Pâwlkût thla ni 26, 2013..Issue No. 4

Page-1

Tualchhung :

Boral: Pi Neihkimi (Bawngruali) kum 86, Vawmphunga Sec. chu B.P. sang avangin Januay ni 21, 2013 zing dar 6:00 khan a boral. hemi ni vek hian vuiliam a ni.

Damlo: Pi Lalrinfeli W/o Laldingliana, Saichhuma Sec. a mi chu Thyroid natna avangin Delhi AIIMS ah refer a ni a. Jan. ni 23, 2013 khan Delhi lam an pan thla ta. Dam taka a lo haw leh ngei theih nan duhsakna kan hlan e.

Nâu nei thar: Pu Vanlalhmuaka te nupa, Buala Sec. a mite chuan an fahmingkoh ni turin Jan. ni 19, 2013 (Inrinni) khan UHC Hlimen ah fapa duhawm tak an nei thar.

@@   Pu H.Zothansiama te nupa, Damvea Sec. a mite pawhin an fa 4 na ni turin Jan. ni 23, 2013 (Nilaini) khan UHC Hlimen ah fapa duhawm tak a nei thar bawk.

Tuak thar: Lalthlanawma S/o Thangseia(L) Buala Sec. a mi chuan Lalbiaknungi D/o Chalhmingliana Melthum a mi nen Jan. ni 24, 2013(Ningani) khan Isua Krista Kohhran Biak Inah damchhunga nupa tak ni turin ‘tiam tlat e’ an ti.

Hawna hre lo: Jan. ni 24, 2013 (Ningani) zan khan Pi Veli kum 80, Zemabawk ‘N’ chu ke hlirin Hlimen a rawn kal thleng a, haw leh mai ngaihna a hre lova, mi tlawmngai ten YMA Hall-ah an rawn hruai a. YMA hruaitute leh an chhungte inbiain hemi zan la la hian an rawn hruai a ni.

Doctor zo thar: Tv. Jerome Lalrinawma S/o H.Lalrammawia Kapdaia Sec. a mi chuan Bachelor of Veterenary Science (B.V.S.C) Vety Doctor \ha takin a zo fel ta. Selesih Vety Collage atangin a zo a ni. Hlimen a\anga Vety Doctor kan neih hmasak ber a ni a, veng a tihming\ha in a va chhuanawm em.

K.T.P Conference nei: Jan. ni 25-27, 2013 chhung hian Hlimen Pastor Bial K|P te chuan Hlimen Damveng Kohhranah Conference an hmang. ‘I ram lo thleng rawh se’ tih thupui hmangin Sermon ngaihthlak a ni.

Front :

Aizawl South III  Electoral  Roll bihchhianna

    Kumin kum tawp lam hian Mizoram Legislative Assembly inthlan runpui kan hmachhawn leh dawn a ni a. Keini Bial hi 20 Aizawl South III A/C tih niin kan Bialah hian khaw 26 lai kan awma, keini veng hi Voter tamna ber niin Voter mipa 943 leh hmeichhia 1001, kan vaiin mi 1944 vote nei kan awm a ni. Kan bialah hian Lungsei khuain Vote an nei tlem bera Voter 159 an awm a ni.

    Hetiang hi kan bial chhung khua/veng hrang hranga Voter awmdan a ni :-

    Polling Station    Voters

1.    Hlimen I & II       -    1994

2.    Sialsuk I & II       -    1475

3.    Saikhamakawn    -    1031

4.    Aibawk               -    942

5.    Samlukhai           -    900

6.    Muallungthu        -    817

7.    Fâlkawn              -    777

8.    Melthum              -    759

9.    Phulpui                -    749

10.    Tachhip             -    747

11.    Melriat              -    743

12.    Sateek              -    673

13.    Samtlang           -    598

14.    Sailam               -    567

15.    Lungleng-I         -    555

16.    |hiak                  -    549

17.    Sumsuih             -    541

18.    Hualngohmun     -    500

19.    Kelsih                -    499

20.    N.Lungleng        -    489

21.    Lamchhip           -    487

22.    Maubuang          -    445

23.    Chawilung          -    278

24.    Hmuifang            -    196

25.    Chamring            -    175

26.    Lungsei               -    159

       

    Tichuan Aizawl South III Constituency huangchhungah Vote thlak thei mi 17594 kan awm a, heng zingah hian  mipa 8795 leh hmeichhia 8799 kan awm a ni.

    Inthlan kan hmachhawn turah pawh Vote nei ten Vote kan thlak ngei hi kan tih tur a ni tih hre nawn leh ila.  Vote kan thlak ve hian ram hmasawnna tura kan pawimawhna chi khat a niin ram siam tur hian vote kan thlak ngei pawh a ngai a, kan pawimawhna te hriain vote thlak lo nih hi tuman tum lo ila, khua leh tui \ha dik tak nihna a ni tih i hria ang u.

Page-2

Editorial :

Hmel danglamna tlangah Y.MA..

    Young Mizo Association (YMA hi a lo pian tirh phat chuan a hming hi YLA tia sak a ni.  kum 10 vel a lo tlin hnuin tuna a hming Young Mizo Association tia hming thlak a ni. YMA hian a hun tawn dana zir ang zelin Hmel danglamna tlangah dintir a hlawh thin, a lo pianchhuah a\anga kum 10 hmalam hun zawngah chuan kohhran ho fachuam tih khawp hialin kohhran hmel Missionary angin mite mit hmuh leh hriat a hlawh \hin.
    Tichuan hun a lokal zela, mihring te lo pung zelin ram leh hnam pawhin hma a sawn chho zel a, chu hmasawnna chuan thil\ha lo pawh a rawn hruai tel ve a. Ruahtui kan mamawh em em laia, ruahin, rial leh thlipui, \ek kan tih mai a chhawrna kan hriat loh, mihringte tana hlauhawm a rawn kengtel ang tho hian hmasawnna lokal pawhin min tichhe theitu, kan tana hlauhawm RUIHHLO a rawn kalpui ve a. Chu chuan kan ram leh hnam \halai nun a tichhe hum hum ta mai a. |halai nunte a suat burh burh kumtin reng mai bawk nen, ram leh hnam hmelma lian ber RUIHHLO lakah ram leh hnam, \halai nun chhanchhuah an ngai a ni tih hriain YMA chuan râldo chu rampum huapin a puang ta a. Khawtlang nun siam \hat a, ram leh hnam humhalh a, \halai nun boral mekte chhanchhuahna tur hna thawk turin ke an penchhuak a, chu chu hrethiam lovin kan Mizo hnampui ngei ngei te chuan YMA chu HMEL DANGLAMNA TLANGAH dintirin YMA chu zu dap pawl, zu zuar/ruihhlo zuar vawpawl ang fang lekin an chhuah leh ta mai zawng a nih hi. Mahse, YMA chu, ‘|anpui ngate \anpuitu, ram leh hnam hunhalh a, \apte \ahpui a, lawmte lawmpuitu’ HMEL DANGLAMNA TLANGAH a awm zel a nih si hi. A la awm zel dawn bawk.

Ziaktute huang :

  TLACHAWP
-Puipuii Pa

    Beisei aia hma mahin kan Editor-in tlachawp Article ziak turin min rawn ti mauh mai a, tlachawp tak meuh meuhvin kan ziak mai a ni ang chu. Helama rilru a lo chawlhna rei tawh nen ngaihtuahna erawh a bing duh map map khawp mai.
    Tlachawp tih thu a hman takah chuan tlachawp tih tawngkam hi ka ngaihtuah phah a, thil tha nge a nih a tha lo tia a nihna tak han ngaihtuah chhuah erawh ka tum buai peih ta lo. Chumi mai a ni lo, hetiang thu ka ngaihtuah lai hian kan khawtlang tana thil tha leh tha lo lam emaw, kan khawtlanga chhungkaw tin chu sawi loh thenkhat tana thil tangkai han chhawpchhuah tur emaw pawh ka nei lo tih ka inhrechiang hle lawi a ni.
    Miin ngaihtuahna thahnem tak an lo sen tawhna leh mut mawh hnar mawha an lo neih tawh kan Hlimkhawpui (Hlimen khua) in kum 200 kan tling ta reng mai tih ka’n ngaihtuah tlachawp ve leh hnuhnawh a, thil ropui tak a nih vei nen ka duh ai chuan khawtlang hian kan va la lungrun lo deuh em te chu ka ti deuh. Kum 25 an tling thei pawh Sial kaia an hmuah lai hian. Eng pawh nise a tlachawpa han ngaihtuah takah chuan chhan tha tak a nei a ni phawt ang tih ngaihtuahna chu ka nei leh deuh a, Veng dang, khaw dang erawh chuan min rawn lawm sak dawn hauh lovang tih erawh ka ring nghet ve bur ringawt thung.
    Hetiang han sawi takah chuan, veng hmawra awm tih takah, veng dangin an Area-ah min rin lut mai ang tih hlauhthawnna ka lo neih mek laiin kum 200 hmel kan han hmuh meuh chuan Hlimen Area-ah pawh sawtah kan lo awm ta hi thla a muang, khan khawtlang roreltute hian fak an phu ve ngawt mai. Kan veng ramri chin chhinchhiahna Signboard erawh a rim deuh a, kutthlak a tuar hnem deuh mai pawh a. A tlachawpa ngaihtuahna han sen leh takah chuan hei pawh mihringten kut kan tuar ai chuan na hre lovin kut a lo tuar a nih pawhin a tha zawk tho a lawm tih ngaihtuahna ka nei a. Veng thenawm, mi vengva deuh chin chu an zak ru deuh tawh tih te leh nakinah phei chuan an theih tawk tlem zia an la hre chhuak anga an la zak viau mai lo’ng maw tia ngaihtuah chungin ka nui ru ver ver thei zawk zu nia.
    Engtikah nge ni ang ti a kan lo suangtuah a, nawi taka kan lo phun kan lo phunpui thin Tui Connection meuh kan nei ta leh Tuikhura nutling patling inkhak thawm chu sawi loh, rannung hram leh chiap mai mai kan hre ta te hian hma kan sawn zia tilang ve hian ka hre thin. Department lama thawktute leh khawtlang atanga ngaihtuahtute ka fak mawlh mawlh e. Dar pawh a belkang ta lo.
    Hetiang thil tha thawktute zawng zawng hian a tlachawpa an ngaihtuah chhuah mai a nih loh avang leh tha leh zung, ngaihtuahna ril ber senga an lo ngaihtuah chhuah a nih avang hian fak phuin hna an thawk a. He Article tawite, tlachawp tak meuh meuha ka ngaihtuah chhuah erawh hi chuan khaw eng a hmu zo ve dawn ta lo a ni. A tlachawpa thil tha tak ngaihtuah chhuak thei ho hian ngun leh zualin ngaihtuahna han seng ngat sela zawng, thil ropui tak tak hi an ngaihtuah chhuak thei ngei dawn a lo ni tih hi a tlachawpa ka ngaihtuah leh pakhat chu a ni e.

Page-3

Hriattirna :

M.U.P. Unit
    MUP Hlimen Unit chuan Jan. ni 27, 2013 (Pathianni) chawhnu inkhawm banah Pi Bawngruali ral tur a ni a. MUP Member ten ngaipawimawhin kal \heuh i tum ang u.
    Sd/- Secretary

Inthlan
    Hlimen thlaithar zuartu ten Association din ve tur a ni a, Jan. ni 27, 2013 (Pathianni) chawhma inkhawm ban hian Pi Lalchuanawmi Buala Sec. te Inah hruaitu tur inthlan a ni dawn a. Thlaithar zuartute kim taka kal \heuh tur a ni e.

Ngenna
    Indoor bul, Lamkhuangpui bula Waiting Shed siam chu zawhfel a ni ta. He Waiting Shed hi uluk tak leh \ha taka sum tam tak senga sak a niin, khawtlang cheina chikhat a ni tih hriain, zu inmite leh ahnuai a \hu \hin ten dimdawi thiam tur leh tibawlhhlawh lo turin Local Council te chuan khawtlang mipui zawng zawngte min ngen a ni. Tin, helai hmunah hian lirthei reng reng dah lo turin an ngen bawk.

Aizawl municipal council  thuchhuak
    AMC chuan hetiang hian thuchhuah a siam :-
    Kum 2012 - 2013 atan Aizawl khawpui (AMC Area chhung) a in hmun, lo ram chhiah (Property Tax, Land Revenue, Building Tax, Zoram chhiah etc.) chi hrang hrang pek a lo hun leh ta a. Chhiah hi ni 21.1.2013 a\anga ni 30.3.2013 chhunga pek vek tur a ni.
    Kum hmasa lama la pe lo leh kumin a pe turte chuan March 2013 ralhma ngeia pe tura ngen leh hriattir kan ni a, a hma kum lama chhiah pekna Receipt hnuhnung ber kengin Office hunchhungin pek tur a ni. Hetiang hian keini Hlimen, Melthum leh Saikhamakawn tan February ni 5 - 7, 2013 chhungin AMC Sanitation Office Sikulpuikawn ah pek tura ruahman a ni.
    Sd/- Member Secretary
    Local Council, Hlimen

Local council ngenna
    Ui leh Âr khuahkhirh tura thu chhuah chu mi tam takin an zawm \hain khawlaiah ui leh ar chhuak hmuh tur atlem sawt hle a. Amaherawhchu mi tlem te luhlul fal bik ui leh ar khuahkhirh \ha duh lo avangin khawlaiah hmuh tur a la awm fo mai a, heng ran neitute hian khuahkhirh \ha tawh turin hriattir in ni e.
    Tin, kangmei lakah fimkhur a ngai ta hle. Zankhat thil thu-ah In leh lo hlu tak kangmei avanga chhe vek thei a nih avangin In lam leh ram lamah i fimkhur ang u.
    Sd/- Member Secretary
    Local Council, Hlimen
 

Lawrkhawm :

Voters day hmang
    January ni 25, 2013 (Zirtawpni) zingkar khan India ram hmun dangte rualin Hlimen ah National Voters Day YMA Hall ah hman a ni. Pu Lallawmzuala BLO in inkhawm a kaihruai a, Khuallian Local Council Chairman Pu Lalhmingliana’n Vote nei thar mi 85 hnenah Votter I.D. Card a sem. Kalkhawm ten vote thlak tura rinawmna thutiam an sawi rual bawk.

Lawmthu sawina
    Kan nu Pi Neihkimi’n (Bawngruali) min boralsan chung changah kohhran leh khawtlang mipui ten mi lainatna leh min hmangaihna avang leh min buaipuina avangin kan lawm em em a, Lalpa’n a let tam takin malsawm che u rawh se.
In khawngaihna dawngtu,
Laldawngliana te chhungkua

Lawmthu sawina
    C.M.T.C. ten kan veng tana Medal kan rawn hawnte khawtlang mipui leh \halai ten min hlutsak mai bakah bialtu MLA, Pu K.S.Thanga’n lawmthu sawi nana Intensive Award, pawisa fai Gold Medalist tan ` 10,000/-, Bronze Medalist tan ` 2,500/- zet mai a rawn hlan mai te kha ropui kan ti a. Tin, kan khawtlang hruaitu/Local Council te leh YMA leh NGO hrang hrang ten lawmpuina Programme leh thilpek hlu tak tak min rawn hlan hi ropui kan tiin in zavaia chungah lawmthu kan sawi tak meuh meuh a ni.
Sd/- Manager, C.M.T.C.

Hruaitu thlang thar
   Jan. ni 21, 2013 khan Kum 2013 chhunga MHIP hruaitu tur heng mite hi thlanchhuah an ni :
    President            :    Pi Biak\huami
    Vice President    :    Pi Zonunkimi
    Secretary            :    Pi Lalzawni
    Asst.Secretary    :    Pi Sangkhumi
    Treasurer            :    Pi Lal\anpuii
    Fin.Secretary      :    Pi Thansangi

  Tin, Jan. ni 22, 2013 khan Kum 2013 chhunga MUP hruaitu tur heng mite hi thlanchhuah an ni :
    President            :    Rev. Vanlalvena
    Vice President    :    Pu J.Hnûna
    Treasurer           :    Pu Than\huama
    Secretary           :    Upa Lalsanga
    Asst.Secretary    :    Pu C.Lalhmingliana
    Fin.Secretary      :    Upa Rualkhuma
    Upa Pawl inthlan danah chuan President, Vice President leh Treasurer te hi Member te thlan an ni a. Secretary, Asst.Secretary leh Fin.Secretary te hi O.B thlanchhuah ten an thawhpui tur atan an ruat a ni.

 Page-4

Keimahni :

Hlimkhawpui budget
    Hlimkhawpui 2013 January  thla Budget  pe tla tawhte:
1.    Vawmphunga Sec.    2. Damvea Sec.
3.    Lalsavunga Sec.   
    Tin, Vawmphunga Sec. ten  Febuary thla Budget an tlak tawh bawk.

Zin mek
    Pu R.Lalngheta CYMA Treasurer leh Pu Vanlaltluanga CEC te chu Jan. ni 24, 2013 khan Tuisual Group YMA  te tlawh turin an zin. HPCD ten tihluihna a YMA Branch an lo \hiah tawhte kan tura kal an ni. Tin, Tuiphal Group tlawh tur O.B leh CEC Member \hahnem tak an kal bawk  a ni. |huang hnihin CEC te hi an fehchhuak a ni.

Advertisement hmu
    Pu R.Lalremsanga Branch Committee Member chuan RTI a\angin Advertisement pahnih Branch YMA tan min rawn hmusak a. a chungah hian kan va lawm em. A rang thei ang bera hmalak tum a ni. He Advertisement hi kawngpui kama langsar taka ziah tur a ni.

Puan pe
    Pi Neihkimi (Bawngruali) tuamna puan chu a faten YMA ah an pe.
    Heng puan YMA in a dawn \hin te hi \angkai taka hman leh \hin a ni.

Râlna tlingkhawm
    Pi Neihkimi (Bawngruali) ral nana YMA Member ten kan pawisa ken tlingkhawm kha ` 1840/- a ni.  

Chhiartute ngaihdan :

@@    Chhiatni \hatni a khual khua a\anga lokal ten an litthei rawn kente a dahna tur hmun (parking area) felfai deuh taka ruahmanna kan neih a \ul ta hle mai. Section YMA in Traffic Duty lam chu tlawmngaih lo chhuah ta se.  Ruahmanna kan siam mai thei lo a nih pawhin a bik takin Venglai hi chuan Taxi leh Bus Stand hi chu an Service lai chuan kan zuahsak hram hram a ngai a ni.A remchang apiang ten bengvar i chhuahpui fo \hin teh ang u.
    Local Council lamin Lamkhuangpui bul vel chawlhhahdam nan mawi tak maiin an chei a, veng a timawi em em mai a, a va han lawmawm em!! Dimdawi thiam ila, a area ah chuan lirthei lam chi reng reng chu dah a remchang tawh kher lovang. A venhim lam chu kan zavai a hna a ni tih i vawng tlat ang u.
- N.Zonunmawia

Chawhchawrawi :

KAN THEN TAK

Pi Neihkimi (Bawngruali)  Kum 86 : Pi Neihkimi (Bawngruali) hi Pu Thandaia (L) leh Pi |henphungi (L) te inkarah an fa pakua zinga Upa ber niturin kum 1927 khan Hlimen ah a lo piang a, an unau hi mipa 2 leh hmeichhia 7 an ni.

    Kum 1949 ah a pasal Sailiantawna (L) nen inneiin fa 7 - mipa 3 leh hmeichhia 4 an nei a,  a pasal hian kum 1987 khan a boralsan tawh a. Tu 8 leh tuchhuan 4 a nei bawk a ni.

    Tin, amah ni Pathian thlarau lamah pawh lawmna thuk tak nei mi niin kohhran inkhawm te pawh hi a ngaina in, a dam phawt chuan \hulh ngai lo tak mi a ni a. Kohhran hmeichhia-ah te inhmang chhoin hruaitu hnate pawh a lo chelh \hin a, hruaitu hlun chawimawina Certificate hial a lo dawng tawh bawk a ni.

    A hun hnuhnungah hian hrisel lohna hrang hrang ten a bawm \hin a, BP sâng te neiin a ke te leh a taksa lamte a vûng \hin a. Hun rei tak chhung chutianga a awm laite chuan Pathian faka kohhran ho zinga inkhawm te hi a chak thei hle \hin.Mahse a B.P. sâng leh hrisel lohna te avangin inkhawm thei lovin a awm a,  a fa ten duat takin an enkawl a, mahse,  a natna chuan \hat lam a pan theih meuh lova, zawi zawiin a chau chho hret hret zel a. January ni 21, 2013 zing dar 6:00 a lo nih meuh chuan na lutuk nei lem lovin, Van kohna chhangin Lalpa hnenah chatuan a chawl turin a tu leh fa, chhungte chu a kalsan ta a ni. hemi ni vek hian kohhran ho ten thlanmual ah thlahliam a ni.

Pâwlkût thla ni 19, 2013..Issue No. 3

Page-1

Tualchhung :

Hlamzuih: Pu Lal\anpuia Kapdaia Sec. a mi leh Pi Melody Lalsiamkimi Lalsavunga Sec. a mite fapa Freddy Lalrosiama ni 15 a upa chu Jan. ni 16, 2013 (Nilaini) khan a boral.

Damlo: Pu J.Vanlalhruaia H/o Thannguri, Saichhuma Sec. chu Sciatica natna avangin Jan. ni 16, 2013  khan New life Hospital-ah zai a ni a, enkawl chhunzawm mek a ni.

Nâu nei thar: Pu Lalrinmawia H/o Thangpuii, Buala Sec. a mite chuan an fa 4 na atan Jan. ni 16, 2013 khan Kulikawn Hospital-ah fanu duhawm tak an nei thar.

Bus nei thar: Pu Chalhnûna Buala Sec. mi chuan Starbus a lei thar. Aizawl City ah a Service nghal dawn nia thu dawn a ni.

Halflong lamah: Central YMA Traesurer Pu R.Lalngheta chu Jan. ni 17, 2013 a Halflong YMA Silver Jubilee chu zuk hmanpuiin Jan. ni 18, 2013 khan tluang takin Aizawl a lo thleng leh ta.

Kangmei lakah fimkhur ila: Tunlaiin khua a ro chho \an hle mai a, kan in leh lo te a hmunin a zir lovin a chep hlawm hle mai si. Kangmei avanga I nunna leh i ro thil te zankhat thilthu a i chan mai loh nan leh I damchhunga midang pawisawitu nia sawi fo i nih loh nan kangmei lakah fimkhur hle ang che.
    Kangmei chhuak thei lakah i fimkhur loh avangin nang leh i \henawmte chungah vanduaina i thlen thei tih hria la. Fimkhur teh.

Front :

SECTION Y.M.A HRUAITU THLANGFEL TA

    Hlimen Branch Young Mizo Association Executive Committee in a lo ruat fel tawh angin, Hlimen Branch YMA Section hrang hrang a kum 2013 a hruaitu tur thlan chu Jan. ni 18, 2013(Zirtawpni) zan khan zawh fel a ni ta. He inthlan hi OB tur paruk thlan chhuah a chung mite chu inthlanpui buaipuitu ten an post siam rem nghal tura tih a nih angin siam fel nghal a ni. Hetiangin :
        1.    Buala Section :
                 Leader    :    Tv. J. Vanlalbiakdika
         Asst Leader    :    TV C. Zosangzuala
             Secretary    :    Pu Lalnunkima
    Asst. Secretary    :    Tv. Vanrampantluanga
            Treasurer    :    Pu H. Lallawmsanga
     Fin. Secretary    :    Pu F. Laltlanmawia

        2.    Damvea Section :
                 Leader    :    Pu R.Lalbiakmawia
         Asst Leader    :    Pu Lawmtluanga
             Secretary    :    Pu Samson Zorammuana
    Asst. Secretary    :    Pu Laltlankima
            Treasurer    :    Pu Lalnunhlimpuia
     Fin. Secretary    :    Pu R.Lalmuansanga

        3.    Kapdaia Section :
                 Leader    :    Pu K.Lalremruata
         Asst Leader    :    Tv. Lalthlengliana
             Secretary    :    Tv. Lalzopuia
    Asst. Secretary    :    Pu Lalroliana
            Treasurer    :    Nl. Lallawmzuali
    Fin. Secretary    :    Pu Lalfakzuala

        4.    Lalsavunga Section :
                  Leader    :    Tv. Samson Lalrinfela
          Asst Leader    :    Pu Lalremmawia
             Secretary    :    Tv. John Vanlalpeka
    Asst. Secretary    :    Pu K.Lalchhuanawma
            Treasurer    :    Pu Lalmuanawma Ralte
     Fin. Secretary    :    Pu Lal\anzuala

        5.    Saichhuma Section :
                  Leader    :    Pu David Rualtinkhuma
          Asst Leader    :    Pu Vanlalliana
             Secretary    :    Tv. Lalmuanawma(VL)
    Asst. Secretary    :    Tv. David Vanlalhuma
            Treasurer    :    Nl. Zairemmawii
    Fin. Secretary    :    Tv. Benjamin Lalruatliana

        6.    Vawmphunga Section :
                  Leader    :    Pu Zolianchhunga
          Asst Leader    :    Pu Lalruatdika
             Secretary    :    Pu Zoramsiama
    Asst. Secretary    :    Pu N.Zorammuana
            Treasurer    :    Nl. Lallawmkimi
    Fin. Secretary    :    Nl. K.Lalenkawli

Page-2

Editorial :

HMA SAWN VE ZEL

    Hlimen khawtlang hi a hming lam ringawt pawha Infiammi (Sport man) te leh zirna lam leh kohhran a hlimna kawngahte leh Pathian thu hrilna kawngah te, chumai a la nilo,  kuthna thawha eizawna kawng thlengin Zoram khawtin deuhthaw in tluk loh leh elphak rual loh a an en \hin a nih thu an sawi kan hre fo \hin. Chu’ng hun laia khawtlang tihming\hatute hranghlui ho chu tunah hmuh tur an awm ta meuh lo. |hangthar zelah an thachhangdal an lola chhuah loh vang nge niang, hun reilo tak chu namenlo in Hlimen khawtlang chuan hniam lam (tlakchhiat lam) kawng zawhin ke a pen ngut ngut a. Khawvel ata Hlimen hming hi phum bovin a awm dawn ta emawni âw tih tur khawpin kawng tinrengah mi vengte tluk lovin a mawngphah, hnuaihnung ber kan chang reng \hin a nih kha.
    Hun a lo kal zela, zing ni eng mawi tak lo chhuak \hin chuan Hlimen tan rahbi thar a rawn herchhuahpui ve leh a,  Infiamna (sports) lamah \halaite chu kaih harha awmin, Table Tennis, Badminton, Weightlifting etc.. Champion lallukhum chang pha an kat leh ta nuk mai. Hlimen nih pawh a nuam leh \an ta. Sawi loh phal chi miah loh Dec. ni 27-30, 2012 a neih zawh tak All India PYKKA Championship Kerala ah khan Chalkunga Memorial Taekwondo Club Hlimen te chuan Gold Medal leh Bronze Medal an rawn hawn leh ta rup mai a nih kha. Hmana Hlimen, ram pumin a ngaihsan an zah \hin kha tuna Hlimen hi a la ni a sin. Tunhma a khawtlang tihmingthatu te an hlutna pawh hre lo, chawimawi nachang pawh hre lo veng ni \hin chu tunah zet chuan kan \hangharhin hma kan sawn ve zel. Dec. ni 27-30, 2012 a medal hawn tute chawimawina leh a lawmna Jan. ni 11, 2013 a DOJO Hlimen a neihah te khan khawtlang hruaitu - Local Council hovin NGO hrang hrangte leh Central YMA Treasurer te an kim \hup mai leh lawmp;uina leh fuihna thu \ha tak tak ngaihthlak tur awm te khan hma kan sawn zia a tarlang hle a ni.

Ziaktute huang :

  ZAHAWMNA LEH FAINA
-  Robuanga
    Mihring, tu pawh tung chhova \hang  reng reng hian mi zahawm nih duh lo chu kan awmin ka ring lo. Chutiang bawkin zah zâwng leh zahawm tih zâwng kan nei theuh bawk. Kan mi zah zâwngte bulah chuan kan thusawi duhzâwng leh kan chet duh dante a dang lamin, kan fimkhur hle \hin.
    Mi zahawm nih dan hi kawng hrang hrang sawi tur atam thei hle awm e. Chu’ng zinga ka han sawi duh chu  ‘faina’ hi a ni tlat mai. Mi chu hausain, lehkha pawh thiamna sang tak nei mahse, bal \awp taka a awm fo chuan a zahawm thei lo hrim hrim. Chutiang bawkin, In leh lo tha pui pui neiin awm mahse, a inte a balh \awp hle chuan a zahawm thei lo bawk. |halai, nula/tlangval inchei parh thei tak; hmel pawh duailo tak nimahse a in leh a velte a tih\awp fu si chuan miten an hmuh dan a hniam lo thei lo.
    Mizote hi \henawm khawveng in len pawh a, inkawm ho nuamti mi tak kan ni a, mi inah kan han leng a, an inte chu ropuiin \ha hle lo mahse, a chhung lam bungrua leh thutthleng leh chhuat leh engkim mai a lo fai thianghlim hle chuan, kan chet dan a fimkhur hle thin.  Engvang nge.? E le, a zahawm em vang mawle. Chu chuan in neitu, a chhunga chengte a tizahawm a ni. Khawtlangah pawh a ni tho mai. Khua/veng hrang hrangah pawh kal ila an khawlai leh Inte a lo fai hle mai chuan, a chhunga chengte chu tuman kan en hniam ngai lo. Mimal pawh, khua/veng pawh a balh \awp hle chuan a zahawm thei lo. Khaw zahawm/veng zahawm te, mi zahawm te ni tur chuan faina hi a pawimawh berte zing a mi a ni.
    ‘Faina’ tih hian taksa lam thleng pawh a huam a. Hnathawk nih loh chuan thawmhnaw bâl lutuk inbel fo te, hmelhmai midangte tana hmuh nuamlo khawp a, kuhva/sahdah/meizial etc. ei a, hmuam a, zuk te pawh mimal zahzawmna tihdal thei a ni ta.
    Mi zahawm leh nun hlim neih theihna kawng \hatak chu fai/thianghlimna ngaih pawimawh hi a kawng hnai ber chu a ni. Khawlaiah te nalh tak takin thawhnaw \ha pui pui nen leng \hin in, lirthei changkang pui pui te nei pawh niin awm mahila, kan chenna In leh a vel te \awp bâl \awp pui pui, miten an hmuh fo chuan ‘hepa chu emaw, he nu chu emaw chural thlirin a changkang a, belhchianin, hrethiam mai em?.’
    Mipakhat chu a a hnung lam entu chuan nalh a tiin a fak hle mai a. A hmalam a han hmuh meuh chuan a lo............... hle mai a. Heti hian a ti ta ringawt mai, “ Hnunglama enin ACHHÂ, hmalama en in A Rê.” a ti e an ti.
    FAI HI ZAHAWMNA A NI E.

Page-3

Hriattirna :

ZENGHRI DANNA
    January ni 22, 2013 (Thawhlehni) hian Hlimen ah naupang kum 5 chin hnuailam pianghlim telin Zenghri danna Polic pek leh tur  a ni a, hetiang hian pekna hmun tur ruahman a ni :
    1. Damveng lamah Pu Chalngaiha Inah pek tur a ni a, Pu Zonuntluanga In chin Damveng lamah ei leh vek tur a ni.  High Sikul veng  pawhin  Damveng lamah ei vek tur a ni.
    2. Vengchhak, Venglai leh Vengthlang zawngin Hlimen Clinic Mualzawlah ei vek tur.
    3. Quarry Veng leh Vengthar lam ten Anganwadi Centre -I ah ei vek tur a ni.
    Jan. ni 21, 2013 hian heng a eina tur hmun kan tarlanah hian ei vek tur a ni a, a tukah In lama kal nghak lo a ei tur tih ni ah hian chhungtin ten kan fate i eitir \heuh ang u.
-Hlimen Clinic Staff

M.U.P. UNIT
    MUP Hlimen Unit  2013 a hruaitu tur thlanna neih tur a ni a. MUP Member te kim taka kal vek tura ngen leh hriattir in ni e.
    A hun    :    22.1.2013 (Thawhlehni) 11:Am
    A hmun    :    Y.M.A. Hall


M.H.I.P  INTHLAN
    Hlimen MHIP Branch kum 2013 chhunga hruaitu tur ahnuai a hun leh hmun tarlan ah hian thlan tur a ni a. Member te kim taka kal turin hriattir leh ngen kan ni.
    A hun    :    21.1.2013 (Thawh\anni) 7:00 Pm
    A hmun    :    Y.M.A. Hall

P.H.E. DEPTT.
    Mipui ten rualkhai zawka tui kan dawn nan tuisem hun hetiang hian siam a ni.
    Thawhlehni    -    Private Connection
    Zirtawpni    -     Public
    Public lamah tui fee khawn a hun leh ta a, tui sem leh hmasak berah January - June (Thla 6) atan ` 120/- mahni lakna Point a a khawntute hnenah pek kim vek tawh tur a  ni. Fee pete hnenah Card thar pekchhuah a ni anga, Card neilo tan tui dawh phal a ni tawh lo ang.
    Public a tui sem hi bituk a awm a, Card khatah |in 10 zela sem tur tih a ni.
    Mahni Tuizem a lo pipe emaw, midangte mitmei veng lo lêka lo duham hi dan kalh a ni tih kan inhriattir a, mimal pakhat avangin midangin an tuar thei tih hriain inveng \heuh ang u.
    Public Point a\ang hian tui sem reng theih a ni dawn lova, tuna Connection nei lote pawh hian arang lama neih theih dan ngaihtuah a, lo inhmakhua \heuh turin kan inhriattir e.
    i/c. Sectional Officer (PHE)
    Chhimphei Section
 

Lawrkhawm :

Joint meeting nei
    January ni 14, 2013 (Thawh\anni) zan khan Local Council te leh YMA, MUP leh MHIP te chuan Joint Meeting an nei a, kum 2013 a thawhhona \ha neih theih dan tur an rel a, chumi huna an thurel te chu :-
1. J.A.C. din leh nise an ti a, hetiang hian hruaitu tur siam a  ni. :
    Chairman    :    Pu Zohmingthanga, LCM
    Vice Chairman    :    Pu Pachhunga, LCM
        :    Pu Robuanga, Fin.Secy. YMA
    Secretary    :    Pu Lalrinmawia, A.Secy. YMA
    Asst.Secretary    :    Pu Lalrinchhana, Commtt. YMA
        :    Pu R.Zoliana, Commtt. YMA
    Treasurer    :    Pu R.Lal\anpuia, Commtt. YMA

2. PPP Mode a mawh lo phur turin hetiang hian ruat an ni.
    Chairman    :    Pu Lalhmingliana, Chairman LC
    Secretary    :    Pu J.Zothanpuia, M.Secy.LC
    Treasurer    :    Pu C.Lalhmingliana, LCM
    Comtt. Members    :    (1) Local Council Members (2)Pu Lalhmuchhuaka Pre. YMA. (3) Pu Lalrinmawia, Asst.Secy.YMA (4) Vice Pre. MHIP (5)Vice Pre. MUP

3. Tui Committee hetiang  hian siam a ni.
    Chairman    :    Pu Lalhmingliana, Chairman LC
    Secretary    :    Pu J.Zothanpuia, M.Secy.LC
    Treasurer    :    Pu Pachhunga, LCM
    Comtt. Members    :    (1) Local Council Members (2)Branch YMA O.B (3) Pu Vanlalsiama, Sectional Officer (4) MUP & MHIP aiawh OB a\angin pahnih ve ve.

Tanky siam ngawrh
    Tunlai hian PHE Tanky lian siam mek a ni a, hnathawktu ten \hahnem an ngai hle a. Chhun zan zawmin ngawrh takin an thawk a, a bulhnai In neitu te tan a lo bengchheng palh pawh a ni mai thei a, lo hrethiam hram turin kan inngen e.

Dim thiam ila
    Local Council ten Lamkhuangpui bula Waiting Shed an siamah hian Light te vuah a ni a, hei hi khawtlang cheina tling a nih avangin dim thiam tur leh light te hi lo tichhe lo turin mipuite ngen kan ni

Vaukhânna
    Tunlaiin zanlamah tleirawl, ruihtheithil tihpah a meichhem \hin, mi thing ruksak ching leh mi pâlte thliah ching in awm a. Tunhnuah in ti leh a nih chuan in chungah engpawh thleng se in sawi buai thei lovang.

 Page-4

Keimahni :

Hlimkhawpui budget
    Hlimkhawpui 2012 December  thla Budget  pe tla tawhte:
1.    Vawmphunga Sec.    2. Buala Sec.
3.    Damvea Sec.    4. Kapdaia Sec.
5.    Saichhuma Sec.
    Tin, Vawmphunga Sec. ten January leh Febuary thla Budget an tlak tawh bawk.

Section inthlan a member kal dan
    Jan. ni 18, 2013(Zirtawp) zan khan Section hrang hrang ah kum 2013 chhunga hruaitu tur thlan a ni a, Section tin inthlanna a Member kaldan chu hetiang hi a ni :
1.    Buala Sec.    -    22
2.    Damvea Sec.    -    24
3.    Kapdaia Sec.    -    42
4.    Lalsavunga Sec.    -    23
5.    Saichhuma Sec.    -    14
6.    Vawmphunga Sec.    -    18

Hlimkhawpui ngenna
    Section hrang hrangte kan inthlang zo ta a. Section tinten Hlimkhawpui Agent a ranglamin in ruat thar leh nise,  Hlimkhawpui Circular Manager tana sem chhuah/ pekchhuah awlsam zawk nan kawngpui dung remchanglai a mi inruat theih hram nise a lawmawm hle ang. Section tina Agent te hi mahni Section chhunga thuthar(News) rawn theh lut \hin tura beisei in ni.
    Tin,  Section tina semtute hian Pathianni(Sunday) zing aia tlai lovah sem chhuah \hin nise. Section \henkhatah sem hmaih a awm nual \hin avangin a semtute hian uluk leh kimtakin  Hlimkhawpui latute hnenah pe/sem \hin turin kan in ngen a. A la thar duh tur te pawhin a semtute hnenah inthlahrung miahlova sawi \hin turin kan inngen bawk a ni.
    Tin, 2013 chhunga inkaihruaina \henkhatte:-
    1. Hlimkhawpui Treasurer atan Nl. Zochuanpuii ruat a ni a, ani hnenah leh Hlimkhawpui chhut zanah Budget hi pek \hin tur a ni.
    2. Hlimkhawpuia vawikhat Advertisment chhuah man hi ` 50/- a ni a. Tin, mimal hriattirna chhuah ang chi ah pawh vawi khatah ` 30/- zel pek a ngai tawh ang.
    3. Hlimkhawpui Budget pe \ha lawmman hi \hum hnih, YMA Day-ah leh kumtawp, Branch YMA inthlan zanah hlan tur a ni anga, thlatina an pek \hat dan a\anga teh a pek an ni anga, thla tina an pek hma danah a zira Point pek \hin a ni ang.
    4. Political Party ten mahni Party insawimawina leh Party dang chirhthehna lamhawi ang chi reng reng chhuah loh a ni ang. 

Chhiartute ngaihdan :

@@   Kan vengchhung a Taxi Driver te an fakawm \hin khawp mai, an \hutna leh an dinna bawr vela an tihhnawk leh midangte tihhnawk an Service ni chuan zingkarah an phiatfai fo \hin hi a va lawmawm \hin em!! Faina kawngah kan ziaawm sawt ta khawp mai, i \ang tlang zel ang u.
    Zu in mite pawh kan zu funna te duhna hmun apiangah i paih tawh lo teh ang u. Bawlhhlawhbawm hmang \angkai ve deuh hlek teh u, a nalh lo \hin tlat.
-N.Zonunmawia

@@    Indoor bul Lamkhuang buk hnuai hi kan khawtlang hruaitu ten \huthahdamna turin an siam mek a, veng timawitu leh leh cheitu a ni tih hrerengin a enkawlna leh a dimdawi chung changah vengchhung mipui ten mawh kan phur a ni tih kan hriat nawn a van \ha em.
    Tin, vengchhung inkalpawhna Step ah te Checker Tile phah a ni fur bawk a, kawng kal ten kan hmanraw kenin tihchhiat kan ching \hin a, sim vata, a tichhetu ni lovin a enkawla duattu ah i \ang zawk ang u hmiang.
- Mapuia Vengchhak

@@    Karkhat a bawlhhlawh paih Motor vawihnih a tlan hnu hian kan veng chu a fai nuam sawt viau a, mahse............ a la awm. Tin, thu kan awih viau dawn emaw tih laiin Ui lian tak tak tlan zuai zuai, mihring pawh hlauhna hre chang hre manglo an la awm a. A neituten khuahkhirh i tum em em tawh teh ang u. Luhlulna changkanglo lutuk a ni. Pa pakhat Ui ning lutuk chuan sa them pek mai a it thu a sawi a sawi  bawk. Tin, tlangval rualin an ei chak bawk. I Uicho khan tawhsual a tawh a, i chan hma hian khuahkhirh hi i tihtur hmasa ber a ni e.
- Mr. Da Great Keimah 

Chawhchawrawi :

Eng rual nge i nih?

    Horace Greeley chu kum li mi a nih laiin an school-a spelling intihsiakah pakhatna a ni a.
    Evangeline Booth pawh kha mipui tam tak hmaa sermon a sawi hmasak ber \um chuan kum nga mi chauh a ni.
    Hugo Grotius, father of  international law an tih kha kum kaw mi a nihin Latin Scholar an ti tawh a; kum 12 a nihin University-ah a lehkha a zir tawh a. Kum 15 mi a nihin Dan hre mi hna a thawk a, kum 21 a nih chuan History thiam hmingthang a ni tawh a, khawvel huapa dan thiam (international jurist) a ni tawh bawk.
    McCormick pawhin kum 23 mi a nihin buhsengna khawl a hmu chhuak a.
    Isaac Newton-a chuan kum 24 mi a nih laiin law of gravitation hi a duang chhuak tawh a ni.
    Thomas Jefferson-a pawh Declaration of Independence (British lal ram a\anga America indanna tur thuthlung leh kalphung tur) a duan chhuah lai khan kum 33 mi chauh a la ni bawk.

Pâwlkût thla ni 12, 2013..Issue No.2

Page-1

Tualchhung :

Nau nei thar: Pu Zothansanga leh Pi Malsawmtluangi te nupa, Kapdaia Sec. te chuan Dec. ni 31, 2012(Thawh\anni) khan an fa hming koh atan fanu duhawm tak Hlimen Urban Health Center ah an nei thar.

Pastor thlah leh a thar lawm luhna hun hmang : Hlimen Presbyterian Pastor Bial vawngtu Pastor G. Chhun\huama chu Hlimen Bial a a hun (term) a lo tawp tak avangin January ni 6, 2013(Pathianni) chawhnu khan Hlimen Kohhran-ah Bial huapin thlahna hun hman a ni.
    Tin, Hlimen Bial vawngtu thar tur hi Pastor C. Sapkaia niin Mission venga in leh lo nei a ni a, Keifang Pastor Bial a\angin rawn sawn a ni a. January ni 13, 2013( Pathianni) chawhnu leh a zan hian Hlimen Kohhran Biak Inah Bial huapin Induction Service neih a ni ang.

Lamkhuangpui hnuai siam : Indoor bul,  Lamkhuangpui buk hnuaia \hutna hmun (Waiting shed) chu tunlai hian Local Council ten lung te remin an chei\ha mek a. Kan thu dawnna in a sawi dan chuan Checker Tile-te pawh phah tum a ni awm e.

Kawng siam mek : Hlimen High School pana kawng chu tunlai hian PWD lam te an siam mek a, Black Top thuai an tum ni a thu dawn a ni.

Vûr tla: Jan. ni 10,2013(Ningani) zingkar khan Central Workshop bulah chuan khaw vawh em avangin vûr a tla hial niin kan thu dawnna chuan a sawi.

Front :

FREE CLINIC NEIH A NI

  
    January ni 5, 2013(Inrinni) khan YMA Hall-ah Free Clinic neih a ni a, mipuiin an hlutin inentir pawh an \hahnem thawkhat hle a ni. Tin, Doctor lokal te leh Nurse lokal te pawhih he Clinic neih hi hlawhtling an tiin an lawm ve hle niin hriat a ni a, khawtlang mipui tan pawh Pathian malsawmna ropui tak a tling reng a ni.
    He Clinic hi Hlimen kum 200 (Bi-Centenary) tlin lawm nana neih a nih rualin Tuikhuahtlang Welfare ten Hlimen ram chhunga thlanmual leh Recreation Center an rawn neih a, ram neitu te nen an thawhhona a \hat avang leh an inlungrualna a \hat avanga an lawmthu sawi nana rawn buatsaih a ni bawk.
    Hemi ni a inentir tura lokal hming pe, in Register pawh Record a a landan chuan mi 568 zet niin, mipa 240 leh hmeichhia mi 328 lai ni a chhut a ni.
    Tin, in Register zinga upa chu kum 82 mi, mi pahnih - Pu R. Hranga S/o Lalzuala(L) leh  Lalhmuaki  D/o Neihthangi (L) te niin a naupang ber chu Lalmalsawmi (Thlakhat) S/o Lalthankima niin Record a ni.
    He Free Clinic-ah hian Doctor 18 leh Nurse 14 zet an rawn thawk chhuak a ni. Zinglam dar 10 a\anga \an in tlailam dar 3 pelh rak thleng he hun hi neih a ni. Tualchhung a\angin khawtlang hruaitu, Local Council mai bakah YMA, MHIP leh MUP ten an \awiawm \hain thingpui leh a hmeh tuihnai tak nen hnathawktu te hi tlai leh puar takin an hrai bawk a ni. Damlo- natna chi hrang hrang nei lokal khawm te hi an nat dan a zirin Doctor, Specialist-na bik neite pan tir zel an niin, Doctor te leh Nurse te inpekna a thuk bawk a, an chungah khawtlang mipui pawh an lawm hle a ni.

Page-2

Editorial :

EDITORIAL BOARD DIN THAR LEH TA

    Kumthar a nih angin YMA Hlimen Branch  Committee pawhin kum 2013 chhunga Hlimkhawpui Weekly News enkawltu tur Editorial Board pawh a din fel leh ta.He chanchinbu hi YMA ta a ni a, a kalphung pawh a YMA thei ang bera kalpui tur a ni a, theih ang tawk chuan kan ti YMA hle chuan kan hre  \hin. 2013 kum pawh hian tih YMA hle tum a ni a, YMA tuipui vak lo tan chuan chhiar pawh a nuamlo thei mai thei. Mahse a \ul tlat bawk si a.
    He chanchinbu hian khawtlang hi a thlir bera, Editor leh mi \henkhat ngaihdan pawh a ni vek kher lovang. 2013 a Editorial Board atana Branch Committee inj a ruat te pawh hi mi fing leh fel, \ha ber berte kan nilo tih chu in hria. Chuvangin finchhuah ngai, phungbawm ngai tho kan ni tih mipui ten inhriat a \ul hle.
    He chanchinbu a thu chhuah tur neite pawhin mahni intihlar nan mai nilo, khawtlang siam\hatna tur lam hawi ni thei hram se a duhawm hle.
    Tin, chhiartu zawng zawng ten kan hriat atana pawimawh em em chu kohhran emaw pâwl, party emaw fak leh chawimawi nan hman chi a ni lova, chu’ng tan chuan hmun pawh a awm lo.
    Khawtlang thil pawimawh- Local Council leh NGO hrang hrang thu leh hla mipui te tana hriat awm chi tarlan nana hman a nih \hin avangin ngaihhlut nachang pawh kan hriat zel a pawimawh. Editorial Board duhdan leh beisei dan :-
1) Khawtlang inpumkhatna leh thawhhona \ha thlentu. 2) Hmasawnna tur kawng hrang hrangah lungrualna thlentu nise tih hi a ni.
    I chenna, i khua leh tui siam\hat nan kum 2013 kum bul a\ang hian he chanchinbu Hlimkhawpui Weekly News hi han hmang ve teh le.

Ziaktute huang :

  KAN HUN HMAN MEK HI NGAIHPAWIMAWH BER NISE
- Robuanga
  
    Kum 2013 kumthar chu kan lo chuangkai leh ta, ziaktu pakhat chuan heti hian a sawi. “ Nikhat atan vawi khat hrehawm hi a tawk, hun kaltawh a i tihsual avangin intilungngai suh ang che. Hun kaltawh chu hun kaltawh a ni a, siamthat theih a ni tawh lova, a siamthat theih dan awmchhun chu theihnghilh hi a ni. Hun lo la awm tur avang pawhin intibuai suh ang che. I tawn hriat hma chuan eng thil nge lo thleng dawn i hre si lova. I tun hun hman mek kha ngaipawimawh ber la, a tha thei ang bera hmangin hriat reng tlak thiltha tih nan hmang ang che. Thufing pakhat leh chuan a bul tan that chu a zatve zo angin a sawi bawk.
    Kumin 2013 kumtharah hian hriatreng tlak thil tha engemaw tal, khawtlang tan emaw, pawl/kohhran, chhungkaw tan tih tum ta theuh ila, chumi tihlawhtling tur chuan, bul tan that, a chanve zo ang tih thufing hi ngaihpawimawh ber ni bawk se. Mimal tin mai leh pawl hrang hrang leh kohhran khawtlangte hi engvangin nge hma kan sawn theih lova, kan retheih a, kan hlim loh thin tiin inzawt ta ila, a chhanna dik ber maiah chuan kan tun hun hman mek ngaihpawimawh loh vang leh bul kan tan that loh vang ti ila a dik ber awm e.
    Pawl hrang hrangte hian pawl chak tak leh hlim tak nih kan duh vek a, chutiang bawkin, kohhran hote pawh kohhran hlim leh chak tak nih chu kan duh, chhungkua leh khawtlang pawh a ni tho mai. Changkang leh nuam, hlim thei tak nihte, khawtlang nuam leh hlim thei tak nihte chu kan chakin kan duh theuh a, mahse kan dinhmun chu hetiang hi a ni si. Engnge a chhan? Mi tumah kan mawhchhiat thei lovang. Kan tun hun hman mek kan ngaihpawimawh tawk loh vang leh bul kan tan dan a that tawk loh vang a ni mai. Kum 2013 kumthar kan hman turah hi chuan kan tun hun hman mekte hi ngaipawimawh ber ila bul tan that a chanve zo ang a ni tih thufingte hi ngaihpawimawh a nih chuan he kum thar hian mimal tin leh pawl, kohhran, khawtlangah changkanna leh hlimna min thlen ngeiin a rinawm. Chuvangin, i tun hun hman mek kha ngaipawimawhin a tha zawnga hriat reng tlak thil tha tih nan hmang ang che.

Page-3

Hriattirna :

               
P.H.E. Deptt.
    Mipui ten rualkhai zawka tui kan dawn nan tuisem hun hetiang hian siam a ni.
    Thawhlehni    -    Private Connection
    Zirtawpni    -     Public
    Kum a lo thar leh ta a, a bikin Public lamah tui fee khawn a hun leh ta a, January - June (Thla 6) atan ` 120/- mahni lakna Point a a khawntute hnenah pek tur a ni. Fee pete hnenah Card thar pekchhuah a ni anga, Card neilo tan tui dawh phal a ni lo.
    Public a tui sem hi bituk a awm a, Card khatah |in 10 zela sem tur tih a ni.
    Mahni Tuizem a lo pipe emaw, midangte mitmei veng lo lêka lo duham hi dan kalh a ni tih kan inhriattir a, mimal pakhat avangin midangin an tuar thei tih hriain inveng \heuh ang u.
    Public Point a\ang hian tui sem reng theih a ni dawn lova, tuna Connection nei lote pawh hian arang lama neih theih dan ngaihtuah a, lo inhmakhua \heuh turin kan inhriattir e.
    i/c. Sectional Officer (PHE)
    Chhimphei Section

Hlimkhawpui hriattirna
    Vengchhung chanchin in hriattawnna ber ‘Hlimkhawpui News’ hi Section tin a Incharge/ Agent ten a sem darhdan leh a semtu chungchangah \an la lehzuala, veng/ Section tin chhunga miten( Chanchinbu latu ten) an hmuhkim lehzual theih nan \anla lehzual turin kan in ngenin kan inhriattir a ni e.
        Sd/- Editor,
               Hlimkhawpui News Letter

Bungraw hawh man
    Branch bungraw hawh man hetiang hian siam thar a ni:
1) Thleng pakhat pawisa 50/-
2) Dekchi pakhat ` 30/-
3) P.A. Set ` 100/-
4) Gas Stove pakhat ` 100/-
5) Kawrchei hak khat ` 50/-
    Tin, bungraw hawh tuten kan dah leh dawnin fai tak leh kim tak dah leh \hin tur a ni a. A hawh man hi ngaih pawimawh \hin tur a ni.

YMA hall hman man
    YMA Hall hman man hi nikhat/zankhat atan ` 200/- a ni. Hetih rual hian Local Council, MUP leh MHIP te tan chuan man chawi a ngai lovang.

I fimkhur ang u
    Electric kan mamawhna dan te a sangin, a tello chuan nunphung a buai thei hle tawh a, regular taka power Supply kan neih theih Electric hmang khawl- Istiri, Heater leh ar vulh nana line kan zam ah te hian electric ti short thei tur lakah kan khawl leh electric wire zam te i fimkhur ang u. Kan fimkhur loh chuan Transformer ah pawi nasa tak a khawih thei a ni.

   Lawrkhawm :

I fimkhur ang u
    1. HEATER:- Heater i hman zawhin off theihnghilh suh. Heater i hman laklawh laia current a tawp thut khan off zui nghal mai la,Current awm ve leh on leh zawk ang che, Heater off theihnghilh avanga kangmei tuar an tam tawh tih hria ang che.
    2. MOMBATI:- Mombati i chhitna tur ah khan fimkhur hle a ngai tih hria ang che. A bul hnaiah kang mai thei engmah dah suh. Mombati chhit fimkhur loh vanga thosi len kangkai ta mai te, a bul hnai thil kang thei dah avangtein midangten kangmei an tuar phah fo ani.
    MEITHUK / TAP MEI : Tunlaiin Gas harsatna vanga MEIHAWL thuk leh mei chhem lo thei lo kan tam hle.  I choka meichhemna te, i meihawl thuk hmanna bul hnaihah a kan kai theih tur turin engmah dah suh. Mitin ten kangmei laka kan him theih nan I FIMKHUR ANG U.

Hlimkhawpui Editorial Board meeting thuchhuak
    Jan. ni 11, 2013(Zirtawpni) zan khan Hlimkhawpui buatsaih pahin Editorial Board meeting neih a ni a. Thurel te:-
    1. Section hrang hrang thla tina Hlimkhawpui Budget hetiang hian siam a ni:
    a) Buala Section    -    ` 800/-
    b) Damvea Section    -    ` 800/-
    c) Kapdaia Section    -    ` 800/-
    d) Lalsavunga Section    -    ` 200/-
    e) Saichhuma Section    -    ` 700/-
    f) Vawmphunga Section    -    ` 450/-
    2. Hlimkhawpui Treasurer atan Nl. Zochuanpuii ruat a ni a, ani hnenah leh Hlimkhawpui chhut zanah Budget hi pek \hin tur a ni.
    3. Hlimkhawpuia vawikhat Advertisment chhuah man hi ` 50/- a ni a. Tin, mimal hriattirna chhuah ang chi ah pawh vawi khatah ` 30/- zel pek a ngai tawh ang.
    4. Hlimkhawpui Budget pe \ha lawmman hi \hum hnih, YMA Day-ah leh kumtawp YMA inthlan zanah hlan tur a ni anga, thlatina an pek \hat dan a\anga teh a pek an ni ang.
    5. Political Party ten mahni Party insawimawina leh Party dang chirhthehna lamhawi ang chi reng reng chhuah loh tur a ni ang.
   

Page-4

Keimahni :

Hlimkhawpui budget
    Hlimkhawpui December thla Budget  pe tla tawhte:
1.    Vawmphunga Sec.    2. Buala Sec.
3.    Damvea Sec.    4. Kapdaia Sec.
5.    Saichhuma Sec.

Section hruaitu inthlan
    Jan. ni 18, 2013(Zirtawp zan)  dar 7:00 hian YMA Section hrang hrang ten 2013 Section hruaitu thlanna neih tur a ni. Mi 6 thlanchhuah tur a ni anga, inthlan zawhah thlanpuitu te kaihhruaina in insiamrem nghal tur a ni ang. Section hrang hranga inthlanna hmun tur leh inthlanpuitu turte :
1)    Buala Section : Pu Hrangchhuana te In
Thlanpuitu turte : Tv. R.Lalawmpui & Pu R.Lal\anpuia
2)    Damvea Section : Pu Duhthusama te In
Thlanpuitu turte : Pu Robuanga & Pu V.Thanchhinga
3)    Kapdaia Section : Pu K.Lalmuankima te In
Thlanpuitu turte : Pu Vanlaltluanga,  Pu R.Lalremsanga, Pu Duhthusama
4)    Lalsavunga Section : Pu Lalremmawia te In
Thlanpuitu turte : Pu Lalrinmawia & Pu Zoramhmangaiha
5)    Saichhuma Section : Nl. Lalroliani te In
Thlanpuitu turte : Pu Lalhmuchhuaka, Pu Lalvulliana, Tv. R.Lalrindika
6)    Vawmphunga Section :
    Pu R.Lalhmachhuana te In
Thlanpuitu turte : Pu Lalthantluanga & Pu Lalrinchhana
        Inthlanna tur hmun buaipui leh \ul dang awm thei angte hi Section hruaitu \anglai ten hma lo la se tih a ni.

Kuang siam hnatlang
    Dec. ni 12, 2013( Inrinni) khan Branch Committee te Kuâng siam hnatlang neih a ni a,  member thawkchhuak te chungah leh abik taka sawm Mistiri-te chungah Branch hruaitu ten lawmthu an sawi tak meuh meuh a ni.

Convener-ah dah thar leh ta
    Pu R. Lalngheta, CYMA Tresurer chu CYMA Anti- Drug Squad(CADS) Covener-ah dah thar leh a ni. Convener-ah hian \um tamtak a lo awm tawh a ni. 

Chhiartute ngaihdan :

@@    Kan huan thlai leh thil dang dang miin an ru a, a rutu kan hria a, kan ngaidam thei anih chuan a \ha e. Nimahsela, ngaidam thei chuang silovin kan sawi kan sawi leh si a, awmzia a neilo. Khawtlang hruaitute hnenah i thleh \hin ila, an nin an lo zilhhau deuh hlak anga, kan zia awmpui zawk deuh law’ng maw ?
    sual zepruk puitu chuan sual a ti darh a ni. Kan khawtlang hruaitute hian TAXI stand hi mumal taka an siam a ni em? Ka hre chiah lo naa, kan rilruin nitina a dinna tur hmun chu tinzâwn a nei ve tlat tawh si a. Chuvangin zinglama an dinna tur dal zawnga lirthei neitu leh khalhtu ten i dah lo teh ang u.
- N. Zonunmawia.

Chawhchawrawi :

MEDALIST LAWMNA NEI

    All India PYKKA Championship Kerala a Dec. ni 27-30, 2012 a neih zawh takah Chalkunga Memorial Teakwondo Club (CMTC) a\anga zuk tel, Tv. Zoramsanga S/o Zoramhmangaiha, Nl. K. Lalrinpuii D/o Rângchhunga ( Salem veng), Naom Lalbiakpuii D/o Ramsanga leh Lalliankimi D/o Vanlalliana te zuk telin Gold Medal leh Bronze Medal an zuk hlawh chhuak a, Gold Medal la tu Zoramsanga leh Bronze Medal latu K. Lalrinpuii te an ni a. Jan. ni 5, 2013 (Pathianni) khan Aizawl lo lut leh in a thei thei ten hmuakin YMA Hall-ah lawmna Programme tawi neihpui an ni nghe nghe.

    Jan. ni 11, 2013(Zirtawpni) khan DOJO Hlimen-ah ruai nena lawmna a ni. He Medal lawmna ah hian Bialtu MLA in  alo sawi lawk tawh angin Gold Medalist hnenah ` 10,000/-  hlan a ni a. Tin, Bronze Medalist kutah `  2500/- hlan a ni bawk a, MLA aiawhin BDO Aibawk, Pu. Vanlalsawman a hlan a ni. He  hunah hian sawm an nih angin MUP, YMA, MHIP leh game hruaitu te leh MATA hruaitu te, Central CYMA Treasure te chuan an telpui bawk a ni. Tlawmngai Pawl hrang hrang leh CYMA a\ang te, Association lam hruaitu a\angte in thusawi \ha tak tak leh fuihna thu te ngaihthlak a ni bawk.  Infiamna hi khawtlang leh ram tana pawimawh tak anih mai bakah mahni nunkawngsiam nan pawh a \ha, Pathian leh ram tana rawngbawlna tlinga nih zia tih thu te ngaihthlak a ni a.

    Ram a ni emaw mimal a ni emaw changkang leh fing a piangin infiamna hi an ngaisangin an ngaipawimawh hle a, ram a ni emaw mimal a ni emaw changkang ni tur chuan infiamna (sport) hi ngaih hlut a, a hlawhtling te chawimawi nachang kan hriat hun hunah changkanna chuan kan nun, kan ram hi min luah khat mai dawn a ni. Medal lawmna a sawm bik ten an hun hlu tak senga Medal lawmna hun ngai pawimawh a an rawn tel theih avangin Chalkunga Memorial Teakwondo Club hruaitu te chuan lawmthu an sawi tak meuh meuh bawk a ni.

Pâwlkût thla Ni 5, 2013... Issue-1

Page-1

Tualchhung :

Damlo : Pu N. Zoliansanga(Amama) H/o Lianthangpuii Saichhuma Sec. chu taksa lam chaklohna avanga Alpha Hospital a awm chu dam takin a lo chhuak leh ta.

@@     Pu Darkhuma H/o Vanlalhlu-i, Buala Sec. a mi chu thinnâ avangin Jan. ni 1, 2013  khan Alpha Hospital ah admit a niin Jan. ni   3, 2013 khan dam takin a lo chhuak leh ta.

@@  Pu A. Lallawmsanga, Saichhuma Sec. te fapa chu khawsik natna avangin BN Hospital, Kulikawnah enkawl mek a ni.

@@  Nl. Zorintluangi D/o Zohmingthanga, Buala Sec. a mi chu Aizawl Hospital-ah zunkawng \halo avangin Jan. ni 3, 2013( Ningani) khan Admit a ni.

Tu thar nei : Hlimkhawpui News Editor, Pu Robuanga, Branch Fin. Secy ni bawk chuan tunu thar duhawm tak, a fanu Lalrinawmi chuan a neih sak ta. Hlimkhawpui News Staff ten kan lawmpui takzet a ni e.

Guwahati-ah sawn : Pu R.Lalremsanga MCS, Damvea Sec. a mi chu tuna a thawhna Under Secretary Home atangin Guwahati Mizoram House ah Deputy Residencial Commissioner turin sawn a ni a, January thla tawp lam hian a zawm hman beisei a ni. Deputy Residencial Commissioner hi Laison Officer(L.O) tih \hin kha a ni.

Free Clinic : Jan. ni 5, 2013(Inrinni) hian Hlimen Bi- Centenary pualin Free Clinic YMA Hall-ah neih a ni a, Doctor (Specialist) leh Nurse engemawzat an rawn kal.
    Tin, he Free Clinic hi Tuikhuahtlangin Hlimen rama Thlanmual/ Recreation Centre hmun an rawn neih avanga lawmthu an rawn sawina a ni bawk.

Front :

BRANCH Y.M.A. KUMTHAR COMMITTEE THUCHHUAK

  
    January ni 4, 2013 (Zirtawpni) zan dar 6:30 khan YMA Hall ah Hlimen Branch YMA Kumthar Committee neih a ni a, thurel mipuite hriat atana pawimawh zualte :-
1.    Property Secretary chung chang : Kum 2013 chhunga Hlimen Branch YMA Property Secretary atan Tv. R.Lalrindika ruat a ni a, tin, Asst.Property Secretary atan Pu Lalremthanga ruat a ni bawk.
2.    Hlimkhawpui Editorial Board : Kum 2013 chhunga Hlimkhawpui Editorial Board hetiang hian ruat an ni :-
                 Editor    :    Pu Robuanga
            Jt.Editors    :    Pu Laltlankima
                              :    Tv. J.Vanlalbiakdika
     News Editors    :    Pu Lal\hakima
                              :    Nl. Lallawmkimi
                              :    Nl. Zochuanpuii
      Cir. Manager    :    Pu Vanlalliana
3.    Section chung chang : Section din leh nise tih a ni a, Section hming pawh a ngai rin leh nise tih a ni.
    January ni 18, 2013 zan dar 7:00 Section hruaitu thlanna neih nise, inthlan dan turah mi 6 thlanchhuah, thlanpuitu ten form nghal nise tih a ni.
    Branch Committee Member awmsa nilo Section Leader a thlan chu Branch Committee Member-ah dahluh nghal nise tih a ni.
    Tin, Section tina inthlanna hmun tur leh inthlanpuitu turte hetiang hi a ni :-
1)    Buala Section : Pu Hrangchhuana te In
    Thlanpuitu turte : Tv. R.Lalawmpui & Pu R.Lal\anpuia
2)    Damvea Section : Pu Duhthusama te In
    Thlanpuitu turte : Pu Robuanga & Pu V.Thanchhinga
3)    Kapdaia Section : Pu K.Lalmuankima te In
    Thlanpuitu turte : Pu Vanlaltluanga,  Pu R.Lalremsanga
                Pu Duhthusama
4)    Lalsavunga Section : Pu Lalremmawia te In
    Thlanpuitu turte : Pu Lalrinmawia & Pu Zoramhmangaiha
5)    Saichhuma Section : Nl. Lalroliani te In
    Thlanpuitu turte : Pu Lalhmuchhuaka, Pu Lalvulliana
                Tv. R.Lalrindika
6)    Vawmphunga Section : Pu R.Lalhmachhuana te In
    Thlanpuitu turte : Pu Lalthantluanga & Pu Lalrinchhana
        Inthlanna tur hmun buaipui leh \ul dang awm thei angte hi Section hruaitu \anglai ten hma lo la se tih a ni.
4.    YMA chanchinbu Agent : YMA Chanchinbu Agent atan Pu Zoramhmangaiha ruat a ni.
     Phek lina ah chhunzawm leh  a ni.

Page-2

Editorial :

HOTU NGE HRUAITU

    Kumtar 2013 kan lo chuankai ta der mai le.. Kumthar anih angin khawtlanga pawl/ Association hrang hrang te pawhin kum 2013 a kan pawl Hotu/Hruaitu te kan in ruat/thlang fel \an ta.  La ti fello pawl \henkhat chu an awm a, anni pawh hun rei lo teah an insiam rem turah ngai ila.
    Kum 2012 liam ta chhung khan hotu tur nge kan thlan hruaitu tur, chung mite chuan hotu hna nge an thawh hruaitu hna? Thlan loh dana pawl member te enkawltu an nih hian memberte tan mai nilo, khawtlang tan leh mahni tan ngei pawh mualphona thlentu anih theih tih hi hriat reng fo a \ha.
    Kum 2012 khan hotu hna nge i thawh hruaitu hna? Kum 2013, kumthar atan hruaitu tura thlan i nih chuan hruaitu hna thawh chu i tihtur diktak a ni. Tin, hotu tura thlan i nih chuan hotu hna chu thawk mai ang che.
    Issue hmasaah khan hruaitu nihna leh tihtur te, hotu tura thlan i nih chuan hotu tihtur leh nihna te chu tarlan a ni. Hetiangin:-
    1. Hruaitu chuan a memberte kawng a kawhhmuh a, a hruai mai \hin. Hotu erawh chuan a thuneihna hmangin member te a khalh \hin.
    2. Hruaitu chuan memberte rilru leh thâ a hmang thiam \hin. Hotu chuan a thuneihna a lek \hin.
    3. Hruaitu chuan ‘kan’ tih \awngkam hmangin member te a tichak a, Hotu chuan ‘ka’ tih hmangin amah a in dah lian \hin.
    4. Hruaitu chuan engtinnge ni ang tiin member te thurawn a la fova, hotu chuan engtinnge an tih ,a hre duh ringawt \hin.
    5. Hruaitu chuan thil \halo lai a \ul angin a siam rem \hin a, hotu erawh chuan thil\halo thleng \hin ah mawhpuh tur a zawng \hin.
    6. Hruaitu chuan tihtur awm apiang  chu member te hnenah ‘ i ti ang u’ tiin a hruai a, hotu ve thung chuan thu pe in ‘ti rawh u, kal rawh u’  tiin. Lal hrawtin Order takin  member te thu a p>  ringawt \hin.
    Kum 2013 chhung hian hruaitu atana thlan nge i nih hotu atana thlan ? HOTU  NGE HRUAITU ?

Ziaktute huang :

  KUM 2012 CHHUNGA HLIMEN A THIL THLENG LANGSAR ZUALTE :

    Jan. ni 17    :    Hemi zan hian Section tinah Section O.B. tur thlan a ni.
    Feb. ni 23    :    Hemi ni hian Hlimen Local Council inthlan neih a ni a, MNF-5, INC-1 leh ZNP-1 thlanchhuah an ni.
    March ni 6    :    Hemi zan hian Local Council, YMA, MHIP leh MUP Joint Meeting neih a ni a, Hlimen Kum 200 tlin (Bi-Centenary) lawm nise an ti.
    March ni 23    :    Hemi zan Hlimen Branch YMA Day vawi 66 na lawmna hun YMA Hall-ah hman a ni a. Pu Vanlalruata Gen.Secretary CYMA chuan kumpuan thupui a sawi.
    April ni 6    :    Salvation Army Hlimen Corps ten Biak In(Hall) an sak thar chu Col. Lalngaihawmi chuan a hawng.
    April ni 20    :    Matric Result tihchhuahah kan veng a\angin mi 35 zetin an Passed.
    May ni 1    :    HSSLC (CL-XII) result chhuakah kan veng a\angin mi 22 in an passed.
    June ni 9    :    Hemi ni zan Pu Zothantluanga (mazova) te In Saichhuma Sec. a mi chu a kang a, an chhungkaw tan hian YMA chuan pawisa leh bufai phal ang tawk tawk chhungtinah a khawn sak.
    June ni 15    :    YMA Day chu chhunlamah Thlanmual-II ah thlanlaihna tur Lane siamin hnatlang neih a ni a. Zan lamah YMA Hall-ah Function hmangin Section hrang hrangte Lengkhawm hla hmangin intihsiakna neih a ni.
    June ni 29    :    Khan PHE Chhimphei Site Office Pu Vanlalsiama In luah mek chu Er. H.Duhkima E.E. chuan a hawng.
    July ni 6    :    MHIP Day lawm niin vengchhung kawngpuidung phiatfaiin an Day hi an hmang a ni.
    Aug. ni 3    :    Hemi zan hian Hlimen Branch YMA chuan tleirawl kum 10-15 inkarte a kokhawm a. Heng mite fuihna thu sawi tur hian Dr. Eric Zomawia leh Pu R.Lalngheta Trea. CYMA te sawm an ni.
    Sept. ni 9    :    Electric Tranformer Damveng leh H/S Veng chawmtu 100 KVA chuan a zawh tawh loh avangin 250 KVA a thlak niin hnatlang a dah a ni.
    October     :    YMA in MP (RS) Pu Lalhmingliana Fund a\anga Thlanmual-I In sakna hmuh chu sak a ni.
    November    :    Local Council hmalakna in Central Workshop Quarter a\anga Field panna chu motor luh theih turin siam \an a ni.
    Nov. ni 23    :    He mi ni zingkar hian Local Council bul tumin Hlimen leh Melthum inri na-ah ramri chhinchhiahna phun a ni.
    Nov. ni 27    :    Hemi zan hian Local Council te leh Motor lian neitute an inhmukhawm a, Central Workshop chhak zawlah Motor park vek tawh nise tiin an rel.
    December    :    Branch YMA chuan vengchhunga mi harsa chhungkaw 6 hnenah \anpuina ` 2,000/- \heuh a pe.
    Dec. ni 12    :    Aizawl South-III tana Sialsuk a Volleyball Tournament buatsaihah kan Veng mipa leh hmeichhe Team an champion.
    Dec. ni 14    :    Hemi ni zingkar hian Hlimen kum 200 tlin lawmna Lungphun chu Pu K.Liantlinga MLA in a hawng.
    Dec. ni 14    :    Hemi zan hian kum 2013 Hlimen Branch  YMA hruaitu thlan a ni.
    Dec. ni 20    :    Hemi zan hian Facebook a Hlimen \halai fuankhawmna ‘Hlimkhawpui Lovers’ Member ten miharsa \anpui nana bawm an dawh a pawisa tlingkhawm ` 3,250/- chu \anpui tura an thlanchhuah hnenah an pe.

Page-3

Hriattirna :

               
Hriattirna leh ngenna
    RSBY List a tel si Health care Scheme a Registration la silo tan  Jan. ni 10, 2013 ralhma in RSBY List-ah chhungkaw Pâ ber hming awm leh awm loh en a Registration rawn ti thuai thuai tur in mipui ta kan in hriattira, Health Care Scheme i tih dawn in ` 30/- leh House No. leh ID Card ken tur tih kan inhriattir bawk e. Hun siam chhunga i nih loh chuan a tih theih tawh lo ang.
        In thawhpui,
        C. Lalhmingliani
        Hlimen, Health Clinic Staff

Section hruaitu inthlan
    Jan. ni 18, 2013(Zirtawp zan) zan dar 7:00 hian YMA Section hrang hrang ten 2013 Section hruaitu thlanna neih tur a ni.
    Hruaitu thlang tur Member ten fimkhur leh uluk takin hruaitu tur hi inthlan hmaa lo ngaihtuah lawk ni sela, Section leh khawtlang tana mi\ha kan neih ngei theihna turin member tin ten kan mawhphurhna hriain \hahnem ngai takin kal \heuh i tum ang u.

Kuang siam hnatlang
    Dec. ni 12, 2013( Inrinni) hian Branch Committee te Kuâng siam hnatlang neih tur a ni. A hmun atan YMA Hall a ni ang.

Kumpuan hmalak nan
    1. In luah tur i neih pawhin Mizoram ID Card nei chauh luah tir ang che.
    2. Huanlo ram hralh i tum a nih pawhin Mizo diktak, Khua leh tui a tana mi rintlak hnenah chauh hralh ang che.
    3. Sumdawng / Dawrkai i nih pawhin  hnamdang kutah engmah dah lo ang che.
    4. Ram leh hnam hunmhalh tur hian rinawmna a pawimawh hmasa fo tih hriain ruihlo zawrh te hi rinawm lohna a min siamtu leh ram leh hnam hmelma nihna a ni.
    5. Nungcha leh ramngaw te hi mihring tihlimtu leh hriselna petu an ni a, nungcha \ullova thah ringawt te, \ullova thing kih fo te hi hnam hmelmna nihna atling a ni. 

 Lawrkhawm :

Kumthar ruai
    Kumin kum 2013 kumthar lawmna chu kan lo hmang zo leh ta reng mai a. Vengchhunga kumthar ruai \heh dan leh senso hriat theih chin chu hetiang a ni:
1. Hlimen Damveng Kohhran    -    `    31,500/-
2. Salvation Army     -    `    8,315/-
3. Thlanmual    -    `    16,920/-  
4. Venglai    -    `    18,000/-  
5. Vengchhak    -    `    25,000/-  
6. Vengthlang    -    `    29,847/-
7. Huantlang    -    `    4,800/-
8. Workshop Veng    -    `    8,000/-
9. Quarry Veng    -    `    1,0200/-
10. Vengthar Kohhran    -    `    11,665/-  
11. Isua Krista Kohhran    -    `    15,400/-
12. Asembly Of God    -    `    3,500/-
13. Baptist    -    `    9,700/-
14. UPC Hlimen    -    `    5,315/-
    Aseembly Of God (AG),  te chuan kumin kumthar ruai an nawn a ni.

Medal la
    Tv. Zoramsanga, S/o Zoramhmangaiha Buala Sec. chuan Dec. ni 27-30, 2012 a Kerala-a All India PYKKA Championship neih zawh takah Below 63Kg Category, Teakwondo ah Gold Medal a la a. Tin, Nl. K. Lalrinpuii D/o Rângchhunga, Hlimen Teakwondo Club, CMC hminga khel, Salem veng chuan Bronze Medal a la bawk.

I fimkhur ang u
    1. HEATER:- Heater i hman zawhin off theihnghilh suh. Heater i hman laklawh laia current a tawp thut khan off zui nghal mai la,Current awm ve leh on leh zawk ang che, Heater off theihnghilh avanga kangmei tuar an tam tawh tih hria ang che.
    2. MOMBATI:- Mombati i chhitna tur ah khan fimkhur hle a ngai tih hria ang che. A bul hnaiah kang mai thei engmah dah suh. Mombati chhit fimkhur loh vanga thosi len kangkai ta mai te, a bul hnai thil kang thei dah avangtein midangten kangmei an tuar phah fo ani.
    MEITHUK / TAP MEI : Tunlaiin Gas harsatna vanga MEIHAWL thuk leh mei chhem lo thei lo kan tam hle.  I choka meichhemna te, i meihawl thuk hmanna bul hnaihah a kan kai theih tur turin engmah dah suh. Mitin ten kangmei laka kan him theih nan I FIMKHUR ANG U.

Page-4

Keimahni :

Hlimkhawpui budget
    Hlimkhawpui December thla Budget  pe tla tawhte:
1.    Vawmphunga Sec.    2. Buala Sec.
3.    Damvea Sec.    4. Kapdaia Sec.
5.    Saichhuma Sec.

Phekhma chhunzawmna
5.    Section Budget : Hetiang hian Section Budget ruahman a ni :
1. Damvea Sec.    -    `    3,000/-
2. Saichhuma Sec.    -    `    3,000/-
3. Buala Sec.    -    `    3,000/-
4. Kapdaia Sec.    -    `    3,000/-
5. Vawmphunga Sec.    -    `    2,500/-
6. Lalsavunga Sec.    -    `    2,000/-
                       Total    -    `    16,500/-

6.    Bungraw hawhman chung chang : Bungrua hawhman hetiang hian siamthar a ni.
1) Thleng pakhat pawisa 50/-
2) Dekchi pakhat ` 30/-
3) P.A. Set ` 100/-
4) Gas Stove pakhat ` 100/-
5) Kawrchei hak khat ` 50/-

7.    Hall hawh man : Hall hawh man atan ` 200 nise. Local Council, MUP, MHIP te chu man chawi a ngai lovang tih a ni.

8.    Sum Audit chung chang : Branch hnuaia sum vawn hrang hrangte kumtawp remchangah Audit nise tih a ni.

9.    Budget Estimate : Kum 2013 Budget Estimate atan ` 200,000/- ruahman chu pawm a ni.

10.    Chhiatni Fund chung chang : Kumin chhungin Chhiatni Fund khawn leh nise tih a ni a, lo buaipui turin Branch O.B te leh Section hruaitute ruat an ni.

11.    Hall hman dilna : Hlimen Presby. Kohhran in YMA Hall Senior Deptt. kumin chhunga inkhawm nan an dil chu phalsak a ni.

12.    Kuang siam hnatlang : Jan. ni 12, 2013 (Inrinni) hian YMA Hall-ah Branch Committee ten kuang siam hnatlang neih nise tih a ni.

13.    Committee na a sum kenkhawm : Kumtawp a mi harsa \anpuina turin Committee na-ah Member ten phal ang tawk tawk kenkhawm \hin nise, bawm hun tur hi Pu V.Thanchhinga kutah awmse tih a ni.

14.    Folding khum lei chung chang : Emergency a hman atan Folding khum remchang hmasa-ah pahnih lei nise tih a ni.
 

Chhiartute ngaihdan :

@@    Sawrkar leh khawtlang hruaitu ten dan dinglai angin rankhuahkhirh a ni a, a bikin ui leh ar chhuah phalloh a nih laiin keini veng chhung bikah hian kan la chhuah tam emm em mai a, a \henin chhunah kan thlung a, zanah kan chhuah leh mai \hin a. Zanah pawh chhuah khap tlat a ni tih hriat thar a \ha khawp mai.
    Tin, ui kaihchhuah a mi Compoundah te, khawlai fai laiah te ek tir mai kan ching fo mai hi sim a va \ha em. Mahni Compound-ah ek tir a, thiar leh mai nise ava \ha em.
- Mapuia, Vengchhak.

Chawhchawrawi :

KUM 2012 CHHUNGA KAN THEN TAKTE :-

    Hming    Thihni    

1.    Pu R.Laltlanthanga, Vawmphunga Sec.    Jan.  4
    S/o Upa Rokunga(L)
2.    Tv. Lalnunpuia, Saichhuma Sec.    Jan.  21
    S/o Rozuala
3.    Nl. Vanlalhruaii, Kapdaia Sec.    Jan.  25
    D/o Engzami
4.    Tv. Lalbiaknunga, Buala Sec.    Jan.  27
    C/o C.Rozama
5.    Pu Sib Lala, Buala Sec.    Feb.  4
    H/o |huamliani
6.    Pu Zonundanga, Damvea Sec.    Feb.  20
    H/o Lalbiakveli
7.    Linda Lalhmangaihzuali, Damvea Sec.    Mar.  16
    D/o Lalrindika
8.    Pi Zaitawni, Vawmphunga Sec.    April  24
    W/o Thankhuma(L)
9.    Pi Lalbiaktluangi, Saichhuma Sec.    May  6
    W/o L.S.Khuala(L)
10.    Remsangpuia, Buala Sec.    May  21
    S/o Ramnghakmawia
11.    Tv. Lalmalsawma, Damvea Sec.    June  18
    S/o R.Hranga
12.    Pu Thangchungnunga, Saichhuma Sec.    June  21
    H/o Zopari
13.    Pu Tlangchhana, Saichhuma Sec.    July  18
    H/o Zalenmawii
14.    Nl. Lalthanpari, Saichhuma Sec.    Aug.  24
    D/o Lalkhuma(L)
15.    Pi Lalrinpuii, Saichhuma Sec.    Sept. 4
    W/o Zothantluanga
16.    Pu A.Lalhmangaiha, Damvea Sec.    Sept. 21
    H/o Lalhmangaihzuali
17.    Pu Thangphuta, Kapdaia Sec.    Oct. 4
    H/o Sawichhungi(L)
18.    Pu C.Zosangliana, Damvea Sec.    Oct. 14
    H/o Lalrammawii
19.    Tv. Ramdingliana, Saichhuma Sec.    Oct. 28
    S/o Lalsangpuii
20.    Pu Zoengmawia, Saichhuma Sec.    Dec. 26
    S/o Palala(L)
    Heng bakah hian Hlamzuih pathum an awm bawk.