Ramtuk thla ni 23, 2013...Issue No. 8

Page - 1
Tualchhûng :
Chesual: Tv. Lalthanpuia S/o Rosiami, Buala Sec. a mi chu an lung load-na-ah a kutzung\ang lungin a chilh sawp palh a, Civil Hospital panpui a ni a, thir phumsak a ni a, In lama enkawl chhunzawm tura rawn hawtir leh a ni.

Khiangawi: Vanlaldiki D/o Lalrema(L), Vawmphunga Sec. a mi chuan Feb. ni 20, 2013 (Nilaini) khan IKK Biak Inah V.Lalramkima Saiha lam ami tawnah khiang min awihsan ta.

Nâu nei thar: Jonathan Malsawmtluanga leh Vanlalnghaki te nupa, Buala Sec. a mite chuan an fahmingkoh atan fapa duhawm tak, Feb. ni 19, 2013 (Thawhlehni) khan Aizawl Hospital-ah an nei.

UPC (NEI) khawmpui: Tlangnuam Bial, LAD Conference chu Feb. ni 22-24, 2013 khan N.Lungleng Biak Inah an nei a, Speaker atan Sister Lalthangpuii Chanmary BWN Mizoram Dist. Secy. hman a ni. Hlimen a\ang pawhin engemaw zat an kal.

Seminar hmang: Feb. ni 20, 2013 (Nilaini) khan Baptist Kohhran Hlimen-ah Mission Vengthlang Pastor Bial chuan KNP Leader’s Meet nilengin an nei.

Bi-Centenary hnatlang: Feb. ni 16, 2013(Inrinni) khan Bi-Centenary pualin Zopheia Lalsavunga Râl dan kâwn sam faiin Bi-Centenary Celebration Committee bultumin hnatlang neih a ni. Tin, Hlimen khaw hmun hlui fangin Thawmpawnga thlan tlawh a ni bawk.

Hnatlang nei: Feb. ni 20, 2013(Nilaini) zingkar khan Thlanmual I , Anganwadi bul kawng chep lutuk chu Branch Committee ten laih zauh hnatlang an nei.
    Hemi tuk hian zawh hman a nih loh avangin hunremchang hmasaa hnatlang a chhunzawm leh tur atan dah a ni; tin, Thlanmual I a thing te hi kih leh tihhlum phal a ni lova, thinglian tihhlum tuma rektu pawh hi hriat i ni a, tunhnua ti tawhlo turin YMA chuan a ngen che a ni.

Front :
BRANCH DAY VAWI 67-NA
HMAN A NI DAWN
(Hemi pual hian thisen pek tum a ni)
   
    Hlimen  Branch YMA din champha vawi 67-na chu March ni 23, 2013 hian hman tura ruahmanna siam a ni.
    Hlimen Branch YMA hi March ni 23, 1946 khan din a ni a, he ni champha vawi 67-na chu kumin March ni 23 hian a \angkai thei ang bera hmang turin Hlimen YMA Committee chu a inbuatsaih a, Civil Hospital Blood Bank a dah turin thisen pek runpui pawh buatsaih tum a ni a. He ni ah kher lo hian Day pualin thisen pek hun hi siam tum a ni a, a hun thu erawh la inbiak chian loh a ni.
    He Branch Day zingkarah hian Section tinah Section hruaitute kaihhruaina in naupang hote vengchhung tifai a hnatlang neih tur a ni a, Branch O.B te pawh Section tina an kal dan tur siamfel a ni tawh bawk. Chhun lamah dar 12:00 Noon a \an turin Branch Exe. Committee Member leh Section O.B te pualin YMA Hall-ah Leadership & Account Training neih tur a ni a, Leadership Training ah hian Resource Person ah Pu Lalhmuchhuaka Branch President a ni anga, Account Training Resourse Person ah Pu Pakunga Adviser a ni bawk ang. Branch Committee Member leh Section O.B. te chu he hun (Training) ah hian kim taka kal turin an inphut a ni.
    Zan lamah erawh inkhawm zan te a nih bawk avangin vantlang inkhawm buatsaih a ni lovang. Branch chhunga Member a tam thei ang ber he ni puala thisen pe thei tur pawh hian lo inring turin Branch Committee chuan min beisei tak meuh meuh a ni.

Page - 2
Editorial

SIAMTHAT KAN NGAI TA
    

Hlimen khawtlang hian tunhma \ang tawhin hming\hatna tam tak a lo hlawh tawh \hin a. Chunga hming\hatna lo hlawhtirtu kan infiam mite, kuthna thawhna  kawnga mi taima hlawhtlingte, zirna lama mi hlawhtling tak tak; khawtlang timawi a veng chhuanawm taka lo chhuah \hin tute, tin, Pathian thu - thlarau lama hmun hla tak taka mite pawhin pûr chawkna atana hmantlak a Hlimen lo chawimawi \hintu, hranghlui tam zawk ten mual an liam ta si a, an thachhang dawl turin \hangthar zingah mi tlemte chauh an awm ta.
    Tunah zet chuan khawtlang hi hniam lam panin a kal mek emawni aw.. tiin a ngaihtuah theih ta rum rum mai. Kan khawtlang hmingmawi \hinna infiamna (sports) lam nise veng tereuhte te tein min tlanpel sung sung mai a, amawngphah lamah kan \hu chu a ni ta reng mai si a. Zirna lam leh sorkar hna lam nise veng umphak a lawi kan nei ta meuh lo. Tuna Hlimen in mithiam kan neih Sorkar a hnalian chelh mektute hi Pension in han chhuak zo chiah se chuan kan dinhmun tur chu khûtah a ni ringawt mai. Kan tê chem chem mai dawn a ni.
    Kan \halai rual zingah rualel nachang hria, thil tihna kawnga \hahnem ngai pen pawn hmuh tur leh sawi tur an tam lo hle lehnghal. Khaw \henawm ten fiamthu leh kamchhe tleuh nana ‘zû leh hmeichhia i mamawh chuan Hlimen ah kal mai teh’ an tih khawp hialin \halai zingah mi inthlahdah, veng mualphona thlen \hintu an pung zel si a.
    Heng mi, kan infiam mi tlemte in Medal an hlawhchhuakte, TT leh Badminton a Champion an hlawhna te avangin Hlimen hi miten min la hre ve \awk \awk a ni chauh si a, heti chung pawha kan la awm mai mai thei a nih chuan kum 2/3 a liam leh meuh chuan Hlimen chuan mi nuihzat bak hlawh tur a awm lovang. SIAM|HAT KAN NGAI TA. Kohhran tina rawngbawlna pawimawh chelh pha chin leh NGO a hruaitu rualte \antlan a ngai. Hlimen in hmangaihtu, chhantu a mamawh e.

Keimahni :

Hlimkhawpui Budget
    Hlimkhawpui 2013 February  thla Budget  pe tla tawh:
1.    Vawmphunga Sec.    2. Buala Sec.

Buala section
    Feb. ni 18, 2013(Thawh\anni) khan Pu Lalchhanhima te rawra thiarin sumtuak hnatlang an nei a, hnatlanga thawkchhuakte chungah leh inhlawhna siamsaktute chungah Section hruaitu ten lawmthu an sawi.
 

Kapdaia section
    Feb. ni 20, 2013(Nilaini) khan Border lung vuain hnatlang an neia, member 23 lai an thawkchhuak a; member thawkchhuak zawng zawngte chungah leh inhlawhfakna siamtu Pu Rokamlova chungah Section hruaituten lawmthu an sawi a ni. Tin, Pu Rokamlova ten Van an lei thar a, Pu Chhankima te pawhin Pick-up thar an nei bawk.

OB meeting nei
    Feb. ni 18, 2013(Thawh\anni) zan khan Branch OB Meeting YMA Hall-ah neih  ani a. Thurel pawimawh te:
    1.    Kumpuan, Ram leh Hnam humhalh tih chu CYMA in Feb. ni 26, 2013 ah Vanapa Hall-ah hawnna Programme a buatsaih dawna, OB te kim taka tel nise tih a ni.
    2.    CYMA buatsaihin ketaminu intlansiak Feb. ni 26, 2013 ah neih tur a ni a, kan branch pawh tel ve nise tih a ni a, mawh lo la turin Pu Lalthantluanga, Treasure chu ruat a ni.
    3.    Branch Day 67-na March ni 23, 2013 a hman tur,  chhunlama lawmna programme chu hetiang hian neih nise tih a ni:-
    A hmun    :    YMA Hall
    A hun    :    March ni 23, 2013. 12:00(Noon)
    Chairman    :    Pu Vanlaltluanga, Vice President
     Hunserh    :    Pu Lalthantluanga,Treasurer
    He hunah hian Account & Leadership Training neih nise tih a ni a, Training pe turin heng mite hi ruat an ni.
    Leadership Training hi Pu Lalhmuchhuaka President in a pe anga, Account Training hi Pu Pakunga Adviser in  pe thung ang.

Advertisement :

Admission open
City Computer Centre
(GOVT. APPROVED)
MISSION VENG, NEAR TAXI STAND
    Eizawnna tlaka Computer thiam duh tan Instructor thiam tak ten an zirtirna hnuaiah admission hawn mek a ni. Seat atam loh avangin admission ti hmasa apiang duhsak an ni ang. Chhun lama zir hmanlo tan pawh zing leh zanah a zir theih. Computer repairing tur nei tan pawh. pan leh koh theih reng kan ni e.
COMPUTER PARTS TLAWM TAKIN KAN ZUAR BAWK E
Course offer :-
*    CERTIFICATE IN COMPUTER
*    APPLICATION (CCA) - 6 Months
*    advance diploma in computer application         (ADCA) 8 Months
*    GRAPHIC DESIGNING-3 months
*    3D ANIMATION- 4 months
*    VIDEO EDITING- 2. months
*    DIGITAL SULPTING- 2 months
*    CERTIFICATE IN PC HARDWARE
*    MAINTAINANCE - 3 months
(School chawlh chhung naupang tan special course kan hawng bawk e.)
    Zing dar 7 a\angin zan dar 8 thleng kan in hawng reng e.
Contact : 9089527410


ADMISSION HRIATTIRNA
    Kum 2013- 2014 Session atan Presbyterian English School Hlimen-ah Feb. ni 4, 2013 a\angin Admission a tih theih ta e.
1. Admission Fee    -    ` 500/- (A thar tan)
    -    `  400/-( A hlui tan)
    -     KG-I Free
Unau pathum(3) chinah  Concession a awm ang.
2. Monthly Fee    -    `  400/-
Unau pathum(3) chinah   Concesion a awm ang.

    Sd/-Principal
    Presbyterian English School
 (4-4)    Hlimen.

Page - 3
Hriattirna :

RSBY Health Care
    Hlimen veng chhungah BPL te tana RSBY Health Care Registration ti te zingah mi 26 velin thla an la la lova, heng mite tan hian thla an lak theih dan tur ruahmansak an ni a, hetiangin :-
1.    Thlalakna hmun : Health Care office Dinthar.
2.    Chhungkhat pa awm remchang lo tan an thlalak ken tur a ni.
3.    Chhungkua kan kim lo a nih pawhin an aiawh tur pawhchawp theih a ni.
4.    Registration form chhungkua hming chuanna kha ken theih nise, tibo palh kan awm pawhin a siamfel theih tho.
5.    Dt. 25.2.2013 - 1.3.2013 thleng thla la duhte tan hun hawn a ni e.
6.    Hrechiang duh tan Hlimen Health Clinic ah zawhfiah theih reng a ni e.
 

Membership fee
    Section tin ten YMA Membership Fee kan khawn mek kha la thehlut lo ten February thla ralhma a thehluh vek tur tih a nih angin Secretary hnenah arang lama thehluh tur a ni e.

Zeng hri danna
    Feb. ni 26, 2013 (Thawhlehni) hian nau pianghlim a\anga kum 5 inkar te tan Zeng hri danna pek leh tur a ni. Nu leh pa a tam zawkin kan ngaihpawimawh laiin ngaipawimawh lo mi tlemte kan la awm a, tunah chuan i ngaipawimawh \heuh teh ang u.
1.    January thla a ei zawng zawngte khan ei vek tur.
2.    Mikhual cham lai tan pawh ei vek tur.
3.    Ramriak turte kan awm chuan hemi ni hi pumpelh lo turin ruahmanna siam a ni e.

Awmhlei thiltih
    Vengchhak panna kawngpuiah mi awmhlei \henkhat ten kawng laiah bottle in lo vawmkheh \hin a. Tin, lung in lo dahhnawk bawk \hin a. Manchuah in nih chuan Section YMA ten Action an takin an la dawn a ni.

Lawrkhawm :

Chawnpui bethel camping center hnatlang
    Feb. ni 23,2013(Inrinni) hian CYMA ruahmannain Chawnpui Bethel camping center-ah Pu Vanlaltluanga, Branch Vice President hovin Branch YMA Committee member \henkhat leh vengchhunga mistiri tlawmngaite, Pu Tlanghmingthanga(DVS) te, Pu K. Lalchhuanawma(SC) te, Pu F. Remruatkima te(SC), Pu Lalzahawma(SC) leh Pu Zothanmawia(SC) te chu  Center hmun a insak belh hnatlang neiin an thawk chhuak a; tin, Chawnpui Bethel Camping Center-ah hian kan veng chhung mi awm an awm mek a. An chenna tur a chepin mutna tur tak ngial hle a, tuna Center-a awm mek hi  mi 674 an ni.

Committee ten râlna nei
    Feb. ni 19, 2013(Thawhlehni) zan khan Branch Committee te chuan Pu Lalrinchhana, Committee Member, a nu Pi Lianchhungin a boralsan tak râlna hun hman neih a ni a. Hemi zan hian Committee member te râlna  thawhkhawm hlan a ni.

Lawmthu sawina
    Kan nu, Lianchhungin Feb. ni 12, 2013a min boralsan chungchangah khawtlang mipui te leh YMA ten min hmangaihna leh min khawngaihna kawng tinreng a kan hmuh leh kan hriat hian kan lawm takzeta; mimal tin hnenah  lawmthu kan sawi seng lo. He chanchinbu kaltlanga kan lawmthu sawina hi mimal tinten in hnena kan sawina angah min ngaihsak hram turin kan ngen tak meuh meuh che u a ni e.
In khawngaihna dawngtu,
Pu Dengliana leh a fate, Kapdaia Section. Hlimen.

U.H.C. Hlimen
    Tunlai hian UHC Hlimen ah zing lam dar 2 bawr vela kawngka kik a rik rap hmang in awm a, tun hnuah ching tawh lo tura hriattir in ni.
    Tin, damlo emergency a kal ten zan rei lam a ni emaw, eng hun pawh nise, ‘tunge, engnge?’ ti a inchhung a\anga an lo zawh che u in mahni insawi hreh loh tur a ni. Misual tawn palh thu hla-ah fimkhur a ngaih avangin hetiang zawhna kan tawng a nih pawhin mahni insawi zel mai tur a ni e.

Huanthlai bo tam
    Tunlai hian mi huanthlai ruk ching in awm a, manchhuah in nih chuan in chungah action in phu tawk ang taka lak a ni ang.

Kangmei lakah fimkhur rawh
    Minute reilo te a nangmah leh i \henawmte, nunna  hlu tak leh ro hlu tak te tihchhiat a nih loh nan kangmei lakah fimkhur rawh. I fimkhur loh khan nangmah mai bakah i \henawm te tan lungchhiatna nasa tak i thlen thei a ni.

Page - 4
Advertisement :

Directorate of Sports & Youth Services
Mizoram : Aizawl
*********

Sports department hnuaiah hian sport coaching te, adventure te leh scouts & guides programme tam tak a awm a ni.

#    Sports a hlawhtling tur chuan mahni inrintawkna, mi insum thei, hun ngaipawimawh, beidawnna paltlang peih, zirna lama mi vengva leh thuawihna nei mi nih a ngai.

#    Intihhlimna satliah mai ni lovin, hunawl hnawhkhahna satliah mai ni lovin i lo hrisel zawk theih nan leh i vanglai hun i pawhsei theih nan leh eizawnna ngialnghet i neih nan SPORTS ah \an han la teh le.

#    Adventure programme chi hrang hrang tui, khawmual leh boruak a training harsa tak takte, pûk hlauhawm leh tlangsang tak takte, tuifawn hlauhawm tak takte leh hmun hlauhawm leh harsa tak tak an kaltlang theih loh tawp tura an ngaih an han kaltlang a, an hneh theih hian, \halai te inpuihtawnna, huaisenna, tawrhchhelna, mahni inrintawkna leh tlawmngaihna te a neihtirin mi a zirtir nasa em em a. Chu chu mihring hmantlak ni tura inchherna kawng \ha ber chu a ni.

#    Scouts & Guides hnuaiah hian activities chi hrang hrang, naupang, \halai leh upa lam thlenga inhmanna tur programme tam tak a awm a. Khawtlang, ram leh hnam tana mi rinawm leh rintlak ni tura inchherchhuahna \ha ber chu Scouts & Guides a tel hi a ni.


    Issued by    :    Directorate of Sports & Youth Services Department
            Khatla : Aizawl, Mizoram

Ramtuk thla ni 16, 2013.. Isuue No. 7

Page - 1
TUALCHHUNG :
 Boral:  Feb. ni 12, 2013(Thawhlehni) khan  Pi Lianchhungi(84) W/o Pu Dengliana Kapdaia Sec. a mi chu khawsik natna avangin a boral.

Damlo:  Andrew Lalnunpuia S/o J.K.Lalengzauva, Damvea Sec, a mi chu Internal Bleeding vangin Jan. ni 14, 2013 khan Durtlang Hospital ah admit a ni a, enkawl chhunzawm mek a ni.@@    Lalruatkima S/o Lalzamliani, Saichhuma Sec. a mi chu Feb. ni 14, 2013 khan Civil Hospitalah a tonsil zai sak niin tunah in lamah enkawl mek a ni.

@@   Nl. Lalroliani, Branch YMA Exe. Comt. member, Saichhuma Sec. a mi pawh Feb. ni 12, 2013 khan Civil Hospitalah a beng veilam bâwk avangin zai a ni a, tunah inah a in enkawl mek ani.

Inkutsuih:  G. Lalzahawma Saichhuma Sec. a mi leh Lalngaihzuali, Champhai te chu Pastor C. Sapkaian Feb. ni 14, 2013 khan a inkutinsuih tir.

Khiangawi:  Zothanpuii D/o Zaihmingthanga Damvea Sec. a mi chuan Feb. ni 14, 2013(Ningani) khan melthum lamah khiang min awihsan ta.

YMA ah hlan:  Feb. ni 14, 2013 zan khan  Pi Lianchhungi tuamna puan chu a pasal Pu Dengliana te chhungkua chuan YMA ah an hlan a, heng puan YMA a hlan \hin te hi a \ulna apiangah \angkai taka hman  \jin a ni a. a pe tu te chungah Branch YMA chuan lawmthu a sawi a ni.

Hnam lâm zir:  Feb. ni 15, 2013(Zirtawpni) zan a\angin chapchar K<t a hnam lâm entir tur YMA Hall-ah zir \an a ni.
    Zan dangah pawh zir \hin a nih dawn avangin an thawm riva hre pha, a bulhnai a mite tan a ninawm thei a; amaherawhchu zirna hun a tlem avangin lo hre thiam hram turin kan in ngen a ni.
   

FRONT : 
BRANCH YMA COMMITTEE THUCHHUAK
   
    Feb. ni 12, 2013(Thawhlehni) zan khan Branch YMA Committee YMA Hall-ah neih a ni a, thurel tlangpui pawimawh zual te chu:-
    1. March ni 23, 2013(Inrinni) khi Hlimen Branch Day vawi 67-na a ni a, hetiang hian hman nise tih a ni:-
    (a) Section hrang hrang ten mahni Section Area ah faina chungchangah hantlang neih \heuh tur.
    (b) Chhun dar 12 a\angin Branch Committee leh Section OB ten Account leh Leadership Tranning neih tur  ani. Account Training pe turin Pu Pakunga Adviser, Branch YMA ruat ani. Tin, Leadership training pe turin P Lalhmuchhuaka Branch President chu ruat a ni. Programme \uldang chu OB te kutah dah a ni. 
    (c) Branch Day pual hian tisen pek nise tiha ni a,Blood bank lam hotute a hun thu ah lo be fel turin OB te ruat an ni bawk.
    2. Thlanmual II chungchang:- Thlanmual II thlanlaih dan tur hi thlanmual Incharge ten ngun taka thlirin a hmun ren thei ang berin ruahmanna siamin thlan hi laih \hin nise tih a ni.
    3. Chapchar K<t chungchang:- Feb. ni 28, 2013 a\anga Mar. ni 1, 2013 chhunga Chapchar k<t hman turah CYMA te Cheraw(Kân tluan), chawnglaizawn leh Châi( Lalvunga Zâi) te entir tura min beisei chu tih hlawhtlin ngei nise tih a ni. Heng mite hi mawhphurhna la tur a ruat te an ni:
    i) Pu Lalthantluanga Branch. Treasure.
    ii) Pu  Lalrinmawia Branch Asst. Secretary
    iii) Pu Lalbiakmawia Commitee Member
    iv) Pu Lalhmunsiama Commitee Member
    v) Pu Zoramhmangaiha Commitee Member
    4. Thlanmual I kawng chungchang:- Thlanmual I kawng (Anganwadi bul) chu kuang zawn nikhua akal nana chep leh zim deuh avangin Feb. ni 20, 2013(Nilaini) zingkarah Branch Committee member ten hnatlanga laih \hat tura tih ani.
    5. In râl chungchang:- Branch Committee member Pu Lalrinchhana a chu  a Nu Pi Lianchhungin Feb. ni 12, 2013 a a boralsan avangin Branch Committee ten ralna neih nise a tia. Hetiang hi Programme hman dan tur a tih a ni. Hruaitu : Pu Robuanga Branch Fin. Secy. |antu : Pu Zoramhmangaiha Comt. Member. Râlna hlantu: Pu Pakunga Adv. Thuchah : Pu R. Lal\anpuia Comt. Member.

Page - 2
EDITORIAL : 
NACHANG HRELO TAM
    Nachang hriatte, angaihna hriat te hi mipangngai nihna a ni a, angaihna hrelo leh nachang hre lo tamna hmun chu a buaithlak a, chumai a ni lo, a mawl thlakin hma a sawn theih loh upa in tuklo chhum zin hnan an sawi ang maiin mitdel ni silo, bengngawng ni silo, kut leh ke kim lo ni bawk si lo, mi chhiat \hat a lan nachang hre reng reng lo, mahni chunga a tlak a mite duhthawh leh em em tur si, mite chhiat \hat tuma tlawmngaih a \ul huna NACHANG HRELO tam ta lutuk te avangin khawtlang a \awp a, a hrehawm bawka, changkan theih a ni  lo bawk. Chhungkua leh khawtlangte changkang leh hmasawn chak kan tihte, khawtlang hlim leh nuam nia kan ngaih hote reng reng hi han zirchiang mah teh.
    Thil tih tur awm ang chi a nachang hria leh angaihna hria tamna hmun a ni zel ang. Chutiang bawkin veng \awp leh hmasawn lo, changkang lo  chhungkua ah pawh a ni tho mai. Nachang hrelo tamna leh thil tih tur awmah nachang hre lo leh angaihna hre lo an tam vang tho a ni mai.
    |hatni lam chu dah\ha rih phawt ila, chhiatni, a bik takin thihna-ah (nu leh pa pawh dah\ha rih phawt ang) \halai ah zan lumenpui ngaih hun pawha \halai thâu tûng si, hrisel hmel fu si, tlaivar hi miten an ngeih bik emaw ti a hrisel lohna chhuanlama kal nachang hrelo tamna vengte, tlangval thlanlaih nachang hrelo ngaihzawng nei rual inti ve si te, nula khawhar ina kal nachang hrelo, kal chhun pawha zai nachang hre bawk si lo, mahni In chhunga inlengte bula ke leng urh urh khawpa khek ring leh thei lawi si. |henawm khawveng a chhiattawk an awma, hriselna \halo zual thut \hin engzat a tam tak Hlimen ah hian awm ang imaw. I lungngaih ni leh mangan ni-ah \anpuitu i mamawh dawn avangin miten i chungah \hat an chhuah natur chuan chuan nachang hriat hmasak phawt hi a \ul. Hlimen ah hian NACHANG HRELO tam tak an la awm niin a lang.


KEIMAHNI :
Hlimkhawpui Budget
    Hlimkhawpui 2013 February  thla Budget  pe tla tawh:
1.    Vawmphunga Sec.

Saichhuma Section
    Saichhuma Sec. YMA chuan venglai a Side Drain chhin chhia repair na PWD a\angin an hmu a, he hna hmuhsaktu Hlimen Congress Unit chungah lawmthu an sawi.
    Kar hmasa a kan chhuah tawh Gas lakna a YMA Card thehluh tur kan tih kha thehlut lo in la awm a, Feb. ni 22, 2013 a in la thehlut lo number kan inpeksan palh a, Gas kan la lo palh a nih pawhin Section hruaitu ten mawh kan phur lovang.
    Feb. ni 16, 2013 khan venglai side drain chhin chhia siamin hnatlang an nei a, heta thawkchhuak member te chungah hruaitu ten lawmthu an sawi tak meuh meuh a ni.
    Venglai tui pump ah insuk leh lirthei sil khap tlat a ni.

Vawmphunga Section
    Feb. ni 9, 2013 khan Section bungrua thawm\hat ngaite siamin an hnatlang a,  a thawkchhuak zawng zawngte chungah Sec. hruaitu ten lawmthu an sawi tak meuh meuh a ni.

KAN THEN TAK :

Lianchhungi Kum 84 : Lianchhungi hi Zingthanga (L) leh Darnghinglovi (L)-te inkarah an fa pali-na ni turin kum 1929-ah N.Lungleng-ah a lo piang a. An unau hi paruk – mipa pahnih, hmeichhe pali niin 3-in chatuan ram an pansan tawh a ni. Mite angin tui tam loh mah se, ama phak tawkah Pathian rawngbawlnaah Kohhran inkhawm leh thawhlawm, vantlanga thawh tur ang thlengin a ngaipawimawh ve hle thin a. Tin, mi zaidam tak a ni a; a tu leh fate lakah aw-ka vin a hmang ngai lo. An pa – Pu Dengliana nen hian kum 1957-ah an innei a. Kum 1982 khan N.Lungleng atangin Hlimen-ah an rawn pem chho va. Fa pariat – mipa pali leh hmeichhia 4 an nei a ni    Amah hi hrisel tha tak thin, nat pawh hre ngai mang lo a ni a. Kum 2010 vel atang khan thawhah (Ashtma) hi a nei ve a. Hei pawh hi ding chung natin a nei a. Amahah harsatna em em thlen lovin tun thla (February) tan tir lam atang khan hritlang khawsikin a man a. A boral dawn thleng hian buaipui ngai leh a chenpuite tan pawh han ngaihthat lohna tur engmah a awm lova. A boral hma ni 11.2.2013 erawh kha chuan a khawsikte nasa lua lo mah se, Hlimen Urban Health Centre-ah kalpui a niin damdawi min lo chawh angte leiin an haw leh mai a. Tlai lamah leh zan mut dawn lam thleng pawhin pangngai takin a awm a. Zan rei lamah erawh a thaw lamah harsatna neiin theih ang anga bawihsawm a ni chungin 12th February, 2013 (Thawhlehni) zing dar 1:00 khan chatuan ram min lo pansan ta zawk a ni.
    Pi Lianchhungi hian a pasal leh tu leh fa sawmli leh pakhat a kalsan a ni.

Page - 3
HRIATTIRNA :
B.P.L. family
    BPL Family te tan a hnuai a Trade hrang hrang te hi April ni 1, 2013 a\anga \an turin a training theih dawn a, training duhte chuan  Feb. ni 24, 2013 ralhmain Pu C.Zoramchhana, Secretary hnenah ziakin dil theih a ni.
(1) Tailoring (men & women) (2) Handloom (3) Computer (HSLC Passed chin) (4) Computer Hardware (Computer 6 month tal training tawh nise) (5) Catering & Food Processing (6) Female Attendant (7) Electronic (8) Beauty Culture (9) Carpentry (10) 2-wheeler mechanic (11) Knitting (12)Computer Aided Designing (Class VIII passed chin Computer thiam leh tui mi) (13) Broom making (14) Security Guard (15) Mobile handset repairing (16) Hair cutting (17) Dry flower making (18) Motor Driving
    Sd/- Secretary
    BPL Pawl, Hlimen

MUP leh MHIP in râl dawn
    Hlimen MUP leh MHIP te chuan an Member boral ta Pi Lianchhungi chhungte chu Jan. ni 17, 2013 (Pathianni) chawhnu inkhawm ban hian an râl dawn a. Member atam thei ang ber kal turin hruaitu ten an ngen.


ADVERTISEMENT :

ADMISSION HRIATTIRNA
    Kum 2013- 2014 Session atan Presbyterian English School Hlimen-ah Feb. ni 4, 2013 a\angin Admission a tih theih ta e.
1. Admission Fee    -    ` 500/- (A thar tan)
    -    `  400/-( A hlui tan)
    -     KG-I Free
Unau pathum(3) chinah  Concession a awm ang.
2. Monthly Fee    -    `  400/-
Unau pathum(3) chinah   Concesion a awm ang.

    Sd/-Principal
    Presbyterian English School
 (4-3)    Hlimen.

UAIN (wine) THAR CAMPING
    Lawrence Ministries chuan Camping a buatsaih leh dawn a. Lalpa’n A thlarau thianghlim nasa takin a rawn leih \hinna a ni. Depression leh ramhuaiin a tihbuai leh buaina hrang hrang neite zalenna a ni.
A hmun : Art & Culture Building, Berawtlang
A hun : February ni 18 - 23
Speaker : Rothangpuia
Kenturte : Mutbu, Bible, Note book, buhfai no 8
    Kal turte chu ni feb. ni 18 tlai dar 2:00 ah Vanapa Hall kawt a\angin bus a chhuah tur a ni.
Contact : Pi Hmingi Ph. 9862557083 &
        Patea Ph. 8974121157

Shillong vawksa leh bawngsa rep
    Shillong bawngsa leh vawksa rep englai pawhin lei tur kan nei e. Min han dawr ve teh khai...
    In \hian,
    Malsawmthangi,
(1-1)    M.S. Variety Store, Hlimen, Venglai

LAWRKHAWM :
Tihfai |hat a ni
    Feb. ni 16, 2013(Inrinni) khan Lalsavunga raldan kâwn leh Lung den kawn chu Bi Centenary pualin tihfai a ni a. He tihfai hna hi Local Council hovin thawh ani a. Hlimen  pa senior Pu Nikhuma pawh a tel a ni.
    He hmun tihfai a nih chhan chu \hangthar tam zawk te leh khualkhua a\anga lokal ten an hriat a an hmuh theih nan a tihfai a ni. Tin, hetianga hmunhlui nei \ha khua kan ni hi kan nihlawh in kan hlut thiam a pawimawh hle. Zirlaite tan ngat phei chuan ngaihven chi a ni.

Râlna hun hmang
    Pi Lianchhungi(L) W/o Dengliana, Kapdaia Sec.a mi chu Feb. ni 14, 2013(Ningani) zan khan Branch YMA chuan râlna hun a hmanga, râlna tling khawm hi ` 2570/- a tling a ni.

Conference hmang
    Feb. ni 14, 2013(Zirtawpni) khan MUP Aizawl South- IIIArea chuan Hlimen YMA Hall-ah Conference vawi- 13 na an hmang a. Chawhma lam hi Pu Sapchhawnngura President Aizawl South III in a kaihruai a ni. He inkhawmah hian rorelna te an nei a, chuta an rorel chu Samtlang a\anga  Mel riat inkar Motor kawnga laih tlang tir dan tur te sawi ho a ni.
    Tin, chawhnu lamah 2013-2014 a Aizawl South III Area MUP hruaitu thar thlanna neih a ni bawk. Inthlanpui tur a Branch YMA sawm an nih angin, heng mite hian inthaln hi an buaipui a ni.
    Returning Officer     -     Pu Robuanga Br. Fin. Secy.
    Polling Officer     -     Pu Lalrinmawia Br. Asst. Secy.
        -     Pu R. Lal\anpuia Br. comt.
        -     Tv. R. Lalrindika Br. Pro. Secy.
    Heng mite hi thlan chhuah te chu an ni:-
    President    -    Pu Sapchhawnngura, Kulikawn        Vice President    -    Pu Lal Chianga, Tlangnuam
    Treasure    -    K. Lalhmingthanga, Kulikawn.
    Secretary te, Assistant Secretary leh Finance Secretary post hi heng thlanchhuah tharte hian an ruat thar leh dawn a ni.

Lawmthu sawina
    Keini Chalkunga Memorial Teakwondo Club Hlimen Games & Sports hnuai amite chu Pu Vanlaltluanga, Bethlehem veng a mi chuan zirna In DOJO sakna turin ` 10,000/- \anpui nan min pe a, Hlimkhawpui News kaltlangin thinlung takin lawmthu kan sawi a. Kan khawtlang hmasawnna atana thilpek min petu chungah Pathian in a let tam takin mal a sawm ang tih hi kan ring tlat a, an chhungkaw kal chhoh zelna kawng tinrengah duhsakna sang ber kan hlan a ni.
    Sd/- Secretary
    C.M.T.C, Hlimen

Page - 4
ADVERTISEMENT :

I HOUSING LOAN LAK KHA

@@        Loan i lak dawnin fimkhur takin ngaihtuah la, i rulh leh dan turah ruahmanna nei fel sa ang che.

@@        I Housing Loan lak kha rulh leh ngei tur tih hria la. A hun takah rul \hin ang che.

@@        I Loan lak i rulh \hat loh chuan Loan pek leh zel turah midang tan harsatna i siam tih hria ang che.

@@        Nangmah leh i chhungte tan phurrit i siam loh nan thawkchhuak thei a i awm lai khan i Loan rulh ngaipawimawh ang che.


(Issued by Local Administration Department, Mizoram,Aizawl)

Ramtuk thla ni 9, 2013..Issue No. 6

Page - 1
TUALCHHUNG :
Damlo: Pu Pachhunga, Hlimen Local Council member chu Feb. ni 7, 2013(Ningani) khan Hlimen Presbyterian Biakin sak mek a ahnathawh naah a tla palhin a biangki ruh a sawhtliak a, Damdawiin panpui niin First Aid pek a nih hnuin inlamah hawtir leh hrih a ni.

@@     Pu Lianchhingpuia, Vawmphunga Sec. a mi chu Feb. ni 4, 2013(Thawh\anni) khan Civil Hospitalah a Mit veilam zâi a ni a. Tunah inlamah enkawl mek a ni.

@@     Pu Lalzoliana H/o Lalhnehpuii, Kapdaia Sec. a mi chu Feb. ni 5, 2013 (Thawhlehni) khan Pneumonia avangin Aizawl Hospital-ah admit a ni a, la enkawl mek a ni.

Tuak thar: Lalromawia S/o Ro\huama, Buala Section a mi leh C. Lallawmpuii, Saithah khua te chuan Feb. ni 7, 2013(Ningani) khan damchhunga nupa ni turin ‘ Tiam tlat e’ an ti.
@@     Benjamina S/o R.Deng\huama, Lalsavunga Sec. a mi leh Julie Lalmuanpuii, Thenzawl khua te chu January ni 29 khan an innei.

Khiangawi: Zohmangaihi D/o Thantluanga, Lalsavunga Sec. a mi chuan Feb. ni 2, 3013 (Inrinni) khan Zirsangliana, Saiha a mi tawnah khiang a awi ta.

Khawmpui hmang mek: Hlimen Pastor Bial Presby. Kohhran  Hmeichhia te chuan Melthum kohhran biak Inah khawmpui an hmang mek a. Speaker ah Rev. Vanlalzuata hman niin “Khawnge i awm” tih thupui hmangin Semon ngaihthlak \hin a ni. Hlimen a Kohhran pathum atangin chhimtu an \hahnem hle. He khawpui hi Pathianni zanah a \iak ang.

Sipai tling thar: K.Zonunmawia S/o K.Dangthanga Kapdaia Section chu Assam Rifles-ah a tling thar. Hlimkhawpui EB te chuan kan lawmpui hle.

FRONT :

CHHIATNI FUND KHAWN DAWN
    Febuary ni 5, 2013 (Thawhlehni) zan khan Branch YMA O.B. leh Section tina O.B te Chhiatni Fund khawn chung changah YMA Hall-ah an inhmukhawm.
    Chhiatni Fund khawn a lo hun leh ta a, tunlai thil man sang zelte leh chhungtinte khawsakna (dinhmun) te thlir chungin chhungtin ten Chhiatni Fund kan thawh dan tur te tuk fel a ni a. Chhungtin te thawh zat tura tuk chu Section hruaitu ten an la rawn hriattir dawn che u a. Tin, Chhiatni Fund hi March 2013 ral hma ngei a khawn fel vek tur a ni dawn a, hemi hunchhunga a khawn tute an lo kal huna pe fel thei nghal tura chhungtinte lo inbuatsaih turin ngen kan ni.
    Chhiatni Fund khawn a nih chuan mi\henkhat te ngaihtuah chiang lova ‘min tuk tam em mai’ tih avanga pe duh lo an awm fo \hin. Chhiatni Fund pe duhlote chu chhiatni fund pe (member) an ni ve dawn loh avangin chhiatni fund a\anga buaipui theih an ni lo hi hriat tawh tur a ni a, zankhat mitchhin pawh tawk se; a senso zawng zawng an intum tur a ni bawk. Hengte hi hriain chhiatni fund hi pek vek i tum ang u. Kuang pakhat siamna ringawt pawh ` 1500 chuang zet sen ngai a ni a, chhiatni fund hi ` 500 aia tam tumah tuk an ni lova.
     Tin, chhiatni fund hi hmang lova kan awm a nih chuan chhungkua in thihna kan tawk lo tihna a ni a, a lawmawm hle a ni. Kan lo hmang a nih pawhin cheng tam tak thawh ngai lovin kan thawhkhawm a\ang khan min buaipui mai dawn a ni a, a hlu em em bawk ani tih i hria ang u. Chhiatni Fund hi pe ngei ngei tura intihluihna a awm lova, khawsa thei deuh chhungkua; mahni intum thei pawh kan awm ngei ang, amaherawhchu tlem te te kan thawhkhawm hian chhiat tawk chhungte kan \anpui a ni tih i hre thar leh ang u.
    Section hrang hranga chhungkaw zat leh tuk zat pawh hetiang hi a ni e :-
    Section hming    Chhungkaw zat    Tukzat belhkhawm
1.    Buala Sec.               132                      31,550/-
2.    Damvea Sec.           128                     31,750/-
3.    Kapdaia Sec.          126                      30,550/-
4.    Lalsavunga Sec.       38                      11,050/-
5.    Saichhuma Sec.      119                     30,850/-
6.    Vawmphunga Sec.    57                     17,950/-
                   TOTAL       600                    1,53,700/-

Page - 2
EDITORIAL :

Y.M.A HI A VA HLU EM!!!

    Mizoram Pawl, Association, Society ding reng reng hi din tirh a nih phat hi chuan midangte ham\hatna ni thei tura din leh ruahmanna \ha nena din a ni vek ti ila kan sawi sual awm love. Chutih lai mek chuan pawl phuahchawp (pawl piangsual sa) a piang, sum lakluh theih nana engkim phuahchawp a din a awm bawk. Chutiang pawla tallut thuk laklawh tawh hote chu thuneihna leh lalna inchuh reng rengin an buai em em \hin. Aiâwt a chakai in a chaw duhzawng a hmu a, a luhchilh ang maiin chhuah leh an harsat \hin a,  \henkhat phei chuan an nunna hlu tak an chân phah hial reng a ni.
    Mahse YMA erawh hi chu chutiang a ni lo, a luhchilh thuk apiangte chu an nun a hlimin mite ngainat leh chawimawi an hlawh \hin. YMA huanga lut nghet tawh tak tak te chu Upa \awng takin ‘YMA Belpui a chhum hmin tawh ngat te chu khawi hmunah pawh, eng hunah pawh mite tana malsawmna mite tana malsawmna thlentu an nih zel \hin avangin mite ngainat leh fak chawimawi an ni zel, YMA hi a va hlu em!!
    Tunah hian YMA chu kum 75 zeta upa a lo nita, chuti chung pawha a hna thawh leh a thiltih duhzawng ber chu LAL ISUAN ‘kapa duhzawng tih leh A hna thawh zawh hi ka chaw tui ber a ni’ a tih ang maiin mite tana malsawmna thlentu nih chu YMA chuan a chaw tui ber a ni tlat.  A la ni zel dawn bawk.
    Pathianin a fapa neihchhun min pek tih lohah chuanh keini zofate tan chuan YMA min pek hi ram leh hnam, khawtlang, mimal leh chhungkaw tan a aia hlu leh thlan tur dang engnge awm chuang le...Kan ram/khawtlang leh chhungkua te hi YMA awm ta lose eng dinhmunah chiah nge kan din ang le.
    Miten Pu Robuang, YMA hi kohhran nen  a kalkawp tur a ni em? tiin min zawt sela, ka chhanna ah chuan “YMA leh a hnathawh hi thiam taka ziaktu awm ta se; kan rinna leh thlarau nun chawmtu \ha tak a nih ka ring. Ephesi 2:10 a kan hmuh ang deuhin YMA pawh hi thil \ha ti atana din leh siam, Ama kutchhuak niin thil \ha tihna hmun, kan awm hona tura Lalpa’n a buatsaih lawk a ni,” tiin ka chhang ngei ang. YMA hi a va hlu em.

ZIAKTUTE HUANG :
TANRUAL
-Puipuii Pa
    Zirtirtu chuan Pawlthum naupang ho zingah chuan tanrual pawimawh zia chu Thing tang eltliah thawnthu, Esopa thawnthu fing kha a sawi malh malh a, naupang ho chuan ngunthluk tak leh an thinlunga hirat reng loh hlau tak chuan an ngaithla dauh dauh mai a, chu chuan an nun thui takin a kaihruai a, chhungkua-ah leh khawtlangah tanrual pawimawhzia a intuh nghet a, an lo leikang deuh a, Zawlbuk thawnthuin an chhilh hnan leh phei chuan misual takah leh khawtlang tana mi hnawksak takah an chhuak thei mang der lo a ni.
    Hetiang hi kan rual u te seilenna khawvel a ni a, zu rui rau rauvah pawh hetiang hmanga zirtir seilen, tunlaia Val upa ni chin tawh te hi chu pawr taka ruih a hnehin an inthlahrung dek zawk thin a ni.
    Nu leh pate changkan khalh tawh leh fin khalh tawh, TV leh Video mai mai enga maha ngai tawh lo, Facebook leh Internet khawvel atanga duh duh zawnga nei thei tawh te erawh hi chuan kan Mizo ze mawi tak kha kan changkan san ta mah mah a, Aia upate zahna leh khawtlang tana tangkai tumna lamah te, hruaitute zahna kawngah te pawh kan thopa zuan kan ta mah mah a. “Kei ka ni” inti ni awm takin Khawtlang leh Kohhran leh Pawl hrang hranga kan hruaitute pawh “Eng an ni bik em?” tih ngaihtuah chungin ngaihsan tumna kan nei ta mang lo.
    Rual u zawkteah chuan an inngaihsanna kha thiamna leh finna lama teh lovin, an taimakna leh khawtlang tana an tangkaina lamah khan a ni a, Lal leh Upate an zahna lantir danah te pawh a innghat a ni. Hetiang hi a nih avangin pa len leh tet in awmzia a nei tehchiam lova, a tawngthei leh thu sawi chak nazawngin zah an kai tihna pawh a ni hran lo. Kalphung leh tih dan tha tak an nei a, hei hi kan bosal ta mai pawh ni lovin kan hre mang bar lo chu a ni ber e. Hetiang lama inzirtirna “Awereness” nei tam leh deuh thei ila chuan Mizo khawtlang nun hian awmzia tha zawk a nei leh thei ngei ang.
    Kan veng pawh hi kan dinhmun a lai/lek ve khawp mai. Hruaitu inzahna a awm lova, khawtlang hruaitute thu zawm chakna pawh kan nei he hu teh vak lo, engkim mai hi Party thilin kan la ta emaw tih mai palh awl tak tur hian kan khawtlang thil tih khawmah leh hma lakah hian a hmuh theih a. Tanrual a ngaih em em hunah pawh lehlam pawl thil tih a nih chuan kan che chhuak lo ngam ngat zel mai hian hmasawnna lamah min hruai lovang tih hi kan hriat tlan chu a ngai khawp mai.
    Khawtlang anga thiltih a awm reng rengin, a organised-tu lam ngaihtuah lova, kan khawtlang tana tha tur a nih dawn phawt chuan tha ti chung leh veng hmangaih tak chunga kan thawhchhuah mai zel hi a ngai a ni. Tanrual a ngaih huna inphatsan mai lova, kan thawh ho tlan a ngaih hun a lo thlen hunah tuten emaw Political Advantage emaw Social Advantage emaw an lakna mai mai tur ti zawnga kan la zel a nih chuan a hun a lo thlen hun meuh chuan kan ngaihdan a that tawk loh zia kan hria anga, chumi hun meuhvah chuan a tlai tawh ngei ang.

Page - 3
HRIATTIRNA :
YMA Hall chungchang
    YMA Hall hman pawimawhna nei te chuan a hma thei ang berin Branch Property Secretary Tv. R. Lalrindika hnenah emaw Pu Lalremthanga Asst. Property Secy. hnenah hriattir \hin tur.
    YMA Hall hmangtu tur te Programme pawimawh a insut/indelhthuah  buailoh nana ruahman a ni.

A.M.C. building regulations
    AMC Building Regulations, 2011 angin ‘AMC Area chhunga tupawh In sa thar tur emaw, sak belh tur emaw, \hiat leh sa thar tur tawh phawt chuan AMC ah Form lain Local Council kaltlanga dil vek tur a ni. AMC phalna la hmasa lova In rel chu an hna chawlhtir leh \hiahtir nghal theih a ni.’
    He dan zawm lo leh Local Council a in report lo zawng zawngte arang thei ang bera lehkha hmang ngeia in report tura hriattir kan ni.
    Sd/- Member Secretary
    Local Council, Hlimen

Vawk leh ar vulh chungchang
    Board of Councillor (BoC) chuan mipui vantlang tâna hnawksak leh rimchhe thei tura Vawk leh âr vulh a khap tlat a. He khapna thupek  hi khawtlang hriselna atan leh thianghlimna atana \angkai a nih avangin mipui ten zawm hram tura ngen leh hriattir a.
    Tin, hetiang anga midangte tana hnawksak leh rimchhia a awm a nih chuan engtik lai pawhin Local Council-ah Complain/Report theih a ni.
Sd/- Member Secretary. Local Council.

Dim thiam ila
    Local Council ten Lamkhuangpui hnuaia Waiting Shed an siam chu zawhfel ni tawhin light \ha tak vuah a ni tawh bawk a. Tin, tlawng lui a mi \iau lung te lain dah a ni a, cheng tam tak senga siam a nih mai bakah veng cheina tling a ni a, mipui ten dimdawi thiam tur leh vawngfai zui zel turin ngen kan ni e.


LAWRKHAWM :
Signboard tar fel leh ta
    Feb. ni 5, 2013 khan Local Council in Melthum leh Hlimen ramri chin hriatna tura Signboard tar ngaimawh tu ten an tihchhiat a an paih chu chharchhuak a siam\ha in an tar fel leh ta.
    He ramri signboard tar hi misual tu ten emaw \um 8 ngawt mai tichhiain kawng thlang lamah an lo paihthla \hin tawh a, mahse Hlimen Local Council te chuan zâi dawh takin an chhar a, an siam\ha a, an phun leh mai \hin a. Tun \um hi vawi 9 an tihchhiat/paih na a ni tawh a, khawtlang mipui (\halai) ngaihdan a pel hle tawh a, hemi \uma Local Council ten an phun \hatna ah pawh hian za nufa dawnin an \awiawm mai bakah khawtlang hruaitu lo ni tawh hote pawhin an \awiawm \ha hle. Tun \uma phun \hat a ni leh hi a tawpna tura ngaih a niin, lo tichhia a tihmelhem  leh an awm a, manchhuah an nih chuan an thilsual tih man chu hmuin dimdawina a awm tawh loh tur thu kan dawng.

Hlimen kum 200 tling ta.
    Hlimen Lal hmasa ber Lalsavunga hunlai 1812a\angin mei mit lovin tunthleng hian Hlimen hi a la ding a, Kum 200 a tlin hriat rengna leh lawmna atana lungphun(Monument) pawh Pu Liantlinga MLA in Dec. ni 14, 2012 khan ropui takin a hawng tawh a. Ropui zawka lawmna tur Programme leh inbuatsaihna pawh a la kal mup mup reng a ni.

PYKKA sport
    Feb. ni 5-7, 2013 chhung khan PYKKA Sport, hmeichhe pual, CYMA leh Mizoram State Sport Council \angkawpin a buatsaihah kan Branch a\angin Volleyball ah Final lutin Kanan veng nena inkhelin an Chmapion zo ta lo hlauh a, Silver Medal an rawn hawn a ni.
    Tin, Table Tennis hi team-a khelh niin Nl. Lalmuanawmi leh Nl. Lalhunchhungi te telin Pathumna niin Bronze Medal nen an lo haw bawk a ni. Heng kan Player veng aiawha chhuakte hi kan chhuang em em a, tel thei tura phal taka hun siamsaktu an nu leh pa te chungah pawh Branch  YMA chuan lawmthu a sawi takzet bawk ani.
    Tin, Nl Lalmuanawmi, Saichhuma Section chu PYKKA Table Tennis intiahsiaknaah District aiawh turin an thlang.
    Heng YMA Branch hminga chhuak zawng zawngte hi Brach OB te chuan an pawisa thawhkhawmin February ni 9 (Inrinni) hian a lawmpuina leh lawmthu sawina chawhlui an kilpui.

Muhlum/mahni intihlum
    Dec. ni 22. 2012 a\anga Jan. ni 8, 2013 inkar chhungin kum 16-21 inkar thihchhan hriatchianloh a mu hlum mi 11 zet an tling hman a. Tin, 2012 chhung khan mahni intihlum mi 82 zet an awm bawk. Mi 16 inawkhlumin kum 15-40 inkar an ni hlawm.
    Kum 2012 a\anga tun thlenga damdawi hmansual avanga nunna chante zingah hmeichhia ten vun tih ngona atana damdawi ei an tam  zual.

Page - 3
HRIATTIRNA :
Hlimkhawpui budget
    Hlimkhawpui 2013 January  thla Budget  pe tla tawhte:
1.    Vawmphunga Sec.    2. Damvea Sec.
3.     Lalsavunga Sec.    4. Kapdaia Sec.   
5.     Buala Sec.    6. Saichhuma Sec.
    Tin, Vawmphunga Sec. ten  Febuary thla Budget an tlak tawh bawk.

Budget tlak
    Central YMA a kan Branch Budget ` 7500/- chu tlakfel a ni ta.
    Tin, Branch Budget pawh heng Section te hian an tlkak fel ta bawk.
1.    Kapdaia Section
2.    Damvea Section
3.    Lalsavunga Section
4.    Vawmphunga Section

Ngenna
    YMA Hall chhunga Table Tennis khel \hin te khan khelh zawhah T.T Board hi fel taka a dahna hmun diktaka dah fel leh \hin turin ngen leh hriattir in ni.
    Tin, Zanlama Hall-a chetla midangte pawhin kan chhuahsan dawnin kan chetlatna fel fai taka seng hawi nghal zel turin ngen in ni bawk.

Lalsavunga Section
    Lalsavunga Section chuan kumin chhunga Hlimkhawpui Agent atan Tv.John Vanlalpeka chu an ruat
    Section sum tuak nan Electric Bill khawn leh ni se tiin an rel a, chhungtinten thahnem ngai taka lo pe leh theuh turin Hruaituten an ngen a. Tin, Bill bakah Rs 20/- aia tlem lo theuh a lo pe chuang thin turin an ngen bawk a ni.
    Kum 2013 chhunga Section Property Secretary atan Pu PC.Lalzuiliana chu Committee-in a ruat bawk.
    Kum 2013 chhunga Section YMA hruaitu tur thlan zan khan Pu Lalrinmawia, Asst Secretary, Hlimen Branch YMA, chuan Section hmalak bul tan nan Rs 1000/- a pe a. Section YMA hruaituten lawmthu an sawi tak meuh meuh a ni.

Saichhuma Section
    Saichhuma Section te chuan kum 2013 chhunga an Asst. Secretary thar atan Tv R.Lalremruata chu Committee-ten lungrual takin an thlang a, Secretary atan Asst Secretary atana thlan tawh Tv David Vanlalhuma chu dah a ni.
    Saichhuma Sectionte hian an Section Gas sem dan ruahman thar an tum a, YMA Card nei zawng zawng ten hruaitu remchang apiangah  in Card lo thehlut turin hruaituten an hriattir.
    Section huamchhung lamlian dung leh Venglai leh a velah Bawlhhlawh paih mai mai lo turin khawtlang mipuite min ngen thar leh e.


CHAWHCHAWRAWI :
Keimahni chhunzawmna...
Buala Section
    Buala Section Executive Committee chuan kum 2013 Hlimkhawpui Agent atan Pu H. Lallawmsanga a ruat a. Tin, Section Property Secretary atan Tv. Lalduhawma chu a ruat thar bawk.
    Tin, Feb. ni 9, 2013(Inrinni) zingkar khan Section chhung phiahfai leh Thlanmual I thingphun hung hnatlang an nei a, hnatlanga thawkchhuak zawng zawngte chungah hruaituten lawmthu an sawi.

Kapdaia Section
    Feb. ni 4, 2013 a Pi Rochhingpuii te inthiarna(Ekin) an siamsaknaah heng mite hian  \anpuina an pe:
    1.    Local Council    -        ` 2000/-
    2.    Pu Lal Roliana    -        ` 550/-     leh Thingtuai 10
    3.    Pi Lalthanpuii    -        Cement Bag chanve
    4.    Pu Lalchhuanawma    -        ` 150/-
    5.    Pu Lalmuanzova    -        ` 200/-
    6.    Nl.Lalthangpuii(Dv Sec.)    -         Spuash bur 3.
    Heng mite baka mi inphal dangte leh hnatlanga thawkchhuakte chungah hruaituten lawmthu an sawi tak meuh meuh a ni.
    Tin,  DC Order dinglai bawhzui nan  Section chhunga ui khuahkhirh lo an awm anih chuan Section hruaituten hnatlangin an man zel tawh dawn a ni.

ADVERTISEMENT :
ADMISSION HRIATTIRNA
    Kum 2013- 2014 Session atan Presbyterian English School Hlimen-ah Feb. ni 4, 2013 a\angin Admission a tih theih ta e.
1. Admission Fee    -    ` 500/- (A thar tan)
    -    `  400/-( A hlui tan)
    -     KG-I Free
Unau pathum(3) chinah  Concession a awm ang.
2. Monthly Fee    -    `  400/-
Unau pathum(3) chinah   Concesion a awm ang.

    Sd/-Principal
    Presbyterian English School
 (4-2)    Hlimen.

F.THANGMAWIA MEMORIAL SCHOOL / HOME MISSION SCHOOL, MELTHUM
    Teacher Required
    The School requires more teacher and the applicants must have passed 12th Class or above, apply on or before 15th March 2013 and the interview will be held at the school office on 16th of March at 12:00 Noon
    Addmission open for Class K.G. -I to Class - V
  
    Sd/-Principal
    F.T.M.S / Home Mission School
 (1-1)    Contact : 9862711998 / 9862224699

THALAITE MAMAWH CHIKIM AWMNA
    Computer CPU, Monitor, T.V etc. kan siam thei ta e. Mobile Phone eng chi pawh a chhia kan siam thei bawk.. Phone Battery, Earphone, Keychain, phone cover pawh kan kawl tel nghal e. Make Up chi hrang hrang Bazar rate in kan kawl tel bawk e.
  
    TPA Mobile Repairing Centre
    Hlimen Venglai
 (1-1)    Contact : 9612278318

Ramtuk thla ni 2, 2013 Issue No. 5

Page-1

Tualchhung :

Nau nei thar: Pu Lalnunsanga leh Pi Neihkimi te nupa, Buala Sec. te chuan Jan. ni 30, 2013(Nilaini) zinglam khan an fa pahnihna atan fapa duhawm tak Civil Hospital-ah an nei thar.

Khurpui chei \ha: Feb. ni 2,2013(Inrinni) khan Local Council Member-te chuan Khurpui tuikhur hnâ lakna siam \ha in an hnatlang.

Black topping zo fel ta: Hlimen High Sikul panna kawng PWD ten ngawrh taka an Black Top chu an zo fel ta a. H/S kawng peng a\anga H/S Gate bul thleng an Black Top a. Kawngpui \ha kan nei thar hi a lawmawm hle a. High Sikul veng a chengte pawh an lawm hle. Thawhzawh ni hian Lalsavunga Sec. YMA te chuan PWD hnathawk zawng zawng te eitur sawhchiartuihnai tak an siamsak a ni.

Râl dawn: Feb. ni 3, 2013(Chawlhni) chawhnu inkhawm ban hian MHIP Member ten Pi Neihkimi(Bawngruali) ral tur a ni a. Member te kim taka kal vek tura ngen leh hriattir in ni e.

Vengchhung kawng hming siam: Feb. ni 1, 2013 (Zirtawpni) zan khan Hlimen Local Council kaihhruaina in NGO hrang hrangte nen vengchhung kawng awm hote a hming an phuah a, hei hi sorkar in a approve hun ah rawn tarlan a ni ang.

Gas chung chang: Gas lak chung changah Private mimal (Private) hming lo chuan a lak theih tawh loh niin hriat a ni a. Pawl leh kohhran, School etc.. hming chuan a lak theih tawh loh niin thu dawn a ni a. Jan. ni 1, 2013 a Damvea Sec. a sem \um pawhin Private hming lo chu pawl, kohhran etcc. hming chu an pe tawh lo a ni. Heng ho hi chuan Commercial Cylinder an hmang  tawh tur nia hriat a ni.

Ramri Signboard: Feb. ni 5, 2013 (Thawhlehni) tlai dar 3:00  ah ramri Signboard Local Council ten an phun \ha dawn a, hetah hian \halaite a tam thei ang ber \awiawm turin Local Council te chuan min beisei a ni.

Front :

BAWLHLAWH  PAIH  CHUNGCHANG
    - Member Secretary. Local Council
    Kan khawtlang pawh khawvel than rual a thang chhaw ve zelin kan bawlhlawh sawng bawl dan pawh a danglam chho ve ta zel a, Municipal Area chhungah awmin kum 2010  atangin  kan inhnai/bul rem chang changa bawlhlawh kan paih thin te tihtawp nan sorkarin bawlhlawh paihna hmun a siam Tuirial dumping Ground ah sorkar leh mipui te tangkawp in bawlhlawh kan lo paih tan ta a,kan hma lawkah hian tun aia changkang zawk leh tha zawka bawlhlawh sawngbawl dan tur pawh AMC /SIPMIU hian a duang /siam mek a,eng tik niah emaw chuan tun aia changkang zawk hi chuan kan la kal leh ngei dawn e.
        Tichuan, 2010  atanga 8/12/2012  thleng khan  kar khatah vawi khat 909 hmang leh Pick Up hmang a kar khatah vawi  khat khawn khawm a paih a ni thin a,tun hnai 12/12/2012 atangin 407 hmanga karkhatah vawi hnih leh pick up hmanga kar khatah vawi khat khawn khawm a ni leh ta  a,hemi atan hian AMC atangin kar khatah Rs. 3200/- dawn tur a ni a, a bak zawng chu mipui lam tum tur a tih a ni. Hemi chung chang ah hian mipui lamin kan tum ve tur thenkhatin an pek that em em laiin thenkhatin kan ngai pawimawh tawk lo a,Khawpui chhung a cheng /khawsa kan nih avangin khawpui inrelbawl anga kan nun a ngai a, bawlhlawh pawh kan duhna hmun hmun a paih thei kan ni lo a, kan paih loh a vangin Public Contribution  awl kan tum leh bawk si.
     Hei vang hian dan anga  bawlhlawh paihna hmun leh huna paih thin te leh public contribution tha tak chawi thin te  tan pawh harsatna kan thlenin, kan bawlhlah paih dan  pawh a khaih lak thelh a ni a,chuvangin  chhungtinin kan bawlhlawh te a hun leh hmun sorkarin a siam leh chumi atan kan tumve tur 10 % ang tih hlawhtlin hi kan mawhphurh ve na a ni tih i hre thar leh ang u.Awle, Public Contribution kan dawn tlem avang hian  harsatna kan tawk mek a, hetiang hi karkhata kan sum hman dan leh thla khat atana section hrang hrang atanga kan sum  hmuh  tlingkhawm  dan a ni:-
1.407                    rate      1800/- tlan zat vawi 2 -3600/-
2.Labour               rate     250/-    thawh zat   2    -    500/-
3.Pick up hire na    rate    500/- tlan zat vawi 1    -     500/-
4.Labour             rate    150/-  thawh zat    1    -     150/-
                     Total :               -  4750/-      
    Thla kat atana puplic contribution hmun dan tlangpui hi Rs,2400/- vel a ni.
Tuna public contribution kan hmuh ang   leh motor & labour hire ang hi chuan rei kan kal thei dawn lova, tuna kan bawlhhlawh paih dan anga kal tur chuan thlakhatah hian puplic contribution atangin Rs.6200/- vel kan hmuh a ngai a ni. (4750 - 3200 = 1550 x 4 weeks = 6200) Hetiang anih avang hian dt.29/1/2013 (thawhleh) zana PPP (mode) committee chuan hetiang hian public contributian khawn dan tur a siam a, mipui ten zawm turin kan in ngen tak meuh meuh  a,Public Contribution kan pek that ngat chuan bawlhlawh paih mai bakah kan kawtthler leh tui hawk luannate tih fai nan leh  faina lama  hmalak nan  PPP comt. chuan  a beiseiin ruahmanna pawh a nei a ni.
    1.Tlawmngaia Public Contribution khawn khawm hna  thawk section YMA ten an khawn khawm sa leh receipt te a hma lamin PPP comt ah  theh lut se.
    2.A khawn khawm hna hi Local Council ten mawh  lain , lo ngaihtuah se,February 2013 atangin khawn hna thawk tan nghal se.
    3.Public Contribution  thla khatah chhungkaw khat tan Rs.30/- zel ni tawh se.
    4.Dawrkai te hnenah thla khatah Rs.40/- zel lak nise. 

Page-2

Editorial :

Zawhte upat a upa kan ni em?

    Zawhte upat a upa tih \awngkam hian a sawi lan tum ber chu kum upa tawh thang theilo leh ran vulh rei tak enkawl pawh a lian thei reng reng lo( Hmasawn lo) sawi nana hman \hin a ni. Tin, Veng/ khua ang pawh in sawi theih a ni tho mai. Entirnan : Chumite veng/khua chu a dinna a rei tawh nen hma a sawn lovin a thang lo hle mai. Zawhte upat a upa a ni ringawt a lawm ti pawhin a sawi theih  a ni bawk. Chutiang chu Hlimen hi a ni ve mai em? Tunah hian Hlimen chuan kum 200 a tlin, BI-CENTENARY chu lawm tumin a in buatsaih mek a ni a. Kan khawtlang in vawndan te, \halai nundan te leh kan in leh lo , in leh a chheh vel kan enkawl dan te han thlir hian zawhte upata upa, \hanglo leh hmasawnlo lutukin miten min hmu angem?
    Veng changkang leh hmasawn chak tak te chu han zir chiang ila, khawtlang hruaitu ten  khawtlang tana \ha tur leh tih loh tur a ro an rel leh mipui lam ten an zawm tur, dan leh hrai kenkawh \hatna khua/veng an ni zel ang.
    Tunah pawh kan khawtlang hruaitu/roreltu te chuan khawtlang \hatna tur leh hmasawnna turin mipui te tih tur leh tih loh tur entir nan: Kangmei chungchangah te,  rankhuahkhirh naah  te, faina leh ruihhlo chungchangah te hian mipuite zawm tur leh tihloh tur thupek siam a ni a. Kan hma lawka Bi-Centenary kan lawm huna miten zawhte upata upa ang mai a min hmuh loh nana dan lehkawh chungchangah khawtlang hruaitu ten mawh an phur lo thei lo. Chutih rualin mipui lam pawh hi at viau a hun ta lo. Hetiang zela mipui kan inthlahdah zel chuan hmundang a\anga Bi-Centenary lawm tura lokal ten veng hmasawn lo leh \hang thei lo, zawhte upata upa ang maiin min hmu palh a nge. Mipui pawh i \hangharh ang u. Kan upa tawh si.

 

Keimahni :

Hlimkhawpui budget
    Hlimkhawpui 2013 January  thla Budget  pe tla tawhte:
1.    Vawmphunga Sec.    2. Damvea Sec. 3. Lalsavunga Sec.
4.    Kapdaia Sec.    5. Buala Sec.
    Tin, Vawmphunga Sec. ten  Febuary thla Budget an tlak tawh bawk.

Emergency committee nei
    Jan. ni 30. 2013( Nilaini) zan khan Branch YMA chuan E/Committee YMA Hall ah  a nei a. CYMA leh Mizoram State Sport Council \angkawpin PYKKA Sport Competition Feb. ni 15. 2013 a \an turin a buatsaih dawn a. Heng Item ah te hian tel ve nise a ti a ni.
    1. Athletics 2. BAdminton 3. Table Tennis 4. Volley Ball. 5. In ball vawm 6. Inkawibah. 7. Ketaminu race. te an ni. Tin, Heng Item hrang hrang a mawhphur/Inchargeturin heng mite hi ruat nghal an ni bawk.
    1. Athletics i/C Pu Lalrinmawia Asst. Secy leh Pu Samson Zorammuana
    2. Badminton i/C Pu Vanlaltluanga V. President.
    3. Table Tennis i/C Pu Vanlalliana Br. Comtt.
    4. Volley-Ball i/C Tv. R. Lalawmpuia Secretary.
    5. In Ball vawm i/C Pu R. Lal\anpuia Br. Comt., Nl Lalroliani Br. Comtt. leh Pu Lalremthanga Br. Comtt.
    6. In kawibah i/C Pu R. Lal\anpuia Br. Comt., Nl Lalroliani Br. Comtt. leh Pu Lalremthanga Br. Comtt.
    7. Ketaminu race i/C Pu R. Lal\anpuia Br. Comt., Nl Lalroliani Br. Comtt. leh Pu Lalremthanga Br. Comtt.
    Heng infiamna Item hrang hrang hi hmeichhe tan bika buatsaih a ni dawn a ni.

CYMA Sub-Committee
    Kum 2012-2013 chhunga Central YMA in Sub- Committee peng hrang hrang 18 a neih ah Hlimen Branch a\angin heng mite hi ruat an ni.
1. Cultural sub- Comtt. -ah Pu Vanlalthantluanga Br. Treasurer.
2. Disaster Management Sub- Comtt. ah Pu Lalhmunsiama Br. Comtt.
3. Recreation Sub-Comtt.-ah Pu Vanlaltluanga Br. V. President.
4. Sport Sub- Committee ah Pu Lalhmuchhuaka Br. President te an ni.
    Tin, Press Sub- Committee-ah CYMA O/B incharge atan Pu R. Lalngheta CYMA Treasurer chu ruat a ni bawk.

Damvea Section
    Damvea Sec. Committee hmasa ber chuan kumin chhunga an Sec. Property Secretary atan Tv. R.Lalchhuanawma an ruat a. Tin, remchang hmasa berah Pu R.Lalliansanga te In chungah Godown an sa dawn a. Hemi senso atan hian Committee member ten sum phal ang tawk tawk an thawhkhawm dawn a, midang pawisa leh bungrua thawh thei kan awm a nih chuan englai pawhin hruaitu ten an dawng reng thei a ni.
    Tin, sumtuak nan hun remchang hmasa berah veng chhuahsan lovin Blanket suk an tum a, chhungtin te Blanket suk tur lo ngaihtuahsak turin an ngen.

Kapdaia Section
    Kapdaia Section Executive Comtt. chuan kum 2013 Hlimkhawpui Agent atan Tv. Lalthlengliana an ruat thar a. Tin, Property Secretary atan Nl. Lallawmzuali an ruat thar bawk.
    Tin, Feb. ni 4,2013(Thawh\anni) hian Section chunga Ekin/inthiarna nei \halo chhungkaw pakhat  Sec. Executive Comtt. in an sak sak dawn bawk a ni.

Page-3

Hriattirna :

P.P.P.  Public contribution
    Feb. ni 9, 2013 (Inrinni)-ah bawlhhlawh paihna atana mipui lam ina February thla atan kan tum ve tur Local Member ten an rawn khawn dawn a. Chhungtinte lo inring a, innghakte hnenah thlakhat fee ` 30/- lo dah turin kan in ngen e.
    Sd/- Secretary
    PPP (Mode) Committee

Paih tawh lo ila
    Pu R.Lalengzauva, Damvea Sec. te In bul leh Thlanmual veng inkarah bawlhhlawh paih \hin kan awm a, hei hian veng hmel a tihmawi loh mai bakah helai ram neitu te tan a ngaimawhawm hle a. Tun chinah paih tawh lo turin hriattir in ni e.

Branch YMA Property
    Branch YMA Property |huthleng/No/Thleng etc. mimal inah engemaw zat a la awm nia hriat a ni a. A kawltute chuan a hma thei ang bera dah kir turin ngen leh hriattir in ni e.
Sd/- Property Secretary.

Branch OB leh section OB
    Feb. ni 5, 2013( Thawhleh) zan dar 7:00 hian Branch OB te leh Section tin OB ten kum 2013 chhung atana a chhiatni fund chungchang ngaihtuaha YMA Hall-ah meeting nei neih tur a ni a . OB  tin te he hun hi ngaipawimawh tura ngen leh hriattir kan ni e.

Inkawmkhawm dawn
    Hlimen High School veng pa hote leh Hlimen Local Council te chu Feb. ni.3, 2013(Pathianni) chawhnu inkhawm bân hian YMA Hall-ah thil pawimawh sawihovin an inhmukhawm dawn. Hei hi hriattirna a ngaih tur a ni e.

Vawk leh Ar vulh chungchang
    Board of Councillor (BoC) chuan mipui vantlang tâna hnawksak leh rimchhe thei tura Vawk leh âr vulh a khap tlat a. He khapna thupek  hi khawtlang hriselna atan leh thianghlimna atana \angkai a nih avangin mipui ten zawm hram tura ngen leh hriattir a.
    Tin, hetiang anga midangte tana hnawksak leh rimchhia a awm a nih chuan engtik lai pawhin Local Council-ah Complain/Report theih a ni.
-Sd/- Member Secretary. Local Council.

Vawmphunga Sec. hriattirna
    Feb. ni 9, 2013 (Inrinni) nileng hian Vawmphunga Sec. te chuan an Section chhung tifaiin hnatlang an nei dawn a. Member a tam thei ang ber thawkchhuak turin hruaitu ten an ngen.
 

Lawrkhawm :

Veng hming ti|ha leh ta
    Teakwondo, All India Medalist Championship Bhopal a neih zawh takah Chalkunga Memorial Teakwondo Club(CMTC) Hlimen a\anga tel Lianthangpuii D/o Lalhmangaiha, Kapdaia Sec. chuan pahnihna niin Silver Medal a rawn hawn leh ta.
    Republic Day Celebration Open Badminton Tournament neih zawh takah khan Pu Lalmuanawma, Saichhuma Sec. chu a kawppui nen Men’s Double ah an Champion a, Men’s Single-ah pahnihna a ni bawk. Pu R. Lalbiakmawia Damvea Sec. pawh 35yrs+ Doubles ah a kawppui nen an Champion bawk. Tin, 35yrs+ Men’s Single-ah Pahnihna a ni bawk. Tin, Nl. Lalhlunchhungi(Tetei) Vawmphunga Sec. a mi pawh Women Doubles ah a kawppui nen pahnihna an ni bawk a ni.
    Heng veng hming ti\hatute hi an va hluin an va chhuanawm em.

Nungchâ humhalh
    Tunlai hian Pu Lalsanga te kawmthlanga Phuanberh rah tlan Sava silai nena veh/kah ching in awm a. Nungchâ humhalh a nih avangin tunhnuah lo veh/kâp tawhlo tura ngen in ni e.

Thlai thâr zuar assiociation
    Jan. ni 27. 2013(Pathianni) chawhnu inkhawm ban khan Pi Lalchhuanawmi te Inah Hlimen Mahni Thlai Thar Zuartu Assiociation (HMITTZA) din a ni a. Heng a hnuaia mite hi hruaitu tur atana thlanchhuahte an ni.
    President            -    Pi Sangkhumi
    Vice President    -    Pi Lalruaii
    Secretary           -    Tv. Lalremliana
    Asst. Secretary   -    Pi Biakchungnungi
    Fin. Secretary    -    Pi Lalzawni
    Treasure             -    Pi Chawngmawii

Chhiartute ngaihdan :

@@    Ram leh khawtlang duh loh Tiranga tun thlenga Venglai dawrkai pakhatin a la zuar lui fo mai hi khawtlang hmangaihna pakhatmah an nei lovin ka hria. Kan MHIP lam han che leh teh u. Kan \halai an suat \an mek a ni si a. Thil \halo a ni tih hrereng a hralh nuam a tih leh a hlawk tih avanga zawrh luih tlat mai hi engnnge an inchan ang le. Khawtlang hruaitute phal loh tihluih hian chhungkua ah rah \ha a chhuak ngai lo. Chuvangin tuna zuar mekte pawh hian an chungah a thlen hmain sim thei se a lawmawm ngawt ang.
-Tiranga haw em emtu

@@    Hlimen-ah hian Ruihlo zawrh khap niin ka lo hria a, hun engemaw chen a\ang khan Bike hmanga zan rei hnua vengthlang lama zu rawn hawn a, zawrh tir \hin Pa pakhat....... hi JAC te hian an hre lo nge an man ngamlo. A  ninawm hle hle. Khawngaih in changchhuakin man chhuak teh u khai... A kham awm ta e.....
- Mama Nu.

 Page-4

Advertisement :

Mizoram Information Commission
New Secretariat Complex, Khatla, Aizawl

1.        The Right to Information (RTI) Act, 2005 hi India Constitution Article 32(3), Article 33 leh Article 19(1) te behchhan a Indian Parliament in a siam a ni a, June 15, 2005 a President of India in a pawmpui a\anga hman \an a ni. Mizoram Information Commission pawh RTI Act, 2005 Section 15(1) in a phut angin June 29, 2006  khan din a lo ni tawh a, July 5, 2006 a\angin he dan hi Mizoramah hman \an a lo ni tawh a ni.

2.        RTI Act hi langtlang leh Sorkar dik neih nan, Corruption ven nan leh mipui leh Sorkar inhnaih a information dil leh pek theih nana siam a ni. Sawrkar kalphung diklo lai siam\hatna leh ram hmasawnna kawnga hmanraw \angkai tak Right to Information Act chu Central leh State hrang hrangah mi tam takin an hmelhriat ta. RTI Act hi midangte huatna tur leh phuba lakna tura siam a ni lova, eirukna avanga hmasawnna \huanawp kalchaktirna tur leh dikna hmanga rorelna atana siam a ni.

3.        Mizoram Information Commission in a tum bulpui ber chu RTI Act hmanga mipui mimir ten an dikna leh chanvo an hmuh theih nana puih leh RTI  dan kenkawh leh hmelhriat te a ni. India khua leh tui i nih a, i dikna chanvo hmanga ro inrelbawl dan i hriat theih nana sawrkar laipuiin hmanrua a siamsak che hi ngaihthah mai lo la, i tan, kan tan leh Zoram tan RTI Act hi hmelhriat zel la.  He ram tan hian hnahthêl ro anga i tlak bo mai loh nan RTI Act hi hmang la, i ram neihchhun Mizoram tan han penchhuak ve teh le.

4.        Sawrkar Office tinah State Public Information Officer (SPIO) te an awm vek a, an ni hi i thil hriat duh engpawh i zawt thei a, an lo pui zel ang che. I zawhna te chhan loh a nih emaw, an chhanna che a i lungawi lo emaw a nih chuan, i thilhriat duh i zawhna Department a Departmental Appellate Authority (DAA) hnenah i zualko leh thei a.  Chuta i la lungawi lo cheu a nih chuan, Mizoram Information Commission ah i la rawn zualko thei zel a, engtiklai pawhin i harsatna ah puih che kan inhuam reng a ni.

Issued by : Mizoram Information Commission
New Secretariat Complex, Khatla.
Aizawl : Mizoram
EPABX No: 2334833
FAX: 23344826, 2335550
website : www.mic.mizoram.gov.in

Page-5

Chawhchawrawi :

Road Safety Week

    Motor accident avangin India ramah kumtinin mi nuai chuangin an nunna hlu tak an chân a, nuai tam takin hliam an tuar a, bungrua cheng crore tamtak man tih chhiat a ni \hin.
    February ni 4 a\angin ni 8, 2013 chhung hian Mizoramah Road Safety Week vawi 24-na hman tur a ni a. Motor accident laka kan him theih nan hengte hi hre reng ang u:-
    (1)    Rui chungin tuman lirthei khalh loh tur.
    (2)    Zurui motor khalh-ah chuan loh tur.
    (3)    Fimkhur takin motor kawng kân \hin tur
    (4)    Motor kawngah tumah infiam loh tur.
Nun hlu humhim turin lirthei lakah mitin i fimkhur ang u.

Aizawl Municipal Council thuchhuak

    AMC chuan hetiang hian thuchhuah a siam :-
    Kum 2012 - 2013 atan Aizawl khawpui (AMC Area chhung) a inhmun, lo ram chhiah (Property Tax, Land Revenue, Building Tax, Zoram chhiah etc.) chi hrang hrang pek a lo hun leh ta a. Chhiah hi ni 21.1.2013 a\anga ni 30.3.2013 chhunga pek vek tur a ni.
    Kum hmasa lama la pe lo leh kumin a pe turte chuan March 2013 ralhma ngeia pe tura ngen leh hriattir kan ni a, a hma kum lama chhiah pekna Receipt hnuhnung ber kengin Office hunchhungin pek tur a ni. Hetiang hian keini Hlimen, Melthum leh Saikhamakawn tan February ni 5 - 7, 2013 chhungin AMC Sanitation Office Sikulpuikawn ah pek tura ruahman a ni.
            Sd/- Member Secretary
            Local Council, Hlimen

 

Advertisement :

HINDI  SCHOOL  ADMISSION
    Hlimen Middle School - ah zingkar, dar 6:30 Am - 8:00 Am inkarah Hindi Class, Class IV to B.A. zirna hawn a ni dawn a, March ni 1, 2013 atanga Class tan tum a ni.
    Admission Fee :      
    Cl. IV to VIII    `    500/-
    Cl. X (Prabodh)    `    1500/-
    Cl. XII (Pravashika)    `    2000/-
    B.A. (Praveen)    `    2500/-
    Monthly Fee : 
    For all Classes    `    200/-
    Mizoram Hindi Prachar Sabha (MHPS) hnuaiah Permission neih a ni a, Hindi Class mai bakah Hindi Spoken leh Hindi Software hmanga thil chhut dante pawh zirtir tum a ni.
Contact:   
    1) A.K.Joshi    -    9863914397
    2) Duhthusama    -    9436199909
    3) C.Lalduhsanga    -     9862022067
                                             Sd/- Arjun Kimar Joshi                              

                                Hindi Teacher, Govt. M/S-I, Hlimen
                                                        &
(2-2)                             Ph.D. Scholar, Hindi in MZU

ADMISSION HRIATTIRNA
    Kum 2013- 2014 Session atan Presbyterian English School Hlimen-ah Feb. ni 4, 2013 a\angin Admission a tih theih ta e.
1. Admission Fee    -    ` 500/- (A thar tan)
    -    `  400/-( A hlui tan)
    -     KG-I Free
Unau pathum(3) chinah  Concession a awm ang.
2. Monthly Fee    -    `  400/-
Unau pathum(3) chinah   Concesion a awm ang.

    Sd/-Principal
    Presbyterian English School
 (4-1)    Hlimen.

LEI DUH
Heng ahnuai a tarlante hi kan lei duh reng e.
    1. Tuboh lian
    2. Chhenî
    3. Hemlian (King Pin)
    4. Tiang thir
    Aman chu inbiakremna ang nise.
   
    Lalsangbera.
(2-2)    Ph. 9862375210

Page - 6

PROPERTY PROFILE AND SERVICE LEVEL SURVEY:

    A chung a kan thupui ang hian Aizawl hmun thenkhatah chuan survey hi neih zawh tawh a ni a,keini Ward chhung pawh an lo lut hnai tawh a,hemi chung changah hian dt.29/1/2013 (Tuesday) zing  khan Ward chhung a Local Council te,NGO’S leh Prominent Citizen te Councillor chairman na hnuaiah Public Consultation Meeting neih a ni tawh a,tichuan Property Profile and Service Level Survey nei turin tun atanga reilo te ah hian Institutional Development Consultancy (IDC) Office  a Survey Team te an lo lut dawn a, khawtlang mipuite tanpuina leh tawiawmna an ngen tak meuh meuh a ni.Hemi chungchang a kan hriat tur pawimawh te leh he thil hi enge a nih, eng atan nge ? tih han tarlang ila :-
    Hemi thupui a Property tih hian In leh lo,LSC leh a chhung a thil awmte a huam ang a, Profile tih hian eng thil nge inhmun chhungah chuan awm tih leh Service Level Survey tih hian khawsakna atana kan mamawh; water supply,bawlhlawh(solid waste management) dinhmun, tui chhe paihna (sewarage facilities) leh kha hmun tlawh leh panna kal kawng  engangnge anih tih zir chianna  a ni deuh ber mai awm e.
    He thil hi India Sorkar in khawpui dinhmun siam tha a,hmasawnna tura Programme a duan/siam JnNURM programme atan te,North Eastern Regional Capital Cities Development Investment Programme(NERCCDIP)   (Asian Development Bank (ADB) atang Loan hmanga Hmarchhak khawpui panga  cheina tura Programme duan a ni a, hetah hian Aizawl Khawpui pawh a tel a ni),Finance Commission, Government of India atangin kumtin  Grant  lokal thin atan te  a ni.(Finance Commission atang phei hi chuan keini veng pawhin Questionaire kan dawng daih tawh a ni, he survey hmang hian kan chhang dawn a ni). He programme hrang hrang te hian Reform Agenda engemawzah a nei a,chung agenda ti hlawhtling /tipuitling tur chuan he survey hian thui takin kawngro a su dawn a ni.
    Tin, he survey atanga kan dinhmun tur pakhat leh chu Satellite Image Geographical System (GIS) Base Maps siam chhuah a ni ang a, chumi hunah chuan khawi hmun atang pawhin kan computer leh Mobile Hanset hmangin AMC Website ah lutin chuta tangin kan hmun duh lai Grid Area ah lutin awlsam takin khawpui chhung a kan duhlai kan tlawhin, kan hrechhuak thei dawn a ni. Tichuan, he thil kan neih hunah chuan sorkar leh Organisation hrang hrang leh mimal pawhin hmasawnna leh programme siam nan kan hmang tangkai em em tawh dawn a ni.

    He mi atana chhungkaw tinina kan hriat tur pawimawh  han tarlang  ila:

    1.Survey Team te tha taka lo dawn sawn.
.
    2.Questionnaire a zawhna te tha taka chhan.

    3.LSC number,Tui Meter number leh Trade License number-te hriattir.

    4.In leh ram teh chhuah tir (In neitu /luahtu puihna in)
    Kan chenna khawpui hian hma a sawn ngei theihna tura Sorkarin programme a duan  hrang hrang atana a chhunga chengte’n tih tur kan neih ve te tihhlawhtlin hi kan mawhphurhna a ni tih hriain, khawtlang mipuite tha taka survey Team te tanpui tur leh tawiawm turin kan in ngen a, he survey Team ah hian Local Council member zing atangin pakhat an tel bawk dawn a ni.Hemi chungchanga hriatfiah duh neite chuan Local Council Office ah emaw member te hnenah zawhfiah nise.
                                        Sd/-
                                    (J.ZOTHANPUIA)
                                    Member Secretary
                                    Local Council,Hlimen.