Pâwltlak Thla Ni 28, 2013.. Issue No. 52

PAGE - 1

TUALCHHÛNG :

Damlo: Lalruatkima S/o J. Zothanpuia, Saichhuma Sec. chu Krismas ni zan khan a kaih thut avangin Civil Hospital panpui nghal niin Treatment pek a nih hnuah inlamah enkawl chhunzawm tur in haw pui leh a ni.

@@    Pi Rohmingliani D/o Neka(L), Buala Sec. chu a chuap a tui tling chu Civil Hospitalah siakchhuah sak a ni a, \hat lam pan zelin inlamah a in enkawl mek.

Street light siam: Dec. ni  21, 2013 (Inrinni) khan Kapdaia Section huamchhung Street light  eng thei tawh lo, hmun 5 vel a mi siam ni a, hunremchang hmasa berah siam leh tur a ruahman a ni.

JAC thu leh hla: Hlimen Local Council ten JAC te tha tihchak nan an kutah ` 2000 an hlan a. Tin, MHIP Hlimen Branch te pawhin ` 500 an hlan bawk a. JAC te an lawm hle.
    Tin, Kum 2013 Krismas kan hun pui a Hlimen \halai rui buaipui leh vantlang tana hnawksak leh ngaihmawh awm hmuh tur leh hriat tur an awm lo kha JAC Duty te chuan lawmthu an sawi a, Kumhlui thlah a, kumthar lawm hunah pawh khawtlang tana harsatna siam lo turin \halai te an ngen nghal bawk a ni. Mimawl zurui nih duh lova changkang taka hlim taka \halai te an chetla  hian Hlimen \halai te changkan tawh zia a ti langin JAC Duty te chuan lawmawm an tiin lawmthu an sawi a ni.

Krismas ruai: Hlimen Presbyterian Kohhran chuan hun rei tak a huho a, ruai \heh ngai tawh lo te 2013 Krismas a ruai \heh hona an nei chu hlawkthlak an ti hle.
    Tin, Krismas ruai hi The Salvation Army, Hlimen Corps te chuan  ni 3 an \heh a. A nawn rei ber an ni awm e. Tin, Isua Krista Kohhran pawhin vawi 2 ruai an \heh ho bawk a ni.

Hlimen Education Committee din: Hlimen a zirna in hmasawnna thar a lo hmuh theih nan rawtna awm chu ti hlawhtlingin Local Council hmalakna in Hlimen Education Committee chu din fel a ni ta a. Dec. ni 30, 2013 khian Local Council Office ah Meeting hmasa ber neih a ni ang.

FRONT :

KUM 2013 CHHUNGA HLIMEN A THILTHLENG LANGZAR ZUALTE

Jan. 5 :    Hlimen Bi-Centenary pual leh Tuikhuahtlang  Welfare ten kan venga thlanmual/recreation centre an rawn neih lawmthu sawi nan YMA Hall-ah Free Clinic neih a ni. Doctor 18 leh Nurse 14 an rawn kal a ni.

Jan. 11 :    All India PYKKA Kerala a Chalkunga Memorial Teakwondo Club a\anga tel  Tv. Zoramsanga S/o Zoramhmangaiha Buala Sec a mi chuan Gold Medal lain K.Lalrinpuii Salem veng chuan Bronze Medal a la bawk a, hemi lawmna hun hi hman niin vengchhung tlawmngai pawl hruaitute sawm an nih angin an tel \ha hle.

Jan. 13 :    Hlimen Pastor Bial vawngtu Pastor G.Chhun\huama chu a Term a zawh tak avangin he dinhmun luah tur hian Pastor C.Sapkaia chu Keifang a\angin rawn dah a ni.

Jan. 18 :    Hemi zan hian Hlimen Branch YMA hnuaia Section hrang hrang hruaitu thlan a ni.

January :    Tv. Jerome Lalrinawma S/o H.Lalrammawia, Kapdaia Sec. a mi chuan Vety Doctor (BVSC) \ha takin a zo.

Febuary :    PWD ten High School kawng an Blacktop chu an zo fel ta a, High School peng a\anga School Gate thleng an zo a ni.

Feb. 28 :    Pu Ro\huama, Buala Sec. a mi chu Deputy Secretary a\angin Joint Secretary ah a kaisang.

March :    IKK Aizawl ‘E’ Bial vawng mektu Tk. Zahlira chu a Pension tak avangin hemi hmun luah tur hian Tk. Lalramthara chu Mamit a\angin Bial Centre Hlimen ah rawn dah a ni.

April :    Vawk pul hri Swine Fever a leng nasa hle a, vawksa pawh a hnawng nasa hle.

April 12 :    YMA kumpuan ‘Ram leh hnam humhalh’ hawnna hun YMA Hall-ah hman a ni a, Pu R.Lalngheta Treasurer CYMA in a hawng.

April  :    Hlimen Bi-Centenary pualin Volleyball, Chess leh Drough Board ah te infiamna buatsaih a ni.

April 27  :    Thlichhia in Hlimen khawtlang min tibuai hle. Mihring chenna In 6 vel leh ran in 6 vel bakah tuizem lian te a suasam a, electirc Current line pawh a tichhe nual.

May  :    Hlimen kum 200 tlin lawmna hun hman a ni. Zing dar 7:00 ah Lal In kawtah Bi-Centenary dâr vuak a ni a, hemi zawh hian YMA Hall-ah Souvenir tlangzarh a ni. Tlai lam dar 2:30 ah Mualzawlah Programme hman a ni bawk.

May   :    Pu Vanlalsiama, Damvea Sec chu PHE Deptt. Junior Engineer ah a kaisang.

May 18  :    Branch YMA Day pualin Civil Hospital a amamawh apiangte hman turin YMA Hall ah thisen pek runpui neih a ni a. Mipa 49 leh hmeichhia 4 in thisen an pe a ni.

Phek 2-na ah chhunzawm a ni.....

PAGE - 2

EDITORIAL :

KUM THAR CHIBAI
    Kum 2013 atana Hlimkhawpui Weekly News Letter buatsaih hun atana hun hnuhnung ber a lo ni ta reng mai. Hlimkhawpui chanchinbu khaihlak awm hauh lova tun hun thleng maia chhiar theih tura a la awm chhan chu mi \hahnemngaite leh Editorial Board te inpekna Pathian in mal a sawm avang chauh a ni a. Malsawmna min petu Pathian hnenah lawmthu awm rawh se.
    He chanchinbu hi khawtlang tan leh chhungtinte tana \angkai tak leh chhawr tlak tak a nih theihna tura tualchhung chanchinthar, thu a chhia a \ha rawn thawh \hin tute leh thu leh hla \ha tak tak khawtlang mipui te tana rawn thawh \hin tute zawng zawng chungah Editorial Board ten lawmthu kan sawi mawlh mawlh a ni. Kum thar 2014 ah pawh he chanchinbu hian kum kalta lam aia hma a sawn zel theih nan nasa lehzualin thiamna leh hriatna leh finna te \hahnem ngai taka rawn thawh lehzel turin kan ngen che u a ni.
    Tin, he chanchinbu a thu leh hla a ni emaw, thu a chhia a \ha tarlan \hin ah te tihdikloh palhte, chawimawi tlak leh infuih ngaihna chung changah te, famkim lohna kan neih te insawisel mai lova thurawn \ha min pek fo \hin avangin kan lawm hle bawk a ni.
    A tawp ber atan chuan he chanchinbu hi tluang taka a kal zel theih nan kum thar 2014 kumbul a\angin hun leh tui luangin tumah a nghak ve ngai lo a ni tih hriain thil engpawh kan tihna apiangah inchhir a sawt lo, siam\hat leh nan hunin min nghak  fo lo a ni tih hi vawng tlat ila. Kum 2014 kumthar chu kum \ha leh hriat reng tlak; malsawmna dawn kum i tan leh ka tan a ni ngei ang. 2014 kum thar lo thleng tur hi chhiartu zawng zawng te tan a \ha zawnga malsawmna a nih theih nan Hlimkhawpui buatsaih tute chuan duhsakna kan hlan a che u.
KUMTHAR CHIBAI VEK U LE

Phekhma chhunzawmna....

June 15  :    YMA Day ropui taka hman a ni. Zingkarah thingphun hnatlang neih a ni a, chhun lamah infiamna hrang hrang hmangin Section tinte inelna buatsaih a ni. Zanlamah Programme hman niin zaipawl intihsiakna hun hman a ni.

July 1  :    Local Council ten Central Workshop bula motor parking na hmun an ruahman chu hman tan a ni ta. Motor a him zawk nan Security Duty siam a a ni.

July   :    Pu H.Vanlaltlana, Damvea Sec. chu a hnathawhna BSNL ah Junior Telecom Officer (JTO) ah a kaisang.
    Tin, N.Zoliankimi D/o N.Zokunga Vawmphunga Sec. chu Doctor a ngheta lak zingah a tel bawk.
    Tin, Pi Laldingpuii W/o Lalthantluanga Vawmphunga Sec. chu UDC ah a kaisang bawk.

Aug. 28  :    Bialtu MLA Pu K.S.Thanga’n Bial chhung te tan Volleyball Tournament a buatsaih chu Mualzawlah khelh \an a ni.

Sept. 8  :    Presbyterian Kohhran naupang khawmpui chu Kohhrtan hrang hrang ah neih a ni.

Sept. 14  :    Local Coucil buatsaihin ‘Hlimen hmakhua’ tih thupui sawihona hun hman a ni a, sawmbikte an kal \ha hle.

September  :    Branch YMA bul tumin Pi Rochhingpuii (Rotawii) in sak sak a ni.

Sept. 19  :    Hlimen a Electric Transformer chu veng danga hman atan rawn laka, a aia tê rawn dah tumna a awm vangin lungawi loh lantir nan zingkarah mipui kan pungkhawm.

Oct. 10-13  :    Hlimen Presby. kohhran chuan Aizawl chhim Presbytery a thleng.

Oct. 20  :    Hlimen Salvation Army Corps te chuan an kum 25 tlin (Silver Jubilee) lawmna hun ropui takin an hmang.

Nov. 25  :    MLA inthlanpui neih niin kan vengah pawh Polling Booth 2 ah vote thlak a ni.

December  :    Branch YMA chuan hunpui lai denchhenin Venglai kawn mawi takin a chei.

Dec. 17  :    Hlimen a kohhran hrang hrang \halai ten Joint Advance Christmas Hlimen Preby. kohhran Hall-ah an hmang.

Dec. 20  :    Kum 2014 chhunga Hlimen Branch YMA hruaitu tur thlanna hun hman a ni.

Dec. 25&26  :    Krismas ropui takin kohhran hrang hrang ah lawmna hun hman a ni.

Advertisement....

Min rawn dawr ve teh
    Vawk hrisel  leh thau \ha, ei nuam tawk tak chu thing\ha ngata rep( ur) englai pawhin lei tur kan nei reng e. A tui dan chu min han dawr la, hrilh leh chuan i ngai lovang.
In \hian,
C. Lalhmingmawii
Hlimen vengchhak.
 

PAGE - 3

HRIATTIRNA :

Notification
    The Mizoram Municipalities Act, 2007(Act No. of 2007) Section 371 in thuneihna a pek angin Mizoram Municipal Council chuan “ The Aizawl Municipal Council Licensing Regulations, 2012” leh “The Municipal Council Display of Advertisment and Hoarding Regulations, 2013” a siam a. Heng regulation hi Aizawl Municipal Council huam chhungah ni 6. 1, 2014 a\angin hman \an tawh tur a ni.
    The Aizawl AMC Licensing Regulations, 2012 hi hman a nih tawh dawn avangin AMC huamchhunga dawr leh sumdawnna hmun din thar tur reng reng chuan AMC a\angin phalna an la hmasa zel tawh tur a ni. Tin, he Regulations hman \an a nih a\anga thla ruk (6 Months) chhung ngeiin AMC a\angin phalna an nei tur a ni. Tin, The Aizawl Municipal Council Display of Advertisment and hoarding regulations, 2013 hi hman a nih tawh dawn avangin AMC chhung kawngpui dung, building leh vantlang hmuna Advertisment leh banner mipui hmuh theih tur chi reng renga siam leh tar tur chuan AMC a\angin phalna an la hmasa zel tawh tur a ni. Tin, he regulations hman \an hmaa lo tar leh siam tawhte pawhin he dan hman \an a nih a\anga thla ruk (6 months) chhung ngeiin AMC a\angin phalna an nei tur a ni.
                     Sd/- M. Zohmingthangi
                     Chief Executive Officer
                   Aizawl Municipal Council

Ngenna
    Mizo ten kan hunpui ngaihhlut ber hun kan kan lo hmang chho leh ta a, hetih lai hian kan khawtlangah duh anga zana khawlai entu (Street light)  a indaih tawk loh avangin hmun thim lai a tam hle, kan lo him zawk nan leh kal vel te tan a lo nawm zawk nan  mitin ten kan kawt kai a eng kan chhit te(Varandah Light) ti eng zual \heuh turin kan in ngen a ni. Hlimen khawtlang a krimas leh kumthar hmangtu leh hmang tur zawng zawng te duhsakna sang ber kan hlan a che u.

            S/d Lalhmingliana
                Chairman, Local Council

Electoral Roll revision
    Electoral Roll Revision neih mek a ni a, hming thunluh, transfer, correction etc.. ti duh tan Dec. ni 31 thleng hun hawn a ni dawn a ni.
     Roll a thun thar dilte chu January ni 1, 2014 a kum 18 tling chin an ni tur a ni a, Birth Certificate Xerox Copy leh thlalak Passport Size Copy 2 thil tel tur a ni. Dilna form hi Pu Duhthusama leh Pu Lallawmzuala te hnenah lam theih a ni.
    Vote nei thei chin ten vote thlak thei tura Electoral Roll a in thun hi kan tih tur, khua leh tui dik tak kan nih zia lanna a ni tih i hria ang u. 

LAWRKHAWM :

Synod in ram hlan let
    Hlimen khaw hmun hlui, tuna Synod in a enkawl, Zophei a mi, Hlimen Local Council ten vantlang ram ni tura an lo dil tawh chu  Synod rorelna sang chuan pawmin  CKTP in a enkawl bik lai chu Local Council kutah a hlan let leh a,   ramri en leh  Adv. Christmas hman pah fawmin Local Council ten Dec. ni 19, 2013 (Ningani) khan tlawhin a hmunah chawhlui an kilho a ni.
    Hetianga Hlimen khawtlangin vantlang hmun tur a nei tlem em em tawh lai a Synod in khawtlang aiawhtu te thu leh hla, thutlingah lo pawm a, an dilna an tihlawhtlin avangin khawtlang hruaitu ten Synod chungah lawmthu an sawi bawk a ni.

Kumpuan hnatlang
    CYMA hamlakna in Dec. ni 21, 2013 (Inrinni) zan khan Hlimen Branch YMA member mi 28 te chu Rangvamualah ruihhlo dap hnatlang neiin an kal a, Kan Branch Duty hi Dinthar Branch YMA te nen in kawpin rakzu  ‘cial 10 Litre leh funte 43 an man a ni. Kal nan hian Bus hire a ni a; tin, Pu Lalrinmawia leh Pu Lalthantluanga te Motor in Member te hi an fehchhuak a ni.

Lawmthu leh thupha chawina
    Kan khawtlangin Chrismas leh kumthar hlim taka kan hman theih nan tiin kan phak ang angin kan veng kawn te kan chei ve a, hemi chei nan a sum thawhtu zawng zawng chungah leh bungraw lei nan a motor thawhtu Pu Lalthantluanga chungah te lawmthu kan sawi tak meuh meuh  a, hetih lai hian sum indaih tawk lohna avangin  nalh zawk leh mipui beisei ang kan pha lo tih kan hria a, khawtlang mipuite hriatthiamna kan ngen tak meuh meuh a ni.

                Sd/- Lalrinmawia
               Convener, Decoration Sub- Committee

Lawmthu sawina
    Tun \um MLA General Election kan neih zawh takah Pu K.S.Thanga thlan tlin a lo ni leh ta hi in vote hlu tak in pek avang a ni tih hriain vengchhung mipui vengchhung mipuite in chungah kan lawmin, a bik takin Party Worker te in thawhrim rah a ni tih kan hria a, lawmawm kan tiin Hlimen Congress Unit chuan in chungah lawmthu an sawi tak zet a ni.
   
    Sd/- Tlanghmingthanga
    Secretary
    Hlimen Congress Unit

Krismas ruai |hehdan
    Kumin Krismas lawmna ruai kohhran/veng hrang hranga \hehdan a tlangpui hriat theih chin a ni a, la in chhut fello/bikimlo an awm avangin a bawr vel(Approx.) a dah te pawh a awm a ni.
    Kohhran Hming                         Ruai\hehzat           Senso
1.    Hlimen Pres. Kohhran                900              `    97,520
2.    Hlimen Damveng Kohhran         450              `    45,000
3.    Vengthar Kohhran                       200              `    13,000
4.    Salvation Army (Ni 3)                 130               `    30,000
5.    Isua Krista Kohhran (Ni 2)          200              `    34,340
6.    UPC                                                90              `    17,000
7.    Baptist Kohhran                          100               `    12,350
8.    A.G Kohhran                                  50                `    8,000        

PAGE - 4

KEIMAHNI
Hlimkhawpui Budget
    Hlimkhawpui  2013 December  thla Budget  pe tla tawh te:
1.    Kapdaia Sec.    2. Damvea Sec.
3.    Buala Sec.    4. Vawmphunga Sec.
5.     Lalsavunga Sec.    6. Saichhuma Sec.

Charge inhlanna leh insiamrem na neih a ni
    Kan hriat angin Dec. ni 20, 2013 (Zirtawpni) zan khan R.O Pu R.Lalngheta kaihhruaina in P.O. Local Council Member te leh Adviser Pu Duhthusama te nen YMA Hall-ah kum 2014 Hlimen Branch YMA hruaitu tur thlan a ni a,  O.B. tur mi 6 thlanchhuah niin chung thlanchhuahte chuan Dec. ni 24, 2013 (Thawhlehni) zan khan Charge inhlan leh Post insiamremna R.O. hovin YMA Hall-ah neih a ni a, hetiang hian Post siamrem a ni :-
    President    :    Pu Vanlaltluanga
    Vice President    :    Pu Robuanga
    Secretary    :    Tv. R.Lalawmpuia
    Asst.Secretary    :    Pu Lalrinmawia
    Treasurer    :    Pu Lalhmuchhuaka
    Fin.Secretary    :    Pu Lalthantluanga
    Hlimen Branch YMA hi nung tak leh chak taka kal turin heng mi 6 Office Bearer ho ringawt hi chuan hna an thawk seng dawn lova, Committee rual ho leh member tin tenen lungrual taka thawh hona chauhin YMA Branch nung tak leh chak tak chu a siam theih chauh dawn a nih tih hi member ten kan hriat reng a pawimawh. Hruaitu \ha te, pawl chak leh nung takte, khawtlang tinuam a, a chhe lai siam\ha turin Office Bearer chauhte hi an tawk lo tih hriain kum 2014 hi a \ha zawnga kum chhinchhiahtlak ni turin lungrual taka thawhho hi kawng awmchhun a ni tih hi member tin ten i vawng tlat ang u.

Branch YMA lawmthu
    Kum 2014 hruaitu thlan zana chanvo nei tura ruat leh beisei ten an rawn tihhlawhtlin avangte, kalkhawmte min chawk hlim tura LPS Commedian Search Top 5 Lalnunpuia S/o Lalthanpuia Buala Sec. a mi chungah leh thiam taka member te zaia min awitu Nl. Lalhmangaihi D/o Hmingmawia Vawmphunga Sec., Lalramnghaki D/o Lalengliana Buala Sec., Miriam Zodinsangi D/o N.Zonunmawia Saichhuma Sec. leh Tv. Lalduhawma & Tv. Zonunkima Buala Sec. a mi te chungah hruaitu ten lawmthu an sawi tak meuh meuh a ni.

Ralna hun hmang
    Pi Lalmalsawmi C/o Lungtiawii Damvea Section ralna hun Branch YMA chuan Dec. ni 19, 2013 zan khan a hmang a, member te kenkhawm leh khawn a\angin ` 3780 hlan an ni.
    Tin, Pi Malsawmi chhungte hian a tuamna puan chu a \ul anga hman atan Branch YMA ah an hlan bawk.

CHHIARTUTE NGAIHDAN :

@@    Urlawk zan kan hman liam takah harsatna leh buaina awm lem lovin; midangte tana buaina, hatsatna thlen thei zawngin kan tal/khawsa lo niin a lang a, \halaite kan changkan tawh zia a lang chho zelin ka hria. Kumhlui thlahzan kan hman leh turah pawh hian mite tana harsatna leh buaina siam lo zawnga changkang taka kan hman liam leh theih ka beisei khawp mai. Chutihrualin, \halai ten changkan lam kan pan mek lai hian kum upa lam, rual û lamah tlem azawng rui deuh taka khawlai a tei kual ching kan la awm nual a, inenfiah a ngai khawpin ka hria. Hawh u, chankan lam i pan zel ang u.
- Bartowski

LAWKHAWM CHHUNZAWMNA...

KUM 2013 CHHUNGA KAN |HEN TAKTE :
    Hming    Thihni
1.    Pi Bawngruali, Vawmphunga Sec.    Jan. 21
    W/o Sailiantawna(L)
   
2.    Pi Lianchhungi, Kapdaia Sec.    Feb. 12
    W/o Pu Dengliana
   
3.    Pu R.Deng\huama, Lalsavunga Sec.    March 16
    H/o Nu\hiangi(L)
   
4.    Pi Lamthangi, Kapdaia Sec.     April 18
    M/o K.T.Sena
   
5.    Pu Laltlanmawia, Vawmphunga Sec    May 2
    S/o Pakunga
   
6.    Pu Lalvuana, Vawmphunga Sec.    May 3
    H/o Rochhingi
   
7.    Pi Lalmuansangi, Damvea Sec.    June 15
    D/o Thangchungnungi
   
8.    Pi Thangropuii, Buala Sec.    July 9
    W/o Keiaia(L)
   
9.    Pi Dengrikhumi, Saichhuma Sec.    Aug. 11
    W/o Rozika(L)
   
10.    Pi Rochhingpuii(Rotawii) Kapdaia Sec.    Oct. 20
    M/o Liantluangi
   
11.    Tv. Zochhuanawma, Saichhuma Sec.    Oct. 31
    S/o Sanglawma
   
12.    Pi Lalthanzami, Buala Sec.    Nov. 16
    W/o Pu Ngurbiakvela
   
13.    Pi Lalmalsawmi, Damvea Sec.    Dec. 16
    C/o Lungtiawii

    Tin, heng bakah hian hriat theih chinah Hlamzuih mi 2 an awm bawk.
    Kan hriat angin kan nghahhlelh em em leh hun hlimawm ber ni a ngaih Krismas chu chu kan lo hmang liam leh ta reng mai. He hun hi kan khawtlangah pawh mi tam zawk te chuan hlimna ni leh hun atan kan hmang hlawm ang tih chu hai rual a ni lo. Chutih lai mek chuan kan khawtlangah chungkua 13 zet mai chuan thihna avangin he hun hi lungngai hrehawm takin mittui nen a hmang an lo awm reng mai a ni tih kan hriatin Hlimkhawpui Editorial Board te chuan lusun chhungkua te chu kan  tuarpui takzet a, Pathian in thlamuana awmpui zel turin duhsakna kan hlan a ni. Thihna avanga kan \hen tak te chu ‘Van hmun nuam’-ah in tawh leh kan beisei.

Pâwltlâk Thla Ni 21, 2013... Issue No. 51

PAGE - 1

TUALCHHÛNG :

Boral: Pi Lalmalsawmi C/o Lungtiawii, Damvea Sec. a mi chu mît Cancer avangin December ni 16, 2013 (Thawh\anni) zan dar 10:10 khan a boral.

Damlo: Pi Lalbiakveli W/o R.Lalhmun-siama, Damvea Sec. a mi chu Dec. ni 17, 2013 (Thawhlehni) khan Durtlang Hospital-ah a mît a lungte awm zai a ni a, Dec. ni 19, 2013 khan dam takin a lo chhuak leh ta niin thu kan dawng.

@@    Nl. Lalruatfeli D/o R. Dingliana Kapdaia Sec. ami chu pumna avangin Aizawl Hospital-ah enkawl mek a ni.

Nau nei thar: Pu Lalroliana te nupa Kapdaia Sec. a mi te chuan naute, hmeichhia duhawm tak an nei thar.
    Tin, Pu Zomuanpuia te nupa, Kapdaia Sec. a mi te pawhin naute, mipa duhawm tak an nei thar bawk.

Tuakthar: Lalchhuanawma S/o  C.Sangliana leh Lalsawmliani D/o Zaliana (L) Vawmphunga Sec. a mi te chuan Dec. ni 20, 2013 (Zirtawpni) khan damchung a nupa ni turin ‘tiam tlat e’ an ti.

|anpuina hlan: Pi Rualchhingi, Kapdaia Sec. a mi chu Zarkawt Pavalai Pawl te chuan \anpuina ` 4,000/- an rawn pe.
    Tin, LPS Samari Mi\ha te chuan kan vengchhunga mi harsa deuh a ngaih chhungkaw 5 hnenah \anpuina ` 5,000/- \heuh an rawn hlan bawk a ni.

Joint Advance Christmas: Hlimen vengchhung kohhran hrang hrang \halai pawlte chuan Dec. ni 17, 2013 (Thawhlehni) zan khan Hlimen Presbyterian Kohhran Hall-ah Joint Advance Christmas an hmang a, kohhran \halai an fuankhawm hnem hle. He hunah hian UPC, Baptist, Salvation Army, IKK leh Presby. kohhran pathum a\angin \halai an tel a. Kalkhawm ten hlawkthlak an ti hle.
    Hemi zana thawhlawm tling khawm ` 2212 chu Pu Vanlaltluanga Kapdaia Sec. a mi te chhungkua \anpui nan an hlan.

FRONT :

HLIMEN BRANCH YMA 2014 HRUAITU TUR THLANG FEL TA

        Dec. ni 20, 2013(Zirtawpni) zan khan YMA Hall-ah kum 2014 chhunga hruaitu tur thlanna neih a ni . He hun hi Pu Lalhmuchuaka Branch YMA President in a kaihruai a, Pu R. Vanlalruata Leader IKK |halai in hunserh hmangin hunserh hman zawh hian Tv. R. Lalawmpuia Secretary a\angin Branch Report ngaihthlak a ni. Tin, Hlimkhawpui Budget pe \ha lawmman(Jul - Dec ) Kapdaia Section hnenah hlan a ni a, Branch Committee kai kim mi 13 hnenah  lawmman( ` 300/- hu Bucket lian) sem a ni bawk. LPS Comedian Search Top 5- Lalnunpuia  S/o Lalthanpuia, Buala Section a mi chuan kalkhawm te a chawk hlim hle a. Chumai bakah, zaithiam tak tak - Lalramnghakin Buala Section, Miriam Zodinsangi Saichhuma Section leh Tv. Zonunkima & Tv. Lalduhawma ten Buala Section ten kalkhawm te zaiin an awi bawk a ni.
    He inthlanna a  RO hi Pu R. Lalngheta niin PO atan sawm an nih angin Local Council member te leh Pu Duhthusama te an lo thawhchhuak bawk a, Branch YMA sawmna ngai pawimawh a, inthlan buaipui tura sawmna tihlawhtlingtu zawng zawng chungah Branch YMA chuan lawmthu a sawi a ni.  He inthlanah hian  mi 6 thlan chhuah an ni a, thlanchhuah te hian hun remchangah Post tur insiam remin Charge an in hlan dawn a ni. Kum 2014 a chhunga Hlimen Branch YMA hruaitu atana member ten an thlan chhuah te chu heng mite hi an ni;
    1. Lalhmuchhuaka    2. R. Lalawmpuia
    3. Vanlaltluanga    4. Robuanga
    5. Lalrinmawia    6. Lalthantluanga
    Hemi zana member vote thlak zat hi 112 kan ni a, Hlimen Branch YMA member sang chuang ah mi heti zat lek inthlang tur a kan kalkhawm chauh mai hi Hlimen YMA kalna zel tur kawng a hril hle in a hriat a, member ten \anlakna tur kan ngahzia a lang awm e.
    Heng mi 6 thlan chhuah te hian anmahni maiin hna nasa takin an thawk thei mai lova,  Branch YMA chak tak leh nung neih kan duh chuan a thlangtu member ten kan thawhpui \hat a, kawng engkimah kan \awiawm \hat a pawimawh dawn a ni. Kan thawhpui \hat leh \hat lovah YMA leh khawtlang dinhmun chu thui tak a innghat a ni tih hi i theihnghilh lovang u.
    He inthlanna hun a zai tura sawm te, Sound Duty tura sawm te leh kalkhawmte chawkhlim tura sawm, rawn ti hlawhtling tu zawng zawng te chungah Branch YMA chuan lawmthu a sawi bawk a ni.
     

PAGE - 2

EDITORIAL :

Krismas kan thleng dawn ta
    Mitin rengin kan nghahhleh em em, hlim leh lawm taka hman theih loh hlau a, mahni hma zawn \heuh a kan lo in buatsaihna chu a takin kan thleng dawn ta reng mai. Kan in buatsaih ( hmuah) dan erawh a in anglo tlang hle. Luk 2 : 1-18 kan chhiar chuan lal Heroda’n Krismas a hmuah dan kan hmu. Jerusalem leh avel a mi zawng zawng nausen mipa kum 2 hnuai lam te chu  rawt chimit turin sipai te thu a pe a; lusun mangang \ap thawmin  a ram chu a khat a. Mitthi ngai a \ap thawmin a khah tir a ni tih kan hria. Lal Heroda hian nausen chibai a buk dan hi a rapthlak hle in mak pawh kan ti tlangin kan dem hle pawh a ni mai thei.
    Mahse, keini Mizoram Kristian ram a \halai tamtak ten he hun Krismas (Nausen) chibai buk kan tum dan leh kan hmuah dan te, he hun kan hman dan te hi i inchhut tlang teh ang u. Heroda ang mai a mi chhungkua chu sawi loh; mahni chhungkua ngei pawh tilungngai zawng leh khawtlang nun tihrehawm zawngin kan lo awm ve mai lo maw?
    He hun hi \henkhat chuan hlimtaka kan hman tlan theih nan mi lungngai te leh miharsa te \anpui nan an neih rosum te an hlan. Chutiang bawkin, YMA Hlimen Branch te pawhin mi harsa leh lungngai te tan rosum leh tha te an seng asin. He ni hi Pathianin thilpek a zawnga ropui ber  A fapa mal neih chhun min pek na ni a nih angin keini pawhin thilpek te nen a Krismas kan hman a, nausen chibai buk hi Kristian te tih awm reng a ni tih hi i chhinchhiah zel ang u.      

ZIAKTUTE HUANG :

LALPA NÎ
-Andrew Khawlhring
   
Khawvel a kan awm chhung hian lungngaihna, hrehawmna,bawrhsawmna te lo thlenchang a awm \hin. Pathian lo chu kan lungngaih min hnemtu tak tak a awm lo. Khawvel in hlimna min pek theih loh hlimna min petu a ni. Pathian hian thil tamtak kan kan lakah hian a phut lo. A phut zinga langsar tak a  mi thianghlimna hi in zirtir thar a ngaiin ka hria. Kohhran lama zir tur niawm taka alan laiin a huap zau zawk a in zirtir a \ul a ni.
     Israel fate kha thlalera an kal khan Lalpa’n a nî a mi tur tihlohah chuan vahmin leh mana kha chhar lawk a phal lova, chawlhni a lo thlen dawn erawh chuan a chhar lawk tir \hin. Khatiang diak diak kha chuan a kal theih loh anga, amaherawhchu, kan mizo Kristian nunhlui  han thlirlet ila, miin Pathian ni hmanga kohhran thila a zinchhuah pawn khual khuaah a nih chuan an riak hram hram \hin a. Tunlai mite erawhchu chawlhni a hawn chu sawi loh a zin te hial kan zinchhuak hi chu a zialo lulai deuh a ni. Keipawh loh theihlohna avangin thlawhna in ka thlawk a, a hnu a ka ngaihtuah chu Pathian aia ngaihpawimawh kan lo ngah em em tih hi a ni. A tan hian inhlan ila, Ani pawhin  a chhanglet ang. Kar khatah ni khat chauh a phut a, chu a chhapah remchangah kan lo la hi a pawi a ni. Vawi khatin vawi hnih a hring a, vawi hnihin vawi tam tak a hring a, chawlhni a inkhawm lova thil tih hi a nuam lutuk a, mahse a \ha lo tih erawh hriat a \ha.
    Chawlhni a thingkung lawn, luikal tih vel hian harsatna an tawk duh tih chu tih mai mai a ni tih hi dawt a ni a, han sawi chuan sawi tur ting hi a awm zel. Kriamas kan lo thleng leh dawn ta, van ropui kalsan a khawvel a rawn kalna ni champha hi i serh ang u.
    Pathian chu i harsatna kawng tinrengah chahbi a ni a, thim hnuaia i awmlai pawn êng a pe che a, i tlakchhiat ber lai pawn beiseina nen i naktuk hun atan tum fel tak a neihpui bawk che a sin. Chuvang chuan i tih ve theih chi a ni, serh ang che.
    Chawlhni a insukte hi tihloh theih a \ha khawp mai, nu leh pate hian kan fate hi Pathian nî a ball pet te hi ti lo turin zirtir ila a \ha awm e. Pathian hi a zahawm a ni. Chawlhni hi ruihtheihthil tihna nî a ni lova, Pathian pawlna nî a ni zawk. Tunhma kan Mizo Kristian te kha han enlet leh lawk ila, dawr a awm hnu khan Inrinni a an lei theihnghilh emaw an hriat lova chawlhni zinga chi emaw a zawh chuan an nghei mai a, a hma niin an inlamlawk \hin. Tunlai mite hi kan changkang ta nge kan thatchhe zawk, kan inlamlawk peih lova, chawlhni zingah emaw chhunah emaw dawr kan hawng hi chu a zialo lulai deuh a ni, Seventhday te kan nih nghal ngawt loh chuan..

PAGE - 3

HRIATTIRNA :

Electoral Roll Revision
    Electoral Roll Revision neih mek a ni a, hming thunluh, transfer, correction etc.. ti duh tan Dec. ni 31 thleng hun hawn a ni dawn a ni. Roll a thun thar dilte chu January ni 1, 2014 a kum 18 tling chin an ni tur a ni a, Birth Certificate Xerox Copy leh thlalak Passport Size Copy 2 thil tel tur a ni. Dilna form hi Pu Duhthusama leh Pu Lallawmzuala te hnenah lam theih a ni.

Tender Notice
    Kan veng  F.P Shop Retailer - I (Hlimen -I) leh  S. K Oil Dealer te term a lo tawp tak avangin an hmun ruakah hian dil theih a ni a, a dil duh chuan Dt. 30. 12, 2013 ral hmain DCSO (W) office ah dilna theh luh tur a ni. Kum tling lo tan leh BPL/AAY Family tan dil theih a ni lo. Dilna Form hi DCSO(W) Office ah lak tur a ni.

    Sd/- R. Siamliana
    District Civil Supply Officer.

Sa rate
    Mizoram sorkar Trade & Commerce chuan Aizawl City Local Council Area a hman turin sa chi hrang hrang man (Rate) a siam thar a. He sa rate hi Aizawl khawpui chhungah thu leh awm hma chuan hman nghal tur a ni ang.
1. Vawksa/kelsa -1 Kg     `    250(aia sanglo)
2. Vawksa rep -700gm    `    250(aia sanglo)
3. Bawngsa (ati)-1 Kg    `    280(aia sanglo)
4. Bawngsa (Aruh)-1 Kg     `    220(aia sanglo)
5. Bawngsa(athin)/ Uisa    -1 Kg `300(aia sanglo)
8. Vawk note(tual vawk)    -    1 No. ` 4000
9. Arsa  -       1Kg          ` 220 (aia sanglo)

                                   Sd/- H.D Lalrinthanga
                     Joint director, Trade & Commerce

Local Council hriattirna
    PPP Mode a bawlhhlawh paih man chu khawn \an a lo ni leh dawn ta a, mitin ten bawlhhlawh paih man (user charge ) hi lo pe \heuh turin kan in ngen a, tunhnuah chuan bawlhhawlh paih man pe lo/pe duhlo mi tupawhin eng thil ah pawh Local Council recommend a beisei thei tawh lo ang. Local Council Recommend duh te reng reng chuan  bawlhhlawh paih na man a pe ngei a ni tih hriatna ( bawlhhlawh paihna fee khawn hnuhnun berna Reciept ) a keng tel ngei tawh tur a ni ang.
    Tin, Lamkhuang bukpui hnuaia \hutchawlhna siam a tile phah te dim lo taka khawih a, tihkeh kan awm a, a titu hriat a nih chuan a man hu chawi tir a ni ang. Tunhnuah chuan khawtlang thil a ni tih hria a, dimdawi tlang \heuh turin kan in ngen e.

              Sd/- Lalhmingliana
           Chairman, Local Council. Hlimen

Kapdaia Section hriattirna
    Kapdaia Section huamchhunga Electric ban rawng hnawih thar a ni a, kawng a kal vel ten chinai tat lo hram turin section hruaitu ten an ngen.

LAWRKHAWM :

Chhiattawh a chuanga lawmthu
    Kan nau Lalmalsawmi (Mali) boral chung changah khawtlang mipui ten min buaipui nasa em em a, a damloh lai a\ang tawhin in khawngaihna kan dawng nasa em em a ni. Kohhran leh mimal ten vawi duailo min \awng\aipui  a, tin, a thih thu hria a nula tlangval, nu leh pa lo kal khawm ten a \ul ang zawng zawng min tihsak vek a, in chungah kan lawm tak zet zet a. Zan khawvawt tak hnuaiah YMA nula leh tlangval \hahnem takin min tlaivarpui te kha kan lawmin ropui kan va ti tak em. Tin, thlan laih chung changah pawh kan duhdan anga a nu thlan hlui ngei min haisak leh te kha kan va lawm tehlul em. In hnenah a mal malin lawmthu kan hrilh thei lo che u a, he chanchinbu kaltlanga kan lawmthu sawi hi min min pawmsak hram turin kan ngen che u a. Kan tana in tha leh zung, sum leh pâi in sen zawng zawngte Pathianin a let tam takin rul che u rawh se.

    In khawngaihna dawngtu,
    Lungtiawii leh Lalmalsawmi unaute

Badminton ah che tha
    1st Women & Veteran Badminton Ranking Tournament Govt. Hall a khelh zawh takah kan veng a\angin               Pu N.Zokunga chu 70 Yrs above  Doubles ah a kawppui nen an Champion a, Pu R.Lalbiakmawia, Damvea Sec. a mi pawh 35yrs above Singles ah Champion in Mixed Doubles ah a kawppui nen an Champion bawk. Tin, Nl. Lalhlunchhungi (Teteii) pawh Womens Doubles ah a kawppui nen pahnihna an ni bawk a ni.
    Kan veng infiammi ten vawi duailo kan veng an tihming\ha ta a, an chhuanawm tak zet zet a ni.

Bawlhhlawh paih chungchang chhunzawmna ......
    Hetiang hi September leh October 2013 User harge lakkhawm zat leh hmanralna a ni:-
 1.Sept.& Oct.2013  user Charge hmuh zat :  Rs.13,410/-
 2.September & October User Charge hman dan     Bawlhlawh paih zat :Vawi 17
 Pick Up Hire na    : Vawi  9@500    :  Rs.4,500/-
 Labour pakhatna    : Vawi 17@250:  Rs.4,250/-
 Labour pahnihna     : Vawi   9@150 : Rs.1,350/-
 Collector hlawh    :            Rs.2,000/-
 Hand Glove : 5@70     :                          Rs.   350/-
 Receipt,xerox etc     :                          Rs.   500/-
 Total             :                          Rs.12,950/-
3.Balanced : 13,410 - 12,950    :              Rs.    460/-  
                    Sd/-  J.Zothanpuia
                      Secretary. PPP Mode Comt. Hlimen

Advertisement....

Meihawl Special
Hunpui laia nuam tak leh hlim taka awm i duh chuan Meihawl \ha lutuk kan nei a nia. |hian zaho a âr hemhmin nan leh khawvawt hre lova i awm theih nan min han dawr la, a \hat zia chu hrilh ngai lovin i hre mai ang.
Bag 1 - ` 400 Peg 1-` 50 chauh a ni e
In \hian,
Lalremliani & Lalroliani, Hlimen Venglai

PAGE - 4

KEIMAHNI
Hlimkhawpui Budget
    Hlimkhawpui  2013 December  thla Budget  pe tla tawh te:
1.    Kapdaia Sec.    2. Damvea Sec.
3.    Buala Sec.    4. Vawmphunga Sec.
5.     Lalsavunga Sec.    6. Saichhuma Sec.  

Branch YMA in tanpui
    Kumin Krismas denchhenin Branch YMA chuan vengchhunga \anpui ngai nia a hriat              Pi Rualchhingi, Kapdaia Sec. leh Pi Vanlalthangi, Buala Sec. te hnenah \anpuina pawisa fai ` 2.000 ve ve a hlan.

BAWLHLAWH PAIH CHUNG CHANG
    Kum 2010 atangin khawpui laili zawkte bawlhlawh paih dan angin mahni inbul hnai kawr  vela kan bawlhlawh paih thin te tih tawp nan te, kan lo hrisel zawk nan leh thianghlim zawk nante, khaw nuam tak a nih theih nante sorkarin paihna tur hmun a siamah motor hmanga khawn khawmin kan bawlhlawhte min paih sak kha a ni a,vawiin ni thlengin min la chhunzawm sak zel a,kum 3 lai liam tawh mahse hmasawn tum reng reng reng lo,a awlsam tih vanga mahni leh fate tan leh thenawmte  tana pawi tur pawh ngaih tuah lek lo leh  veng mualphona a ni tih  pawh ngaihtuah loin  mahni inbul kawr vela bawlhlawh paih kan la tam hi a pawi hle mai a,hmasawn turin ngaihtuahna thar kan neih a,kan inbul/veng atanga hla takah kan bawlhlawhte paih theuh turin PPP mode  kaltlanga bawlhlawh la paih velo zawng zawngte kan inhriattirin kanin sawm nawn leh e.Tunah hian kar khatah vawi hnih;Nilaini leh Inrinni zing dar 6:30 am atangin bawlhlawhte khawn khawm thin a ni a,Nilaini bikah motor lian (407) leh 407 luh theih lohnaah Pick Up hmanga bawlhlawh lak khawm thin a ni a;vengchhak,high school veng, thelret kawnah te khawn thin a ni a,Inrinni bikah 407 hmang chauh a  lakkhawm thin a ni  bawk a ni.Hemi nang hman  tur hian chhung tin te kan inbuatsaih theuh a pawimawh hle a ni.Bawlhlawh paih dan /lakkhawm danah  rawtna nei duh kan awm chuan PPP Mode Comt. ah thlen theih reng a ni.
        Tuirial Dumping Ground a kan bawlhlawh te paih tur hian sorkar hi insengso nasa hle  mahse kan puihna tello chuan Bawlhlawh hi paih theih a ni lo tih kan hriat theuh a tha awm e,tun ah hian thla hnih atana User Charge kan lak khawm hmang hian  Pick Up hire leh labour lak nan hman a ni a,kar khatah Rs.1150/- hman ral ziah a ni a, AMC hian 407 hire-na atan Rs.1800/- per tip  min tum sak a ni.November leh December 2013 atan  User Charge lakkhwm a lo hun leh dawn ta a, ni 23  thawhtanni atanga lakkhawm tan tum a ni a, thla khat atan Rs.30/- leh dawr kaite tan  kan dawr a zira Rs.30/- leh 40/- a lak a ni tih hriain,chhungtin te lo in ring leh turin kan in hriattir e.User Charge khawn tute tumahin lo an khum lo tur leh bawlhlawh paih chung changah thurawn kan pe duh a nih pawhin hawih hawm taka lo hriattira, min lo dawn  sawn sak turin kan in ngen nghal bawk a ni.
     

CHHIARTUTE NGAIHDAN....

@@    Rangvamuala Duty turte kan Veng YMA Branch a\anga mi 42 lai ruat tur kan han nei thei hi a va ropui em! Chutih rualin kan vengchhung a zû leh a kaihhnawih tam si zia te hi miten engangin nge min hmuh tih hi kan chhut thiam a pawimawh hlein ka hria. Zawngin a ngumkhak hmu lovin a \hiante ngemkhak a nuih tih angte hi kan lo ni reng mai lo maw?
    JAC Duty te tana ei leh in tur lo tumsaktu mi tlawmngaih tak takte hi an fakawmin Hlimen khawtlang nun an vei zia tilangtu ber a ni. Chutihrualin duhthawhna/duhkhawp lohna avangin tualchhung veng kilkhawr deuhte an fang peih lo a nih pawhin kawngpui dung, kan veng huamchhung tal hi chu han fang ve \hin sela chuan khawtlang nun a thlamuang deuh ngei ang. Hall chhung a\ang ringawt chuan mipui nunau te thlamuanna khawp hnathawh a har viau ang. A bik takin Inrinni te, Chawlhni tlai leh zan lamte hi a boruak a rit duh hle a ni.
- Muanna duh-a

Lawrkhawm chhunzawmna...

House number chung chang
    Section tinah chhungtinin House number kan tar tlangpui tawh a, House number hre lo leh a la nei ve lo kan awm chuan Section hruaitute hriattirin tar \heuh ila a lawmawm hle ang. Hei hi DAK a\anga lehkha rawn kalah a pawimawh hle a, House no. tar a nih loh chuan a buaithlak \hin a ni. Chuvangin langsar remchang laiah tar \heuh ang u.

Parliamentary Secretary-ah
    Kan bial (Aizawl South-III)  MLA Pu K.S.Thanga chu Parliamentary Secretary ah dah niin School Education, Industries leh Trade & Commerce ah te Minsiter H.Rohluna a pui dawn a ni.

KAN THEN TAK

Pi Lalmalsawmi Kum - 58 :
    Pi Lalmalsawmi hi Pu Zokunga(L) leh Pi Lalhmuaki(L) te inkarah kum 1955 khan a lo piang a, an unau hi mipa 1 leh hmeichhia 7 an ni a, Pi Mali hian fa hmeichhia 1 leh tu 2 a nei a ni.
    Pi Mali hi Pathianthu ah mi tui mi tak niin rawngbawlin hmun hrang hrangah a lo vakchhuak ve \hin a, tihdam rawngbawlna te neiin hmun hrang hrangah a lo kalkual tawh \hin a ni. A natna in a tlakbuak hma hian Chawnpui Camping Centre ah rawngbawlin hun engemaw chen a lo awm tawh a, amaherawhchu a tu leh fate enkawl a ngaih avangin he hmun hi a chhuahsan leh ta rih a ni.
    Pi Mali hi kumin June thla a\ang vel khan a insawisel \an a, ding chung nat ang deuhin hun engemaw chen a awm hnu-in Hlimen ah a nu Awiteii hnen lam a rawn pan a. Investigation te tiin Mît Cancer a ni tih hmuhchhuah a ni a. Tichuan Nov. ni 5, 2013 khan Civil Hospital-ah dahluh a ni a, amaherawhchu a natna hi a lo nasa tawh hlein Treatment lak pawh awmzia a awm dawn chuan loh avangin  Nov. ni 12, 2013 ah Hospital a\angin lakchhuah leh a ni ta a ni. Tichuan In lamah theih ang anga enkawl chhoh a nih hnuin Dec. ni 16, 2013 (Thawh\anni) zan dar 10:10 khan chatuan ram min pansan ta a ni.

Pâwltlak Thla Ni 14, 2013... Issue No. 50

PAGE - 1

TUALCHHÛNG :

Damlo: Tv. Lalsanga s/o Rualchhina (L) Damvea Sec. a mi chu ril tla fual avangin Durtlang Hospitalah Dec. ni 10, 2013 khan zai a ni a, hlawhtling taka zai niin tunah inlamah enkawl mek a ni.

JAC ah hlan: Pu H.Vanlaltlana Damvea Sec. a mi chuan JAC te Duty hah leh ril\am ten an hman atan ` 500/- a rawn hlan a, JAC hruaitute an lawm tak zet zet a ni.
    JAC Duty hi hna hrehawm tak niin taksa pawh a rim thei \hin hle a, mahse khawtlang tana \ha a nih avangin tlawmngaih chhuah a ngai bawk si. Tlawmngaia duty kher hi kan thei velo a nih pawhin sum leh pai emaw, eitur emaw tala \anpui hi chu an Duty sak mipuite chanvo a ni tih hriat a va \ha em. |anpuina pe thei kan awm chuan lawm takin Duty te chuan an dawng thei reng a ni.

Venglai kawn chei \an: Hlimen Branch YMA chuan a thu lo rel tawh bawhzuiin venglai kawn chu Dec. ni 14, 2013 (inrinni) a\ang hian a chei \an ta a, Decoration Sub-Committee siam niin anni hmalakna a kawn chei hi \an a ni.

NPSS Exam: Mizoram Presbyterian kohhran chuan tun Pathianni hi Naupang Sunday School exam na hun atan an hmang a, Hlimen a Presbyterian kohhran pathum a naupang te pawhin Sunday School exam hi an nei dawn a ni.

Hmeichhe naupang bo: Dec. ni 13, 2013 (Zirtawpni) khan Christina Lal\hazuali (8yrs)D/o Thanpuia, Sihtlangpui a mi chu bo in kan veng a rawn kal thleng a, information mike ah te puanzar a nih hnuah a pa hian a rawn lam leh ta a ni.

Pem lut awm belh zel: Kan khawtlangah pem lut thar kan awm ve zel a, pem lehkha felfai nei thlap te chu khawtlangin a pawmin khua leh tui dikah ah angai a, chutihrualin, pem lehkha nei mumal lo/ thehlutlo kan la awm niin hriat a ni a, pem lehkha nei lo ten ngaihven ran a \ha awm e.

FRONT :

MLA  ELECTION, 2013
AIZAWL SOUTH-III  VOTE TLAK DAN

        MLA inthlan Vote chhiar zawh takah  Aizawl South -III huamchhung veng/khaw hrang hranga vote tlak dan kan dawn a\anga a landanin hetiang hi a ni e.

     Sl.No.    Khua/Veng    INC    MNF    ZNP
    1.    Saikhamakawn    293    310    266
    2.    Melthum                 260    259    153
    3.    Hlimen-I                 377    387    222
    4.    Hlimen-II                262    286    149
    5.    Lungleng-I             228    171    101
    6.    N.Lungleng           245    116      75
    7.    Samtlang              278    187     76
    8.    Hualngohmun       145    160    150
    9.    Melriat                   289    237    136
    10.    Kelsih                  224    147      81
    11.    Falkawn              267    306    153
    12.    Muallungthu         328    267    147
    13.    Tachhip                275    261    125
    14.    Aibawk                382    317    159
    15.    Sateek                 266    247    100
    16.    Phulpui                 232    360     87
    17.    Maubuang           170    142     94
    18.    |hiak                      196    195    92
    19.    Sumsuih               226    136    126
    20.    Hmuifang                81     64     34
    21.    Lamchhip             180    132    108
    22.    Chawilung            140    84        41
    23.    Chamring               57    70        48
    24.    Sialsuk-I               275    211    134
    25.    Sialsuk-II               270    232    152
    26.    Sailam                  222    197     87
    27.     Samlukhai            325    328    147
    28.    Lungsei                    73    68      13
        Postal Ballot                 28    50        36
        Total                      6594    5927    3292
    Kum 5 chhung atan Pu KS. Thanga INC Candidate chu kan bial vawngtu atan thlan tlin a lo ni ta. Hlimkhawpui Editorial Board ten kan lawmpui a, a tling zo ta lo te kan tawrhpui bawk. Kan veng leh kan bialin hmasawnna kawngah chak taka ke a pen zel theih nan bialtu MLA leh bial mipuite lungrualna leh thawhhona \ha a pawimawh hle dawn a, chu chu bialtu kut tichak theitu kawng pawimawh tak a ni tih i hria ang u.

PAGE - 2

EDITORIAL :

KAN HLIM TLAN NAN
    Mitinin kan nghahhleh em em kum bul a\anga kan thlir krismas hun hlimawm leh lawmawm tak chu kan lo thleng leh dawn ta reng mai. He hunpui hi hlimtak leh lawm taka hman ngei duh in mahni theihna zawn \heuhvah mitin mai hi kan in buatsaih \heuh awm e. Kan hman tum dan leh in buatsaih dan erawh a in persan thei hle hlawm ang le.
    He hunpui lo awm chhan leh nihphung erawh kan ngaihtuah chian a pawimawh tlang hle. Krismas chu khawvel chandam nana Pathian in a fapa Isua khawvel tana a pek; khawvel a a lo pianni a ni a, chu chu a lawm nana lawmna kan buatsaih hi Krist - Mass Zir miten - Krista ruai an ti) tiin min hrilh a ni.
    He hun hi mi tam zawk ten hlimna ni lawmna ni ah an hman laiin \henkhat tan chuan retheihna avangte, taksa bawrhsawmna avang te; tin, thihna avang te alungngai a, hrehawm ti a mittui nen a he hun hi hma chhawn mek tu kan khawtlang ah pawh an awm a ni tih hi hrechungin heng miten hlim leh lawm taka he ni hi an hman ve theih nan mi inphal leh a nei tu chuan sum leh pai emaw kan theihna zawn \heuhah \anlak ava pawimawh em-Kan hlim tlan nan.
    Chutiang zinga hma la thei lo ka nih pawhin midang ten leh chhungkaw tana harsatna siam lovin ruihhlo ti mi pawhin a hmunah hlim takin lo rui mai se. Chutiang zel in. Hlimhlawpna  siam duh pawhin \henawm khawveng tana hnawksak lovin siam mai se. Chuti zawnga \anlak chu i tum \heuh ang u.
KAN HLIM TLAN NAN.  

ZIAKTUTE HUANG :

KRISMAS LEH KHAWLAI CHEI
-Lalsanga
   
    Mizote tana hun pawimawh leh hlimawm ber chu Kismas hi a ni a. Hmun hla taka awmte pawhin mahni khua ngeiah Krismas hmang turin kan inbuatsaih a, hmang theilote chuan lungleng takin kan thlirzui \hin. Kan naupan lai chuan Krismas hi kan nghakhlel em em \hin a, tlangsam a kuhmum tawh chuan Krismas a hnai tawh kan ti a, nghakhlel takin a lo thlen hun tur kan thlir \hin. Tlangsam a lo par meuh chuan Krismas hun a lo ni tawh \hin. Kan nu leh pa te chu Krismas thawmhnaw lei turin Aizawl lamah an kal a, an lo thlen hlan te kan nghakhlel hle \hin.
    Kan hriat phak ve chinah Krismas kan hman dan a danglam sawt hle mai a, Krismas leh kumthar ruai te hi a inzawm a hman chang kan nei a, Krismas ah bawng talhin ni hnih ni thum ruai a lo daih a, a bak chu ar kan thawhkhawm a, ar sawhchiarin kumthar kan thleng mai \hin. Krismas zaikhawmna chu venglai a In lian deuh a ni tlangpui a, naupangte pawh zaikhawmna ah kan kal a, kan tlaivar \hin a. |angthar hunah chuan ni khat ruai\heh a ni tlangpui a, kohhran tê deuh leh khaw tê deuhah chuan nawn an awm bawk \hin. Hmanlai angin mipui nawlpui hi hmuihmerah kan rawp tehchiam lova, nikhat ruai \heh hi tunlaiah chuan kan tihdan tlangpui a ni.
    Khawlai chei : Khawlai chei hi mi \henkhat chuan ho an ti mai thei a, mahse khawlai kan chei a, electric eng mawi tak phe neuh neuhte hian boruak a tinuamin rilru a tihlim \hin. Veng tam takah chuan YMA ten khawlai an chei \hin. Synod inkhawmpui khan zanah kan haw a, Aizawl veng \henkhat chuan khawlai/kawngdung an lo chei \an tawh a. Dawr kawt leh building chhawng sang tak takte chu mawi takin an chei a, hmuh a nuam hle mai. Krismas dawn hnaihah phei chuan tun aiin a mawi lehzual ngei ang.
    Krismas leh kumthar lawm nana Biak In, khawlai leh mahni In kan chei te hian rilru a tihlim a, inkhawm a tinuam a, naupang tan a hlimawm lehzual \hin. Tunhma deuh kha chuan Krismas lai boruak kha a hrisel vak lova, halpuah leh Jeletin puak \hinte khan boruak a tibawlhhlawh a, tar leh damlo te tan a hrehawm a, tunlaiah chuan halpuah ri hriat tur a awm ta lova, a hahdamthlak hle.
    Khawlai kawngpui sir remchang laiah emaw Biak In bulah emaw Buk thlam te tak tê, buhpawl leh mâurap a siam chhungah Mari leh nausen Isua lem an dah a, Judai ram Bethlehem ran In tlawm taka A chûn riang Mari’n a chawi lai chu mitthla in kan hmu ruai ruai thei a, thinlai mu hnu lunglen a kaitho leh \hin. State pawn leh ram dang a\anga lokalte tan pawh a hmuhnawmin Mizoram chu Kristian ram a ni tih an hre nghal mai \hin.
    Krismas kan hman danah hmasawnna ropui tak ni a ka hriat chu thilpek lama mi inphal tak takte inpekna hi a ni. LPS kaltlang leh kaltlang lemlo pawhin, mihausa leh mahni neihchhun ang pawh a miharsa leh chhumchhia te tana hlimtaka Krismas an hman theihna tura sum an pe \hinte hi a va ropui tak em!! Hei hi Krismas rilru diktak pûte an ni \hin a, chhawmnun tlak niin uar deuh deuh i tum ang u. A tawp berah chuan he hla thu hi kan thinlungah cham reng se...
    “I chawimawi ang Lal Krista chu, kan tan a lo piang a,
    Hmanah miten lawm lo mah se, keinin i lawm ang u;
    Kan neih zawng nen A lo pianna Bethlehem i pan ang.”

PAGE - 3

HRIATTIRNA :

NLUP Vety Trade
    NLUP Vety Deptt. hnuaia Trade thlang 2nd - 4th Phase dawng zawng zawngte Vety Office, Hlimen Damvengah Dec. ni 16 & 17, 2013 chhungin in report a, Mobile no. thehluh vek tur a ni e. In report lo ten harsatna an tawh palh pawhin an sawibuai thei lovang.
   
    Sd/- Lalrinzuala, VFA
    Vety Office, Hlimen Damveng
    Ph. 9862648993

BPL hriattirna
    BPL chhungkuate Bank account nei vek tur leh Account Number hruaitute hnena report tur tih kha a la ti lo ten January 2014 ralhmain tihfel vek tur a ni a. Account neilo emaw report lo ten ham\hatna an hmuh loh phah pawhin an mahni mawh a ni ang.
    Account hi Rural Bank ah hawn tur niin hengte hi ken tur a ni :-
(1)  Ration Card Xerox    (2) I.D. Xerox
(3)  Passport Size
    Account number report na tur :-
    Ph.No.    9862631248
        9862371557
        9862711985
    Sd/- Secretary
    B.P.L. Pawl, Hlimen

Urban Health Centre hi
    Kan venga Urban Health Centre hi damlohna leh hliam chungchangah te hmang \angkai viau \hin mah ila, sawrkarin a dinchhan nau neihna hmun tur a nih angin kan hmang \angkai tawk zo lo deuh niin a lang a, hemi hmuna nau nei kan tlem chho zel chuan he Damdawi in hi min sawn sak mai thei dawn niin a hriat a; chuvangin, nau nei tur ten harsatna bik kan nei anih loh chuan pan hram hram thei ila a \ha awm e. Hemi hmun a Duty leh thawktu te hi Trainning chhuak leh hetiang lama thiamna nei \hiau an ni tih i hre bawk ang u.
    Urban Health Centre veng chhunga a awm hi veng hmasawnna a niin in mipui te pawhin kan chhawr in kan awlsam phah hle a, hmundanga sawn a nih loh nan nau nei tur ten pan hram hram zel hi a pawimawh hle a ni.

Advertisement....

Theng thar !!!
Krismas Decoration Light chi hrang hrang a lo thlen belh leh ta. Engkim Bajar Rate vekin Laser Light pawh a awm e. Heater Plate leh CFL Bulb chi kim a awm ta bawk e.

MaGby Enterprise
Pi Lallianmawii Building
Hlimen venglai.

Meihawl Special

Hunpui laia nuam tak leh hlim taka awm i duh chuan Meihawl \ha lutuk kan nei a nia. |hian zaho a âr hemhmin nan leh khawvawt hre lova i awm theih nan min han dawr la, a \hat zia chu hrilh ngai lovin i hre mai ang.
Bag 1 - ` 400 Peg 1-` 50 chauh a ni e

In \hian,
Lalremliani & Lalroliani, Hlimen Venglai

Dingus Computer Institute Kulikawn,Aizawl
Free Admission Open

Sawrkar leh mimal chhawr tlak leh thiam taka computer zir duh tan admission a tih theih reng e.
Graphic design kan zirtir thei bawk

Timing : 7:00 Am ~ 7:00 Pm
Contact : 8730095565, 8257008495

LAWRKHAWM :

Lawmthu sawina
    Kan fapa Lalnunpuia LPS Junior Comedian Search a Top-5 a tlin ve chung changah YMA leh khawtlang mipui te leh \henrual \ha ten min lawmpui a, thilpek hlu tak takte min hlan avangin kan chhungkua chu kan lawm takzet a. Mimal tin hnenah lawmthu kan sawi seng lo, he chanchinbu kaltlanga kan sawi hi in hnena sawiah min lo ngaihsak mai teh u. Thinlung takin lawmthu kan sawi a ni.

    In lawmpuina dawngtu,
    Lalthanpuia (Mathana) te chhung
    Hlimen Vengthlang.

Kan lawmpui e
    Hlimkhawpui Weekly News Letter kan Print-na(Standard Laser Print) nei tupa Pu Lalhmachhuana Pautu, Chaltlang, Dingdi veng chuan Dec. ni 13, 2013 (Zirtawpni) khan kawppui duhawm tak a nei a, keini Hlimkhawpui Editorial Staff te chuan kan lawmpuiin,nupa kawpchawi diktak an nih zel theih nan duhsakna kan hlan e.
    Kum 2010 a\ang khan Hlimkhawpui hian Standard Laser Print, Treasury a mi hi a dawr \an a ni.

Thil bô tam
    Tunlaiin kan vengchungah rukruk leh thil bo atam hle a, a dapchhuah hna pawh theihtawp in JAC ten an thawk a, thuzawhfiah leh koh pawh an nei \hin a, Dec. ni 12, 2013(ningani) zan pawh khan naupang pakhat chu a thilruk te zawhchhuah niin zilhhau a haw tir leh a ni. Tin, Kar hmasa lam pawh khan hetiang deuh bawk hian kum la naupang tak pakhat chu dawpchuah niin zilhhau a lo ni tawh bawk.
    Kan vengah hetiang thilbo leh ruk ruk thleng \hin hi kum lama naupang tak tak te chetna a awm nual ta mai hi nu leh pa lam pawh kan inenfiah a \ulzia alang tak meuh meuh a ni.

Branch Committee hnatlang
    Dec. ni 18, 2013 (nilaini) zan dar 7:30(inkhawm ban) hian YMA Hall ah kum 2014 hruaitu tur thlan a ni dawn a, he inthlanna hmun tur YMA Hall chu seat arrangement leh thil\ul dang engemawzat a awm avangin Dec. ni 18, 2013 (nilaini) nileng hian YMA Hall singsak hnatlang koh a ni a, Branch Executive Committee te kim taka kal vek turin kan in hriattir e, hriattirna dang siam a nih loh avangin hei hi hriattirna puitling a ngaih tur a ni ang.

                S/d/-  Secretary

PAGE - 4

KEIMAHNI
Hlimkhawpui Budget
    Hlimkhawpui  2013 December  thla Budget  pe tla tawh te:
1.    Kapdaia Sec.    2. Damvea Sec.
3.    Buala Sec.    4. Vawmphunga Sec.
5.     Lalsavunga Sec.   
   
Decoration Sub -Committee
    Dec. ni 12, 2013 (Ningani) zingdar 2 khan Hlimen Branch YMA Decoration Sub-Committee  ten venglai kawn an cheina lei turin Pu Lalrinmawia Asst. Secy,  Pu Lalthantluanga, Treasurer leh Pu R. Lal\anpuia te chu Silchar ah an fehchhuak a, hemi zan vek dar 12 velah kan veng an rawn thleng leh a ni.
     Venglai kawn cheina tur atana Sub-Committee ten vehbur an khawn hi la khawn mek zel a ni a, mi tlawmngai leh mi inphal te tan la pek theih reng a ni.
   
2014 Branch YMA O.B Nominate list
    Dec. ni 18, 2013 (nilaini) zan dar 7:30 (Inkhawm ban) a YMA hall a kum 2014 hruaitu atana hruaitu tur nominate hming te chu a hnuai a mite hi an ni ( Alphabetical Order a dah a ni):
    1.     David Rualtinkhuma    2.    F. Laltlanmawia
    3.    F. Zosangzuala    4.    J. Vanlalbiakdika
    5.    K. Lalremruata    6.    Lalchhankima
    7.    Lalchhantluanga    8.     Lalhmuchhuaka
    9.     Lalhmunsiama    10.    Lallawmkimi
    11.    Lalremthanga    12.    Lalrinchhana
    13.    Lalrinmawia    14.    Lalroliani
    15.    Lalthantluang    16.    Lalthlengliana
    17.     Lal\anzuala    18.    Lalvulliana
    19.    R. Lalawmpuia    20.    R. Lalbiakmawia
    21.    R. Lalrindika    22.    R. Lal\anpuia
    23.    R. Zoliana    24.    Robuanga
    25.    Samson Lalrinfela    26.    Samson Zorammuana
    27.    V. Thanchinga    28.    Vanlalliana
    29.    Vanlaltluanga    30.    Zairemthanga
    31.    Zochuanpuii    32.    Zolianchhunga
    33.    Zoramhmangaiha
    Tin, heng mite bakah hian Floor a\angin mi 3 tan nominate siam belh theih a ni bawk ang. Hemi zan hian Programme mi leh beng titlai tak  tur siam a ni bawk. He hunah hian YMA member zawng zawng te kal vek tura sawm kan ni.

CHHIARTUTE NGAHDAN..

@@    Hunpui kan lo thleng leh dawn dek dek a, khawlaiah mipa zurui hmuh tur awm pawh tih tawh naklai a hmeichhe lehzel, rui \hing si, zak miahlo a an khawsa han hmuh  hi chu a va’n han \hing chingkuang tak em !!!! Veng in ti\awp si. Sim vat teh u. Engemaw in tawk palh ange...
- HP & MW

@@    Venglai kawn chu chei a ni dawn niin ka hria a, a engmawi lawm hian ui chuang ni awm tak tak an vak sup sup mai angah !!. Tin, khawlaiah an ek an chheng vak mai ang tih te ka lo hlau pek a nih chu !!!
- Engmawi lawm ve tho-a

KEIMAHNI CHHUNZAWMNA....

Ruat fel ta
    CYMA chuan Sub- Committee peng hrang hrang atan Hlimen Branch YMA a\angin  heng mite hi a rawn ruat :
1. Pu Lalthantluanga - Cultural Sub- Committee ah
2. Pu Lalrinmawia -Health & Sanitation sub-Committee ah
3. Pu Lalhmunsiama - Disaster Management Sub- committee ah te dah an ni.

Rangvamual a Duty turte
    Central YMA Gen. Secretary hnen a\anga lehkha hmuh December ni 21, 2013 (Inrinni) zana Rangvamual leh Phunchawng a Duty tura kan Branch min rawn ruat chu Branch YMA Emergency Committee chuan heng mite hi tlawmngai a Duty turin a ruat :-
    1.    Pu Vanlaltluanga    2.    Pu Lalthantluanga
    3.    Pu Lalrinmawia    4.    Pu Robuanga
    5.    Tv. R.Lalrindika    6.    Pu Lalremthanga
    7.     Pu R.Lal\anpuia    8.    Pu Zolianchhunga
    9.    Pu R.Zoliana    10.    Pu Lal\anzuala
    11.    Pu Lalrinchhana    12.    Pu Lalchhantluanga
    13.    Pu Lalchhankima    14.    Pu Lalhmunsiama
    15.    Tv. Lalthlengliana    16.    Pu Zoramhmangaiha
    17.    Pu Pakunga    18.    Pu Lalvulliana
    19.    Pu R.Lalbiakmawia    20.    Pu Samson Zorammuana
    21.    Tv. J.Vanlalbiakdika    22.    Tv. Samson Lalrinfela
    23.    Pu K.Lalremruata    24.    Pu Zairemthanga
    25.    Pu Vanlalliana    26.    Tv. Lalzopuia (KD)
    27.    Pu Lalroliana (KD)    28.    Tv. David Vanlalhuma(SC)
    29.    Pu N.Zorammuana(VP)
    30.    Pu Thanchhunga (VP)
    31.    Pu Lalmuansanga(DV)   
32.    Pu Lallawmawma(DV)
    33.    Pu Laltlankima(DV)   
34.    Tv. Lalduhawma (BS)
    35.    Pu H.Lallawmsanga(BS)   
36.    Pu Lalnunkima (BS)
    37.    Tv. Laldawngliana(BS)   
38.    Tv. Lalrampara (LSV)
    39.     Pu K.Lalchhuanawma(LSV)   
40.    Tv. Laltlanhlua(Valpuia) (BS)
    41.    Pu Laldawngliana(BS)   
42.    Pu Zohmingthanga (SCS)
    Heng tlawmngai tura ruatte hi a hranpa a hriattirna siam a ni lova, hei hi hriattirna anga lo pawm turin ngen in ni e.
     Mi tlawmngaite kalna tur Bus lo ngaihtuah turin Pu Lalrinmawia, Asst. Secretary ruat a ni a. December ni 21, 2013 (Inrinni) zan dar 5:00 ah YMA Hall bul a\angin chhuah tur a ni a, chhuah hun nang thei ngei tur hian Duty turte lo inpuahchah lawk turin ngen kan ni e.

Pâwltlak Thla Ni 7, 2013 Issue No. 49

PAGE - 1

TUALCHHÛNG :

Damlo: Nl. Zarzokimi D/o C.Vanlalsawma (L), Buala Sec. chu Dec. ni 2, 2013(Thawh\an) zan a a mu chu nerve lam \hatlohna lo chhuak thutin, a kawng a chin hnuailam che thei lovin a awm a, inlamah enkawl mek a ni.
@@    Upa C.Thanchhunga Damvea Sec. a mi chu Pneumonia natna avangin Durtlang hospital ah enkawl mek a ni.
@@    Pi Lalsawmliani W/o Rokima (L), Saichhuma Sec. a mi  Pumpui Ulcer avanga Falkawn Referral Hospital a awm chu Civil Hospital, Aizawl ah refer a niin Civil Hospital-ah hian enkawl chhunzawm mek a ni.

@@    Pu Lalhmangaiha H/o Malsawmdawngkimi Saichhuma Sec. chu kal a lungte awm avangin Aizawl Hospital Research Centre, Kawlthei huanah Dec. ni 5, 2013 (Ningani) khan Admit a ni.

Khawlai tifai: Dec. ni 6, 2013 (Zirtawpni) khan Hlimen Presbyterain English School naupang te leh an zirtirtu ten venglai kawn phiah fai hnatlang an nei a, hetiang a zirna school ten faina lama hma an la \hin hi Hlimkhawpui EB ten kan chhuang hle \hin.

Intihhlimna hun hmang: Govt. Middle School I, Hlimen a zirlaite leh Staff te chuan Dec. ni 5, 2013 khan Reiek tlang leh zokhua te tlawhin intihhlimna hun an hmang a, hlawkthlak an ti hle.

Masi urlawk \an : December thla kan lo chuangkai ta a, vengchhung boruak pawh Masi lam a hawi \anin Kohhran tin te pawh krismas leh kumthar lo awm tur atan ruahmanna te siamin hma an la \an ta.
    Hetih lai hian dawr neitu ten kan thil zawrh chhuahah fimkhur ila, kan himna/hriselna tichhe thei leh pawithei ang chi zawrh sawrkarin a phal loh te zuar lo tur ngen kan ni.

HBC te rawn tlawh : Hlimen Badminton Club te chu Defc. ni 7, 2013 hian Aibawk Badminton Club ten an rawn tlawh a. Indoor Stadium ah player te inkhelin hun hlimawm tak an hmang a. Hlimen Badminton Club te hian zanriah tuihnai tak an lo buatsaih sak bawk a ni.

FRONT :

2014 HLIMEN BRANCH YMA HRUAITU THLANG DAWN

    Kum 2014 Hlimen Branch YMA hruaitu thlan chu  Dec. ni 18, 2013 (Nilaini) zan dar 7 leh a chanve(Inkhawm ban) hian YMA Hall-ah neih a lo ni leh dawn ta. Nomination siam a niin mi  33 hming chhawpchhuah an ni a.  He inthlanah hian mi 33 a\ngin mi 6 thlan chhuah tur a ni a, chung thlan chhuah a\angte chuan Post in siam rem  tur a ni ang.
    Tin, he inthlan zan Programme pawh hetiang hian ruahman a ni:
    A hun    :    Dt.18.12.2013 ( Wed ) 7:30 pm
    A hmun    :    YMA Hall
    Hruaitu    :    Pu Lalhmuchhuaka Br. Pre.
    Hunserh    :    Pu R Vanlalruata, Leader                         Isua Krista Kohhran Thalai.
    Report    :    Branch Secretary.      
    Lawmman sem    :    1) Hlimkhawpui Budget pe tha ber.                 (July-December )
            2) 2013 Br. Committee kal kim.
    Special Items    :    1) Trio- Saichhuma Section.  
                                       2) Duet- Buala Section  
                                       3) Solo- Lalramnghaki, BS
                                 Miriam Zodinsangi SC                                    Nl. Vanlalhmangaihi. VP
            4) Lalnunpuia, LPS Jr Comedian Search,                         2013,Top 5.
    Inthlan hi inthlan Programme hruaituin hun a hman zawhah   RO (Returnning Officer) Pu R. Lalnghetan a kaihruai thung ang a. Tin, he inthlan a  PO (Presiding Officer) tur te chu heng mite hi an ni:- i) Pu Duhthusama,  ii) Pu Pakunga, iii) Local Council Member te. iv) MHIP a\angin aiawh pakhat. Tin, he inthlan a Vote chhiar chhunga thusawi hi a \ul dan angin RO  kutah dah a ni bawk.
    Inthlan hi Democracy bulpui a niin felfai tak a inthlanna neih hi a hlu in; thlanchhuah te pawh an zahzawm a, an kutah thil tamtak a in nghat \hin. Kum 2014 a Hlimen Branch YMA kal zel dan tur chu kan hruaitu thlanchhuah hian a hril takzet dawn a. Chutiang a kumthar a Branch YMA hruaitu tur te- kan khawtlang tana thawk thei tura mi tlawmngai tur thlang chhuak turin YMA Member ngei in nih a, rokhawlhna lian bik i nei a nih loh chuan he hun hlu leh pawimawh takah hian nang pawh lokal ngei ang che. Hlimen khawtlangah hian YMA HI VUL ZEL RAWH SE.

PAGE - 2
EDITORIAL :
PÊM NGE I NIH KHAWTUAL?
    Kan khawlai \awng hman duh dan, mi \henkhat ten  pem mai mai tih hi tute emaw tai nei ran chunga \awngkam hman mai hi kan hreh lo hle \hin. Engchen hi nge pêm kan tih anga, engchen chiah hi nge khawtual mi ni a kan ngaih turte chu ni ang aw.. tiin ngaihtuahna ka lo seng ve \hin a. Pem leh khawtual mi chin hi thliar dan tur thiam harsa ka ti hle \hin.
    Ka ngaihdan chuan Hlimen a an awmna chin hi a rei leh reiloh lam ai mahin pem lehkha fel tak an nei em, an lehkha neihte chu khawtlang hruaitu ten an pawmpui em tih lam hi ka lo teh ve dan chu a ni.Miin pem lehkha fel tak a neih a, khawtlang hruaitu ten an lo pawmpui thlapna avanga Hlimen a awm(cheng)  an nih chuan chumite chu khawtual mi ah ka pawm thlap mai a ni.
    Pem rilru, khawtual rilru ti zawnga an chet duh dan leh khawsak dan kan thliar (teh) a nih chuan thliar thiam pawh a harsa lemlo turah ngaihtheihna chin pawh a awm ngei ang. Hlimen hi chhuahsan (awmlohsan) leh mai tur ang maia Hlimen tihmingchhe zawng leh timualpho zawnga ruk ruk, zu zawrh leh ruih, vantlang duh loh zawng a chet hreh miah lo mite chu inti khawtual hle mah se pem rilru pû ah ka dah hrim hrim.
    Khawtual nge i nih pêm? He zawhna hi tuman kan inchhansak thei lo. Khawtual mi chuan Hlimen hi an ta neih tlat a, a hmingchhiatin hrehawm a ti a, a hming\hatin a lawm a, nuam a ti bawk a, a hmingchhiat leh mualpho hi a phal lova. Chutiang anga a awm loh nan theihtawpin, \hahnem ngai takin venhim hna leh tihhming\hatna turin ke a pen mai \hin. Vawiin, tun hun leh nakin huna i chet duh dan leh i khawsak duhdanin i nihna diktak chu \awng lovin ring tak siin mi tam tak hriat theihin pem nge i nih khawtual tih chu a hrilh ngei ang le. Pem nge i nih khawtual.

ZIAKTUTE HUANG :
RIANGVAITE KRISMAS
- Prince Paris Khawlhring
    Thlasik zan khawvawt leh thiang, khawpui hulum in a a thlen phak ve lohna ram dai, vanpui ngawi duk hnuaia arsi de zeuh zeuh leh rannung tesep chiap thawm bak awm lohna; thlifim vawt takin a meipui chheh alh a chhem fawn hlerh hlerhna hmun thawleng a ni a. Rom Sorkar sum ip hai \et pha ve lo, mihnuaihnung te tan chuan hna hniam te mah nise ei hmuh nan a \ul miau si.
    Mitthla a ka han fan vel hian chung berampu te chuan zanriah eikhamah venpuite nen meipui sirah kuhva leh zozial hmeh pawlhin Kaisara thupek te, Isaia hrilhlawkna te, atuk lam a phulrai hmun hring \ha zawk lam a insuan mai a \hat an rinthute an khel laih laihte pawh a ni mahna. Engpawh chu nise, chutih hun lai taka khawvel reh ruih mai a van engkual pup; hmuh ngai loh- Angel rual ten khawvelin a ala hriat ngai loh remna hla NOEL hmasa ber mai a a rawn \hawng thut kha chu mak tiin dangmâwn lang hawng khawpin an ang huau hlawm hian ka ring.
    Kha chhiarpui, khawvel chhiarpui a Chatuan Pa rawn in ziahluh ve thu; kan zosap te zarah kan han hre ve leh a. Kan lung a ti leng a, thlasik khawvawt pawh ti phal lovin SIKNIPUI tiin. Dai zawng zawnga hmingthang ber Bethlehem dai phulleng chu suangtuahna thuk ber nen, a men pawh meng phal lovin kan fang delh delh a, tlai pawh kan var hial \hin.“      Kan chan hi van Lal Reng ro pialral lunghlu,” ni miau hek.
    Kan hlim a, kan lawm a; kan nghakhlel a, kan thlir liam leh vawng vawng  \hin a. Panlai nun ngaih a zual \hin. Thlasik leh khawvawt a rual a, chatin lungrual takin a rawn thlawp chinah kha chuan kut leh ke chu thi sawk khawpin a chat a, zan thla eng hnuai a inbihruksiak leh in\hengkah aia nuam a awm chuang hek lo. Urlawk zan a chow Pack thum nena \hian zaho lungrual tak a tlaivar kan huam te kha a va ropui em... Krismas tuka nuten cheng sawm min pek rualin hausa thâwkin kan han thaw nghal a, neih phak tawk a lungawi a; hlimtak a kan awm lai kha hringnun vullai ber a lo ni.
    Chutih mek lai chuan,  nei ve lo leh nei pha ve lo; belh tur leh â nu, â pa tihtur nei lo fahrah riangvai te chan tur ka han dawn a, an thawm chuan :-
    “He hringnun kham leh suar, thlasik anga vawt ah hian engtikah tak kan tan nipui herchhuak ang maw? Dam hi thlakhlelhawm leh beiseiawm a nih a, nun hi nuihna leh hlimawm a nih chuan mittui kara kan vawikhat nuih hi a man ava tam dawn em!! Vawiin leh naktuk danglamna chu ril\am lehzualna chauh a ni a, zing khawvar leh tlai nitla inkar hi vanvaihna lamtluang thui mai a ni. Mahse, engahnge kan vui tehlul ang; Pathian fa a vuah kan ni miau a lawm. Beiseina êng de set set min petu chuan nun hlutzia nangin i hriatfiah nan van boruak hi chungkhuh atan min pe a, mi kawmkar thim chu kan tawmhulna atan... Kan pangti lum chu kan intuam lumna, lungngaihna leh \ahna kan nghilhtheih nan  tawnmang duhawm min pe \hin.”
    |hian duhtak, ‘nun ngui leh chau; mahni nunna hial pawh hlut zo tawh lova chanchhia chang a i awm hunah he riangvai fahrah te beiseina hi ngaihtuah la; nun tak chu i hmu ang. Chatuan fa kan nih theih nana a nunna hial hlantu pianchamah hian riangvaite tan i sum bawm i kar hawng ve ang a; van hian malsawmna in a chhang let dawn che asin.’  

PAGE - 3
HRIATTIRNA :
Free Vocational Training Course
Zir theih te :
    (1) Electronics (Mobile Repairing)
    (2) Beauty Culture
    (3) Puan\hui (Tailoring)
Zir theih chin :Pawl 12 engemaw harsatna avanga pass thei lo tan dil theih a ni.
Zir hunchhung : Thla 4 (December 2013 - March 2014)
Zir duh chuan December ni 9, 2013 (Thawh\anni) Dar 10:00 AM ah Zoram Entu Pawl Office, Tlangnuam, Aizawl-ah dilna lehkhaziak kengin kal tur a ni a, Personal Interview neih nghal tur a ni.

A lam theih e
    Pi Lalthanzami, Buala sec. a mi boral zan (Tlaivar zan) khan Pu F. Laltlanmawia inah kawr lum la tha tak theihnghilh in awm a, a neitu chuan a rang lamin Pu F. Laltlanmawia, Buala Sec. hnenah a lam theih e.

Electoral roll revision nei leh dawn
    Dec. ni 16 a\anga ni 31, 2013 chhung hian electoral roll revision a awm leh dawn niin thudawn a ni a, electoral roll a thun leh, siam\hat, transfer etc. te a tih leh theih dawn a ni.   Jan. ni 1, 2014 a kum 18 tling pha chin tan thun luh thar dil theih a ni ang.

Hlimen JAC thuchhuak
    Dec. ni 5, 2013 (Ningani) zan khan YMA Hall ah JAC te chuan Committee pawimawh tak  neih a ni a. Chuta thurel tlangpui mipui vantlang tana hriat tur pawimawh te chu :
    Kan hunpui Krismas leh kumthar vuakvet lai akhawtlang mipuite hlim tak leh nuamti taka, thlamuang taka an awm theih nan- Rukruk, zu zuar leh rui buai leh bengchheng siam vantlang mipui nun tihrehawm thei chi a awm loh nan JAC Hlimen chu ngawrh taka duty a ni tawh dawn a ni.
    Khawtlang duh loh zawng a awm lui tlat, Duty ten man an neih chuan in ngaihhna thiamna awm lovin a \ul angin Action a la nghal zel dawn a. Chuvangin, tumah man buai ngai a awm lo turin mipui te ngen nghal an ni bawk.

Paih tawh suh u
    Kan huan, Mauhakkawn panna, Pu Vanlalhruaia, Local Council V. Chairman te in piah kawngthlangah bawlhhlawh paih \hin in awm a, kan lehkha tar te pawh in pawtthla duh zel mai hi a lungawithlakloh hle a. Tunchinah chuan paih tawh lo tura hriattir in ni e.
            In \hian,
        Lalbiaksanga S/o Lalrema (L)
             Hlimen, Vengthlang 

LAWRKHAWM :
World AIDS day
    Dec. ni 2, 2013(Thawh\anni) khan World Aids Day-pualin Hlimenah pawh Nl. Lalroliani in Saichhuma Sec. ah Link Worker Scheme hnuaiah hun hman a ni a. Vengchhung mi 22 kalkhawmin hun hman a ni. Aids Awareness mai bahah TB chungchang te pawh tarlan ani a, Sub- Centre tinah TB. testna tur bur lak mai theih in a awm.
    Aids hi tihdamna awm lo, inven theih em em si a ni a, chuvangin, he natna hi kan do let thei a, chu chu inven a ni tih i hre thar leh ang u.

Duty dawn
    Kumin Krismas leh kumthar vuakvet laia Hlimen chhungah mipui vantlang tithlabar emaw ninawm khawp a che leh thil bo te a awm loh nan Hlimen JAC te chuan ngawrh tak a Duty an tum a, hetianga Vengchhung mipui te a \ul dan anga thlavang hauh tur a duty an siam hi a lawmawmin a thlamuan thlak hle mai.
    Chutihrualin, Duty hi thil hautak zet mai, inpek ngai tak, zan khaw tai rek tak thleng pawh a khawvawt hnuai a chet ngai thil a tam \hin a; hetiang a nih avang hian tlawmngai a Duty hah te riltam leh tuihal an awm loh nan mi tlawmngai leh mi in phalte tan englai pawhin eitur a ni emaw sum leh pai a ni emaw a \anpui thei kan awm a nih chuan englai pawhin Duty te hian lawm takin an dawn thei reng a ni.

Party President te rindan chu hei le
    MLA inthlanpui vote chhiar mai turah Hlimkhawpui Editorial Board ten Hlimen a Party tin Unit President te Hlimen bika an dinhmun tur kan zawhnaah hetiang hi chhanna kan dawn dan a ni :
    1. ZNP :- ZNP Hlimen Unit President, Pu C. Lalhmingliana chuan, “ Kan vengah hian kan chak  chiang dawn hle, vote kan hmuh zat tur leh min hnaih ber tu ten min phak lohna tur zat chiah chu sawi mai theih a ni lo.” a ti a ni.
    2. MDA :- MNF Hlimen Unit President, Tv. C. Lalhmingthanga chuan, “ MNF Unit te chuan Hlimen ah vote 850 vel kan hmu thei turah kan inngai a, min hnaih ber tu te hi Vote 150-200 velin kan bawhbet thei dawnin kan in ngai.” a ti a ni.
    3. INC :- Hlimen Congress Unit President, Pu Lalhmingmawia chuan, “ Kan khingpuite kan hneh ngei dawn a, min rawn hnaih deuh tu ten vote engzatinnge min phak loh ang tih chu rindan tawk thiam har ka ti a, kan chak ngei chu thil chiangsa ah ka ngai.” a ti bawk.
    Hlimkhawpui Editorial Board te chuan a tute pawh hi thlantlin niin roreltu tur chu tupawh lo nise a thlamuanthlakawmin a nghahhlelh awm hle niin kan hria; a chhan chu inthlan hma athlan tlin an nih hnua khawtlang hmasawnna tur a hma an lak tum dan te kan hmu vek tawh a. Hlimen khawtlang hmabak chu a eng hle turah kan ngai a ni. Khawtlang hmasawnna tur a roreltu leh hruaitu \ha tak kan neih dawn avangin keini Hlimkhawpui Editorial Board te chuan a tling chu tupawh nise duhsakna sang ber kan hlan e.

PAGE - 4
KEIMAHNI
Hlimkhawpui Budget
    Hlimkhawpui  2013 December  thla Budget  pe tla tawh te:
1.    Kapdaia Sec.    2. Damvea Sec.
3.    Buala Sec.    4. Vawmphunga Sec.
5.     Lalsavunga Sec.  
   
Branch YMA ngenna
    Sawrkar dan dinglai angin Krismas leh kumthar vuakvet-ah puakthei lam thil leh naupang silai lem, a mu kahchhuah theih chu khap tlat a ni a, vengchhunga dawr nei mi tupawhin hetiang lam thil engmah zuar lo turin Branch YMA chuan a ngen takzet a, tilui/zuar lui kan awm a nih chuan a \ul angin YMA chuan hma a la ang.
    Tin, heng hunpui lo thlen dawn lai hian mipui lamte kan phurin kan zauthau \hin a, lirthei lakah kan fimkhur tawk thiam loh \hin avangin vanduaina (Accident) a thleng duh hle mai a, mitin te lirthei laka fimkhur turin kan in ngen a; tin, lirthei khalhtu (Driver) te pawhin mipui te tana harsatna a thlen loh nan leh thlamuang zawk a an awm theih nan kan lirthei khalh te fimkhur ila; tin, a bik  takin Two Wheeler khalhtu te pawhin damlo leh tarchaklo zawk te tana ninawm leh hriselna khawih pawi thei khawp a thawm bengchheng lutuk (Proton vuah) leh chak lutuk a tlan lo turin kan in hriattir e.

Hlimkhawpui Budget pek dan
    July - December thla chhungin Section tin ten Hlimkhawpui Budget thla tina kan pek hma dan a\angin Point pek chhoh zel a ni a, Point hmu tam ber (pe \ha ber) Section hi Branch YMA inthlan zan (Dec. ni 18, 2013) ah lawmman \ha tak pek tur a ni.
    Section tin te Point hmuhdan chu hetiang hi a ni e.
    1.    Kapdaia Sec    -    155    Points
    2.    Buala Sec.    -    120    Ponts
    3.    Damvea Sec.    -    90    Points
    4.    Vawmphunga Sec.    -    78    Points
    5.    Lalsavunga Sec.     -    29    Points
    6.    Saichhuma Sec.    -    26    Points

Branch YMA
    Dec. ni 7, 2013 (Inrinni) zingkar hian Branch Executive Committee member te chu Samtlang panna kawng dunga thingphun sa tihfai leh hung\hat hnatlang neih a ni a, member thawkchhuak te chungah hruaitu ten lawmthu an sawi.
    Tin, hemi ni vek hian Chawnpui Camping Centre ah Branch YMA chuan he Camp a awm te eiturin Buhfai Bag thum leh Neutrela 50 Kg an pe a ni.
    Kumin chhung hian Hlimen Branch YMA chuan vengchhung leh pawnah mi harsa zawk te \anpui ve ta nual mai a, hetiang a midang tana malsawmna thlentu YMA kan nei hi ava han hlu em.

CHHIARTUTE NGAIHDAN :
@@    Kan vengchhungah ruihhlo a hluar leh ta hle mai a, ruihhlo zuarte hi JAC Duty ten an man  chuan CHHIMPHEI TLANGDUNG tih dan angin a vawikhat manna ah ` 1000 chawitiriin man leh an nih chuan kan khawtlang a\anga hnawhchhuah ve mai hi ava \ha awm ve.
- Bawihtei Pa.
@@    Rinthu insawisiak hun a tawp dawn hnai ta. Sawi tam a piang leh sawi thiam a piang rindan a dik leh dik loh chu naktuk maiah khian kan hre dawn ta. Tla na leh na lo chu an awm leh ngei dawn niin alang, kan Politics khelhdan en hi chuan. Chuvangin, tluangtlam taka khelh dan hi zir tlang ila a \ha viau lo maw?????
 - Midang\hatnaduha

@@    Khawtlang hruaitu ten veng mipui te hrisel nan leh vengchhung changkan zel nan faina chungchangah \an an la nasain khawtlang pawh a mawiin a danglam sawt hle a, a bik takin, vengthlang a lamkhuangpui bul leh vengthlang panna kawng kama awm ten an phiat fai thei hle a, an entawntlak ka tiin an va chhuanawm em. Hetiang \heuh hi ni thei ila, khawtlang a va nuam dawn em.
- Faina ngaina em em tu
 
Keimahni chhunzawmna....
Mi in phal te tan
    Kumin 2013 Krismas leh kumthar vuatvet denchhenin Venglai kawn hi Hlimen Branch YMA  a chei dawn a, hemi atan hian sum engemawzah sen a ngaih dawn avangin Section hruaitu ten chhungtinah remchan ang tawk an rawn khawn dawn a, vengchhunga mi \hahnemngai te leh chhungtin te thawhlawm thawh \heuh turin kan ngen a che u. Tin, a kohhran zawng te , a pawl nihna ang chi te, Memorial (Hriatrengna)  ang zawng te pawhin thawhlawm hi a thawh theih reng a ni. Hetiang a vengchhung chei hi changkanna pakhat, veng timawitu a ni tih hriaiin hemi pual adonation khawn hi \hahnem ngai tak a pe turin kan in ngen e.
    Hemi puala thilpek pe duh tan Pu Lalrinmawia, Asst. Secy hnenah pek theih reng a ni e. Hemi pualaThilpek pe duh chuan Dec. ni 10, 2013 ral hmain pek tum ila a\ha awm e.
 
ADVERTISEMENT :
Dingus Computer Institute Kulikawn,Aizawl
Free Admission Open

Sawrkar leh mimal chhawr tlak leh thiam taka Computer zir duh tan admission a tih theih reng e.
Graphic design kan zirtir thei bawk

Timing : 7:00 Am ~ 7:00 Pm
Contact : 8730095565, 8257008495

KRISMAS DECORATION

    Christmas Decoration light chi hrang hrang a lo thleng leh ta. Duh rawn thlang ve rawh. Decoration light pangai bakah Lazer light leh Disco Bulb thlengin Bazar rate vekin lei theih a ni. Order a tam loh avangin in changlo palh ange.

Contact : 9862648449    MaGby Enterprise
                          Hlimen, venglai .
                                        Pi Lallianmawii Building