sawi kan hriat fo \hin kha.

Chawhchawrawi :

VANBUANGI GAS AGENCY THUCHHUAK
    Sawrkar laipui ( Ministry of Petroleum & Natural Gas) thuchuak angin chhungkhatin Gas Connection pakhat chauh neih tur a ni a. Pakhat aia tam nei chu dan anga hrem theih a ni a, Connection pakhat aia tam nei chuan surrender tur a ni. Chhungkhatin kumkhat (01.04.13- 31. 03. 14) chhungin cylinder 9 subsidised rate a lak theih a ni anga, 9 bak chu non-subsidised rate a lak tur a ni ang. Chhungtinte Gas lak dan hi chhinchhiah vek a ngai a.
    Tichuan, tun sorkar kum thar April tha a\ang hian refill booking pawh tih\an tur a ni dawn a, gas consumer te chu refill book tura Vanbuangi Gas Agency Showroom a inreport \hin tur a ni a, vawi khat in report hnuah  gas lak zawh apiangin in report leh zel a ngai dawn a ni.
    In report tur chuan Consumer Card leh vengchhung Card ken a ngai a. Refill booking hi ngaipawimawh tur a ni, refill booking tilo te chuan gas sem hunah an la ve thei dawn lo a ni.
    Manager
    Vanbuangi Gas Agency

    (Refill  Booking ti tur hian Agent a va kal kher ngai lova mipuite awlsam zawk nan Local Council te chuan  vengchhunga in report theih tura ruahmanna an siam hi a lawmawm hle a ni. Mipui tan a awlsam phahin a lawmawm hle.)

Advertisement :

ZABANGA HIGHER SECONDARY SCHOOL
AIZAWL VENGLAI
ADMISSION OPEN
    2013-2014 session atan CL- IX, X, XI & XII (Arts) admission kan hawng leh mek e. Zirlai chak lo zawk te pawh hlawhtling taka an lo zir chhuah \hinna a ni a. Fee chawi belh ngai lovin zirlai te computer class neihpui \hin an ni ang. Hostel changtlung tak a awm ngahl bawk e.
 (2-2)    Contact: 9862386905/ 9774392155

K.C. FACE PACK
    KC Face Pack lei theih ka nei ve ta e. Vun nalh, hmai ngo leh hmel\hat i duh chuan min han dawr ve teh. Quarry veng kan dawrah leh kan In venglai-ah kan kawl reng e.
Lalthannguri(Nutei)
Saichhuma Sec.
Ph: 9862818420 & 9862334684

ADVERTISEMENT
    Hmai ngona, nona leh hmai duk rehna, side effect awm bawk si lo, Thailand product “ KIM, Whitening Pearl an Snow Lotus Cream” leh a sahbawn hi a \hatzia hre turin han hmang ve chhin teh. Wholesale leh Retail-in tlawm takin kan lo pe dawn che nia...
Pi Nuzawni Damveng. Ph :9862304975
    Pu Zohmangaiha Dawr,Venglai         (2-2)    Ph:9862765624

ELECTRIC BUNGRUA
    Electric bungraw chikim hmun dang pan buai ngai lovin Ngaizel Maxi Cab. Stand ah lei theihin a awm ta e. Wholesale leh Retail in kan pe thei reng bawk  e.
    Prop.  Zodingi
    Joel Electricals, Ngaizel, Kulikawn,
    Sateek, Aibawk, Phulpui Maxi Cab Stand
(4-3)    Ph. 9862559435

ADMISSION NOTICE
    Calvin Hr. Sec. School (Aizawl Public School ti a hriat \hin) Kulikawn, Aizawlah admission tih mek a ni. School hmun nuam leh zirna atan duhthusam a ni.        Classes IX - XII (Arts)
Hostel nuam tak a awm nghal, Hostel awm nghal tur tan Hostel Admission free.
(2-2)    Ph. 8731876946, 8730864690

Page - 3

Hriattirna :

Information mike hman chungchang
    CYMA a\anga lehkha hmuh a\ang leh Branch YMA in thuchhuah a siam angin Aurinna hmanga mipui te tana hriat tur puan darh chungchangah hetiang hi ruahmanna a siam \henkhat te chu an ni:
    1. Section thil bik reng reng Information mike hmanga puan tawh loh nise. Portable mike hmanga puan erawh a huam lo.
    2. Mi mal thil bik, thil bo, mimal sumdawnna etc. lam hawi reng reng puan loh nise.
    3. Kohhran inkhawm lai chuan au loh nise.
    4. Kohhran inkhawm a puan hmanloh  thil \ul bik tih loh chu Kohhran thil puan loh nise.
    5. Mitthi an awm in an thihchhan ang natna vei mek te tan hrehawmna a thlen theih avangin an thihchhan puan loh nise.
    Tin, a \ul angin adang te pawh tarlan \hin a ni ang.

Urban Health Centre
    Urban Health Centre, Hlimen a\anga  kan thu dawnna in a sawi danin kumin April thla a\angin Zun Test leh  HB Test-ah mi pakhat   tan ` 10/- zel chawi a ngai tawh dawn a ni. Blood MP Test (malaria Test) erawhchu a free in a tih theih a, Blood Sugar test ah ` 50 chawi a ngai bawk ang.
    Tin, mi tam takin damlo kan hun kan ngaipawimawh lo hle a. Tun chinah chuan damlo kan hun hi ngaipawimawh tawh turin an ngen.

PEMS Hriattirna
    1. Admission April ni 8, 2013 thleng hawn a ni ang.
    2. School April 2, 2013 a luh vek tur. Lehkhabu la la lo ten Bag keng a lak nghal vek tur a  ni e. Uniform  la nei kim lo pawh Uniform ha lo pawh a kal vek tur a ni e.

Bi-centenary sport
    Hlimen Bi-Centenary lawm nan Volleyball (Men’s & Women’s), Chess leh Draft Board Competition buatsaih tum a ni a, a tel duh te chuan April ni 17, 2013(nilaini) ralhmain Pu R. Lal\anpuia hnenah hming pek theih a ni. Hetiangin:
    Volleyball : (Mipa leh hmeichhia)- Team khatah 8 aia tlam lo. Hlimen mi leh sa diktak an ni tur a ni. Entry Fee ` 100/- per team. Hlimen Volleyball player pangai chu team khatah 3 bak tel awih ani lo. Section YMA wise a tihtur a ni lova, team hi insiam chawp mai tur a ni. Lawmman 1-na a\anga 3-na \ha tawk siam a ni ang.
    Chhess &  Draft Board : A duh apiang tan ani anga, mipakhat tan entry fee ` 20/- zel a ni ang. Tin, Lawmman 1-na a\anga 3-na \ha tawk siam a ni bawk ang.
    |an hun : Volleyball - April ni 24, 2013. 2:00pm a\angin Mualzawlah
    Chess & Draft : April ni 22, 2103 7:00pm a\angin YMA hall-ah.
    Tie Draw : April ni 20. 2013 zanah YMA Hall-ah neih a ni ang.

Lawrkhawm :

U-14 ah champion
    Chawngthu Sports Football Tournament U-14 Venghlui Field College Venga khelh zawh takah Hlimen U-14 Football Team te chu an Champion.
    March ni 28, 2013 (Ningani) chawhnu dar 1:00 khan LVF Team (Edenthar Br. YMA) nen Final an khel a 5-1 in Hlimen U-14 Football Team te chu chakin Champion nomawi an dawng ta a ni. He Tournament ah hian Team 42 an tel a ni. Hlimen U-14 Team a mi Lallawmawma S/o Ramsangi, Buala Sec. chu Top Scorer niin  ` 500 a dawng.Team Manager hi Pu R. Lal\anpuia a ni.
    Champion Team hian nomawi bakah ` 8,000/- an dawng a, heng naupang te te, Hlimen tihmingmawitu te leh heng thleng thei tura hruaitute hi an va chhuanawm em.

Champion
    Nl. Lalhlunchhungi D/o Vanlalsanga, Vawmphunga Sec. leh Tv. Zarzokima S/o Lalthianghlima, Buala Sec. te chu MBA Official Ranking Tournament March ni 19 - 23, 2013 chhunga khelh zawh takah Single ah leh Double ah an Champion ve ve a. Heng hlawhtlinna ropui tak rawn hawntute hi an fakawmin an chhuanawm hle a ni.

Medal hawn
    2nd D3 Open Teakwondo Championship Armed Veng a March ni 27 &28, 2013 a neih zawh takah Chalkunga Memorial Teakwondo Club, Hlimen te chu tel ve in Medal pakua (9) lai an rawn hawn a ni. Hetiangin :-
1.    Zoramsanga S/o Zoramhmangaiha(BS)    Gold Medal
2.    Lalremruati D/o Lalhmingmawia(KD)    Gold Medal
3.    Lalfakzuala S/o Lalhmingmawia    Gold Medal
4.    Lalruatkima S/o Lalbiakvela(BS)    Silver Medal
5.    Lalthanfala S/o  Hmingthanzama(SCH)    Silver Medal
6.    Lallawmsanga S/o Vanlalliana(SCH)    Bronze Medal
7.    Zonunsangi D/o Lalhmingmawia(KD)    Bronze Medal
8.    Lalthanpuii D/o Vanlalliana(SCH)    Bronze Medal
9.    Ramdinthari D/o Lalthanpuia(BS)    Bronze Medal

J.A.C. in hma la zel
    Joint Action Committee Hlimen chuan khawtlang thianghlimna turin hma a la chho reng a. An hmalakna ah hian Ruihhlo zuar leh rukru mai nilovin ruih vanga bengchheng siam leh \henawm khawvengte tana harsatna siam zawnga khawsa \hinte chungah pawh a \ul dan anga Action lak zel an tum. YMA Section hrang hrang ten mahni Sec. huamchhunga harsatna siamtute chu JAC ah hian report zel turin an ngen.

TAXI rate thar
    Hlimen a\anga Melthum rate ` 60 a ni a, Saikhamakawn ` 70 a ni ang. Tin, First a chuan (Contributed) in Hlimen - Melthum ` 15/-, Hlimen  - Saikhamakawn ` 20/- a ni tawh bawk ang.
    Kulikawn a\anga First a chuan (Contributed) in Melthum kawn chin, Hlimen lam zawng ` 20/- chawi tur a ni bawk ang. He rate thar hi April ni 1 a\anga hman \an tur a ni.

Page - 4

Keimahni :

Hlimkhawpui Budget
    Hlimkhawpui 2013 March  thla Budget  pe tla tawh:
1.    Buala Sec.    2. Vawmphunga Sec.
3.    Damvea Sec.    4. Kapdaia Sec.
5.    Lalsavunga Sec.
   Vawmphunga Sec. ten April thla an tlak ta bawk.

Damvea Section
    March ni 27, 2013 (Nilaini) khan Damvea Sec. te chuan Pu Lalchhuana te In bula bawngek thiarin hnatlang an nei a, Member 20 vel an thawkchhuak. Inhlawhna siamsaktu Pu F.Zosangzuala chungah leh hnatlanga thawkchhuak zawng zawngte chungah Sec. hruaitu ten lawmthu an sawi.

Chhiartute ngaihdan :

@@    Kan khawtlang a lo thianghlim theih nan khawtlang hruaitu ten hma an han la \hin a; amaherawhchu rem lam aiin zual lam a pan zel niin ka hria. Mi vengte tih ang hian report zel tur leh a report tu in pawisa hlawhin, mansak ten chawi zel se. Entirnan maksak ten ` 1000/- chawi sela, a report tu in hlawh nghal sela, an hming thup sak nise. Bawk khat leh Litre 10 hremna in ang sela tiin rawt na ka’n siam ve a ni e. Tichuan, kan khawtlang hi a lo theih ka ring. enge in ngaih ve dan.
- Zu ninga.

Local Council thuchhuak :    

   

 1.Bawngchaw phurh chung-chang: Hlimen ramchhunga huan neitute phalna lovin bawngchaw phurh a hluar leh ta hle mai a; hemi chungchangah hian Local Council-in kum hmasa lama dan a lo siam ang leh bawng vulhtute Hlimen chhung leh pawnah (Khaw \henawmah) hriattirna a pek tawh angin, tunah hian hriattirna a pe chhuak leh tawh a, huan neitute phalna lova bawngchaw la kan hmuh leh hriat te chu Local Council-ah hriatitir \hin turin ngen kan ni.
   
    2. Bawlhhlawh paih : Bawlhhlawh paihna atana mipui lamin kan tum ve tur March leh April thla lakkhawm a lo hun leh ta a. karleh a\ang a khawn leh tur a ni a, mipuite lo inring turin kan in hriattir e. Karkhatah vawihnih paih a ni a, hetah hian 407 leh Pick-up te hire in hlawhfa 2 lak a ni bawk a, kartin ` 1550/- sawrkar tum (` 3200/-) bak kan tum ve a ngaih avangin chhungtinin i ngai pawimawh ang u. Public Contribution tello chuan bawlhhlawh paih hi kalpui theih a nih loh avangin hetiang hian Local Council Meeting vawi 20-na chuan Public Contribution lak dan a siam \ha leh a ni.
    1. Bawlhhlawh paih \hin te tan ` 30/-
    2. Dawrkai (dawr a zirin ) ` 40/-  / `30/-.
    3. Bawlhhlawh paih ve lo te pawhin ` 10/-
    4. Bawlhhlawh paihna(Public Contribution) man pe ve duhlo chu Local Council recommend na leh Certificate pek chhuah loh.
    3. In Report tur : Lo neih a eizawng chhungkua te Local Council Office-ah chhungkaw hming, Pa hming, Veng leh Lo neih zau zawng in report tur.
    Sd/- Member Secretary.
    Hlimen Local Council.

Lawmpuina
    Rual û ten a Hlimen khaw tana hming an chher ‘ Hlimen khua, infiam thiam/ Sport thiam khua’ ti a, mawi tak mai a Zoram khawvel a min lo hun \hinna rawn chhunzawm tu Chawngthu Sport Footballl tournament U-14 Champion Player zawng zawng te Hlimen Local Council hian kan chhuang cheu a, Hlimen khua in tih hming\hat avangin lawmthu kan sawi mawlh mawlh e. Tin, Volleyball, Teakwondo , TT, Badminton etc. a Local Council te hriat leh tel pui pawh beisei lova Hlimen khua ti mawitu te pawh kha kan chhuang che u in kan theihnghilh lo a che u.
    Kan hmalamah kan tih theih ve tawk ti turin kan in buatsaih e.
    Sd/- Member Secretary.
    Hlimen Local Council.

Vâu thla Ni 23, 2013... Issue No. 12

Page - 1

Tualchhung :

 Damlo: Lalrozami D/o Kapkira, Lalsavunga Sec.  a mi chu pumpui Ulcer natna avangin March ni 16, 2013 khan UHC, Hlimen ah dahluh niin enkawl mek a ni.

Boral: Pu R.Deng\huama Kum 80, Lalsavunga Sec. a mi chu chuap Cancer avangin March ni 16, 2013 khan a boral.

Hlamzuih: Lalruatkima kâr 2  S/o Thanngura, Buala Sec. a mi chu March ni 19, 2013 khan a boral, hemi ni vek hian vui liam nghal a ni.

Khiangawi: Lalchungnungi D/o Rualkhuma Buala Sec.a mi chu March ni 21, 2013 khan Lalramhmachhuana Zemabawk a mi tawnah khiang a awi ta.

@@    Lalthankimi D/o Rozawna, Damvea Sec.  a mi pawh Vanlalchhunga Kei\um a mi tawnah March ni 21, 2013 khan khiang a awi ta bawk.

Nâu nei thar: Pu Jerry Lalmuanawma leh Pi Ramdinsangi te nupa, Damvea Sec. a mite chuan an fa pahnihna atan March ni 19, 2013 khan Falkawn  Damdawi Inah fanu duhawm tak an nei thar.

Tirhkoh thar: Isua Krista Kohhran Aizawl  East Bial vawng mektu Tk. PC. Zahlira chu a Pension tak avangin hemi hmun luah tur hian Tk. Lalramthara chu Mamit a\angin Bial Centre Hlimen-ah rawn dah thar a ni ta.

Fimkhur tlan a \ha: Motor kawngpui sira tui, Public point sem a nih \um hian motor te a kal lo thei bik silova, kawng a chep bawk si nen, intih palh a hlauhawm thei hle a, Driver-te leh mipui-te thil pawi a thlen loh nan fimkhur tlang turin kan in ngen a ni e.

Kawng siam: Pi Ramthangi In leh Pu F.Zosangzuala In inkar, Vengchhak panna Motor kawng chu Cement a chhun a ni. veng kar kawng \ha tak tak kan nei mek zel avangin a chhiat \hat chung changah thui tak mipui ten mawhphurhna kan nei a ni tih hriain i dim thiam ang u.

Front :

HLIMEN BRANCH Y.M.A. DAY
VAWI 67-NA  HMAN A NI
(Day pual hian thisen pek ni dawn)
   
    Hlimen  Branch YMA din champha vawi 67-na chu Branch Committee in ruahmanna a siam angin March ni 23, 2013 hian hman  a ni.
    Zingkarah Section tin te mahni Section chhung \heuhah kawngpui dung tifaiin hnatlang neih a ni a, hemi hunah hian YMA Member te bakah naupangte hnatlang tura beisei an nih angin Section tinah hnatlang an \hahnem hle. Branch O.B. te hemi hnatlang ho hian Section hrang hrangah an insemdarh a ni.
    Hlimen Branch YMA hi March ni 23, 1946 khan din a ni a, he ni champha vawi 67-na chu kumin March ni 23 hian a \angkai thei ang bera hmang turin Hlimen YMA Committee chu a inbuatsaih a ni, Civil Hospital Blood Bank a dah turin thisen pek runpui pawh buatsaih tum a ni a. He ni ah kher lo hian Day pualin thisen pek hun hi siam  a ni a, a hun atan April ni 27, 2013 (Inrinni) a ni a, a hmun atan YMA Hall a ni ang.
    Chhun lamah dar 12:00 Noon ah Branch YMA Exe. Committee member te leh Section Office Bearer te tanLeadership leh Account Traning hun hman a ni a. Leadership Traning hi Pu Lalhmuchhuaka, President in a pe a, thu \ha tak tak leh bengvarthlak tak tak ngaihthlak a ni. Tin, Account Traning hi Pu Pakunga, Adviser in a pe leh a, Account vawn na kawnga tihdan tur pawimawh tak tak ngaihthlak niin kalkhawm ten an hlawkpui hle. Hunawlah baqwngka kan tuihnai tak ei ho a ni bawk.
    Zan lamah erawh inkhawm zan te a nih bawk avangin vantlang inkhawm buatsaih a ni lo a ni.
    Tin, Branch chhunga Member a tam thei ang ber he ni puala thisen pe thei tur pawh hian lo inring turin Branch Committee chuan min beisei tak meuh meuh a ni.

Page - 2

Editorial

Hnunglama a chha, hmalama a reh

    He \awngkam hi fiamthu nan pawh kan hman hlawh tak a ni. Hnunglam a\anga hmel\hat hmel taka ngaih, a in thuam dan leh hawiher en pawh a sawisel na tur awm lo tur a rin; mahse a hmalama han en a han belhchian a, engteh lua lo ni leh si lo te sawi nan he \awngkam hi hman hlawh tak ani.
    Vawiin a \halai nula/tlangval zingah leh pa valai leh nu valai zingah pawh hnung lama hnunglama a chha, hma lama areh tihtur chi kan kat nuk mai lo maw? Nula/ tlangval zingah pawh incheina leh hawiher en a; vengva awm taka lang, inchei nalh zuar mai; han belhchian a vantlang hnuai lam, khawtlangin chhiat (thihna) a tawh nikhua a hre reng si a chetchhuah nachang hre silo. hnunglama a chha, hmalama are tihchi hi kan khawtlang hian engzat tak nei ang maw...
    Pa valai zingah leh nu valai zingah pawh zawnglai nge an nih a, kawplai nei aw... tih vang vang tur a mawi leh nalh a inchei thei; vengvat hmel tak; mahse, \henawm khawvengchhiattawh nikhua pawh a lang ve ngai reng reng lo, chumai nilo, hnathawk a chhuah mai pawh zahna hre lo kan khawtlang hian engzat tak nei ang maw...
    He kan thupui hnunglama a chha, hma lama a re tih chi ho zingah hian kan chhungte an tel ve em? An lo tel tel ve a nih chuan heng nikhuaa lo thlen chang apiang in thawkchhuak ve \hin turin fuih \hin la, chu chuan mipangaiah a siam anga, a hlawkna chu khawtlang tan leh nangma tan tho a ni si. Hnunglama achha, hmalama are tihtur awm tlemna khawtlang kan nih hun hun chu khawtlang nuam kan neih hun tur a ni si.

KAN THEN TAK

R.Dengthuama Kum 80 : R. Dengthuama hi September ni 7, 1933 khan Pu Vungtawna leh Khuanghnuaii te fa 14 zinga a naupang ber dawttu  niin, Sumsuih khuaah a lo piang a. Kum 1961-ah Nuthiangi nen  inneiin fa mipa 6 leh hmeichhia 6 neiin  tu 19 an  nei.
     Kum 1947-ah Lower Primary Exam zovin, hemi tum hian Tachhip Centre atangin pakhatna a ni nghe nghe. Kum 1957-ah Pawlriat  a zo a, a kum leh 1958-ah Pawlkua pawh mahni inhlawhfa chawpin a zo leh a. Sikul Fee leh mamawh dang dangte pawh chhungte pur buai lovin a tlingtla thei zel a ni. Tichuan, 1960-ah Matric a zo leh a ni. Inhlawhfa chawpa lehkha zir a nih avangin duh angin lehkha chhiarna hun tha a nei thei thin lo. Engpawhnise, a tum ruhna hi a fakawm a, 'hah lovin a hlawhtlin theih loh' tia mi dang fuih thintu a ni.
    1962-ah Lungrangah Sawrkar Primary Sikul enkawl tura ruat a ni a. Hetih lai hian zirtirtu pakhatin sikul pakhat zel an vil rawt avangin ani pawh hian pawl hniam ber atanga pawl sang ber, pawl thum (Lawr) thlengin amahin a zirtir thin a, thahnem ngai leh zirna ngaisang mi a nih avangin a hahpui thin hle a ni. Lungrang Primary Sikul hi Mizoram Sawrkar Compulsory Scheme hnuaia din a ni a.Zirtir  hna tui tak leh inpe zo tak a ni a, a theih tawp tak meuha rinawm taka thawk a, a hmaa tih tur awm apiangte hlen duh tlat mi a ni bawk.
    Hmun hran hranah zirtir hna thawkin a awm kual a, chumi hnuah kum 1975 ah Hlimen ah insawnin, Hlimenah hian awm hmun a bengbel ta a ni. Kum 2000 October thla-ah Hlimen PS II atangin Head Teacherin a pension  ta a ni.
    Kum 2010 July thla khan  Damdawi inah kalpui niin, Asthma leh thisen-sang a neih thu hriat a ni a, chu mai bakah a sciatic nerve a that loh thu hriat a ni leh zel a. Uluk taka enkawl a nih hnuin dam taka chhuahpui leh a ni a.  Hemi hnu hi chuan a taksa a chak hlei thei ta lo va, insawiselna neuh neuh a nei ta fo a. A taksa chak loh chhoh zel vangin pawn chhuak hleithei lovin a awm a. Ni 26.2.2013-ah New life Hospitalah, a tum ngana atan  luhpui leh a ni a. X-ray leh CT Scan te tih a nih hnuah Cancer nia rinhlelh a ni a, FNAC test tum hnih ngawt neih a nih hnuah Cancer a nih ngei thu  leh Stage 4 hial a nih tawh thu hriat a ni ta a. A chuapah leh a thinah Bawk a awm a, a Lungin hna a thawk tha lo tial tial bawk a.  Chutichuan  March ni 16, 2013 tlai lam dar 4 leh a chanve khan natnate tuar tawh lo turin, Lalpa hnenah min chawlhsan ta a ni.

Page - 3

Hriattirna : 

MUP Hriattirna
    1. March ni 24, 2013(Pathianni) chawhnu inkhawm banah Pu R. Deng\huama(L) ral tur a ni a, member te kal \heuh i tum ang u.
    2. Pension hlawh la, office lama kal thei lo te chuan Pay Book leh ` 30/- Pu Lalsanga hnena dah tur a ni a, a hlawm a lak theih dan tur ngaihtuah a ni e.
Sd/- Secretary
MUP Unit. Hlimen

Textbook sem leh dawn
    SSA chuan Sorkar School - Primary leh Middle School ah te a thlawnin zirlaibu (textbook) a sem leh dawn. Class-I a\anga Class VII thleng zirlaibu a kimin sem a ni dawn a, Class-VIII pawh Science leh S.S. Subject tih loh chu Subject dang zawng an sem bawk dawn a ni.

Branch Committee
    March ni 26, 2013 (Thawhlehni) zan Dar 7:00 hian Branch YMA Committee koh a ni a. Kohna hmu lo pawhin hei hi kohna a ngaih tur a ni e.

Bungraw hawh chung chang
    Branch YMA bungrua a bikin \hatni a kan hawhin hawh man pek kan ngaihsak tawk lo hle a. A enkawltu tan indil nawn fo a nuam thin lova, chuvangin a hawhtu ten bungrua dah leh rualin a hawh man pek \hin tur a ni ang. Tin, kan bungraw hawhte hi dimdawi thiam tur leh fai taka dah \hin turin kan innge bawk e. Hetiang hi bungrua hawh man a ni.
1. Dekchi       - pakhat ` 30.
2. Thleng        - pakhat 50 paise (Duli)
3. Gas Stove   - pakhat ` 100
4. Hall hman man - vawi khat atan ` 200

Keimahni :

Hlimkhawpui Budget
    Hlimkhawpui 2013 March  thla Budget  pe tla tawh:
1.    Buala Sec.    2. Vawmphunga Sec.
3.    Damvea Sec.
   
     Vawmphunga Sec. ten April thla an tlak ta bawk.


Ralna tling khawm
    Pu R.Deng\huama chhungte ral nana YMA Member ten kan sum ken tlingkhawm kha  ` 2,310 a ni.
    Tin, Pu Deng\huama tuamna puan chu a faten a \ul anga hman turin YMA ah an pe.

Damvea Section
    March ni 27, 2013(Nilaini) hian Pu F. Zosangzuala te Bawng ek thiarin hnatlang neih tur a ni a, Pu Lalchhuana te vau bawng ek lak chhoha, kawngpuia dah tur ani. A tam thei ang ber hnatlang turin hruaitu ten Section member te an ngen a ni.

Lawrkhawm :

Lawmthu
    Kan pa. R. Dengthangan March ni 16, 2013(Inrinni) tlailam dar 4:30 a min boralsan(Chhiattawk) chungchangah YMA, nula /tlangval, khawtlang mipui chungah lawmthu sawi tur kan va ngah em..
    Kan lungngaih hrehawm phallova in mi lainatna leh hmangaihna kawng tinrenga in lantirna zawng zawng pawh sawi sen a ni lo. tin, a damloh chhung leh Hospital a enkawl anih lai pawh a in khawngaihna kan chan zawng zawng te kha kan damchhung pawh a kan theihnghilh theih a ni dawn lo. Mimal tin hnenah lawmthu kan hrilh seng dawn lo. He chanchinbu kal tlanga kan sawi te hi mimal tin ten ni hnena sawi tlukah min lo ngaihsak hram  teh u. YMA, \halai leh khawtlang mipui chungah kan lawm takzet a ni.
 

In khawngaihna dawngtu, 

A Fate, Ramthianghlimi te unau
Lalsavunga Section.

Advertisement : 

ELECTRIC BUNGRUA
    Electric bungraw chikim hmun dang pan buai ngai lovin Ngaizel Maxi Cab. Stand ah lei theihin a awm ta e. Wholesale leh Retail in kan pe thei reng bawk  e.
    Prop.  Zodingi
    Joel Electricals, Ngaizel, Kulikawn,
    Sateek, Aibawk, Phulpui Maxi Cab Stand
(4-2)    Ph. 9862559435

ZABANGA HIGHER SECONDARY SCHOOL
AIZAWL VENGLAI
ADMISSION OPEN
    2013-2014 session atan CL- IX, X, XI & XII (Arts) admission kan hawng leh mek e. Zirlai chak lo zawk te pawh hlawhtling taka an lo zir chhuah \hinna a ni a. Fee chawi belh ngai lovin zirlai te computer class neihpui \hin an ni ang. Hostel changtlung tak a awm ngahl bawk e.
 (2-1)    Contact: 9862386905/ 9774392155

ADVERTISEMENT
    Hmai ngona, nona leh hmai duk rehna, side effect awm bawk si lo, Thailand product “ KIM, Whitening Pearl an Snow Lotus Cream” leh a sahbawn hi a \hatzia hre turin han hmang ve chhin teh. Wholesale leh Retail-in tlawm takin kan lo pe dawn che nia...
Pi Nuzawni Damveng. Ph :9862304975
    Pu Zohmangaiha Dawr,Venglai             Ph:9862765624

ADMISSION NOTICE
    Calvin Hr. Sec. School (Aizawl Public School ti a hriat \hin) Kulikawn, Aizawlah admission tih mek a ni. School hmun nuam leh zirna atan duhthusam a ni.   
    Classes IX - XII (Arts)
Hostel nuam tak a awm nghal, Hostel awm nghal tur tan Hostel Admission free.
    Ph. 8731876946, 8730864690

ADMISSION HRIATTIRNA
    Kum 2013- 2014 Session atan Presbyterian English School Hlimen-ah Admission a tih theih reng e.
1. Admission Fee    -    ` 500/- (A thar tan)
    -    `  400/-( A hlui tan)
    -     KG-I Free
Unau pathum(3) chinah  Concession a awm ang.
2. Monthly Fee    -    `  400/-
Unau pathum(3) chinah   Concesion a awm ang.

    Sd/-Principal
(2-2)    Presbyterian English School
    Hlimen.

Page - 4

Advertisement :

World TB Day
(Kan dam chhung hian TB vanga thihna hi I ti tawp ang u)


    1.    TB hrik hi boruak atanga hip luh a nih avangin mi zawng zawngin kan vei thei.
    2.    TB vei nia rinhlelh tur te chu:

* Chawlhkar hnih emaw a aia rei khuh    * Chaw ei tui lo, rihna tlahniam
* Awmchhung na                    * Khak thi
* Tlailam khawsik                    * Thalbe bawk

    ( Heng bakah hian taksaa TB awmna hmun a zirin a lan chhuah dan a danglam thei)

    3.    TB finfiahna leh TB damdawite hi Sorkar damdawi In bakah, Synod Hospital, Durtlang leh Christian Hospital, Serkawn ah te a thlawnin a awm.

    4.    Chuap TB veite hian kum khat chhungin mi 10-15 an kaichhawng thei a, chuvangin TB natna rang taka hmuhchhuah leh damdawi kim taka ei hi a damna inkaichhawnna laka vengtu pawimawh ber a ni.

    5.    TB veiin damdawi a ei that loh chuan, a aia natna khirh leh enkawl dam har tak, MDR-TB(Multi Drug Resistant TB) an vei thei. Mizoram chhungah pawh MDR-TB vei sawmnga chuang hmuhchhuah tawh a ni.

    6.    MDR- TB vei nia rinhlelh te chu an khak phai lamah thawn a ngai a, Sorkarin a thlawnin a thawn sak bakah damdawi pawh a thlawna pek an ni.

TB vanga thihna a awm tawh loh nan mitin ten tan I la theuh ang u.


Issued By Directorate of Health Services Mizoram : Aizawl

Vâu thla ni 16, 2013.. Issue No. 11

Page - 1
Tualchhung :

Damlo: Pu Lalliankima S/o Kaptluangi, Kapdaia Sec. a mi chu March ni 14, 2013 (Ningani) khan pum lam \halo avangin Nazareth Hospital ah dah luh a ni.

Chesual: Pu Lalchhankima S/o Lalthlamuana, Kapdaia Sec. a mi chu Thlanmual-II kawng lam a\anga Pick up motor a a lo haw chho chu Mauhakkawn a rawn chhuak \ep tawh tihin chhuakchho zo lovin hnung lamah a tawlh liam a, Meter 30 vel a a lum niin hriat a ni a, Driver Lalchhankima hi tlema a intih nat deuh avangin Damdawi In panpui a ni a. Mahse ngaihtuahawm a nih loh avangin hawtir leh mai a ni. A chuanpui Sangsanga S/o C. Lalhmingthanga erawh him takin a chhuak thei a ni. Motor pawh workshop ah siam mek niin thu kan dawng.

Camping hmang: Chalkunga Memorial Taekwondo Club te chuan March ni 15 leh 16, 2013 hian Primary School-I ah Lalhmingliana (Hmingtea) Bawngkawn Chhimveng a mi Speaker ah hmangin Gospel Camping (lâng camp) an nei a. Naupang te leh Club hruaitu ten hlawkthlak an ti hle. March ni 17, 2013 (Pathianni) chawhnu inkhawm banah hian Venglai kawnah Ruihhlo Do Awareness neih an tum a. Hetah hian khawtlang mipuite a tam thei ang ber kal turin min sawm a ni. Awareness neihna ah hian naupang ten Item hmuhnawm tak tak an entir bawk dawn.

Scooter kang: Kan thudawnna in a sawi danin March ni 11, 2013 (Thawh\anni) zan dar 6 vel khan Pu Gopala Kapdaia Sec. a mi Scooter chu mi awmhlei ten an hal a, a kang chhe hle niin thu kan dawng.
    Lirthei neitu ten kan lirthei  dah ulukin ngaihven \ha ila, hetiang misual kut kan tawrh fo loh nan kan mit leh beng i chhi tlang ang u.

Kang\helh a ni: March ni 9, 2013(Inrinni)   a\anga kang \an, phunchawngzawl ram kang chu March ni 9,2013(Pathianni) chawhma lam khan mitlawmngai ten \helhin an \helh mit thei hram ani.

Front :

HLIMEN BRANCH Y.M.A. DAY  

VAWI 67-NA 
HMAN A NI DAWN
(Day pual hian thisen pek ni dawn)
   
    Hlimen  Branch YMA din champha vawi 67-na chu March ni 23, 2013 hian hman tura ruahmanna siam a ni.
    Hlimen Branch YMA hi March ni 23, 1946 khan din a ni a, he ni champha vawi 67-na chu kumin March ni 23 hian a \angkai thei ang bera hmang turin Hlimen YMA Committee chu a inbuatsaih a, Civil Hospital Blood Bank a dah turin thisen pek runpui pawh buatsaih tum a ni a. He ni ah kher lo hian Day pualin thisen pek hun hi siam  a ni a, a hun atan April ni 27, 2013 (Inrinni) a ni a, a hmun atan YMA Hall a ni ang.
    He Branch Day zingkarah hian Section tinah Section hruaitute kaihhruaina in naupang hote vengchhung tifai a hnatlang neih tur a ni a, Branch O.B te pawh Section tina an kal dan tur siamfel a ni tawh bawk. Chhun lamah dar 12:00 Noon a \an turin Branch Exe. Committee Member leh Section O.B te pualin YMA Hall-ah Leadership & Account Training neih tur a ni.  Hetiang hian Programme duan a ni.
   
                      Chairman    :    Pu Vanlaltluanga, V.President
                         Hunserh    :    Pu Lalthantluanga, Treasurer
    Leadership Training    :     Pu Lalhmuchhuaka, President
         Account Training    :    Pu Pakunga, Adviser
(Ei leh in tui tak buatsaih a ni ang)

     Branch Committee Member leh Section O.B. te chu he hun (Training) ah hian kim taka kal tura ngen kan ni.
    Zan lamah erawh inkhawm zan te a nih bawk avangin vantlang inkhawm buatsaih a ni lovang.
    Tin, Branch chhunga Member a tam thei ang ber he ni puala thisen pe thei tur pawh hian lo inring turin Branch Committee chuan min beisei tak meuh meuh a ni.

Page - 2

Editorial

YMA BRANCH O.B. TEN ENGNGE AN SAWI?
    1. Khawtlangah hian mi leh sa(mihring) a tam thei ang ber cheng ho ila, chu chuan sawrkar leh deptt. ngaihsak a hlawhin, kan politician ho te pawhin min mamawhna asangin ngaihsak pawh kan hlawh phah ngei ang. Mahse mi \ha lo, zu zuar leh ruk ruk ching leh mi awm \ha duh lo chu engzat a tam pawh nise khawtlang in a mamawh lo. -President.
    2. Hlimen ah hian YMA hi lo din ni lo ta se, kan khawtlang hi engang takin nge a \awp anga, kan hniam ang aw. Heti khawp a YMA in \an a lak a, theih tawp a chhuah chung pawh hian ruihhlo in min tih buai dan leh kan member a hmei a pa min tih khawloh tam dan em em hi ngaihtuah in YMA hi a lo va hlu em. ----Vice President.
    3. Hlimen tluk a YMA, Kohhran leh NGO te in lungrualna \ha leh thawhhona \ha hi sawi tur khawi hmunah mah a awm ka ring lo. YMA  a\ang hi chuan kohhran hrang hrang a mi te leh pawl hrang hrang a mi te a lian ber a\anga a te ber thlengin kan inpawhna hi a\hain nun ho hi a nuam thei hle \hin mai. - Secretary.
    4. Kan khawtlang nu leh pa ten, YMA an zahder thiam dan leh an ngaih pawimawh thiam dan te ka hmuh hian khawtlang nun siam \hatna tur kawng a hna thawh te hi min ti phurin \hahnemngaihna mi pe nasa hle \hin. - Asst.  Secretary.
    5. YMA lo ding kher kher hi chu hlu ka va ti em. Tlawmngaihna, rinawmna, dikna leh hawihhawmna chhawm nung zel tur a pawl ding a nih avang hian Mizo te min ti Mizo ber tu chu YMA hi a ni si a, YMA a mi tui tak chu michhuanawm tak an ni deuh zel \hin si a. - Treasure.
     6. YMA hi \ha tia ka ngaihsan em em nachhan chu Kristian te nundan a \ha chauh ngaisangtu a ni hi a ni. YMA thuvawn leh a motto te hi kan President hian Pulpit tlang a\angin thiam tak maiin han sermon \huai \huai mai se, Amen/ Halleluiah  pek \hak \hakna tur a tam thei hle in ka ring \hin. - Fin. Secy.

Ziaktute Huang :

KAN VENG
- Andrew Khawlhring

    “Ka dawn \hin sial ang kan seilen hmun ngei,
    Ka tan Hlimkhawpui hi tudang ngailo tein tual kan chaina laitual ngei mai hi;
    Dawnlungruk a dawn changin, duhaisam a kim thei mawlh lo,
    Luaithli ka nul leh \hin.”
   
        Kan hriat angin Hlimen hi kum 1812 a din a ni a, Veng nuam tak a ni \hin reng a ni. Mahse tunlai kan veng dinhmun han thlir hi chuan \ah tichhuaktu an va tam em!! Han tive khanglang ila, kan pian ve hma ata tawh Hlimen hi kurtai leh serthlum ah te Zoram khawvel kan lo dengchhuak ve tawh \hin a, chumai bakah infiamna lam nise Hockey sawi tawh chuan Zoram mipuite rilru-ah Hlimen a lo lang \hin. Volleyball lamah lah nise kan veng High School pawh a zawnin kum 5 an Champion a, hmannipawh khan South-III huamchhungah an va Champion kha kan hre \heuh awm e. Football pawh kan tithei ve fû \hin. Mahse hmanni lawka Phunchawngzawl a kan kha chuan kan veng hmel a tibal hle in ka hria.
    “Aw ka dâwn \hin, ka dawn vawng vawng \hin.
    He kan Hlimkhawpui ngei mai hi,
    Engtikah \ahlai bang ang imaw;
    Nemten ka chawi nang che, i hliam te puan nemte a tuamin.”

        Tihian ka ngaihtuah \hin, engtikah tak bang ang imaw; kristian chhungkua a kan hnufualna hi. Chanchinbu kan chhiar a, “ka thlai la tawh suh u..” “an bengchhengin an ninawm” etc.. chhiar tur awm ziah hian veng changkang loh zia a tilang hlein ka hria.
        Kan khawtlangah LAL ISUA a lal phawt chuan veng nuam kan siam thei ngei ang. 

Page - 3

Hriattirna :

Chhiatni Fund khawn mek
    Chhiatni fund khawn mek a ni a, khawn tute an lokal a pe tla nghal thei turin chhung tinte inbuatsaih \heuh ila, a khawntute tan luh nawn fo hi thil nuamlo tak anih avangin vawikhat khawnna a lo pe tla thei turin chhung tinte ngen leh beisei kan ni e.

JAC thuchhuak
    1. Nu leh pa ten JAC hmalakna a min \anpui avangin lawmthu kan sawi tak meuh meuh a ni.
    2. Local Council chuan JAC in mamawh a hman turin ` 2000/- a hlan a, kan lawm hle.
    3. JAC thuchhuak chuan naupang kum 14 hnuailam zan lenchhuah a khap a, nu leh pa ten kan fate thil\ul bik ni lovah chuan zan dar 7 hnuah chhuahtir lo turin kan in ngen e.
    4. Ruihhlo zuar leh khawtlang a hnawksak zawng a che \hin te hmu leh hria kan awm chuan JAC-ah a rang thei ang ber a Report nghal \hin nise.
    Sd/- Secretary
    Joint Action Committee, Hlimen

PHED atanga hriatthiam dilna
    Tunlaiin Damvengah tui lakna-Draw line a chhiat avangin vengchhung tuisem theih a ni lova, mipuite hriatthiamna kan dil a,  siam anih laia Deptt. lam thawktute ei leh in min buatsaihsak tute, a inbul hnaia mite leh electric kan mamawhte hria a, a\ul anga hma min laksak tu, vengchhunga duty-te chungah lawmthu kan sawi tak meuh meuh a, tui hi karleh lamah chuan sem theih tawh tura beisei a ni.
    Sd/- Sectional Officer
    PHE Chhimphei Section

Kang mei lakah fimkhur rawh
    Sawi lan fo tawh angin khua a rovin thalvaekchar hun kan thleng leh ta. In lam leh ram lamah i fimkhur deuh deuh ang u. Ramkang hi kan nitin nuna pawimawh em em, tui leh boruak \ha min pe tu, thing leh mau a suat a; tin, nungcha, kan huan thlai tana \angkai a suat a, chutih rualin rannung, mi tina thei tamtak a pun phah thung tih i hria ang u.
    Inlamah pawh i fimkhur sauh sauh ang u. Tihdam aiin in ven a \ha zawk tih hi tun thleng pawhin a la dik a ni.

Lawrkhawm :

Silver Medal hawn
    12th Dr.Baruah Chess Tournament 2013 ah kan veng a\angin U-15 ah Lalchhanchhuaha S/o Vanlalhruaia, Buala Sec. leh U-11 ah J.Zosangzuala S/o Lal\anpuia te chu an tel ve a. J.Zosangzuala hian Silver Medal a rawn hawn a, a chhuanawm hle a ni.

Lawmthu sawina
    Kan fapa Lalchhankima, Motor-a a chetsual chungchangah khawtlanga \halai te leh mipui chungah lawmthu kan sawi duh a. Kan chetsualna thu hre hmasa apiang maiin hna laklawh pawh sawi lovin \anpui kan ngaihna apianga min pui turin an rawn tlan khawm a, a \ul ang angte min thawhsak avangin leh vawiin thlenga in mi ngaihtuahna ah kan chhungkua chuan lawmthu kan sawi a. Mimal tin hnenah lawmthu kan sawi seng lova, he chanchinbu kaltlanga kan lawmthu sawi hi min lo pawmsak \heuh turin kan ngen a che u.
    In khawngaihna dawngtu
    Lalthlamuana te chhung
    Kapdaia Section

JAC ten hma la
    Hlimen Joint Action Committee chuan Hlimen khawtlang hi tuna naupang te te seilenna leh chenna tlaka thianghlim leh felfai a siam hi kum 2013 chhung ngei hian a tum tlat a; chutiang a nih theih nan chaktakin tunah hma ala mek a ni.  
    Tunkar kalta mai pawh khan ruihhlo leh sualna chi hrang hrang avangin heng mite hi JAC chuan a man:
    1. Fangzauva S/o Lianchhuma (L)  2. Vanlalfaka(Mapuia) Pu Lalliansanga te in luah. 3. Lalthanpuia S/o Malsawma (L) 4. Biakhmingthanga S/o Romawia (L). Tin, pakhat a chhungthu ngaituah tur a awm bawk.
    Heng mite hi Chawnpui Camping Centre ah dah thlak an ni:
    1. Fangzauva S/o Lianchhuma 2. Lalthanpuia S/o Malsawma (L) 3. Biakhmingthanga S/o Romawia .
    Tin, Vanlalfaka (Mapuia) hi Excise kutah hlan a ni bawk.
        JAC ten man an neih hian Camping Centre ah emaw Jail-ah emaw dah an ni \hin a. Motor hire a ngaih \hin avangin a hautak thei hle. JAC hmalakna tichak nan mi inphal ten sum in rawn thawh \hin a,  a va lawmawm em. Helama \hahnemngai ten \anpui in duh chuan engtiklai pawhin lawmtakin JAC chuan a dawng thei zel e.

Football Tournament-ah
    Aizawl South III Constituency Football tournament, Aibawk a khel mek ah Hlimen Football Club te tel ve in an vanduai hlauh a, Player-te ei leh in senso atan Pu Laltlanmawia (Tete-a), Damvea Section, tuna Aibawk BDO Office a thawk mek in a lo tum sak a, a chungah Player te leh hruaitu ten a chungah lawmthu an sawi tak meuh meuh a ni.
    Vengchhunga infiam mite tun aia \an kan lak deuh deuh a \ul. Mahni inthununna leh taimakna kawngah hma kan sawn a \ul takzet a ni. Tin, Hruaitute leh Player mal tin te pawhin hmasawnna tur kan nei \heuh awm e.

Page - 4

Keimahni :

Hlimkhawpui Budget
    Hlimkhawpui 2013 February  thla Budget  pe tla tawh:
1.    Vawmphunga Sec.    2. Buala Sec.
3.    Damvea Sec.           4. Saichhuma Sec.
   
    Buala Section leh Vawmphunga Sec ten March thla Budget an pe tla tawh. Vawmphunga Sec. ten April thla an tlak ta bawk.


Buala section
    March ni 9 leh 11(Inrinni leh thawh\anni), 2013  khan sumtuak hnatlang neiin, Dam veng Presbyterian kohhran biakin chhak a\anga vengchhak panna kawng, kawr hmasa ber a\anga Pu Zosanga in chhak kawng peng thleng - kawng chhuat cement (PCC) in an chhung chhova, Sumtuakna siamsak tu Pu Lalengliana chungah leh member, tlawmngaia  thawkchhuak zawng zawng te leh hnatlang te ei leh in tum saktute chungah hruaitu ten lawmthu an sawi.
    Hetiang a sumtuak hnatlang a\anga sum thawhchhuahte hi Section bungrua etc, vengchhung mipui ten chhiat/\hat kan tawh changa a\angkai taka kan hman \hin lei nan hman \hin a niin; tin, damlo kân nan leh Innei lawmpuina thilpekah te hman \hin a ni bawk a, section in hnatlang a ko a nih chuan chhungtin ten tun aiin ngai pawimawh  zual ila, thawkchhuak hman kan awm anih chuan chhungtin a\anga pakhat tal thawhchhuah \hin a mawi hle. A Mizo bawk.

Conference hmanpui
    Pu R.Lalngheta, Treasurer CYMA leh Pu Vanlaltluanga CEC te chu March ni 12, 2013 khan Lallen khua-ah Chhawrpial Group Conference hmanpui a an zinchhuak chu March ni 14, 2013 khan dam takin an lo hawng leh ta. Group Conference ah hian rorelna hun te an hmanpui bakah Group hruaitu thlan an hmanpui bawk a ni.

Hnatlang nei
    Hlimen Branch YMA  Executive Committee ten March ni 9, 2013(Inrinni) zing kar khan Thlanmual I, Anganwadi bul, ruang zawn nikhua a kawng chep leh tlabal lai lai zauvin, kal nuam zawk a siamin an hnatlang.

Vawmphunga Section
    March ni 9, 2013 (Inrinni) khan Sumtuak hnatlang neiin Tanky bang (RCC) chh<ngin hnatlang an nei a, Member 25 an thawkchhuak.   
    Hnatlanga thawkchhuak zawng zawng te chungah hruaitu ten lawmthu an sawi takzet a ni.

Chhiartute ngaihdan :

@@   Khawtlangin hma asawn zel a, mihring pawh akn pung zel a, mikhual leh tualchhung mite thliar hran harsa khawpin kan inchiahpiah tawh a, pem(Khual) \ha tak tak an awm laiin, mi awm\ha duhlo, p>m-khualchhia ti mai ang, chutiang mi pawh engemawzat kan awmin khawtlang a hmingchhiat phah fo tawh \hin. Chutiang laka khawtlang leh mipui kan him zawk nan leh mi \ha te kan in hriat theih nan mi tupawh inluah tur nei ten mi kan luahtir dawn anih chuan an hming leh Adress kimchang leh an in luah te chiang taka tarlangin  Local Council ah te, YMA ah in inluahtir hma ngeiin te theh luh \hin nise, chu chu mipuiin kan lo hriat theih nan ‘Hlimkhawpui’ ah chhuah \hin nise, tualchhung mi kan in hriatchhian theih nan leh khawtlang him zawk nan...
-Keimah sanghal hriamapa

@@    Pu Editor, Ruihhlo zuar man tawkte hi i chanchinbu ah hian hming leh Address te hi chiang takin rawn tarlang thei zel ula ka va ti em... Kan khawtlangin hma kan sawn ve hret hretna ti\huanawp zawnga lo che duhtu te hi veng pumin i hre vek ang u.......
- Bartowski
    ( Report a rawn luh \hat chuan rawn tarlan zel kan tum dawn nia. - Editor)

Chawhchawrawi :

 ##        Hlimen YMA dincham vawi 67-na pualin April ni 27, 2013(Inrinni) khian YMA hall-ah thisen pek runpui Branch YMA chuan a buatsaih dawn a, chumi hunah chuan ‘Thisen pe la, nun chhanhim rawh’.

##       Tunkar Hlimkhawpui Issue buatsaihtute eitur, Pu Lalhmunsiama(Mapuia), Branch Commtt. chuan ARSA \hahnem tawk tak mai min tum saka, a chungah kan va lawmin kan va tlai em..... 

Hringnun : 
Mahatma Gandhi khan hetiang hian sual pasarih a sawi \hin:
1.    |angkaina awm lo hausakna
2.    Chhia leh \ha hriatna tel lova nawmna
3.    Nungchang ngaihtuah lova sumdawnna
4.    Mihring tana \angkaina nei lo Science thiamna
5.    Inhlanna tel lova Pathian biak
6.    Tum mumal nei lo Politics
7.    Nungchang thleng pha lo hriat zauna. 


Advertisement :

3D TV  FILM

    Karleh, March ni 19, 2013(Thawhlehni) zan dar 6:30  khian YMA Hall-ah 3D TV Film puitling, Darkar 3 chhuak (TITANIC) hmuhnawm tak chhuah a ni dawn a; tin, 2nd Show 9:30Pm ah neih leh a ni ang.           Ticket man : ` 100/-  per Show
     Ticket hi Nl. Lalmuanpuii C/o Laldailova hnenah lei theih a ni.

ADVERTISEMENT

    Electric bungraw chikim hmun dang pan buai ngai lovin Ngaizel Maxi Cab. Stand ah lei theihin a awm ta e. Wholesale leh Retail in kan pe thei reng bawk e.
    Prop.  Zodingi
    Joel Electricals
    Ngaizel, Kulikawn,
    Sateek, Aibawk, Phulpui Maxi Cab Stand
(4-1)    Ph. 9862559435

ADMISSION HRIATTIRNA

    Kum 2013- 2014 Session atan Presbyterian English School Hlimen-ah Admission a tih theih reng e.
1. Admission Fee    -    ` 500/- (A thar tan)
    -    `  400/-( A hlui tan)
    -     KG-I Free
Unau pathum(3) chinah  Concession a awm ang.
2. Monthly Fee    -    `  400/-
Unau pathum(3) chinah   Concesion a awm ang.

    Sd/-Principal
    Presbyterian English School
    Hlimen.
   
    
 

Vâu thla ni 9, 2013.. Issue No. 10

Page - 1
Tualchhung :

Damlo: Pu Lianchhingpuia, Vawmphunga Sec. a mi chu \um hnih a mit zaitir a nih hnuin \hat lam a pan thei chuang lova, Doctor ten Guwahati refer in March ni 7, 2013 khan an liam thla ta.

Khiangawi:    Zorintluangi D/o Zohming-thanga, Buala Sec. a mi chu Mar. ni 7, 2013(Ningani) khan Lalmuanawma, Lungdai hmar veng a mi tawnah khiang min awihsan ta.

Nau nei: Thanngura te nupa, Buala Sec. a mite chuan an fa pali na atan fapa Civil Hospital ah an nei thar a. Tunah hian pian \o a \hat loh avangin enkawl chhunzawm  mek a ni a. Thla a tlin hunah zai leh tur a ni niin thu kan dawng.

Kai sang: Pu Ro\huama, Buala Sec. a mi chu Deputy Secretary (Grade-II of MSS) a\angin Joint Secretary (Grade-II of MSS) ah a kaisang a, order pawh Feb. ni 28, 2013 khan tihchhuah a niin a Deptt. chan tur zingah School Education a tel dawna hriat a ni. Joint Secretary hi Department lian Director te nen rank khat an ni. Kum kal tawhah kan veng a\angin pension a chhuak an awm nual laiin hetiang Officer lian kan nei leh hlauh hi a lawmawm tak zet a ni.

Passed chhuak: Tv. David Lalnunsanga S/o R. Lalliantluanga, Saichhuma Sec. chuan General Nursing & Midwifery(GNM) Durtlang Nursing School a\angin \ha takin a zo fel ta.

Meeting nei: Joint Action Committee hlimen te chuan March ni 3, 2013 (Pathianni) chhun khan YMA Hall-ah Meeting pawimawh tak an nei a, khawtlang then thianghlimna kawnga chak zawk a kal dan tur leh nungcha humhalh, lui dung nungcha leh khawmual nungcha chak zawk a humhalh dan tur an rel.

Front :

RUIHHLO CHUNG CHANG
(Feb. ni 26, 2013 kumpuan hawnna Vana Pa Hall a Pu R.Lalngheta, Treasurer CYMA thusawi kaihtawi)

    Mizo te hian zû tih loh ruihhlo kan hmelhriat na hi a la rei lutuk lova; amaherawhchu \halai a suat hnem tawh zia ngaihtuah chuan zalen taka khawlai lentir mai mai chi zawng a ni lo tih hriain YMA chuan  kumpuanah lo hmang tawhin Dec. ni 8, 2004 a\angin hma a la tak tak \an a. Tin, CADS te dinin tun thleng hian hma a la ta zel a ni.
    America ram lo luah hmasa tu Red Indian ho pawh sap  ten verther takin ruihhlo hmangin an thlem a, vawiin ah chuan ruihhlo avangin an ral zo ta lek lek a, tunah phei chuan an mang mai loh nana humhalh an ni a, inthlahpung zel turin an dah hrang ta hial a ni. Assam rama hnam huaisen tak Abhor ho pawh ruihhlo vangin chimral in an awm a, indo-butan ramri chhehvelah darhsarh takin an awm mek a ni. Mizo te pawh kan chheh vela hnamdang ten nasa takin chimral tumin min bei a,  sumdawnna hmang ten min bei a, ruihhlo hmanga min beih hnu phei chuan min suat ta zawih zawih mai zawng a nih hi.
    Ruihhlo zuar hrem dan hi duhthu a sam lo deuh em a tih theih. Iran, Malaysia, Indonesia leh Singapore ramah te chuan Drugs a sumdawng te chu thi turin an chungthu an rel mai \hin.   Kan rama ruihhlo zuarte hremna hi tun ai hian na zawk tase ruihhlo hian kiam lam a pan ang em tih ngaihtuah tham tak a ni. Kan ramah chuan an tan rei loh \hin em avang nge ni a zuar ngai man nawn an ni ngun hle a ni.
    Mizoram hian ruihhlo ngâite enkawlna kan ngahin ruihhlo ngâi leh mi awm\ha duhlo enkawl tham tak an awm deuh vek a, hei hian kan ramah ruihhlo ngâi an tam zia a tilang chiang hle awm e. Kan \halaite kan enkawl danah hian a khawi lai ber hi nge fuh lo awm ang tih kan ngaihtuah a ngai khawp mai.
    Kum 2012 December thla a\anga tun thlengin damdawi hmansual vangin mi 10 chuangin nunna an chân tawh a ni. Engtinnge kan tih ang le? YMA Mizo \halaite hi kan ngawi reng dawn em ni? Hnamdang ten kan Mizo puite kut an thlak emaw, an rukbo emaw chuan nasa takin an thlavang kan hauh \hin. Amaherawhchu hei hi chu a tlem khawp mai, ruihhlo erawh chuan kan \halai engemawzat famkhua a lawitir mek a, chumai ni lovin rualbanlo/piangsual ah engemaw zat a siam tawh bawk. Kan la ngawi reng dawn nge, midang tihah kan khek zel dawn nge, sorkar tihah kan dah mai ang?
    Vawiinah hian chhungkaw tam tak chu ruihhlo avangin an rum a, an fa an rila rahte ngei chhanchhuak turin tihngaihna an hre lo. Chhanchhuaktu an zawng ruai a ni. A \henin YMA an au a, sorkar au an awm a, a \henin revival camping lam, ruihhlo ngaite enkawlna Centre bel an awm bawk a, kan buai ta luai luai mai a nih hi. Fel lo lai chu a awm a ni. Kan fel lohna leh kan tihdikloh pawh lo awm mah se kan \halai te chhanchhuah an ngai miau si a, nu leh pa mangang âu thawm chuan YMA te min au lawm lawm a, hawh u \hiante thawh tur leh tih turah dah mai lovin, kan \halai puite sawisa a thattu, piangsual a siamtu, vakvai a siamtu ruihhlo hi do a, hma la thar leh turin ka YMA member pui zawng zawngte ka sawm che u a ni. Ruihhlo do tur hian thiam bik kan awm chuang lo, a inpe a piangte an \ha a ni mai. Thlir liam mai lovin theih tawp i han chhuah teh ang u. Mizoram hi Mizote ta a ni si a. YMA Damreng rawh se.

Page - 2
Editorial

MAHNI INFAK LEH SAKHI NGALAH ENGMAH A BET LO
    Upa in ‘mahni infak leh sakhi ngalah engmah a bet lo’ an lo tih \hin angin mahni chanchin leh nunphung hi inhriatchian a harsa hle ni tur a ni.
    Nu pakhat chuan tumah a sawichhiat ve ngai loh thu leh a rel ve ngai loh thu hi tui em em in a sawi bawrh bawrh mai a. Chutia a sawi mek pah chuan a \hiannu in mi sawichhiat a hman thu leh rel a chin thu hi, amah miten an fak theih nan a sawi bual bual tho mai \hin an ti.
    Tupawh mai hian mi fak leh lawm nih chu kan duh \heuh, duh lofa tumah an awm lovang, chu chu mihring zia nghet tak, mi zawng zawngin kan zia diktak chu a ni. Mahse miten min faka min lawm hun nghak zo lova mahni infak chiam chiam \hin, miten min fak loh leh min lawm loh hlau a \henawmte, \hiante sawichhiat mai lah kan hreh lo em em si. Chu zia chu nang leh kei hian mita puk ngai lova kan neih sa a ni. Mi sawichhiat leh rel peih tak mite chu an sawina te hian an fak phah chu sawi loh an \ih phah zawk \hin.
    Mi fak nih leh lawm nih duh chuan hei hi hria ila. Bible a kan hmuh angin Lal Isuan a zirtirte hnenah miten amah an hmuh dan a zawt a, hei hi a pawimawh hle. Mahni inhmuh leh hriat dan aiin mite min hmuh leh hriat dan hi zawng hmasa \hin ila a sawt fe in a rinawm.
    Mahni infak chiam \hin mah ila miten minfak ve siloh chuan Sakhi ngalah a bet lo tih ang chauh kan ni mai lawng maw unau...
    Tunge ka nih? Engmi nge ka nih, i bulhnai a mi nangmah hrechiangtu che kha zawt la, midangin an fakna che nilo nangma infak chawp na kha chu a rintlak leu..

Keimahni :
 
Hlimkhawpui Budget
    Hlimkhawpui 2013 February  thla Budget  pe tla tawh:
1.    Vawmphunga Sec.    2. Buala Sec.
3.    Damvea Sec.    4. Saichhuma Sec.
    Buala Sec. ten March thla budget an tlak ta bawk.

Damvea Section
    March ni 2, 2013 (Inrinni) khan Damvea Sec. te chuan an Sec. Godown \hiat leh sa \hain hnatlang an nei. Pu Zalamlova te kawt a mi Godown hlui chu \hiatin a hmanrua lak tlak awm ang angin hmang leh hmanrua thar te lei belh a ni bawk a. Godown thar hi Pu R.Lalliansanga (Pu Sangtea) te inchungah an sa a. Hemi ni hian Section bungrua te pawh Godown tharah hian seng luh vek a ni a. Bungraw hawh tur chuan Property Secretary Tv. R.Lalchhuanawma (Machhuana) hnen atangin hawhchhuah tawh tur a ni ang.
    Hemi ni a hnatlang a thawkchhuak zawng zawngte chungah hruaitute an lawm hle a. Godown sak nana an In phal taka hmantirtu Pu R.Lalliansanga te chhungkaw chungah lawmthu an sawi tak zet zet bawk.

Budget pe tla
    March ni 3, 2013 khan Hlimen Branch chuan kumpuan Budget ` 4830/- CYMA ah a pe tla ta.

2013 HLIMEN Y.M.A. MEMBER DINHMUN
    Kum 2013 Hlimen YMA Member hi Section tin ten mahni Section \heuh a lak a ni a, hetiang hi Section hrang hranga member dinhmun chu a ni :-
1. Buala Section :                        2. Damvea Section :
             Mipa    -    185                  Mipa    -    164
    Hmeichhia    -    158         Hmeichhia    -    136
             Total    -    341                  Total    -    300

3. Kapdaia Section :                4. Lalsavunga Section :
              Mipa    -    205                Mipa    -    57
    Hmeichhia    -    195        Hmeichhia    -    40
             Total    -    400                 Total    -    97

5. Saichhuma Section :           6. Vawmphunga Section :
    Mipa             -    162                Mipa    -    83
    Hmeichhia    -    144       Hmeichhia    -    78
             Total    -    306               Total    -    161
Mipa - 856, Hmeichhia - 751, G.Total - 1607

SAICHHUMA SECTION
    March ni 2, 2013(Inrinni)  a Saichhuma Section leivung paih hnatlang a thawkchhuak zawng zawngte chungah leh in hlawhna saimsaktu Pu. G. Lalzahawma te chungah Section hruaitu ten lawmthu an sawi tak meuh meuh a ni.

BRANCH COMMITTEE HNATLANG NEI
    March ni 9. 2013(Inrinni) zingkar khan Thlanmual I a Anganwadi bul kawng zim lai, ruang zawn nikhua kawng chep lai laih zauh hnatlang an nei.

YMA IN A TUAM
    Tunkar kalta khan Dengs<r khua a haw pui tur Ruang in Hlimen a rawn tlawh a, YMA chuan puanin a lo tuam a ni.

Page - 3
Hriattirna :

P.H.E
    Khua a \hal ta hle mai a, tui mamawhna te a lo sang chho leh ta a, tuikhurte rintlak a ni tawh mang lova, PHE tui hi mi tam zawkte innghahna a ni ta mai a. Kan inrenchem a ngaiin Connection nei ve rih lo hi a tam zawk an la nih avangin tui sem dan pawh Deptt. in a siamrem tawh a, 1) thawhlehni - Connection,  Zirtawpni - Public. Hemi ruahmanna hi mipui lam pawhin min ngaihpawimawhsak kan duhin kan inchah nawn leh a ni. Mahni lak/dawn huna la lo emaw tan chuan a hun leh nghahthlen a ngai tih hria ila, engemaw rokhawlhna leh chhan \ha tak a awm a nih loh chuan mahni dawn ni bak hi chu beisei loh a \ha ang.
    Tin, Connection nei ten kan hriat atana \ha chu tui a lo haw in keimahni tui dahna lama control valve te kan check in, duhtawk lak hunah off leh \hin tur a ni a. Kan connection lakna (T Cluster) lama control valve erawh chu Deptt. lama thawkte kut nghak thei ila, kan lo khawih ve a thiang lo tih i hre thar ang u. Dan bak lutuk ang chi hi chu vengchhung mite tho duty kan nih avang hian innawr lo ila, ‘aih’ tih emaw a lo hrehawm a; tin, theihna laiah chuan veng tan theihtawp chhuaha \an lak hi chu kan bat leh mawhphurhna ah kan ngaih a \ul a, \an pawh kan la zel ang. Keimahni lam inthlahdah vanga innawr emaw, midangte tan harsatna thlen hlauhawm zawnga inngen phei chu tih loh a \ha khawp mai. Tin, connection nei remchang lote pawh hian neih ve ngei tumin \an la zel ang u. Public Point hi rei kan hawng thei lo mai dawn a, thildang zawng aiin a pawimawh a, theihtawp i chhuah ang u.
    Sd/- i/c Sectional Officer
    Chhimphei Section, PHED

ADMISSION HRIATTIRNA
    Kum 2013- 2014 Session atan Presbyterian English School Hlimen-ah Admission a tih theih reng e.
1. Admission Fee    -    ` 500/- (A thar tan)
    -    `  400/-( A hlui tan)
    -     KG-I Free
Unau pathum(3) chinah  Concession a awm ang.
2. Monthly Fee    -    `  400/-
Unau pathum(3) chinah   Concesion a awm ang.

    Sd/-Principal
    Presbyterian English School
    Hlimen.

ADMISSION NOTICE
    Calvin Hr. Sec. School (Aizawl Public School ti a hriat \hin) Kulikawn, Aizawlah admission tih mek a ni. School hmun nuam leh zirna atan duhthusam a ni.  
    Classes IX - XII (Arts)
Hostel nuam tak a awm nghal, Hostel awm nghal tur tan Hostel Admission free.
    Ph. 8731876946, 8730864690

3D TV  SHOW
    Karleh, March ni 14, 2013(Ningani) zan  hian YMA Hall-ah 3D TV Flim hmuhnawm tak chhuah a ni dawn a, Ticket hi ` 30/- man a ni ang.
     Ticket hi Nl. Lalmuanpuii C/o Laldailova hnenah lei theih a ni. 

Lawrkhawm :

JAC thuchhuak
    March ni 3, 2013(Pathianni) chhun khan Hlimen JAC te chuan Committee YMA Hall-ah an nei a, Committee thuchhuak pawimawh te:-
    1. Luidung chungchang :- Luidunga sangha tur leh thildang hmanga vua leh hrai manchhuah an nih chuan an chungah action nataka lak a ni ang.
    2. Adviser atan Pu R. Lalngheta chu lak a ni.
    3. Kan tu leh fate kan enkawlna chungchangah mawhphurhna lian tak kan kova tla hi hlen chhuah a nih theih nan kan tu leh fate zana len chhuah leh chhun lama hunawl kan pe tam lutuk hi in enchiang ila, kan tu leh fate khuahkhirh kawnga hma kan lak chuan chhungkua leh khawtlangah \hahnem ngai taka thawktu kan nih mai bakah JAC te kan \anpui a ni tih kan in hriattir a ni e.
    4. Kan khawtlang a lo thianghlim a , a lo ralmuan zel zawk theih nan JAC ten hma nasa takin a la \an leh a khawtlang duhloh zawng a awm lui chu dimdawina neih miah lova hrem turin thu an pass a, hlen ngei an tum bawk a ni.
    JAC ten hmala a hnathawk tak tak tur chuan sum engemawzat a ngaih avangin mahni taksa kan thawh chhuah pui theilo a nih pawhin sum leh pai hmangin kan tha kan thawh ve thei an ni tih i hria ang u. JAC ten sum an hmuh hi Duty hah te thingpui in ve nan leh man tawk te hmun pui lama hruai/phurh nan te \angkai taka hman \hin  ani.

Hlimkhawpui man pe |ha lawmman
    Hlimkhawpui Editorial Board te chuan ‘HLIMKHAWPUI’ man Section hrang hrang ten an thehluh \hin chu lawmman dawng thei tura tehna mumal takin a siam ta a. Thla tina pek hma dan a\angin hetiang hian Point pek \hin nise tih ani.
    Pakhatna    - 30 points.    Pahnihna      -     20 Points
    Pathumna    - 15 Points    Palina      -     10 Points
    Pangana    -   5 Points    Parukna      -      3 Points.
    Tichuan, thlatinaa an Point hmuh belhkhawmin Point hmu sangber pakhatna Section chu lawmman pek tur a ni dawn a ni. January-June thla a Point hmu sang ber lawmman pek phawt a ni anga, July- December thla a pe \ha ber lawmman siam leh a ni ang.

I fimkhur tlang ang u
    Tunlai hian School naupang ten exam chawlh an hmang mek a, khawlaiah  leng lâm an tam thei hle a. Lirthei khalhtu ten nuapangte kan tipalh thei a ni tih hriain lirthei kan khalh danah fimkhur tlang ila. Tin, nu leh pa te pawhin kan fate khawlai lentir mai mai lovin enkawl \ha turin kan in ngen bawk e.

Page - 4
Advertisement :

KAN RAM HI KANAAN RAMAH I SIAM ANG U

   Siamtuin kan ram sik leh sa a duan dan hi ngaihtuah chiang la,
    Hunbi nei a fur leh \hal, nipui, thlasik leh favang te;
    Kumtin khel lova a inher \hin hi a hluin a mak a sin,
    Lalpa malsawm van ruahtui dawng ram a va ni chiang em!

    Sumchang thlai, thing leh mâu leh hrui chitin reng \hatna ram;
    Phai khaw lum leh zokhaw sang hmun vawta thlaite a chin theih a;
    Thing leh mâu leh thlai ngeih zawng leilung hâng \ha awmna ram,
    Mi taima tan chuan dinchhuah pui na hmun zawng a ni.
  
    Ram intodelh apiang hnam ropui leh zahawm an ni \hin,
    Kan thiam kan finna zawng zawngte hmang \angkai ila,
    Kut hnathawktu ten taimakna, thawhrimna leh tumruhna nen,
    Kan ram hi Kanaan ramah i siam ang u.

Issued by Directorate of Information & Public Relations
Government of Mizoram